လူမှန်နေရာမှန် တိုက်ပွဲဝင်ကြပါ၊ ဒီမိုကရေစီအောင်ပွဲ ရကိုရရမည်

၂၉ မေ ၂၀၀၉
line


အာဏာရှင် နအဖခေါင်းဆောင် ဗိုလ်ချုပ်မှူးကြီးသန်းရွှေ၊ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်၊ ပြည်ပရောက် အစိုးရ၀န်ကြီးချုပ် ဒေါက်တာစိန်ဝင်း စသည်တို့သည် မြန်မာပြည် ဒီမိုကရေစီစနစ်သို့ ပြောင်းလဲရေးအတွက် အပြန်အလှန် နိုင်ငံရေးတိုက်ပွဲ ဆင်နွှဲနေကြသော ရှေ့တန်းမှ ခေါင်းဆောင်များ ဖြစ်ကြသည်။ ရန်သူစစ်အုပ်စုအား ပြည်တွင်းပြည်ပမှ ညှပ်ပူးညှပ်ပိတ် တိုက်ပွဲဝင်ရန်အတွက် ပြည်တွင်းမှ မတိုက်နိုင်သော နိုင်ငံရေးတိုက်ကွက်များကို ပြည်ပအတိုက်အခံအဖွဲ့များမှ တိုက်ပွဲဝင်ရန် လိုအပ်ပါသည်။

အမျိုးသားဒီမိုကရေစီအဖွဲ့ချုပ်သည် ရန်သူ၏ စစ်ဖိနပ်အောက်တွင် ရှိနေ၍ တိုက်ပွဲကို ထင်သလိုမတိုက်နိုင်ဘဲ ရန်သူအား အမျိုးသားပြန်လည်သင့်မြတ်ရေး တောင်းဆိုမှုအဆင့်ကိုသာ လုပ်နိုင်ပါသည်။ ၁၉၉၀ ပြည့်နှစ် အထွေထွေရွေးကောက်ပွဲတွင် ကိုယ်စားလှယ်နေရာပေါင်း (၈၂) ရာခိုင်နှုန်းဖြင့် အနိုင်ရရှိထားသော အဖွဲ့ဖြစ်၍ အစိုးရတရပ် ဖွဲ့နိုင်ပါသည်။ သို့သော် မြန်မာ့နိုင်ငံရေးတွင် စစ်တပ်က ဖယ်မပေးသဖြင့် ဒီမိုကရေစီကူးပြောင်းရာတွင် အမျိုးသားပြန်လည်သင့်မြတ်ရေးကသာ နိုင်ငံတော် တည်ငြိမ်အေးချမ်း သာယာမှုရှိမည်ဟု အမျိုးသားဒီမိုကရေစီ အဖွဲ့ချုပ်က ယုံကြည်လက်ခံထားပါသည်။

အရှေ့တောင်အာရှ အိမ်နီးချင်းနိုင်ငံဖြစ်သော ကမ္ဘောဒီးယားတွင် ဟွန်ဆန်အုပ်စု၊ ပိုပေါ့အုပ်စု၊ သီဟာနုအုပ်စုတို့က အာဏာလုရာတွင် ကမ္ဘောဒီးယာပြည်သူ နှစ်သန်းမျှ သေဆုံးခဲ့သည့်အပြင် တိုင်းပြည်လည်း မွဲပြာကျခဲ့သည်ကို NLD က နမူနာယူသည်ဟု ထင်ပါသည်။ ထို့ကြောင့် အမျိုးသားဒီမိုကရေစီအဖွဲ့ချုပ်မှ ဒီမိုကရေစီကူးပြောင်းရာတွင် အမျိုးသား ပြန်လည်သင့်မြတ်ရေးကသာ ငြိမ်းချမ်းသော နည်းလမ်းဖြစ်သည်ဟု ယုံကြည်သည့်အတိုင်း ယနေ့အထိ နအဖအစိုးရကို ဒေါ်အောင်ဆန်းစုကြည်နှင့် တွေ့ဆုံဆွေးနွေးရေးကို NLD ခေါင်းဆောင်များနှင့် ကမ္ဘာ့ခေါင်းဆောင် များတို့က တစိုက်မတ်မတ် တောင်းဆိုနေကြသည်။

အမျိုးသားပြန်လည်သင့်မြတ်ရေး စင်မြင့်သို့ နအဖတက်လာရန် ဆယ်စုနှစ် နှစ်ခုအထိ ခေါ်ဆောင်နေသော်လည်း မအောင်မြင်ဘဲ ရှိနေသည်မှာ နအဖကို ဖိအားပေးရာတွင် အလွန်မှ အားပျော့နေ၍ ဖြစ်ပါသည်။ နိုင်ငံရေးတွင် နအဖက နေရာတိုင်းတွင် အထက်စီးရနေပါသည်။ ဥပမာ ကုလသမဂ္ဂတွင် နအဖကသာ ပြောရေးဆိုခွင့်ရရှိ ထားခြင်း၊ အိမ်နီး နားချင်းဖြစ်သော အင်အားကြီး တရုတ်၊ အိန္ဒိယတို့က စီးပွားရေးအရ ထောက်ခံနေခြင်း၊ တိုင်းရင်းသားလက်နက် ကိုင်များနှင့်လည်း အပစ်အခတ်ရပ်စဲရေးကို ထိန်းသိမ်းထားနိုင်ခြင်း စသည်တို့ ပါဝင်သည်။

အတိုက်အခံအင်အားစုဖြစ်သည့် NCGUB အစိုးရမှာလည်း အင်အားချည့်နဲ့နေ၍ စစ်အစိုးရက အလေးမထား၊ နိုင်ငံတကာအစိုးရများ၏ ထောက်ခံမှုလည်း အပြည့်အ၀မရရှိဘဲ ရှိနေသည်။ သို့ဖြစ်၍ NCGUB အင်အားတောင့်တင်းရန် တိုင်းရင်းသားလူမျိုးများဖြင့် တိုးချဲ့ဖွဲ့စည်းသွားမည်ဟု ၂၀၀၈၊ ဖေဖော်ဝါရီလ (၉) ရက်နေ့မှ (၁၂) ရက်နေ့အထိ ထိုင်း-မြန်မာနယ်စပ် တနေရာမှ MP များ ကွန်ဖရင့်တွင် မူအားဖြင့် ချမှတ်ခဲ့ပြီးဖြစ်သည်။ အကယ်၍ NCGUB အစိုးရကို တိုင်းရင်းသားများနှင့် တိုးချဲ့နိုင်ခဲ့လျှင် အင်အားကောင်းသော အစိုးရလည်းဖြစ်လာပြီး ကမ္ဘာ့အလယ်တွင် နအဖနှင့် နင်လားငါလား ပြောဆိုခွင့်ရှိလာမည်။

အိုင်ယာလန်နိုင်ငံ၊ ဒဗ္ဗလင်မြို့တွင် MPU ကွန်ဖရင့်ကို ၂၀၀၉၊ ဇန်န၀ါရီလ (၂၀) ရက်နေ့မှ (၂၇) ရက်နေ့အထိ ကျင်းပခဲ့ရာတွင် NCGUB နှင့် တိုင်းရင်းသားများ၊ ဒီမိုကရေစီခေါင်းဆောင်များတို့နှင့် တိုးချဲ့ဖွဲ့စည်းရန် ထပ်မံအတည်ပြုခဲ့ပြန်သည်။ NCGUB အစိုးရတိုးချဲ့ရေးအတွက် လုပ်ငန်းကော်မတီအဖွဲ့ ဖွဲ့စည်းခဲ့ရာတွင် အနောက်ဘက်ဒေသအတွက် MPU မှ ဒေါက်တာတင့်ဆွေ၊ ဦးထန်လျန်းပေါင်တို့ကို တာဝန်ယူစေပြီး အရှေ့ဘက်ခြမ်းတွင် ဦးခွန်မြင့်ထွန်း၊ ဦးမောင်မောင်အေး၊ ဦးပီတာလင်းပင်တို့ကို တာဝန်ယူစေခဲ့သည်။ လုပ်ငန်းမြန်ဆန်ရေးအတွက် MPU မှ တာဝန်ခံ (၅) ဦးနှင့် NCUB အဖွဲ့ဝင် (၅) ဦးတို့ကို တာဝန်ပေးအပ်ခဲ့သဖြင့် လုပ်ငန်းကော်မတီတွင် စုစုပေါင်း (၁၀) ဦးဖြစ်သည်။ ယနေ့တွင် ယင်းလုပ်ငန်းကော်မတီသည် NCGUB နှင့် တိုင်းရင်းသားတိုးချဲ့ရေးအတွက် အစွမ်းကုန် ကြိုးပမ်းနေသည်ကို တွေ့ရသဖြင့် ကျွန်ုပ်တို့ များစွာအားရမိပါသည်။

NCGUB အစိုးရကို တိုးချဲ့ရာတွင် အချို့တိုင်းရင်းသားအဖွဲ့များကဆိုလျှင် NCGUB အစိုးရအမည်ကို ဖျက်သိမ်းပြီး အမည်အသစ်ဖြစ်သော အစိုးရအဖွဲ့ (ဖက်ဒရယ်အစိုးရဟု) ပြောင်းလိုဟန်ရှိသည်။ တိုင်းရင်းသားအဖွဲ့ဆိုသည်မှာ နယ်မြေနှင့် လူထုထောက်ခံမှုရှိသော အဖွဲ့ကို ဆိုလိုသည်။ အစည်းအဝေးတခုတွင် ဦးဘိုလှတင့် (၀န်ကြီး) က နာမည်ပြောင်းတာ ခက်ခဲသည့် ကိစ္စမဟုတ်၊ ဖက်ဒရယ်ဖွဲ့စည်းပုံ အခြေခံဥပဒေလည်း ရှိနေပြီးဖြစ်၍ အခြေအနေတခုခု ရောက်သည်နှင့် အဖွဲ့ဝင်များ ဆုံးဖြတ်ချက်ဖြင့် အမည်ပြောင်းလိုက်ရုံသာရှိသည်။

အမျိုးသားညွန့်ပေါင်းအစိုးရသည် MP ကွန်ဖရင့်မှ ရွေးချယ်ထားသော ပြည်သူ့ကိုယ်စားလှယ်များနှင့် ဖွဲ့စည်းထားသော အဖွဲ့ဖြစ်၍ ပြည်သူ့ထံမှ (Mandate) ရရှိထားသော အစိုးရဖြစ်သည်။ နယ်မြေရှိသော တိုင်းရင်းသားလူမျိုးစုများနှင့် ပူးပေါင်းပြီးနောက် အင်အားကောင်းသော အစိုးရတရပ်ဖြစ်လာပြီးဖြစ်၍ ကမ္ဘာ့ခေါင်းဆောင်များကြားတွင် ထည်ထည်ဝါ၀ါနှင့် နေရာဝင်ယူနိုင်ပါသည်။ နိုင်ငံတကာအစိုးရများကို သွားရောက်စည်းရုံးနိုင်သည့်အပြင် ကုလသမဂ္ဂတွင် စစ်အစိုးရသံအမတ်ကို ဖယ်ရှားပြီး ယင်းနေရာတွင် မိမိတို့ တရားဝင်အစိုးရအဖြစ် နေရာရယူနိုင်သည်။ ကုလသမဂ္ဂထိုင်ခုံမှ မြန်မာသံအမတ်ဖယ်ရှားရေး
(Credential Challenges) လိုမျိုး NLD က လုပ်နိုင်မည်မဟုတ်၊ NCGUB ကသာ လုပ်နိုင်မည်ဖြစ်၍ CC နှင့် တိုက်ပွဲဝင်ရန် NCGUB က မဖြစ်မနေ ဆောင်ရွက်သင့်သည်။

ကမ္ဘာ့ကုလသမဂ္ဂထိုင်ခုံမှ မြန်မာသံအမတ် ဖယ်ရှားရေး (CC) တိုက်ပွဲမအောင်မြင်နိုင်ဟု စိုးရိမ်သူများရှိသကဲ့သို့ အောင်မြင်ရန်ရှိသည်ဟု ဆိုသူလည်းရှိသည်။ နိုင်ငံရေးတိုက်ကွက်တခုအဖြစ် မနိုင်သေးတာဘဲရှိသည်။ ရှုံးသွားသည်ဟူ၍တော့ မရှိနိုင်။ မိမိတို့တင်လိုက်သော CC လျှောက်လွှာကို CC ကော်မတီက လက်ခံလိုက်သည်နှင့် အထွေထွေညီလာခံ၌ ကမ္ဘာ့ခေါင်းဆောင်များကြားတွင် မြန်မာ့အရေး ပွက်လောရိုက်ကုန်ကြမည်ဖြစ်သည်။

ရွှေဝါရောင်တော်လှန်ရေးတွင် ရဟန်းသံဃာတော်များ ဖမ်းဆီးထောင်ချခြင်းနှင့် နာဂစ်မုန်တိုင်းကာလတွင် ပြည်သူတို့ဒုက္ခအရေးထက် အာဏာတည်မြဲရေးအတွက် ၎င်းတို့ရေးဆွဲထားသော အခြေခံဥပဒေ အတည်ပြုရေးကိုသာ ဦးစားပေးဆောင်ရွက်နေခြင်းကို တွေ့မြင်ရသော နိုင်ငံတကာအစိုးရ ခေါင်းဆောင်များတို့က စစ်အစိုးရကို စိတ်ကုန်နေကြသည်။ မည်သို့လုပ်မှ စစ်အစိုးရ ပြောင်းလဲလာမည်လဲ၊ အမေရိကန်နိုင်ငံက ကုန်သွယ်ရေးပိတ်ဆို့မှု (Sanction) လုပ်ခဲ့သော်လည်း ထင်သလောက် ခရီးမပေါက်ခဲ့ပေ။ ထို့ကြောင့် မြန်မာ့အရေး ကမ္ဘာ့ခေါင်းဆောင်များ ကြားတွင် ငြင်းခုံမှု ဆူညံစေပြီး ပိုမိုထင်ပေါ်လာစေရန် CC အား တင်ကိုတင်ရမည်ဟု ယူဆသူက များသည်။

အထွေထွေညီလာခံတွင် မြန်မာ့နိုင်ငံရေးနှင့် ပတ်သက်၍ နအဖစစ်အစိုးရအား ကန့်ကွက်သည့် နိုင်ငံ နှစ်စဉ်တိုးလာ နေသည်။ ၂၀၀၈ ခုနှစ်တွင် စစ်အစိုးရကို ထောက်ခံမဲ (၂၈) မဲ၊ ကြားနေမဲ (၆၃) မဲ၊ ကန့်ကွက်မဲ (၈၉) မဲ ရှိနေသည်ကို ကြည့်ခြင်းဖြင့် CC တိုက်ပွဲသည် မုချအောင်မြင်မည်ဟု ယုံကြည်နေကြသည်။ CC ကို ဆက်လက်တိုက်ပွဲဝင်ရန် ပြည်တွင်းရှိ ပြည်သူ့လွှတ်တော်ကိုယ်စားလှယ်များ၊ UNA အဖွဲ့၊ ဥရောပ-ဘားမား ဖိုရမ်အဖွဲ့၊ MPU အဖွဲ့၊ NCUB အဖွဲ့၊ ပြည်ပရောက် နိုင်ငံရေးအဖွဲ့ပေါင်းများစွာနှင့် လူပုဂ္ဂိုလ်များစွာတို့က MPU သို့ အီးမေးလ်ဖြင့် ပေးပို့ကြသော ထောက်ခံစာများ များစွာရရှိပါသည်။

၂၀၀၉ ခုနှစ်အတွင်းတွင် စစ်အစိုးရအား CC နှင့် တိုက်ပွဲဝင်ရန် ၂၀၀၉ ခုနှစ်၊ ဧပြီလ (၁) ရက်နေ့မှ (၂) ရက်နေ့အထိ ထိုင်း-မြန်မာ နယ်စပ်တနေရာတွင် ကျင်းပသော SCC အစည်းအဝေးတွင်လည်း ခေါင်းဆောင်များတို့က တင်ပြဆွေးနွေးကြပါသည်။ CC တိုက်ပွဲနှင့်ပတ်သက်၍ တိုက်ပွဲဝင်နိုင်ရေးအတွက် NCUB မှ ကမကထပြုပြီး Campaign ပြုလုပ်ပေးပါရန် အားလုံးသဘောတူကြသည်။ ထို့ကြောင့် NCUB ဦးဆောင်ပြီး အဖွဲ့ပေါင်းစုံပါဝင်သော CC Campaign ကို (၂၇၊ ၄၊ ၂၀၀၉) ရက်နေ့တွင် ပြုလုပ်နိုင်ခဲ့သည်။ သို့ဖြစ်၍ NCGUB အနေဖြင့် CC သည် အများဆန္ဒဖြစ်၍ မှားသည်ဖြစ်စေ၊ မှန်သည်ဖြစ်စေ တာဝန်မရှိပါ။ CC ကို မဆောင်ရွက်ခြင်းသာလျှင် NCGUB တွင် တာဝန်ရှိသည်။

စစ်အစိုးရအား နောက်ထပ်တိုက်ကွက်တခုနှင့် ထပ်မံတိုက်ပွဲဝင်နိုင်ရန် မြန်မာနိုင်ငံရှေ့နေများကောင်စီ (BLC) မှ ဥက္ကဋ္ဌ ဦးသိန်းဦး၊ အထွေထွေအတွင်းရေးမှူး ဦးအောင်ထူးတို့က ဦးဆောင်ပြီး နိုင်ငံတကာရာဇ၀တ်မှုခုံရုံး (ICC) တွင် စစ်အစိုးရခေါင်းဆောင်များကို တရားစွဲဆိုနိုင်ရန် မေလ (၄) ရက်နေ့မှ (၆) ရက်နေ့အထိ ဘန်ကောက်မြို့ Winsaa Hotel တွင် Camping ပြုလုပ်ရာ၌ နိုင်ငံရေးအဖွဲ့များမှ ခေါင်းဆောင်များနှင့် နိုင်ငံတကာမှ ဥပဒေပညာရှင်များ၊ NGO အဖွဲ့ဝင်များ AIPMC မှ ဥက္ကဋ္ဌနှင့် အတွင်းရေးမှူးများ၊ လူတရာနီးပါး တက်ရောက်ပါသည်။

MPU အဖွဲ့မှ နှစ်ယောက်တက်ခွင့်ရသဖြင့် ယင်း Camping တွင် ကျွန်ုပ်လည်း ပါဝင်တက်ရောက်ခဲ့ပါသည်။ ယင်း Camping တွင် နိုင်ငံတကာရှေ့နေများတို့က စစ်အုပ်စုမှ လူသားဖြစ်မှုကို ဆန့်ကျင်သည့် ရာဇ၀တ်ပြစ်မှု (Crimes Against Humanity) ကို ကျူးလွန်ပါလျက်နှင့် ပြစ်ဒဏ်မှ ကင်းလွတ်နေသည်မှာ တရားမျှတမှုမရှိဟု တင်ပြကြပြီး စစ်အစိုးရ ကျူးလွန်ခဲ့သော ပြစ်မှုများကို စနစ်တကျစုစည်းပြီး ICC ကို မဖြစ်မနေတင်ကြရန် တက်ရောက်လာသော ခေါင်းဆောင်များအားလုံး သဘောတူကြသည်။

စစ်အာဏာရှင်ခေါင်းဆောင်တိုင်းသည် ICC တွင် တရားစွဲဆိုခံရပြီဆိုလျှင် ရှေ့ပြေးနိမိတ်အဖြစ် ကျဆုံးချိန်တန်ပြီဟု အချက်ပြလိုက်သည်နှင့် တူနေသည်။ ကမ္ဘာ့အလယ်တွင်လည်း လူဆိုးစာရင်းဝင် ပုဂ္ဂိုလ်တဦးအဖြစ် နာမည်ကြီး ကျော်ကြားလာတော့မည်။ ထို့ကြောင့် ICC သည် ဗိုလ်ချုပ်မှူးကြီးသန်းရွှေကို ကြောက်ရွံ့တုန်လှုပ်စေသော လက်နက်ဖြစ်သည်။ ICC တွင် စစ်အုပ်စုကို တရားစွဲရန် ဦးဆောင်နေသော ဦးအောင်ထူးကို မြန်မာ့သံရုံးမှ ၀ရမ်းထုတ်ပြီး ဖမ်းရန် အကြံရှိခဲ့သော်လည်း ထိုင်းအစိုးရက ခွင့်မပြုသဖြင့် စစ်အစိုးရ အကြံပျက်ရသည်။

စစ်အစိုးရ၏ အားနည်းချက်များကို ရှာဖွေပြီး မီဒီယာဖြင့် ဖော်ပြခြင်းသည် ဒီမိုကရေစီအဖွဲ့များတို့၏ တာဝန်ဖြစ်သည်။ စင်ပြိုင်အစိုးရ NCGUB အားကောင်းလာစေရန်၊ ပြည်သူ့လွှတ်တော်ကိုယ်စားလှယ်များအဖွဲ့ MPU ၏ တာဝန်ဖြစ်သည်။ နိုင်ငံတကာအစိုးရများကို ချဉ်းကပ်စည်းရုံးရန်နှင့် မြန်မာ့သံအမတ်ကို ကုလသမဂ္ဂမှ ဖယ်ရှားရန် CC ကို လုပ်ဆောင်ရေးသည် NCGUB အစိုးရ၏ တာဝန်ဖြစ်သည် (NCGUB သည်သာလျှင် CC ကို လုပ်ပိုင်ခွင့်ရှိသောအဖွဲ့ ဖြစ်သည်)။

စစ်အစိုးရခေါင်းဆောင်များကို ကမ္ဘာ့တရားခုံရုံးသို့ပို့ရန် မြန်မာနိုင်ငံရှေ့နေများကောင်စီ BLC ၏ တာဝန်ဖြစ်သည်။ (ဥပမာ ။ ။ AIPMC နှင့် MPU အဖွဲ့တို့ ထိတွေ့ဆက်စပ်တာမျိုး) အဖွဲ့အားလုံး၏ လုပ်ငန်း လျင်မြန်ချောမွေ့ရေးအတွက် အမျိုးသားကောင်စီ NCUB က ကူညီပံ့ပိုးရန် တာဝန်ဖြစ်သည်။ နအဖ စစ်အစိုးရကို အမျိုးသားပြန်လည်သင့်မြတ်ရေး စင်မြင့်ပေါ်သို့တက်ရန် ခေါ်ခြင်းသည် ပြည်ပရောက် အတိုက်အခံအဖွဲ့များ၏ လုပ်ငန်းတာဝန် မဟုတ်ပါ။ CRPP အဖွဲ့နှင့် အမျိုးသားဒီမိုကရေစီအဖွဲ့ချုပ်တို့၏ တာဝန်သာဖြစ်သည်။ သို့ဖြစ်၍ ကျွန်ုပ်တို့ဘက်က စစ်အစိုးရကို (Pressure) ဖိအားပေး တိုက်ပွဲဝင်ရန်သာ လိုအပ်သည်။

ဒီမိုကရေစီဘက်တော်သားအပေါင်းတို့ ပြည်သူ့ဒုက္ခကိုသာ ကြည့်၍ အတ္တ၊ မာနကို နောက်မှာထားကာ ကိုယ့်နေရာနှင့် ကိုယ်၊ ကိုယ့်တာဝန်နှင့် ကိုယ်၊ လူမှန် နေရာမှန် တာဝန်သိသိ တိုက်ပွဲဝင်ခြင်းဖြင့် ကျွန်ုပ်တို့ အောင်ပွဲ ရကိုရမည်ဖြစ်ကြောင်း တင်ပြလိုက်ရပါသည်။ ။
ခေတ်ပြိုင်မှတင်ပြသည်။