Wednesday, December 30, 2009

တစ်ယောက်တော့ရှိတယ်






ဘယ်နေရာမဆို ဘယ်သူ့ထံမဆို

မင်းကို ဖိတ်မန္တက မပြုဘဲ မင်းရောက်သွားခဲ့ရင်

တချို့က မင်းကို ၀င်ခွင့်ပြုမှာမဟုတ်။ တချို့က ခွင့်ပြုသော်လည်း သိပ်ဝမ်းသာကြမှာမဟုတ်ဘူး။

ဝမ်းသာသော်လည်း ထာဝရ၀မ်းမသာနိုင်ကြပါဘူး။

သို့သော် . . . မဖိတ်ခေါ်ဘဲ ရောက်လာတဲ့မင်းကို

အမြဲထာဝရ ၀မ်းသာစွာ ကြိုဆိုနေမယ့်သူ တစ်ယောက်တော့ရှိတယ်။

ဘယ်နေရာမဆို ဘယ်သူ့ထံမဆို . . .

မင်းဘာအလုပ်မှ မလုပ်ဘဲ အငြိမ့်သား ထိုင်စားနေရင်

တချို့က မင်းကို ဆူဆဲမယ်၊ တချို့က မင်းကို နှင်ထုတ်မယ်။

သို့သော် . . . မင်းကို ဆူဆဲခြင်း၊ နှင်ထုတ်ခြင်းမရှိဘဲ အမြဲကျွေးမွေးနေမယ့်သူ တစ်ယောက်တော့ရှိတယ်။

ဘယ်နေရာမဆို ဘယ်သူ့ထံမဆို . . .

မင်းသူတို့အပေါ် ကျင်ကြီး ကျင်ငယ်တွေ အန်ဖတ်တွေ စွန့်မိခဲ့ရင်

သူတို့ရွံရှာပြီး မင်းကို ပထုတ်ပစ်မှာပဲ။

သို့သော်. . . မင်းကို စေတနာနဲ့ သန့်စင်ပေးပြီး ပ မထုတ်တဲ့သူ တစ်ယောက်တော့ရှိတယ်။

ဘယ်နေရာမဆို ဘယ်သူ့ထံမဆို . . .

မင်းက ဒေါသူပုန်ထပြီး ထွက်ခွာသွားရင်

လူအချို့က မင်းကို “ထွက်သွား ထွက်သွား . . . ဝေးလေ ကောင်းလေ”လို့ ပြောမှာ။

သို့သော် . . . မင်းကို မသွားချင်တဲ့သူ မင်းကို လိုက်ချော့မော့ခေါ်မယ့်သူ တစ်ယောက်တော့ရှိတယ်။

ဘယ်နေရာမဆို ဘယ်သူ့ထံမဆို . . .

မင်းသူများအပေါ် မိုက်မဲရူးရဲစွာ ဆက်ဆံခဲ့ရင်

သူများက မင်းကို ခွင့်မလွတ်ဘဲ တုန့်ပြန်မယ်။

သို့သော် . . . မင်းကို ထာဝရ ခွင့်လွတ်ပြီး တုန့်ပြန်ခြင်း ကင်းသူ တစ်ယောက်တော့ရှိတယ်။

ဘယ်နေရာမဆို ဘယ်သူ့ထံမဆို . . .

မင်းသူတို့ကို မြတ်မြတ်နိုးနိုး အလိုလိုက်ခဲ့ရင်

တချို့က မင်းကို ပြန်မြတ်နိုးပြီး အလိုလိုက်နိုင်တယ်။

တချို့ကတော့ မင်းကို စိမ်းကားပြီး Shift နှိပ်ပြီး Delete လုပ်ပစ်မယ်။

သို့သော် . . . မင်းသူ့ကို မြတ်နိုးသည်ဖြစ်စေ မမြတ်နိုးသည်ဖြစ်စေ

မင်းသူ့ကို အလိုလိုက်သည်ဖြစ်စေ မလိုက်သည်ဖြစ်စေ

မင်းကို အစဉ်ထာဝရ ချစ်မြတ်နိုးနေပြီး ဇိဝှိန်ချုပ်တဲ့အထိ အလိုလိုက်နေမယ့်သူ တစ်ယောက်တော့ရှိတယ်။

အဲဒီသူက ဘယ်သူလို့ မင်းထင်သလဲ . . . ?

“အမေ”ကလွဲပြီး ဘယ်သူဖြစ်နိုင်ဦးမှာလဲ . . . ?

(၃၀၊ ၁၂၊ ၂၀၀၉) ၁၃၇၁ ခု၊ “ပြာသိုလပြည့် အမေနေ့”ကို ဂုဏ်ပြုလျက်။

တောင်တန်းသာသနာပြုဆရာတော်

အရှင်သုခမိန္ဒ (စ၀်ဆုခမ်း တန့်ယန်း)


အပြည့်အစုံဖတ်ချင်ရင်...

Wednesday, December 23, 2009

အမှန်တရားသည် သေဒဏ်နှင့်အမိမြန်မာပြည်



မြန်မာပြည်ကြီး၏ ကံကြမ္မာသည် အသက်ထွက်ခါနီးလူမမာတစ်ယောက်ပမာ ဖုတ်လှိုက်ဖုတ်လှိုက် အခြေအနေ၊ လူတိုင်းရင်မှာတော့ သောကအထွေထွေနဲ့ ၂၀၁၀ သေတမ်းစာကို လည်ပင်းမှာကိုယ်စီဆွဲထားခြင်းကိုခံနေကြရပြီ၊ ထမင်းရေတစ်ခွက်ကို နတ်သုဒ္ဓါလိုထင်မှတ်ကာ သောက်ဖို့ချောင်းနေကြတဲ့ သူတောင်းစားခွက်ပျောက်တွေကလဲ အလျှိုလျှိုပေါ်ထွက်နေကြ၊ ဘယ်မှာလဲ ငါတို့မြန်မာပြည်၊ ဘယ်မှာလဲ ငါတို့ အဖိုးအဖွားအမွေ၊ ဘယ်မှာလဲ ငါတို့ မြန်မာ၊ ဘယ်မှာလဲ ငါတို့ရဲ့ မွေးရာပါအခွင့်အရေးတွေ ဆုံးရှုံး ဆုံးရှုံး ဆုံးရှုံးခြင်းများစွာနဲ့……….။

ဒီလိုပြော ဒီလိုမောရင်း ငါတို့ရဲ့ တန်ဘိုးရှိတဲ့ဘ၀တွေကိုအဆုံးသတ်ခံကြတော့မလား၊ငါတို့ဟာ ငတုံးငညံ့တွေအဖြစ် ငါတို့ရဲ့ သားစဉ်မျိုးဆက်တွေအတွက် ချန်ထားရစ်ခဲ့ကြတော့မလား၊ ဘာတစ်ခုမှ စွမ်းဆောင်နိုင်စွမ်းမရှိကြတော့တဲ့ လူသားတွေအဖြစ် မိမိကိုယ်မိမိ သတ်မှတ်လိုက်ကြပြီလား၊ မကောင်းမှန်းလဲသိတယ်၊ မဖြစ်သင့်မှန်းလဲသိတယ်၊ မကြိုက်လဲလုပ် ကြိုက်လဲလုပ်ဆိုတဲ့ တရားမျှတမှု ကင်းမဲ့တဲ့ မတရားတဲ့ အမိန့်အာဏာကို ဖီဆန်ရဲတဲ့ သတ္တိ၊ အမှန်တရားကို ဖော်ထုတ်ရဲတဲ့သတ္တိတွေ မပြကြတော့ဘူးလား၊ သာကီမျိုးဟေ့ဒို့ဗမာဆိုတာတွေရော ပုံပြင်တွေအဖြစ် စာအုပ်တွေထဲမှာ ကျန်ရစ်ခဲ့ကုန်ပြီလား…….။

အမှန်တရားသည် သေဒဏ် ဆိုတဲ့ ဟောင်းနွမ်းစုတ်ပြတ်ရိရွဲနေတဲ့ သီအိုရီကို လက်မခံ တွန်းလှန်ဖယ်ရှားပစ်ရေးသည် မြန်မာနိုင်ငံသားမှန်သမျှ မဖြစ်မနေလုပ်ဆောင်ကြရမည့် တာဝန် တစ်ခုဖြစ်ပေသည်။ တာဝန်ပေးရမည်၊ တာဝန်ယူရမည်၊ တာဝန်ကျေပွန်ရမည်၊ သားစဉ်မြေးဆက် စစ်ကျွန်သဘောက် ပြားပြားမှောက်မည့် အဖြစ်ဆိုး ဘေးဆိုးကြီးမှ ၀ိုင်းဝန်းကာကွယ်တားဆီးကြရမည်။ အမျိုးသားပြန်လည်သင့်မြတ်ရေး လမ်းကြောင်းပေါ်ရောက်ရှိရေးအတွက် မြန်မာပြည်သူ လူထု တစ်ရပ်လုံးက အားသွန်ခွန်စိုက် ၀ိုင်းဝန်းပူးပေါင်းပါဝင်လုပ်ဆောင်ကြရမည်။

အမျိုးသားပြန်လည်သင့်မြတ်ရေး၊တွေ့ဆုံဆွေးနွေးအဖြေရှာရေးဆိုသည့်လုပ်ငန်းစဉ် အကောင်အထည်ဖော်ဆောင်ရွက်နိုင်ရေးသည် အမျိုးသားရေးတာဝန်တစ်ရပ်ဖြစ်သည်။ မြန်မာနိုင်ငံကြီးလွတ်လပ်ရေးရရှိအောင်ကြိုးပမ်းဆောင်ရွက်ခဲ့သော ဗိုလ်ချုပ်အောင်ဆန်းသည် မြန်မာပြည်လုံးဝလွတ်လပ်ရေးဟူသောတစ်ခုတည်းသောခေါင်းစဉ်ကိုအမျိုးသားရေးတာဝန်တစ်ရပ် အဖြစ်ပီပီပြင်ပြင်ချမှတ်နိုင်ခဲ့သည်။အမျိုးသားရေးတာဝန်ကိစ္စကိုပီပြင်စွာအကောင်ထည်ဖော်ဆောင် ပြီးသည့်အခါ အမျိုးသားနိုင်ငံရေးဆိုသည့်မူကိုချမှတ်ပြီး ဗိုလ်ချုပ် ကျဆုံးသည် အထိ လုပ်ဆောင်သွားနိုင်ခဲ့သည်။ဗိုလ်ချုပ်သည်သူချစ်သည့်မြန်မာပြည်နဲ့ မြန်မာပြည်သူတွေအတွက် သူ့အသက်ကိုပေးစွန့်ပြီး တာဝန်ကျေပြွန်စွာလွတ်လပ်ရေးကိုအရယူပေးနိုင်ခဲ့သည်။

မြန်မာပြည်သည် စစ်တပ်အုပ်ချုပ်မှုအောက်မှာ ပြားပြာမှောက်ခဲ့ရသဖြင့် အဆင့်အတန်းမမီ ဆင်းရဲမွဲတေသည့်နိုင်ငံတစ်နိုင်ငံအဖြစ်သို့ ရောက်ရှိခဲ့သည်။ ဒီမိုကရေစီနှင့် လူ့အခွင့်အရေး ဆိုတာကိုခဏတာဘေးဖယ်ထားပီး တိုင်းပြည်တစ်ခုရဲ့ အသက်သွေးကြောဖြစ်တဲ့ ပညာရေး၊ စီးပွားရေး၊ကျန်းမာရေး စတာတွေ ဘယ်အဆင့်အတန်းရောက်နေသလဲဆိုတာ ဝေးဝေးလံလံပြေးကြည့်စရာမလိုပါ၊ အိမ်နီးချင်းနိုင်ငံတွေနဲ့ယှဉ်ကြည့်ရုံနဲ့ လင်းကနဲ့ရှင်းကနဲတွေ့မြင်နိုင်ပါတယ်။ ပြည်သူတွေရဲ့ခံစားနေရတဲ့ဒုက္ခအထွေထွေကို လျစ်လျူရှုပြီး စစ်ခေါင်းဆောင် ဗိုလ်ချုပ်တွေမှာတော့ စည်းဇိမ်ခံ ယစ်မူးလို့ သွေးရူးသွေးတမ်း ထထအော်နေကြဆဲ။

ပညာမဲ့သူတိုင်းပြည်အုပ်ချုပ်တော့ တိုင်းပြည်ကပညာမဲ့တဲ့တိုင်းပြည်ဖြစ်လာတယ်၊ လူရမ်းကား လူမိုက်တွေတိုင်းပြည်အုပ်ချုပ်တော့ တိုင်းပြည်မှာ သူခိုးဂျပိုး လူမိုက်လူရမ်းကားတွေပေါများလာတယ်၊ ကြီးနိုင်ငယ်ညှင်းဆိုတဲ့ တိရစ္ဆာန်ဝါဒတွေခေတ်စားလာတယ်၊ ဗုဒ္ဓဘာသာကြီးစိုးတဲ့တိုင်းပြည်၊ ကိုယ်ချင်းစာတရားတွေအပ်ကြောင်းထပ်နေအောင် ထားစရာနေရာမရှိလောက်အောင်ပြန့်နှံ့ ခဲ့သည့်တိုင်းပြည်၊ ဒီတိုင်းပြည်မှာဒီနေ့ ဒီတရားတွေမရှိတော့ဘူး၊ အာဏာနဲ့ငွေရှိဖို့ပဲလိုတယ် ကျန်တာတွေ ဘာတစ်ခုမှအရေးမကြီးဆိုသည့် မှားယွင်းသည့်အယူအဆတွေ၊အဓမ္မတွေ လူငယ်တွေကြားမှာ ပြန့်နှံ့စီးဝင်လျှက်ရှိနေပေပြီ။ ဒီလိုတရားမရှိထင်ရာစိုင်းအုပ်ချုပ်နေတဲ့သူတွေက တည်ဆောက်ပါမယ်ဆိုတဲ့ဒီမိုကရေစီက ဘာဒီမိုကရေစီလဲဆိုတာ တိရစ္ဆာန်ပင် နားလည်နိုင် မည်ထင်ပါသည်။

မဟုတ်မဟတ်ယုံတမ်းစကား ပလီပလာ မာယာပရိယာယ်အသွယ်သွယ်နဲ့ စုံလင်စွာ ၀ါဒဖြန့် ဇာတ်လိုက်ကျော်အဖွဲ့ဟူ၍ ကမ္ဘာပေါ်တွင် ထင်ရှားသည့် နအဖခေါ်သည့်စစ်အုပ်စုသည် သန်း(၅၀) ကျော်သောပြည်သူတွေကို ၂၀၁၀ သေတွင်းမီးလောင်တိုက်ထဲသို့ ပို့ဆောင်နေကြပြီဖြစ်သည်။ နာဇီဂျာမန် ဟစ်တလာသည် ဂျူးလူမျိုးတို့အား မီးလောင်တိုက်သွင်းခြင်းက တစ်ကြိမ်တစ်ခါသာသေခဲ့ကြရသည်။ ၂၀၁၀ မီးလောင်တိုက်ကတော့ သားစဉ်မျိုးဆက် အကြိမ်ကြိမ်သေကြရမည့် မီးလောင်တိုက်ကြီးတစ်ခုဖြစ်နေသည်ကို သိရှိနားလည် သဘောပေါက်ကြရန် အထူးအရေးကြီးလှပေသည်။

တိုင်းပြည်တစ်ခုပြုပြင်ပြောင်းလဲရေးသည် တိုင်းပြည်နှင့်လူမျိုးအပေါ်မှာ စိတ်စေတနာဖြူစင်စွာနဲ့ လုပ်ဆောင်ဖို့အရေးကြီးပေသည်။အချင်းချင်းသစ္စာရှိရမည်၊ အပြန်အလှန်နားလည်မှုတည်ဆောက်ကြရမည်။ ပြည်သူလူထုအကျိုးကိုရှေ့ရှုပြီး တိုင်းပြည်အကျိုးစီးပွားကို အတူတကွအားလုံးပူပေါင်းပါဝင်နိုင်အောင် လုပ်ဆောင်ရမည်။ တစ်ယူသန်၊တစ်ဇွတ်ထိုး၊တစ်ဇောက်ကန်း အစွန်းရောက်ဝါဒ၊ လူမျိုးမုန်းတီးရေးဝါဒ တွေကို စွန့်လွတ်ကြရမည်၊စစ်သည်သာ ကိုးကွယ်ရာ စစ်သည်သာအားထားရာ ဟူသည့် ဆင်ကန်းတောတိုး စရိုက်တွေကို ပြုပြင်ပြောင်းလဲပစ်ရမည်ဖြစ်သည်။

ထိုကဲသို့သော ယုံကြည်မှုမျိုးကိုတည်ဆောက်ဖို့မကြိုးစားပဲ အမှန်တရားသည် သေဒဏ်အဖြစ် သတ်မှတ်ကာ လက်နက်အားကိုး အာဏာအားကိုးပြီး တိုင်းပြည်နှင့်လူမျိုးအပေါ် ညှင်းပမ်းနှိပ်စက် ထင်တိုင်းကြဲကြဦးမည်ဆိုပါက ။
တက္ကသိုလ် မြတ်မင်းနွယ် (ရန်ကုန်)
၂၃.၁၂.၂၀၀၉



အပြည့်အစုံဖတ်ချင်ရင်...

Saturday, December 19, 2009

ကျောင်းသားခေါင်းဆောင် ဗိုလ်အောင်ကျော် ကျဆုံးခြင်း (၇၁) နှစ်ပြည့် ဂုဏ်ပြု ကဗျာ



ဒီဇင်ဘာ (၂၀) ရက်တမ်းချင်း (သို့မဟုတ်) ရဲဘော်ရဲ့ကဗျာ
မောင်လေးအောင်

တင်းတင်းကိုက်ထားတဲ့
ငါ့ရဲ့နှုတ်ခမ်းဟာ
ဗြန်းကနဲ ကွဲထွက်
သွေးအစက်စက် စီးလိမ့်လာတယ်
ငါ အံကြိတ်ပြီး
လက်သီးကို တင်းတင်းဆုပ်မိတယ်
ဗိုလ်အောင်ကျော်
ရဲဘော်ဟာ
ဒီနေရာမှာ ကျဆုံးသွားခဲ့တယ်။

ကတ္တရာလမ်းကိုခွာ
ရာဇ၀င်ရုပ်ရေးအရ
သုတေသနလုပ်ရင်
ရဲဘော်ရဲ့
နီမြန်းတဲ့ ဂုဏ်ပုဒ်ကို တွေ့ရမယ်။

ဘယ်သူတွေ ငြင်းနိုင်မလဲ
စီးဝင်ခဲ့တဲ့ ရဲဘော်ရဲ့သွေးတွေအကြောင်း။

သင်းတို့တတွေက
ရဲဘော်ရဲ့ဂုဏ်အထူးထူးကို
ဖော်ကျူးဖို့ ငြင်းဆန်ကြတယ်။

ဘယ်သူတွေရှိဦးမလဲ
ရဲဘော်မုန်းခဲ့တဲ့သူတွေပေါ့
သင်းတို့အမုန်းကို
ရဲဘော်က စိမ်းကားတဲ့ အပြုံးနဲ့
ပြုံးမှာပဲ ယုံတယ်။

စပါတာကပ်(စ်)ရဲ့ဂုဏ်ရောင်
ကုန်းဘောင်သူပုန်
ဂဠန်ဆရာစံ
ငုယင်ဗန်ထရွိုင်း
အတိုင်းမသိသော
ချေဂွေဗားရား ... စသော
အာဇာနည်ထောင်သောင်းတို့နှင့်အတူ
ရဲဘော်ဟာ နီရဲဝင်းလက်ခဲ့တယ်။

ပြည်သူချစ်တဲ့
အာဇာနည်အနှစ်ဟာ
နုပျိုစိမ်းလန်းနေမှာပဲ
မုချယုံတယ်။

ဗိုလ်အောင်ကျော် ရဲဘော်
ဒီနေရာမှာ တို့ဟာ
စာရွက်တွေ အတူတူဝေခဲ့ဖူးတယ်။

ဗိုလ်အောင်ကျော် ရဲဘော်
ဒို့ဟာ ဒီနေရာမှာ
ရဲဘော်ကို အကြိမ်ကြိမ် ဂုဏ်ပြုခဲ့ဖူးတယ်။

ရဲဘော်ရဲ့အခန်းဆက်တိုက်ပွဲ
ရဲဘော်ရဲ့ တရားတဲ့ တိုက်ပွဲတွေအကြောင်း
ဒီနေရာကိုလာပြီး
ရဲဘော်ရဲ့ စီးခဲ့တဲ့
နီရဲတဲ့ သွေးစက်တွေပေါ်မှာ
ငါ့ရဲ့  ဖြူရော်နေတဲ့ မျက်ရည်နဲ့
သူရသတ္တိမဲ့တဲ့ ရှိုက်သံနဲ့
ဂုဏ်အခန်းခန်းကို
ညစ်နွမ်းအောင် ငါမလုပ်ဘူး။

ကဗျာတပုဒ်
ဟုတ်တယ် ငါ့ရဲ့ကဗျာတပုဒ်
ရဲဘော်ရဲ့ဂုဏ်ပုဒ်ကို ဖော်ထုတ်ဖို့
ကြိုးစားတဲ့ ကဗျာတပုဒ်။

လက်ခံပါ ရဲဘော်
အော်ဟစ်ပြီး ငါပန်ကြားတယ်။

ပြန်ငြင်းပါရစေ
ဒီကဗျာဟာ ငါ့ရဲ့ကဗျာမဟုတ်ဘူး။

ဖတ်ကြည့်စမ်းလေ
စီးဆင်းခဲ့တဲ့ သွေးစက်တွေရယ်
ဘယ်သူ့သွေးလဲ
ရဲဘော်ရဲ့ ပူနွေးတဲ့ သွေး
မခန်းခြောက်သေးတဲ့ သွေးတွေ
အို ... ... ရဲဘော်ရဲ့သွေးအစက်စက်နဲ့
ရဲရဲလက်လက်
သီယှက်ထားတဲ့
ရဲဘော်ရဲ့ကဗျာပါလား။ ။

မောင်လေးအောင်


အပြည့်အစုံဖတ်ချင်ရင်...

Monday, December 14, 2009

စစ်တပ်ကို နိုင်ငံသားများထက် အခွင့်ထူးပေးထားသော အခြေခံဥပဒေ

မြန်မာ့နိုင်ငံရေး ပဋိပက္ခသည် ဆယ်စုနှစ်ပေါင်း များစွာ ကြာမြင့်နေပါသည်။ နိုင်ငံရေး ဖြေရှင်းမှုများ၏ ရလဒ်မှာ အကြမ်းဖက်မှုများ၊ ဖိနှိပ်ချုပ်ချယ် မှုများဖြင့်သာ အမြဲတမ်းလိုလို အဆုံးသတ်ခဲ့သည်။ ဆင်းရဲမွဲတေမှု၊ လက်နက်ကိုင် ပဋိပက္ခများ၊ သဘာဝဘေးဒုက္ခများကို ခါးစည်း ခံစားနေကြရသော ပြည်သူများမှာ ဖွဲ့စည်းပုံအခြေခံဥပဒေကို သူတို့ ကြိုက်သည်ဖြစ်စေ၊ မကြိုက်သည်ဖြစ်စေ မဲပေးခဲ့ကြရပါသည်။

သာမန်ပြည်သူများအနေဖြင့် အရပ်သားအစိုးရအသစ်အောက်တွင် ဖိနှိပ်ချုပ်ချယ်မှုများ လျော့ပါးလာနိုင်သည်ဟု မျှော်လင့်နေနိုင်ပါသည်။ သို့ရာတွင် စစ်အစိုးရက ရေးဆွဲထားသည့် မြန်မာနိုင်ငံ၏ တတိယမြောက် အခြေခံဥပဒေအရ စစ်တပ်က နိုင်ငံရေးတွင် ဦးဆောင်မည် ဖြစ်သည်။

မြန်မာ့လွတ်လပ်ရေးကြိုးပမ်းမှုနှင့်အတူ မွေးဖွားလာပြီး ၎င်းတို့၏ အခန်းကဏ္ဍသည် တိုင်းပြည် မပြိုကွဲစေရန် ကာကွယ် စောင့်ရှောက်ရေးဖြစ်သည်ဟု ယုံကြည်နေကြသော (၎င်းတို့၏ အာဏာသိမ်းမှုကို တရားဝင်စေရန် အစဉ်အဆက် ဆင်ခြေ ပေးလာသော) စစ်အစိုးရသည် အခြေခံဥပဒေအသစ်တွင် "နိုင်ငံတော်၏ အမျိုးသား နိုင်ငံရေး ဦးဆောင်မှု အခန်းကဏ္ဍ" ဆိုသည့် ဥပဒေဆိုင်ရာ ခံတပ် တခုကို တည်ဆောက်ခဲ့ပါသည်။

ထိုအချက်သည် စစ်တပ်က ရေးဆွဲထားသည့် အခြေခံဥပဒေ၏ အဓိက ကျောရိုးဖြစ်ပြီး အရပ်သား နိုင်ငံရေးသမားကို မယုံကြည်မှု၊ လူ့အဖွဲ့အစည်းတခုအတွင်း အများပြည်သူနှင့် သက်ဆိုင်သော အခန်းကဏ္ဍတွင် ညီညွတ်သည့် သဘောတူညီချက် တခု တည်ဆောက်ရေးအပေါ် မယုံကြည်မှုတို့ကို ဖော်ညွှန်းနေပါသည်။

ဒီမိုကရေစီနိုင်ငံရေးသီအိုရီအရ နိုင်ငံရေးပါတီတခုက ပြည်သူအများစု၏ ထောက်ခံ ရွေးချယ်မှုဖြင့် ပြည်သူ့လွှတ်တော် နေရာ အများစုကို အနိုင်ရခဲ့လျှင် တိုင်းပြည်တွင် နိုင်ငံရေးတည်ငြိမ်မှုနှင့် နိုင်ငံဖွံ့ဖြိုးတိုးတက်မှုတို့ ရရှိနိုင်ပါသည်။ ထိုကဲ့သို့သော အခြေအနေသည် နိုင်ငံရေးမတည်ငြိမ်မှုကို ဖြစ်ပေါ်စေနိုင်သော ညွန့်ပေါင်းအစိုးရပုံစံကို ရှောင်ရှားနိုင်မည် ဖြစ်ပါသည်။

သို့သော်လည်း ထိုသီအိုရီနှင့် မတူခြားနားသည့် အချက်မှာ မြန်မာနိုင်ငံ၏ အခြေခံဥပဒေက စစ်တပ်အုပ်စိုးသူများကို ဆန့်ကျင်မည့် နိုင်ငံရေးပါတီတခုက လွှတ်တော်တွင် လွှမ်းမိုးမှု မရှိစေရန် ရေးဆွဲထားခြင်း ဖြစ်ပါသည်။

စစ်သားနှင့် ဥပဒေပြုခြင်း

ထို့ကြောင့် အခြေခံဥပဒေကို လွှတ်တော်နှစ်ရပ်တွင် စစ်တပ်က ခန့်အပ်သည့် ကိုယ်စားလှယ် ၂၅ ရာခိုင်နှုန်း ပါဝင်မည့် "စည်းကမ်းပြည့်ဝသောဒီမိုကရေစီ" ဖော်ဆောင်ရေး ဆိုသည့် အယူအဆအပေါ် အခြေခံ ရေးဆွဲခဲ့ပါသည်။ နိုင်ငံရေးပါတီ တခုက မဲအများစုဖြင့် အနိုင်ရရှိခဲ့သော ၁၉၉၀ ပြည့်နှစ် ရွေးကောက်ပွဲမျိုး ထပ်မံ မပေါ်ပေါက်စေရန် လုပ်ဆောင်သည့် အစီအမံတခု ဖြစ်ပါသည်။

ကိုယ်စားလှယ်ပေါင်း ၄၄၀ ရှိမည့် ပြည်သူ့လွှတ်တော်တွင် စစ်တပ်က နေရာပေါင်း ၁၁၀ ယူထားသည်၊ ကိုယ်စားလှယ် ၂၂၄ နေရာရှိသော အမျိုးသားလွှတ်တော်တွင် ၅၆ နေရာ ရယူထားပါသည်။ ထို့အပြင် ပြည်နယ် နှင့် တိုင်းဒေသကြီးများ၊ ကိုယ်ပိုင်အုပ်ချုပ်ခွင့်ရ ဒေသများရှိ ဥပဒေပြုလွှတ်တော်များနှင့် အဖွဲ့များတွင်လည်း အလားတူ ဝေစုကို ရယူထားပါသည်။ အခြေခံဥပဒေ ပုဒ်မ ၁၂၁ (ည) တွင် အစိုးရ၀န်ထမ်းများ လွှတ်တော် ရွေးကောက်ပွဲများတွင် ၀င်ရောက် ယှဉ်ပြိုင်ခြင်း မပြုရန် တားမြစ်ထားသော်လည်း စစ်မှုထမ်းများကို ခြွင်းချက်ဖြင့် ခွင့်ပြုထားပါသည်။

လွှတ်တော်တွင် ၂၅ ရာခိုင်နှုန်းသာ ရယူထားသော်လည်း စစ်တပ်သည် ဥပဒေပြုရေး လုပ်ငန်းများတွင် အဓိက အဟန့် အတား ပြုနိုင်ပါသည်။ အခြေခံဥပဒေကို ပြင်ဆင်ရာတွင်လည်းကောင်း၊ ဥပဒေအသစ် တခုခုကို ပြဌာန်းလိုသည့် အခါတွင် လည်းကောင်း လွှတ်တော်ကိုယ်စားလှယ် ၇၅ ရာခိုင်နှုန်းကျော်၏ ထောက်ခံ အတည်ပြုမှု ရရှိရန် လိုအပ်ပါသည်။

ထိုအခြေအနေတွင် ရာခိုင်နှုန်းပြည့် ညီညွှတ်နေသည့် တိုင်အောင် နိုင်ငံရေးပါတီတခုသည် လွှတ်တော်တွင် စစ်တပ် ကိုယ်စားလှယ်များ၏ သဘော တူညီမှုမရဘဲ ဥပဒေတခုကို ပြဌာန်းနိုင်မည် မဟုတ်ပါ။ ဤသို့ဖြင့် နိုင်ငံရေး ပါတီများသည် စစ်တပ်နှင့် မဟာမိတ်ဖွဲ့ရန် သို့မဟုတ် အပေးအယူလုပ်ရန် မဖြစ်မနေ လိုအပ်ပါသည်။

သို့ရာတွင် စစ်တပ်က ကာကွယ်ရေးနှင့် လုံခြုံရေးဆိုင်ရာ ဥပဒေ တခုခုကို အတည်ပြုလိုလျှင် လွှတ်တော်၏ အတည်ပြုချက်ကို ရယူရန်မလို သို့မဟုတ် အတည်ပြုပေးရန်သာ ဖြစ်သည်ကို အခြေခံဥပဒေပုဒ်မ ၂၀ (ခ) တွင် "တပ်မတော်သည် တပ်ပိုင်းဆိုင်ရာ ကိစ္စ အားလုံးကို လွတ်လပ်စွာ စီမံခန့်ခွဲ စီရင် ဆောင်ရွက်ပိုင်ခွင့် ရှိသည်" ဟု ပြဌာန်းထားသည်။

ထို့အပြင် ကာကွယ်ရေးနှင့် လုံခြုံရေးရာ ကိစ္စများ အတွက် လွှတ်တော်ကော်မတီများ၊ ကော်မရှင်များနှင့် အဖွဲ့များ ဖွဲ့စည်းသည့်အခါ စစ်တပ် ကိုယ်စားလှယ်များဖြင့်သာ ဖွဲ့စည်းရန်နှင့် လုပ်ငန်းအပေါ် မူတည်၍ လိုအပ်မှသာ တခြား ကိုယ်စားလှယ်များ ထည့်သွင်းရန်ကို အခြေခံဥပဒေပုဒ်မ ၁၁၅ နှင့် ၁၄၇ တို့တွင် ဖော်ပြထားပါသည်။

စစ်သားနှင့် နိုင်ငံအုပ်ချုပ်ရေး

၂၀၀၈ ခုနှစ် အခြေခံဥပဒေ၏ ပုဒ်မ ၆၀ အရ သမ္မတကို သမ္မတ ရွေးချယ်ရေးအဖွဲ့က ရွေးချယ် တင်မြှောက်မည် ဖြစ်ပါသည်။

သမ္မတ ရွေးချယ်ရေးအဖွဲ့ကို ဖွဲ့စည်းရာတွင် အုပ်စု ၃ ခုကို အခြေခံထားမည် ဖြစ်သည်။ ၎င်းတို့မှာ ပြည်သူ့လွှတ်တော်၊ အမျိုးသား လွှတ်တော်နှင့် ထိုလွှတ်တော်နှစ်ရပ်စလုံးမှ စစ်တပ်ကိုယ်စားလှယ်များက သီးခြား တတိယအဖွဲ့အဖြစ် ပါဝင်ပါမည်။ အဖွဲ့တခုချင်းစီက သမ္မတလောင်းတဦးစီကို ရွေးချယ်ရမည် ဖြစ်သည့် အတွက် စစ်တပ်ကလည်း တဦးကို ရွေးချယ်ပေးမည် ဖြစ်ပါသည်။

၁၉၉၀ ပြည့်နှစ်တွင် အမျိုးသားဒီမိုကရေစီအဖွဲ့ချုပ်က မဲအများစုဖြင့် အနိုင်ရရှိသကဲ့သို့ နိုင်ငံရေး ပါတီ တခုသည် ပြည်သူ့လွှတ်တော်နေရာ ၃၃၀ ၏ အများစုကို အနိုင် ရရှိနိုင်ပါသည်။ သို့ရာတွင် ၎င်းတို့၏ သမ္မတလောင်းသည် သမ္မတအဖြစ် ရွေးကောက် တင်မြှောက်နိုင်ရန် သေချာပေါက် မျှော်လင့်ထား၍ မရနိုင်ပါ။ အကြောင်းမှာ အခြေခံဥပဒေပုဒ်မ ၅၉ (ဃ) က သမ္မတ တဦး၏ အရည်အချင်းများတွင် စစ်ရေးတွင် အကျွမ်းတ၀င်ရှိရမည် ဆိုသည့် အချက် ပါဝင်နေသည်။ ၎င်းအချက်သည် စစ်သား မဟုတ်သည့် အရပ်သား သမ္မတလောင်း တဦးကို သမ္မတအဖြစ် ရွေးကောက် တင်မြှောက်ခြင်း မပြုရဟု မဆိုထားသော်လည်း ထိုသို့ကန့်သတ်ထားသည့်နှင့် တူပါသည်။

ထို့အပြင် ကာကွယ်ရေးနှင့် လုံခြုံရေးဆိုင်ရာ ကိစ္စများတွင် သမ္မတ၏ အခွင့်အာဏာများကို ကန့်သတ်ထားပါသည်။ သမ္မတ၏ သဘောတူညီမှု မပါဘဲ တပ်မတော် ကာကွယ်ရေးဦးစီးချုပ်သည် ကာကွယ်ရေးဝန်ကြီးဌာန၊ ပြည်ထဲရေး ၀န်ကြီးဌာန၊ နယ်စပ်ရေးရာဝန်ကြီးဌာန တို့မှ ၀န်ကြီးများကို လွတ်လပ်စွာ ခန့်အပ် စီမံ ဆောင်ရွက်ပိုင်ခွင့် ရှိပါသည်။

ယင်းသည် စစ်တပ်နှင့် အရပ်သားအစိုးရတို့အကြား မျှတသည့် အာဏာခွဲဝေမှု ဖြစ်သည်ဟု အခြေခံဥပဒေကို လေ့လာဆန်းစစ်သူများက ပြောနိုင်ပါသည်။ တခြားသော ဒီမိုကရေစီ အခြေခံဥပဒေများနှင့် ဆန့်ကျင်လျက် ဤအခြေခံဥပဒေက စစ်တပ်ကို အကြွင်းမဲ့ အာဏာ ပေးအပ်ထားခြင်း ဖြစ်သည်။

အာဏာအရှိဆုံးသော အမျိုးသားကာကွယ်ရေး နှင့် လုံခြုံရေးကောင်စီ

အခြေခံဥပဒေတွင် အာဏာအရှိဆုံးအဖွဲ့သည် အမျိုးသား ကာကွယ်ရေး နှင့် လုံခြုံရေး ကောင်စီ ဖြစ်ပါသည်။ အဖွဲ့ဝင် ၁၁ ဦးဖြင့် ဖွဲ့စည်းထားသည့် ထိုအဖွဲ့တွင် စစ်တပ်မှ ၆ ဦး ပါဝင်သည့် အတွက် ထိုအဖွဲ့သို့ ရောက်ရှိလာသော နိုင်ငံတော်၏ အရေးကြီးသည့် ကိစ္စရပ်အားလုံးသည်ကို စစ်တပ်က ထိထိရောက်ရောက် ထိန်းချုပ်ထားနိုင်ပါလိမ့်မည်။

အမျိုးသားကာကွယ်ရေးနှင့် လုံခြုံရေးကောင်စီ၏ အဓိက လုပ်ငန်းစဉ် ၄ ရပ်မှာ အောက်ပါအတိုင်း ဖြစ်ပါသည်။

ပထမလုပ်ငန်းမှာ အခြေခံဥပဒေပုဒ်မ ၃၄၂ အရ ကာကွယ်ရေးဦးစီးချုပ်ကို အမျိုးသား ကာကွယ်ရေး နှင့် လုံခြုံရေး ကောင်စီက ရွေးချယ် အတည်ပြုပြီး သမ္မတက ခန့်အပ်မည် ဖြစ်ပါသည်။

ဒုတိယလုပ်ငန်းမှာ နိုင်ငံတ၀န်းလုံးတွင် အရေးပေါ်အခြေအနေ ကြေညာခဲ့လျှင် အခြေခံဥပဒေပုဒ်မ ၄၁၇ နှင့် ၄၁၈ အရ သမ္မတသည် ဥပဒေပြုအာဏာ၊ အုပ်ချုပ်ရေးအာဏာ၊ တရားစီရင်ရေးအာဏာတို့ကို ကာကွယ်ရေးဦးစီးချုပ်ထံ လွဲပြောင်းပေးရေး အတွက် ဆောင်ရွက်ရမည် ဖြစ်ပါသည်။

တတိယလုပ်ငန်းမှာ ကာကွယ်ရေးဦးစီးချုပ်က အရေးပေါ်အခြေအနေ ကာလတွင် တိုင်းပြည်ကို အများဆုံး ၂ နှစ်အထိ အုပ်ချုပ်မည် ဖြစ်ပြီး ထိုကာလ ကျော်လွန်သည့်အခါ အမျိုးသား ကာကွယ်ရေး နှင့် လုံခြုံရေး ကောင်စီက အာဏာ ၃ ရပ်ကို သမ္မတကိုယ်စား ကျင့်သုံးမည်ဟု အခြေခံဥပဒေပုဒ်မ ၄၂၁၊ ၄၂၇ နှင့် ၄၃၁ တို့တွင် ပြဌာန်းထားပါသည်။

စတုတ္ထလုပ်ငန်းမှာ အခြေခံဥပဒေပုဒ်မ ၄၂၉ အရ အမျိုးသား ကာကွယ်ရေး နှင့် လုံခြုံရေးကောင်စီသည် တိုင်းပြည်တွင် အရေးပေါ်အခြေအနေ ထုတ်ပြန်ထားခြင်းကို ရုတ်သိမ်းပြီး ၆ လအတွင်း ရွေးကောက်ပွဲများကို ကျင်းပပေးရေး ဖြစ်သည်။

အထက်တွင်ဖော်ပြခဲ့သော အခွင့်အရေးများအပြင် အခြေခံ ဥပဒေပုဒ်မ ၂၀ (စ)အရ `တပ်မတ်ာသည် နိုင်ငံတော် ဖွဲ့စည်းပုံ အခြေခံ ဥပဒေကို ကာကွယ် စောင့်ရှောက်ရန် အဓိက တာဝန်ရှိသည်´ ဆိုသည့် နောက်ထပ် အရေးကြီးသော အချက်တခုကို ပြဌာန်းလျက် စစ်ဗိုလ်ချုပ်များသည် ၎င်းတို့၏ အာဏာကို ခိုင်မြဲစေရန် လုပ်ဆောင်ခဲ့ပါသည်။

အားလုံးကို ခြုံ၍ပြောရလျင် အခြေခံဥပဒေကို ခြိမ်းခြောက်လာသည်ဟု စစ်ဗိုလ်ချုပ်များက ယုံကြည်လာပါက မြန်မာနိုင်ငံသည် စစ်အုပ်ချုပ်ရေးအောက်ကို အချိန်မရွေး ပြန်လည် ရောက်ရှိသွားနိုင်ပါသည်။ ။

http://www.irrawaddy.org/bur/

အပြည့်အစုံဖတ်ချင်ရင်...

Tuesday, December 1, 2009

ကမ္ဘာ့ ထိပ်တန်းတွေးခေါ်ရှင် ၁၀၀ တွင် ဒေါ်အောင်ဆန်းစုကြည် ရွေးချယ်ခံရ


[(ဓာတ်ပုံ - ဧရာဝတီ)]

အနှိုင်းမဲ့ မေတ္တာရှင်


Tuesday, 01 December 2009 17:47 ကိုထွေး

အမေရိကန် ပြည်ထောင်စု Foreign Policy မဂ္ဂဇင်းက အမှောင်ထုတွင်းမှ မျှော်လင်ချက်များကို ရှင်သန်စေသော သင်္ကေတ အမှတ်အသား အဖြစ် ဒေါ်အောင်ဆန်းစုကြည်ကို ကမ္ဘာ့ ထိပ်တန်း တွေးခေါ်ရှင် (၁၀၀) စာရင်းတွင် ရွေးချယ်လိုက်ကြောင်း သိရသည်။
၁၉၉၀ ခုနှစ်က ဒေါ်အောင်ဆန်းစုကြည်၏ အကြောက်တရားသည် ခွဲထုတ်၍မရသော နေ့စဉ်ဘ၀၏ အစိတ်အပိုင်းတခု (Fear is an integral parts of everyday existence) ဟူသော မိန့်ခွန်းနှင့် စိတ်ပိုင်းဆိုင်ရာ တော်လှန်ရေး ( revolution of the spirt) ဟူသော အယူအဆ များကိုလည်း ယင်းဆုချီးမြှင့်ခြင်းနှင့် ပတ်သက်၍ ဖော်ပြထားသည်။

ဒေါ်အောင်ဆန်း စုကြည်သည် ဗုဒ္ဓ၏ ငြိမ်းချမ်းရေး အခြေခံနှင့် မဟတ္တမ ဂန္ဒီ၏ အကြမ်းမဖက်ရေးမူတို့ ဖြင့် စိတ်ပိုင်းဆိုင်ရာ တွန်းအားကို ရယူခဲ့ကာ ၁၉၉၀ ခုနှစ် ရွေးကောက်ပွဲကို အနိုင်ရအောင် စွမ်းဆောင်နိုင်ခဲ့ပြီး အရေးကြီးသော အပြောင်းအလဲ ကာလတွင် နိုင်ငံတကာက ချမှတ်ထားသော အရေးယူပိတ်ဆို့မှုများကို ပြန်လည် ရုပ်သိမ်းရေးအတွက် စစ်အစိုးရကို အကူအညီပေးခဲ့ကြောင်း ရေးသားထားသည်။

၁၉၈၉ ခုနှစ်က ဒေါ်အောင်ဆန်းစုကြည်နှင့် အတူ လက်တွဲ လုပ်ကိုင်ခဲ့ဖူးသည့် အမျိုးသားဒီမိုကရေစီအဖွဲ့ ခေါင်းဆောင် ဦးဝင်းတင် က “ ဒေါ်အောင်ဆန်းစုကြည်ကို နီးနီးကပ်ကပ် ဆက်ဆံဖူးတဲ့ ကျနော့် အနေနဲ့ တော့ ဂုဏ်ယူတယ်၊ ၀မ်းသာတယ် ပေါ့ဗျာ၊ ကျေနပ် တယ်၊ နှစ်ထောင်း အားရရှိတယ်၊ သူကျင့်သုံးနေတဲ့ သဘော တရား သူ့ရဲ့ဒဿန နိုင်ငံရေး အယူအဆ၊ စိတ်နေ စိတ်ထားတွေကို နိုင်ငံရေး သမားလုပ်ဖော်ကိုင်ဖက် အချင်းချင်းကို သာမက ကျောင်းသား လူငယ်များကိုလည်း ပုံမှန်ပြောပြနိုင်တယ်၊ သူပြောပြတာ တွေကို ကိုယ်တိုင် ကျင့်သုံးတယ်ဗျ၊ ပြီးတော့ သူ့ရဲ့ စွဲမြဲတဲ့ ညီညွတ်တဲ့ အယူအဆတွေ ကျင့်ဝတ်တွေရှိတယ်” ဟု ပြောသည်။

ဒေါ်အောင်ဆန်းစုကြည်နှင့် ဆက်ဆံရာတွင် အဓိက တွေ့ရသည်မှာ ဉာဏ်ပညာက အမြဲ ဦးဆောင် နေကြောင်း၊ ရဲစွမ်းသတ္တိ၊ လုပ်ရဲကိုင်ရဲသည့် စိတ်ဓာတ်နှင့် ပတ်သက်၍ ဓနုဖြူ ဖြစ်ရပ်က သက်သေခံလျက် ရှိကြောင်း၊ ရန်ကုန်ဆေးရုံကြီး၌ ပြောကြားခဲ့သည့် မိန့်ခွန်းတွင် ဒီမိုကရေစီ လိုချင်လျှင် စည်းကမ်းရှိကြပါဟု ပြောဆိုခဲ့ခြင်းဖြင့် စည်းကမ်းနှင့် တာဝန်သိမှုကို အလေးထားကြောင်း၊ ဒေါ်အောင်ဆန်းစုကြည်၏ အတွေး အခေါ်နှင့် ပတ်သက်၍ အနှစ်ချုပ်ရာတွင် မီးလျှံထဲက ကြာကဲ့သို့ အမြဲ အသစ် ပြန်လည် ပျိုးထောင်နိုင်သည့် သဘောတရားများကလည်း ဒေါ်အောင်ဆန်း စုကြည်၏ အကျင့် စရိုက် အတွေးအခေါ် အယူအဆများတွင် လွမ်းမိုးမှုရှိကြောင်း၊ မေတ္တာတရားသည် အမြဲသူ၏ ရင်တွင်းရှိကြောင်း ၎င်းက ဆက်လက်ပြောဆိုသည်။

ရန်ကုန်တိုင်း ပုဇွန်တောင်မြို့နယ် လွှတ်တော်ကိုယ်စားလှယ် ဦးနိုင်းနိုင်းက“ဒေါ်အောင်ဆန်းစုကြည်က မှောင်မိုက်နေတဲ့ မြန်မာပြည်သူတွေအတွက် အခြားသော အာဇာနည်တွေလိုပဲ တောက်ပတဲ့ကြယ်တလုံးပါ၊ တိုင်းပြည်အကျိုးအတွက် ဘယ်လို လူပုဂ္ဂိုလ်၊ ပါတီနဲ့မဆို ပူးပေါင်း ဆောင်ရွက်နိုင်တယ်၊ သူက အကြမ်း မဖက်ရေးကို စွဲစွဲမြဲမြဲ ယုံကြည်ပြီးတော့ ပြဿနာတိုင်းကို နှုးညံသိမ်မွေ့စွာ ရင်ဆိုင်မယ်ဆိုတာ သံသယရှိစရာ မလိုပါဘူး၊ သူပြောဖူးတယ် ကျမတို့အားလုံး မကောင်းမှုတွေကို လုပ်တာ ရှက်ကြောက်ကြဖို့ ပြီးတော့ သူက မတရားမှုကို ဘယ်တော့မှ သီးခံမှာမဟုတ်သလို တန်ဖိုးရှိတဲ့စကားလုံးတွေနဲ့ တုံ့ပြန်တတ်ပါတယ်၊ ကျနော်တို့ရဲ့ စိတ်ဓာတ်ပိုင်း ဆိုင်ရာကို မြှင့်တင်ပေးနိုင်တဲ့ အကောင်းဆုံး စံနမှုနာ ဖြစ်ပါတယ်” ဟု ပြောသည်။

၁၉၇၀တွင် စတင်ထူထောင်ခဲ့သည့် Foreign Policy မဂ္ဂဇင်းသည် အမေရိကန်ပြည်ထောင်စုတွင် ထင်ရှား သြဇာရှိသော မဂ္ဂဇင်း တစောင်ဖြစ်သည်။

ယခုထုတ်ပြန်ခဲ့သည့် ထိပ်တန်းတွေးခေါ်ရှင် ၁၀၀ တွင် ဒေါ်အောင်ဆန်းစုကြည် အပါအ၀င် အမေရိကန် လက်ရှိသမ္မတ ဘားရက် အိုဘားမား၊ သမ္မတဟောင်း ဘီလ် ကလင်တန် ဇနီးမောင်နှံ၊ အမေရိကန်- ဒုသမ္မဟောင်း ဒစ်ချေနေ၊ မိုက်ခရိုဆော့ဖ် ကုမ္ပဏီပိုင်ရှင် ဘီလ်ဂိတ်၊ ကုလသမဂ္ဂ အထွေထွေ အတွင်းရေးမှူးချုပ်ဟောင်း ကိုဖီအာနန်၊ ချက်သမ္မတနိုင်ငံ သမ္မတဟောင်း နိုဗယ် ဆုရှင် စာရေးဆရာ ဗားကလက် ဟာဗယ် တို့လည်း ရွေးချယ်ခံရသည်။

ဒေါ်အောင်ဆန်းစုကြည်သည် ဆာ့ခါရော့ဆု(Sakharov prize) (၁၉၉၀)၊ နိုဗဲလ်ငြိမ်းချမ်းရေးဆု (Nobel peace Prize) (၁၉၉၁)၊ ဆိုင်မွန်ဘိုလီဗာဆု (Simon Bolivar Prize)ု(၁၉၉၂)၊ Prix Litteraire des Droits de I' Homme (၁၉၉၂)၊ (Liberal International Prize for Freedom)(၁၉၉၅)၊ (Jawaharlal Nehru Award for International Understanding) ဂျဝါဟာလာနေရူးဆု (၁၉၉၅)၊ မာတင်လူသာကင်းဆု (၂၀၀၉) များ အပါအ၀င် နိုင်ငံတကာ ဆုပေါင်းများစွာ ချီးမြှင့်ခြင်း ခံခဲ့ရသည်။

ဒေါ်အောင်ဆန်းစုကြည်သည် မေလက အကျယ်ချုပ် ၆ နှစ် ပြည့်တော့မည့် အချိန်တွင် ၎င်း၏နေအိမ်သို့ တိတ်တဆိတ် ဝင်ရောက်ခဲ့သော အမေရိကန် နိုင်ငံသား ဂျွန် ဝီလျံ ယက်ထောကြောင့် ရုံးတင် တရားစွဲခံခဲ့ရခြင်းဖြစ်သည်။

အာဏာပိုင်တို့က ဒေါ်အောင်ဆန်းစုကြည်ကို နေအိမ် အကျယ်ချုပ် ဖောက်ဖျက်သည်ဟု ဆိုကာ သြဂုတ်လ အတွင်းတွင် ထောင်ဒဏ် ၃ နှစ် စီရင်ချက် ချမှတ်ခဲ့သည်။ ထို့နောက် စစ်အစိုးရ ခေါင်းဆောင် ဗိုလ်ချုပ်မှူးကြီး သန်းရွှေ၏ အမိန့်ဖြင့် ထောင်ဒဏ်ကို ထက်ဝက် လျှော့ချကာ ဆိုင်းငံ့ ပြစ်ဒဏ် နေအိမ် အကျယ်ချုပ် ၁ နှစ်ခွဲ ကျခံစေခဲ့သည်။


ထိုစီရင်ချက်အတွက် အယူခံလွှာကို ရန်ကုန်တိုင်း တရားရုံးက စက်တင်ဘာ ၄ ရက်နေ့က လက်ခံခဲ့သော်လည်း အောက်တိုဘာ ၂ ရက် ရုံးချိန်းတွင် ပလပ်ခံရသဖြင့် ဒေါ်အောင်ဆန်းစုကြည်က တရားရုံးချုပ်တွင် ထပ်မံ အယူခံဝင်ရန် ပြင်ဆင်နေသည်။

ဒေါ်အောင်ဆန်းစုကြည်သည် ၂၀၀၃ ခုနှစ် မေလတွင် ဖြစ်ပွားခဲ့သော ဒီပဲယင်းအကြမ်းဖက်တိုက်ခိုက်မှု အပြီးမှ စတင်၍ နေအိမ် အကျယ်ချုပ်ဖြင့် အထိန်းသိမ်းခံနေရသည့် ၆ နှစ်ပြည့်ခါနီး အချိန်တွင် ယခုကဲ့သို့ တရားစွဲဆို ခံရခြင်း ဖြစ်သည်။ ၁၉၈၉ ခုနှစ်မှ စ၍ နေအိမ် အကျယ်ချုပ် ဘ၀ဖြင့် နေရချိန် စုစုပေါင်း ၁၄ နှစ်ကျော်ပြီ ဖြစ် သည်။

http://www.irrawaddy.org/bur/

အပြည့်အစုံဖတ်ချင်ရင်...

Thursday, November 26, 2009

နအဖခေတ် ထေရ၀ါဒ ဗုဒ္ဓဘာသာနိုင်ငံမှာ ဒါမျိုးတွေ လုပ်ကြတယ်

နိုင်ငံတော်ပစ္စည်း အလွဲသုံးစားလုပ်မှုဖြင့်
သာသနာရေးဝန်ထမ်း (၇) ဦး အပြစ်ပေးခံရ

အောင်ထက် / ၂၆ နိုဝင်ဘာ ၂၀၀၉



နိုင်ငံတော်ပစ္စည်း အလွဲသုံးစားပြုမှုဖြင့် သာသနာရေးဦးစီးဌာနမှ ၀န်ထမ်း (၇) ဦးအား နိုဝင်ဘာ (၂၄) ရက်တွင် မရမ်းကုန်းမြို့နယ်တရားရုံးမှ အလုပ်နှင့်ထောင်ဒဏ် (၁၀) နှစ်စီ အပြစ်ပေးလိုက်ကြောင်း သာသနာရေးဦးစီးဌာနမှ သိရသည်။

အဆိုပါဝန်ထမ်းတို့အား ၂၀၀၇ ခုနှစ်တွင် ရုံးတင်တရားစွဲဆိုခဲ့ခြင်းဖြစ်ပြီး ၎င်းတို့သည် ကမ္ဘာအေး မဟာပါသဏလိုဏ်ဂူနံရံများ၌ ကပ်ထားသည့် ဓမ္မစကြာပုံတော်ကြေးဝိုင်းများ၊ ကြေးမောင်းများ၊ နိုင်ငံတော်အဆင့်ပွဲများတွင် အသုံးပြုသည့် ဆိုဖာကုလားထိုင်များနှင့် ကော်ဇောချပ်များအပါအ၀င် စုစုပေါင်းတန်ဖိုး ကျပ်သိန်း (၁၈၀) ခန့်ရှိသည့် ပစ္စည်းများကို အလွဲသုံးစားလုပ် ရောင်းချခဲ့ခြင်းဖြစ်သည်။

ယင်းဝန်ထမ်းတို့သည် မဟာပါသဏ လိုဏ်ဂူတော်အတွင်း တာဝန်ထမ်းဆောင်နေစဉ် အဆိုပါ သံဃိက ပစ္စည်းများကို အကြိမ်ကြိမ် ခိုးထုတ်နေခဲ့ကြခြင်းဖြစ်သည်။

“လိုဏ်ဂူထဲက ခိုးထုတ်နေတာ ကြာပြီ။ ဘယ်သူမှ မသိကြဘူး။ တရက် ည (၇) နာရီလောက်မှာ ကားတစီးပေါ် ကုလားထိုင်တွေ မတင်နေတာကို ဦးစီးအရာရှိ ဗိုလ်ကြီးအောင်ရွှေရဲ့ ဇနီးက မြင်သွားတယ်။ အဲလိုနဲ့ စောင့်ဖမ်းတော့ ဦးသက်နိုင် (ဒု-ဦးစီးမှူး) ခိုးထုတ်နေတုန်း ဖမ်းမိတာပဲ” ဟု လိုဏ်ဂူတော်မှ ၀န်ထမ်းတဦးက ပြောသည်။

တရားခံ ဦးသက်နိုင်အား နိုင်ငံတော်ပစ္စည်း အလွဲသုံးစားမှု (အပခ) အရ အရေးယူပေးပါရန် မရမ်းကုန်းရဲစခန်းသို့ သာသနာရေးဝန်ကြီးဌာန တာဝန်ရှိသူတို့က တရားလိုပြု တိုင်တန်းခဲ့သည်။

ဦးသက်နိုင်အား စစ်ဆေးမေးမြန်းရာမှ ဆက်စပ်တရားခံများဖြစ်သော ဦးမြတ်စိုး (ဦးစီးမှူး၊ နယ်မြေဌာန)၊ လုံခြုံရေးဝန်ထမ်းများဖြစ်ကြသော ဦးအောင်ကျော်သူ၊ ဦးသိန်းမြင့်၊ ဦးဇော်မိုးလွင်၊ ဦးရဲအောင်နှင့် ရေစက်မောင်းဝန်ထမ်း ဦးစောထွန်းတို့အား ဖမ်းဆီးအရေးယူနိုင်ခဲ့သည်။

ယင်းအမှုအား မရမ်းကုန်းတရားရုံးမှ (၂) နှစ်ခန့် ရုံးထိုင်ကြားနာကာ အဆိုပါဝန်ထမ်းတို့အား အလုပ်နှင့်ထောင်ဒဏ် အသီးသီး အပြစ်ပေးခဲ့ခြင်းဖြစ်သည်။

တရားခံတို့၏ ၀န်ခံထွက်ဆိုချက်အရ သက်သေခံပစ္စည်းများကို ပြန်လည်သိမ်းဆည်းနိုင်ခဲ့သည်။

သံဃိက ပစ္စည်းများ လက်ခံဝယ်ယူထားသူ (၄) ဦးအား အစိုးရသက်သေအဖြစ် ဆောင်ရွက်စေကာ အမှုမှ တရားသေ ပြန်လွှတ်ပေးခဲ့ကြောင်း ရန်ကုန်မြို့၊ ကမ္ဘာအေးစေတီလမ်း၊ သာသနာရေးဝန်ကြီးဌာန သာသနာရေးဦးစီးဌာနမှ သိရသည်။

http://www.khitpyaing.org/

အပြည့်အစုံဖတ်ချင်ရင်...

Wednesday, November 25, 2009

ကျေးဇူးတော်ရှင်ဖြူးဆရာတော်၏ အန္တိမ အဂ္ဂိဈာပန အခမ်းအနား





http://arzarni.blogspot.com/2009/11/blog-post_1569.html

သက်တော် ၆၉ နှစ် ဝါတော် ၄၉ ဝါ ရှိပြီ ဖြစ်တဲ့ နိုင်ငံကျော် ဓမ္မကထိက ဓမ္မရက္ခိတ ဖြူးမဟာစည် သာသနာ့ရိပ်သာ ဆရာတော် ဖြူးဆရာတော်လို့ နာမည်ကျော်ကြားတဲ့ ဦးနရပတိဟာ နိုဝင်ဘာ ၂၄ ရက် ဒီနေ့မနက် ၇နာရီ ရန်ကုန်မြို့မှာ ဘဝနတ်ထံ ပျံလွန်တော်မူသွားခဲ့ပါတယ်။


ဆရာတော်ကို ဗန်ကောက်မြို့ ဖာ့ရမ်ကောက် ဆေးရုံမှာ ကျောက်ကပ်ရောဂါကုနေရင်း အခြေအနေ အတော်ဆိုးလာတာကြောင့် ရန်ကုန် အာရှတော်ဝင်ဆေးခန်းကို နိုဝင်ဘာ ၂၁ ရက်နေ့က ပြန်လည်ကြွပြီး ဆေးကုသခံယူနေရင်း ပျံလွန်တော်မူသွားပုံ နဲ့ အန္တိမဈာပန ကျင်းပမဲ့ ကိစ္စတွေကို တပည့်ရင်းဖြစ်တဲ့ သံဃာတပါးက RFA ကို ခုလို မိန့်ပါတယ်။

တပည့်ရင်း သံဃာ။ ။ 'မနေ့ညက သွေးပေါင်တွေ ထိုးကျပြီးတော့ မနက်က အသက်တွေငင်ပြီး ပျံတော်မူသွားတာပေါ့နော်။ ဒိပြင်ဟာတော့ ထူးထူးခြားခြား မဖြစ်ဘူးပေါ့နော်။ ကျောက်ကပ် လဲထားတာက ၃ နှစ်လောက် ရှိပြီဆိုတော့ ကျောက်ကပ် ပိုးဝင်တာပေါနေ့ာ်။ တရားပွဲတွေသွားတော့ လူများတဲ့နေရာတွေ ဘာညာပေါ့နော်။ တရားပွဲတွေကလည်း ဆက်တိုက်ဖြစ်၊ ခရီးတွေက ကြမ်းပေါ့နော်။ တရားဟောရင်လည်း တော်တော်အချိန်တွေ ကြာကြာ ဟောတယ်လေ။ အဲ့ဒီတော့ ရောဂါပိုးကို မနိုင်တာပေါ့။ ရာမာနိုင်း(ဆေးရုံ) မှာ ၁၉ ရက်လောက် ကြာတယ်၊ တရားပွဲတွေပါတယ် မနက်ဖြန် ညကစပြီး တရားပွဲတွေ ၅ ညပေါ့နော်။ ၃ဝ ရက်နေ့ ဈာပန။ လောလောဆယ် တော့ စည်းဝေးတိုင်ပင်ပြီးတော့ ရတဲ့ဆရာတော်တွေ လက်လှမ်းမီသမျှ ပင့်မှာပေါ့နော် နာမည်ကြီး ဆရာတော်တွေကို။'

တပည့်ရင်းဆရာတော်တပါး မိန့်ကြားခဲ့တာပါ။ ဆရာတော်ရဲ့ ကျန်းမာရေးအခြေအနေကို အနီးကပ် ပြုစုခွင့်ရခဲ့တဲ့ သီလရှင်ဆရာလေး တပါးကလည်း ဗဟုသုတတွေကို အများကြီးပေးစွမ်းနိုင်တဲ့ တရားဟောကောင်းတဲ့ ဖြူးဆရာတော်လိုမျိုး ပျံတော်မှူသွားတာဟာ အစားထိုးမရတဲ့ ဆုံးရှုံးမှု တရပ်ပါပဲလို့ ပြောပါတယ်။

သီလရှင်ဆရာလေး။ ။ 'သြော် ဒကာကြီးရယ်၊ ဆရာတော်ကြီးကတော့ တရားဟော ကောင်းတာကိုး၊ ဒီလိုမျိုး ဆရာတော်တွေ နောက်ထပ် အများကြီး ပေါ်ဖို့အတွက်လည်း မနည်းကြိုးစားရမှာလေ၊ အခုက ဓမ္မာစရိယက နည်းနေတာကိုး၊ နည်းနေတော့ ဗဟုသုတပေးတာက ဆရာတော်ကြီးတွေပဲ ရှိတာကိုး၊ တပါးပြီးတပါး ဆုံးရှုံးတယ်ဆိုတော့ ဆရာလေးတို့ဆီမှာလည်း နောက်ထပ် ဗဟုသုတ အများကြီး တိုးတက်အောင်လို့ ပြောနိုင်တဲ့ ဆရာတော်တွေက ဆရာလေးတို့တော့ သိပ်ပြီးတော့ မမြင်ဘူးပေါ့နော့်။ ဒီလိုဆရာတော်ကြီးတွေပဲ အများဆုံး ဟောနိုင်တာကိုး၊ အဲ့လိုမျိုးဆိုတဲ့ အခါကျတော့ စိတ်တော့ ဘယ်ကောင်းမလဲပေါ့နော် ဒကာကြီး။'

ဖြူးဆရာတော် ဦးနရပတိကို စစ်ကိုင်းတိုင်း ရေဦးမြို့နယ် ပင်စိမ်းခင်းကျေးရွာနေ အဖ ဦးဘဇွန် အမိ ဒေါ်ဒေါ်မေ တို့က ၁၉၄၁ ခုနှစ်မှာ မွေးဖွားခဲ့ပြီး မွေးချင်း ၄ယောက်ရှိတဲ့အနက် အငယ်ဆုံးသား ဖြစ်ပါတယ်။ ဆရာတော်ကို နိုင်ငံတော်အစိုးရက ဓမ္မကထိက ဗဟုဇနဟိတဓရဘွဲ့ကိုလည်း ဆက်ကပ်ခံခဲ့ရပါတယ်။ ပျံလွန်တော်မမူမီ နေကောင်းတဲ့အချိန်က ပြည်တွင်းပြည်ပ တရားနာ ပရိသတ်တွေကို တရား လှည့်လည်ဟောပြောခဲ့ပြီး တရားခွေပေါင်း ရာချီ ထုတ်ဝေခဲ့ပါတယ်။
http://www.rfa.org/burmese

အပြည့်အစုံဖတ်ချင်ရင်...

Tuesday, November 24, 2009

ဝဿကာရအမတ်ကြီးနှင့် သီရိလင်္ကာနိုင်ငံမှ မြန်မာစာသင်သား ရဟန်းတော်များ

ရာဇဂြိုလ်ပြည့်ရှင် အဇာတသတ်မင်းက အိမ်နီးချင်း နိုင်ငံငယ်ကလေးဖြစ်သည့် ဝေသာလီကို သိမ်းပိုက်လိုသည်။ သေးငယ်သော်လည်း ညီညွတ်သည့်အတွက် တိုက်ခိုက်သိမ်းပိုက်ရန် မလွယ်ကူ။ အမတ်ကြီး ဝဿကာရ၏ အစီအစဉ်အရ အကွက်ကျကျ သပ်လျှိုထိုးခွဲနည်းကို အသုံးပြုကာ ဖြိုခွဲခဲ့သည်။ ထိုနည်းတူ စစ်အစိုးရသည်လည်း အမတ်ကြီးဝဿကာရ၏ သပ်လျှိုထိုးခွဲနည်းကို အသုံးချပြီး တိုင်းရင်းသား အချင်းချင်း သွေးကွဲအောင်လုပ်ကာ ညီညွတ်ရေးကို ဖြိုခွဲသည်။ ထိုဒဏ်ကို မွန်၊ ရှမ်း၊ ကရင်၊ ကချင်၊ ကိုးကန့်စသည့် တိုင်းရင်းသားတို့မှာ အလူးအလဲ ခံနေကြရသည်။ ယခုလည်း သီရိလင်္ကာမှာ စာပေသင်ကြားနေကြသည့် မြန်မာစာသင်သား ရဟန်းတော်များအကြား ညီညွတ်ရေး ပြိုကွဲအောင် အကွက်ကျကျ လုပ်ဆောင်သွားခဲ့သည်။

(၂၂၊ ၁၁၊ ၂၀၀၉) ရက်နေ့က သီရိလင်္ကာနိုင်ငံ၊ ကိုလံဘိုမြို့ရှိ မကုဋာရာမ မြန်မာကျောင်းတွင် မြန်မာသံရုံးမှ ဆွမ်းကပ်ပွဲ ကျင်းပခဲ့သည်။ နှစ်နှစ်ကျော် ကာလအတွင်း မြန်မာသံရုံးက ပထမဆုံး ကပ်သည့် ဆွမ်းဖြစ်သည်။ အမှန်ပြောရလျှင် ထိုဆွမ်းကပ်ပွဲက (၂၀၀၈)ခုနှစ် အခြေခံဥပဒေ ပြည်သူ့ဆန္ဒခံယူပွဲကဲ့သို့ ခြိမ်းခြောက်မှု၊ မြူဆွယ်မှုတို့ဖြင့် စစ်အစိုးရ လှည့်ကွက်ထဲ ဝင်သွားသည်ဟု ဆိုချင်သည်။ နိုဝင်ဘာ (၁၂)ရက်နေ့မှ (၁၅) ရက်နေ့အထိ စစ်အစိုးရခေါင်းဆောင် ဗိုလ်ချုပ်မှူးကြီး သန်းရွှေ သီရိလင်္ကာနိုင်ငံသို့ လာသွားသည်။ သူ့ခရီးစဉ်အတွင်း သီရိလင်္ကာနိုင်ငံရှိ မြန်မာစာသင်သား ရဟန်းတော်တို့ကို လှူဒါန်းရန် သင်္ကန်းနှင့် ဒေါ်လာတွေ ပါလာသည်။ သူမလာခင် တစ်လကျော်လောက်က ပြည်သူတို့ဆီမှ အလှူခံထားခြင်း ဖြစ်သည်။ သို့သော် မြန်မာကျောင်း သုံးကျောင်းလုံးသို့ သူကိုယ်တိုင် မလာရဲခဲ့။ သင်္ကန်းနှင့် ဒေါ်လာတို့ကို သံရုံးမှာ ချန်ထားခဲ့ပြီး သံဃာများအကြား ဝဿကာရအမတ်ကြီးနည်းကို ကျင့်သုံးရန် ညွှန်ကြားသွားခဲ့ဖွယ် ရှိသည်။

ဗိုလ်သန်းရွှေ ပြန်သွားပြီး တစ်ပတ်အတွင်း မကုဋာရာမ မြန်မာကျောင်းမှာ ဆွမ်းကပ်ရန် စီစဉ်တော့သည်။ ဆွမ်းတက်မစားလျှင် စာရင်းမှတ်မည်၊ ပတ်စပို့်၊ ဗီဇာကိစ္စ အခက်အခဲဖြစ်မည်၊ မြန်မာနိုင်ငံအပြန်မှာ ဖမ်းဆီးခံရမည်စသည်ဖြင့် ခြိမ်းခြောက်သည့် သတင်းများ သံဃာတော်များအကြား ပျံ့နှံ့နေခဲ့သည်။ (၂၂) ရက်နေ့ ဆွမ်းကပ်တော့ တစ်ပါးလျှင် ဒေါ်လာနှစ်ရာ (US Dollar: 200)နှင့် ညီမျှသော ရူပီ (၂၁၀၀၀)၊ သင်္ကန်းစသော လှူဖွယ်ဝတ္ထုတွေ လှူဒါန်းသွားသည်။ ပြည်သူလူထုက လှူဒါန်းခဲ့ခြင်း ဖြစ်သော်လည်း လှူဒါန်းသမျှ လှူဖွယ်ပစ္စည်းတို့ကို ဗိုလ်ချုပ်မှူးကြီး သန်းရွှေနှင့် ဒေါ်ကြိုင်ကြိုင်တို့မှ လှူဒါန်းကြောင်း စာတမ်း ရေးထိုးထားသည်။ သူကြီးဘုရား၊ ရွာသားကောင်းမှု-ဟူသော မြန်မာစကားပုံကို ယခုမှ ကိုယ်တိုင် တွေ့ကြုံရခြင်း ဖြစ်သည်။ ငါးကြင်းဆီဖြင့် ငါးကြင်း ပြန်ကြော်ခဲ့ခြင်းလည်း ဖြစ်သည်။

စာရင်းများအရ ဆွမ်းစားကြွရောက်သည့် သံဃာအပါး (၁၅၀) ရှိသည်ဟု သိရသည်။ ဝါဆိုသံဃာစာရင်းအရ ယခုနှစ် (၂၀၀၉) သီရိလင်္ကာ၌ စာပေသင်ကြားနေသည့် သံဃာအပါး (၂၄၇) ပါးရှိပါသည်။ (ဤစာရင်းတွင် သီလရှင်ဆရာလေးများ၊ ကိုရင်များမပါပါ။) ခရီးထွက်နေသည့် သံဃာ ဆယ်ပါးခန့်ကို ဖယ်လိုက်လျှင် ယခုလက်ရှိ သံဃာစာရင်း (၂၃၅)ပါးခန့် ရှိပါလိမ့်မည်။ သံဃာအပါး (၁၅၀) ဟူသော အရေအတွက်မှာ သီရိလင်္ကာနိုင်ငံ၌ စာပေသင်ကြားနေသည့် မြန်မာသံဃာအများစု ဖြစ်နေသည်မှာ ထင်ရှားသည်။ မည်သို့ပင် ဖြစ်စေ မိမိတို့အနေနှင့် သံဃာအများစု၏ ဆုံးဖြတ်ချက်၊ ရပ်တည်ချက်ကို လေးစားပါသည်။ သို့သော် ကျန်သည့် သံဃာ (၈၅)ပါးတို့သည်လည်း မိမိတို့၏ ရပ်တည်ချက်၊ ယုံကြည်ချက်ကို ထုတ်ဖေါ်ပြောဆိုခွင့် ရှိသည်ဟု ယုံကြည်သည်။ မိမိတို့အနေနှင့် စစ်အစိုးရနာမည်ဖြင့် လှူဒါန်းသည့် ဆွမ်းကို မစား၊ ဒေါ်လာနှစ်ရာကို မယူခဲ့ကြခြင်းသည် မိမိတို့ခံယူချက် မိမိတို့ယုံကြည်ချက်အတိုင်းပင် ဖြစ်သည်။ အလှူခံခဲ့ကြသည့် သံဃာအားလုံးနီးပါး စစ်အစိုးရကပ်သည့်အလှူကို မဆန့်ကျင်ခဲ့ကြသော်လည်း စစ်အစိုးရကို ထောက်ခံသူများ မဟုတ်ကြသည်မှာ ယုံမှားစရာ မရှိပေ။ သို့သော် ၄င်းတို့အလှူခံခြင်းသည် သူ့အကြောင်းနှင့်သူ ဖြစ်မည်-ဟု ယုံကြည်ပါသည်။ အားလုံးမှာ လွတ်လပ်စွာ ကွဲလွဲပိုင်ခွင့် ရှိသည်မဟုတ်လော။

မည်သို့ဆိုစေ အလှူခံသူ၊ မခံသူတို့အကြား ဝိဝါဒ ကွဲပြားနေလျှင် စစ်အစိုးရဆင်သည့် ခွင်ထဲသို့ အမှန်ပင် ရောက်သွားပါလိမ့်မည်။ ယခုအချိန်မှာ အရာအားလုံးထက် သံဃာညီညွှတ်ရေးက ပိုပြီး အရေးကြီးပါ သည်။ သံဃာတစ်ပါးချင်းဆီ၏ ယုံကြည်ချက်၊ ရပ်တည်ချက်ကို တန်းဖိုးထား လေးစားရင်း စစ်အစိုးရ ကျင့်သုံးခဲ့သည့် သပ်လျှိုထိုးခွဲနည်း ကျင့်သုံးပုံကို အထူးသတိထား ဆင်ခြင်ကာ မိမိတို့၏ သံဃာညီညွတ်ရေးကို ထိန်းသိမ်းကြဖို့ လိုအပ်ကြောင်း တင်ပြအပ်ပါသည်။

http://www.lanka-msma.co.cc/

အပြည့်အစုံဖတ်ချင်ရင်...

Monday, November 23, 2009

ဒေါ်လာ ၂၀၀ တန်နဲ့ သမိုင်းဂုဏ်သိက္ခာ






ဒီစာကို ရေးသင့် မရေးသင့်အတော်စဉ်းစားမိသေးတယ်၊ သမိုင်းဂုဏ်သိက္ခာအရ ဖျက်မရတဲ့အမည်းစက်ကြီးတစ်ခုဖြစ်နေတော့ မရေးပဲမနေနိုင်တော့ပဲ ရေးသားလိုက်ပါတယ်။သန်းရွှေတို့အုပ်စု သီရိလင်္ကာလို့ခေါ်တဲ့ ကျွန်းနိုင်ငံကလေးကို ဘုရားဖူးအဖြစ် နိုဝင်ဘာ ၁၁.၁၁.၂၀၀၉ နေ့မှာ ချီတက်ခဲ့ကြတယ်၊ တစ်ဆယ့်တစ်မီးငြိမ်းအောင် ယတြာသဘောနဲ့ ၁၁ ရက်နေ့မှာ လာခဲ့ဟန်တူပါတယ်။ သန်းရွှေဆိုတာ လူသိ နတ်သိ ကမ္ဘာသိ အဖြစ်ထင်ရှားတာက လူသတ်ကောင်၊ ဘုန်းကြီးသတ်တဲ့ မိစ္ဆာကောင်၊ မကောင်းဆိုးဝါး ကလိင်ကကျစ် ကောက်ကျစ်ယုတ်မာသူ၊ အာဏာအတွက် ဘာမဆို စတေးဝံ့သူ အဖြစ် ထင်ရှားကျော်ကြားသည့် သတ္တ၀ါတစ်ကောင်ပါ၊ သီဟိုဠ်ကျွန်းကိုလာတဲ့ ရည်ရွယ်ချက်ကတော့ ဘုရားလဲဖူး လိပ်ဥလဲ တူးဆိုသည့်တစ်ခုတည်းသောရည်ရွယ်ချက်၊ နှစ်နိုင်ငံ ချစ်ကြည်ရေး ဘာညာသာရကာဆိုတာက လူကြားကောင်းရုံသက်သက်မျှသာ။
သန်းရွှေ ရဲ့ မလိမ့်တစ်ပတ် လူလည်ကျချက်ကတော့ သမင်ကို ကျားက အဖေခေါ်ရလောက်အောင်ပင် အံ့မခန်း စွမ်းဆောင်နိုင်ပါပေသည်။ သီဟိုဠ်ကျွန်း သီရိလင်္ကာနိုင်ငံဆိုတာ မြန်မာရဟန်းတော်များ ပညာရှာဖွေ ဆည်းပူးရာ ဘူမိနက်သန်နေရာမှန်တစ်ခု၊ သူတို့ရဲ့အဓိကအားနည်းချက်က (B.A) (M.A) (Ph.D) ဘွဲ့တစ်ခုခုရရှိဖို့အတွက် မိမိတို့ရဲ့ ခြစ်ခြုတ်စုဆောင်းထားသည့် ၀တ္ထုငွေလေးများနဲ့ ခြို့တဲ့စွာ ပညာသင်ကြားကြရသည်။ အစားအသောက် အနေအထိုင်ဆင်းရဲစွာ သီတင်းသုံးကြရသည်။ အများစုက မပြေလည်ကြသည်ကများသည်။ ဒီအချက်ကို သန်းရွှေက ကောင်းကောင်းသဘောပေါက်ထားသည်။ သို့သော် သီဟိုဠ်ရောက်မြန်မာရဟန်းတော်စာသင်သားအရေအတွက်ကလည်း နဲနဲနောနောမဟုတ် အပါး (၃၀၀) ကျော်ရှိသည်၊ သန်းရွှေမြန်မာကျောင်းရောက်လာလို့ တစ်ပါးတစ်ချက်ထုလိုက်ရင် သန်းရွှေတစ်ကောင် မှုန့်မှုန့်ညက်ကြေသွားနိုင်သည်။ လာရဲတဲ့ သတ္တိလဲ သူမှာမရှိ၊ လာရင်လဲ သန်းရွှေအသက် မြန်မာပြည် ပြန်ပါနိုင်မည်မထင်၊ ဒီတော့ သန်းရွှေက အကွက်ကျကျစီစဉ်ညွန်ကြားထားခဲ့သည်။
(၂၂-၁၁-၂၀၀၉) နေ့မှာ သီရိလင်္ကာနိုင်ငံ ကိုလံဘိုမြို့ရှိ မကုဋာရာ မြန်မာကျောင်းတိုက်တွင် မြန်မာစာသင်သားရဟန်းသံဃာတော်တို့အား ဒေါ်လာ(၂၀၀) နှင့် သင်္ကန်းစသည့်လှူဖွယ်ပစ္စည်းများကို မြန်မာသံရုံးအား လှူဒါန်းစေခဲ့သည်။သီရိလင်္ကာရောက် မြန်မာကျောင်းသားရဟန်းတော်များဆိုသည်မှာ (၂၀၀၇)ခုနှစ် စက်တင်ဘာရွှေဝါရောင်တော်လှန်ရေးကြီးနှင့်အတူ တစ်သွေးတည်း တစ်သားတည်းမွေးဖွား ထင်ရှားလာသည့် အဖွဲ့အစည်းကြီးဖြစ်သည်၊ နိုင်ငံရေးအဖွဲ့အစည်းမဟုတ်၊ မိမိတို့ အမျိုးဘာသာ သာသနာကို စော်ကားချင်တိုင်းစော်ကား ယုတ်မာရက်စက်ရိုင်းစိုင်းတဲ့ မသူတော် စစ်မိစ္ဆာကောင်များကို တရားနည်းလမ်းကျ ဆုံးမသွန်သင်ရန် ခိုင်မာကျစ်လစ်စွာ ဖွဲ့စည်းထားသည့် အဖွဲ့အစည်းကြီးတစ်ခုဖြစ်သည်။ ယင်းအချိန်ကတည်းက နအဖစစ်မိစ္ဆာကောင်များကို ပတ္တနိက္ကုဇ္ဇန ကံဆောင်ကာ သပိတ်မှောက်ခဲ့ကြသည်၊ ယခုအချိန်အထိလည်းမှောက်ထားဆဲ နောင်လဲ မှောက်နေဦးမည်ဖြစ်သည်။ ပတ္တနိက္ကုဇ္ဇန ကံဆောင်မှုသည် မသူတော် ယုတ်မာပက်စက်သည့် မင်းဆိုးမင်းညစ် ကလိမ်ကကျစ် အယောင်ဆောင် မင်းတု မင်းယုတ်များထံမှ မည်သည့် အရာဝတ္ထုကိုမျှ အလှူမခံ မပတ်သက်ဟု သံဃာ့ဆန္ဒခံယူပြီး သိမ်ဝင်ကာ ကံဆောင်ထားခြင်းဖြစ်သည်။

သန်းရွှေက ဒါကို ချေဖျက်ဖို့ရန်နှင့် ဘုရားဖူး အကြောင်းပြကာ သီရိလင်္ကာသို့ ရောက်လာခြင်းဖြစ်ပေသည်။ အာဏာနှင့် ငွေရှိရင် ဘာမဆို လုပ်လို့ရတယ်လို့ ထင်နေတဲ့ သန်းရွှေဟာ သံဃာတော်များရဲ့ အားနဲချက်ကို အခွင့်ကောင်းယူကာ ပိုင်ပိုင်နိုင်နိုင် အသုံးချသွားခြင်းဖြစ်ပေသည်။ အကွက်ဆင် ဂွင်ပိုင်အောင် ရိုက်တတ်လေ့ရှိသော သန်းရွှေသည် ကြပ်ပြေး သင်းချိုင်းကုန်းတွင် မိန့်မိန့်ကြီးထိုင်ကာ ပီတိတွေဝေဖြာနေမှာတော့ မြေကြီးလက်ခတ်မလွဲပင်။
သန်းရွှေတစ်ယောက်မသိလိုက်သည့်အရာကတော့ အမှန်တရားကို အာဏာငွေနဲ့ လှဲလယ်လို့မရဘူးဆိုတာပါပဲ၊ သန်းရွှေလှူဒါန်းသည့် ဒေါ်လာ(၂၀၀)နှင့် ဒန်ပေါက်ဆွမ်းကို မဘုဉ်းပေးအလှူမခံသည့် သံဃာတော်များက (၇၅)ပါး ကျော်ရှိနေခဲ့သည်။ တစ်နေ့ကို (၁၀)ကြိမ်(၁၀)လီ ရှိခိုးထိုက်ပေစွ၊ အကြောင်းအမျိုးမျိုးကြောင့်အလှူခံခဲ့သည့် သံဃာတော်များကိုလည်း အပြစ်မမြင်လို၊ ဆင်းရဲနွမ်းပါးချို့တဲ့သည့်ဒဏ်ကို ဘုန်းကြီးရော လူပါ အလူးအလဲ ခံစားနေကြရသည့် နအဖခေတ်ဆိုးကြီးမဟုတ်ပါလား၊သူ့ကိုယ်မကယ်နိုင် ကိုယ့်သူမကယ်နိုင်ဘ၀ရောက်နေသည့် နအဖ ခေတ်ပျက်ကြီးထဲဝယ် သန်းရွှေနှင့်အပေါင်းအပါများကို မြန်မာ့မြေပေါ်မှ အပီးပိုင် မမောင်းထုတ်နိုင်သေးသရွေ့ သန်းရွှေပြုသမျှ နုကြရပေဦးမည်သာ။
သန်းရွှေသွေးထိုးစမ်းခဲ့သော သီရိလင်္ကာမြန်မာကျောင်းသားရဟန်းတော်(၇၅)ပါးကျော်သည် မိမိတို့၏ သမိုင်းပေးတာဝန်ကို ကျေပွန်စွာထမ်းဆောင်ခဲ့ကြပေသည်။ ဒေါ်လာ (၂၀၀) နှင့်မိမိတို့၏ သမိုင်းအမည်းစက် အစွန်းအထင်းမခံခဲ့၊သန်းရွှေ စစ်မိစ္ဆာကောင်လှူဒါန်းသည့် ၀တ္ထုပစ္စည်းများကို အလှူမခံပဲ မိမိတို့ဆန္ဒကိုဖော်ထုတ်ခဲ့ကြသည်။ မသန့်ရှင်းသည့် ငွေကြေးဝတ္ထုများကို အသုံးပြုခြင်းထက် ဖြူစင်သန့်ရှင်းသည့် မွန်မြတ်သည့်အရာကို တစ်မိနစ်တစ်စက္ကန့်မျှပြုလုပ်နိုင်ခြင်းသည် မြင့်မြတ်သည့် သူတော်ကောင်းတို့သာ လုပ်နိုင်သည့်အရာဖြစ်ပေသည်။ သူတို့သည် သီရိလင်္ကာရောက် မြန်မာကျောင်းသားရဟန်းတော်များ အဖွဲ့ဟူ၍ ကမ္ဘာတည်သရွေ့ သမိုင်းဂုဏ်ရောင် ၀င်းပြောင်နေကြဦးမည်ဖြစ်ပေသည်။
အလှူခံတော်မူခဲ့ကြသည့်သံဃာတော်အရှင်သူမြတ်အပေါင်းတို့အားလည်း အမိသာသနာတော်ကို ကြည်ညိုလေးစား ချစ်ခင်မြတ်နိုးကြသည့် ဒကာဒကာမအပေါင်း သူတော်ကောင်းတို့က အထက်ပါအချက်များကို သဘောပေါက်ကာ သံဃာတော်များသည် မိစ္ဆာညွတ်ကွင်းသို့ မသက်ဆင်းမိအောင် မိမိတတ်စွမ်းနိုင်သည့်ဖက်က ၀ိုင်းဝန်း ကာကွယ်စောက်ရှောက် လှူဒါန်းကြရန် အထူးတာဝန်ရှိပေသည်။ နအဖသည် မာယာပရိယာယ်အသွယ်သွယ်ဖြင့် ပြည်တွင်းရှိသံဃာတော်များကိုပါမက ပြည်ပရှိသံဃာတော်များကိုပါ စည်းရုံးဖျက်ဆီးဖို့ မီးစိမ်းပြလိုက်ခြင်းလည်းဖြစ်သည်။ မီးဘေးရှောင်မလောင်ခင်တားဆိုသည်နှင့်အညီ နအဖ၏ တို့မီးရှို့မီးများသည် အခြားသောနိုင်ငံများသို့ မကူးစက်နိုင်အောင် ၀ိုင်းဝန်းကာကွယ်တားဆီးကြရမည်ဖြစ်ပေသည်။ စစ်မှန်သည့် မွန်မြတ်သည့် မင်းကောင်းမင်းမြတ် ပေါ်ထွန်းခဲ့သည်အမိမြေတွင် စစ်မှန်သည့် ဗုဒ္ဓသာသနာတော်ထွန်းကားပြန်ပွားဖို့ရန် မင်းဆိုးမင်းညစ် မင်းကောက် မင်းယုတ်မာ မင်းသူခိုး မင်းဂျပိုးများကို မွန်မြတ်သည့်အမိမြေမှ အမြန်ဆုံးမောင်းထုတ်ကြဖို့ အချိန်တန်ပြီဖြစ်ပါကြောင်း တင်ပြလိုက်ရပေသည်။

ပြည်သူ့ဘုန်းဘုန်း
၂၃.၁၁.၂၀၀၉



အပြည့်အစုံဖတ်ချင်ရင်...

Thursday, November 19, 2009

ကမ္ဘာပျက် ကမ္မဌာန်း

လူတွေအားလုံး
ပုခုံးပေါ်က အိမ်စာ တွေကိုချ
နေ့ရွှေ့ညရွှေ့ ဆန္ဒတချို့ကို
ခဏလေးဖြစ်ဖြစ် အကောင်အထည်ဖော်ခွင့်ရဖို့ 
ကမ္ဘာပျက်ဖို့ ကိုပဲ ဆုတောင်းပေးရတော့မလိုလို…

သြော်…လူဆိုတာ
မလွန်ဆန်နိုင်တဲ့ အခြေအနေတွေအောက်မှာ
ကိုယ့်စိတ်ကိုယ် ခဏခဏ
သစ္စာဖောက်ဖောက်နေကြရတဲ့ သတ္တဝါတွေပါလား။

စိတ်ကို ထိန်းချုပ်သင့်တယ် ဆိုပေမယ့်လည်း
ချွန်းအုပ်လိုက်ရသမျှ စိတ်တိုင်းဟာ
ဆင်ရိုင်းတော့ မဟုတ်ခဲ့ပါဘူး။
တခါတခါဆို
အခြေအနေတွေကို ငဲ့ပြီး
ချိုးလိုက်ရတဲ့ အညွန့် လေးတွေထဲမှာ
အပြစ်ကင်းတဲ့ စိတ်ကူးလေးတွေနဲ့ 
ချစ်ခြင်းရဲ့  ‘အရိပ်ဦး’လေးတွေတောင် ပါသွားတတ်တယ်။

ပညာရှိတယောက်ကတော့ ဆိုတယ်။
သင်ဟာ သင်ပီသဖို့ နဲ့ 
ရလာသမျှ စက္ကန့် တိုင်းကို တန်ဖိုးထားတတ်ဖို့ 
နေနေရတဲ့ နေ့ တိုင်းကို
နောက်ဆုံးနေ့ လို့ သဘောထားဖို့ လိုသတဲ့။

အဲဒီ့ အဆိုကို
အပြည့်အဝ မထောက်ခံလို ပေမယ့်
တခါတခါ…ကိုယ့်သတိ ကိုယ်ပြန်နှိုးဖို့ 
အဲလို ကမ္မဌာန်းမျိုးတော့ လိုမယ်ထင်တယ်။

တကမ္ဘာတည်းစီး တခရီးတည်းသွားတို့ ရေ…
တန်ဖိုးဆိုတာ ဆုံးရှုံးသွားမှ သိတတ်တာမို့ 
စိတ်ကူးလေးနဲ့ ခဏလောက် ရင်ဆိုင်ကြည့်ကြရအောင်။

စိတ်တံခါးကိုသာဖွင့်ထားလိုက်…
အခက်ဆုံးအခြေအနေမှ
မျက်လုံးတွေက
ပိုပြီးမြင်တတ်တာ။

ယုံပါတယ်
ငါတို့ အရည်အသွေးတွေဟာ
အခက်အခဲတွေနဲ့ သွေးပေးမှ
ပိုတောက်ပြောင်လာလိမ့်မယ် ဆိုတာ။

ကောင်းကင်ကို


အပြည့်အစုံဖတ်ချင်ရင်...

Thursday, October 1, 2009

မဟုတ်မခံ ခွပ်ဒေါင်းတို့ရဲ့ မာန်



ကဗျာ
နီသင်းနိုင် (VCT)
အင်္ဂါနေ့၊ စက်တင်ဘာလ 29 ရက် 2009 ခုနှစ် 14 နာရီ 27 မိနစ်

ni-thin-naings
ရာဇဝင်မကောင်းတဲ့ အတိတ်ရလဒ်နဲ့

ပရဟိတမရှိတဲ့ ရာဇဝင်ဖြစ်စဉ်

ဘယ်တော့မှ သမိုင်းကောင်းမဝင် …

တလမ်းသွားအမှောင်တို့ရဲ့

အတ္တကြည့် အာဏာရှင်တပည့်ကိုလည်း

ဘယ်တော့မှ ဆရာ မတင်ဘူး …

စစ်ခြေရာကို စစ်ခွာတွေ ထပ်ခင်းဖို့

ဥပါယ်တံမျဉ် ဒိုင်ယာလော့ တေးသားနဲ့

၂၀၁၀ မိစ္ဆာရွေး တရားကိုလည်း

ဘယ်တော့မှ

ဘုရားလို့ မထူးဘူး …။



နင်းသွားမယ့်မြေမှာ

သွေးအခါအခါ ထွက်ခဲ့လည်း

ကြိုးတရာကို မကြောက်

ဒူးထောက်လို့ အာဏာရှေ့ရောက်မခံ

မိန်ကောင် မာန်ငှက်ဆိုး ဖက်ဆစ်အရိုးရဲ့

မုန်ယစ်စနစ်မျိုး

လည်မျိုကျိုးသွားပါစေ

တုတ်မကျိုးစေရ …။



အလင်းတခု စီးဆင်းဖို့

ထွန်းညှိစို့ဆိုပြီး

ပေါင်းကူးခံ ကျောင်းသားချွေးစက်တွေနဲ့

ဒေါင်းတို့ရဲ့ အလံကို

အောင်သံပေးလို့ ဆုပ်ကိုင်

မဏ္ဍိုင်မလဲဟေ့ ဘယ်တော့မှ

စစ်အာဏာတည်နေသမျှတော့

လာ … …

အမြစ်လှန် မီးရှို့တိုက်ဖျက်ကြမယ် …။ ။
http://www.mizzimaburmese.com/

အပြည့်အစုံဖတ်ချင်ရင်...

မြန်မာ-အမေရိကန် ဆက်ဆံရေး လမ်းကြောင်းသစ် (PBS NEWS HOURS TONIGHT)

အပြည့်အစုံဖတ်ချင်ရင်...

Monday, September 28, 2009

ဖိနပ်စာ ကျွေးခံခဲ့ရသည့် ဥာဏ်ဝင်းနဲ့ သိန်းစိန်

အပြည့်အစုံဖတ်ချင်ရင်...

သာသနာ့ကျိန်စာ


သံဃာတော်များ၊ကျောင်းသားများ၊ပြည်သူများကို ညှင်းပန်းနှိပ်စက်နေသော န အ ဖ

စစ်အုပ်စုနှင့်တကွနောက်လိုက်အလိုတော်ရိ ကြံ့ဖွတ်စွမ်းအားရှင်ဝန်ထမ်းများအားလုံး

ကိုသာသနာ့ကျိန်စာတိုက်လိုက်သည်။

စစ်အုပ်စုနှင့်တကွနောက်လိုက်အလိုတော်ရိများသည် သံဃာတော်များကိုသေနတ်နှင့်

ပစ်သတ် ၀ါးရင်းဒုတ်နှင့်ရိုက်ကာမတရားဖမ်းဆီးထောင်ချနှိပ်စက်သတ်ဖြတ်နေသည်

မှာတကယ်မှန်ပါသည်။

အေးချမ်းစွာဖြင့်ဗုဒ္ဓ၏အရိပ်အောက်တွင်နေထိုင်ကြသောပြည်သူပြည်သားများကို

ဖမ်းဆီးထောင်ချ မတရားနှိပ်စက်ခြင်း၊မိန်းကလေးများအားမုဒိန်းကျင့်ခြင်း၊အတင်း

အဓမ္မလုပ်အားပေးခိုင်းစေခြင်း၊တိုင်းပြည်ဘဏ္ဍာများကိုမတရားခိုးယူခြင်းဖြင့်တနေ့

တခြားဆိုးရွားယုတ်လာသည်မှာတကယ်မှန်ကန်ပါသည်။

ဤမှန်ကန်သောသစ္စာစကားကြောင့် န အ ဖ စစ်အုပ်စုနှင့်တကွ နောက်လိုက်

အလိုတော်ရိကြံ့ဖွတ်၊စွမ်းအားရှင်မိသားစုများအားလုံးသည်ဆင်းရဲဒုက္ခများချက်ချင်းခံ

စားကြရပါစေသတည်း။တစ်ကမ္ဘာပတ်လုံး မဟာအ၀ိစိငရဲမှာ ခံနေကြရပါစေသတည်း။

တစ်ကမ္ဘာပတ်လုံးဆင်းရဲမွဲတေငတ်ပြတ်ကာလိုက်တောင်းစားနေကြရပါစေသတည်း။ တစ်ကမ္ဘာပတ်လုံးဆင်းရဲဒုက္ခအ၀၀ကိုအမြဲမပြတ်ကာလပတ်လုံးခံစားနေကြရပါစေသတည်း။ တစ်ကမ္ဘာပတ်လုံးချမ်းသာဟူသောအသံကိုမကြားကြရစေသတည်း။

မှတ်ချက်။ ။မိမိလုပ်ရပ်များကိုချက်ချင်းရပ်၍သံဃာတော်များကိုဝန်ချတောင်းပန်

မည်ဆိုလျှင်၎င်းကျိန်စာမှလွတ်ငြိမ်းချမ်းသာခွင့်ရနိုင်ပါသည်။

သံဃာတော်များရဲ့အမိန့်

အပြည့်အစုံဖတ်ချင်ရင်...

Go Towards

Go Towards
http://kaungkinko.myanmarbloggers.org/2009/06/blog-post_30.html

အပြည့်အစုံဖတ်ချင်ရင်...

ဖိနပ်စာ မိခဲ့ကြတဲ့ လူသတ်တရားခံများ



မိုးမခအထောက်တော် အမှတ် ဝဝ၅
စက်တင်ဘာ ၂၈၊ ၂၀၀၉

မြန်မာနိုင်ငံခြားရေး ဝန်ကြီး ဉာဏ်ဝင်းကို ကမ္ဘာကျော်ခေါင်းဆောင်ကြီးများဖြစ်သည့် အမေရိကန် သမ္မတဟောင်း ဘုရှ်၊ တရုတ်ခေါင်းဆောင် ဟူဂျင်းတောင်တို့နှင့် တတန်းတည်း ဖြစ်သွားစေရန် မြန်မာ့အရေး လှုပ်ရှားသူတချို့က ဆောင်ရွက်ပေးလိုက်ကြသည်။

ကုလသမဂ္ဂ အထွေထွေညီလာခံအတွက် နယူးယောက်သို့ ရောက်နေသော ဝန်ကြီး ဉာဏ်ဝင်းကို ဆန္ဒပြ မြန်မာပြည်သားတချို့က ဖိနပ်ဖြင့် ပစ်ပေါက်ကြသည်ဟု ယနေ့ည ဘီဘီစီ မြန်မာပိုင်း အသံလွှင့်ဌာနက ကြေညာသွားသည်။

ကြက်ဥ၊ ကော်ဖီတို့ဖြင့်လည်း ပစ်ပေါက်ကြသည်ဟု ဆိုသည်။ သို့သော်လည်း ၎င်းတို့ပစ်ပေါက်သည့် အရာများက ဝန်ကြီးကို ထိမှန်သည်ဟု သတင်းတွင် ဖော်ပြထားခြင်း မရှိပေ။

ဖိနပ်ဖြင့် ပစ်ပေါက်သူကို ရဲတပ်ဖွဲ့ဝင်တို့က ဖမ်းဆီးလိုက်ပြီး နောက်ပိုင်းတွင် ပြန်လည် လွှတ်ပေးလိုက်သည်ဟု ဆိုသည်။

သို့သော်လည်း တခြားသတင်းတပုဒ်တွင်မူ အဆိုပါ ဖိနပ်သမားမှာ ထွက်ပြေး လွတ်မြောက်သွားခြင်း ဖြစ်သည် ဟု ဆိုသည်။

“ရုမ်းရင်းဆန်ခတ်ဖြစ်နေတဲ့အတွက် ဖိနပ်နဲ့ ပေါက်သူများထဲမှာ တယောက်ကိုသာ ရဲက ဖမ်းဆီးနိင်ခဲ့ပါတယ်။ ထိုသူမှာလည်း ထွက်ပြေး လွတ်မြောက်နိင်ခဲ့ပါတယ်။ မိမိဖက်မှာ အကျအဆုံး မရှိပါ။ လူနည်းသော်လည်း ညီညီညာညာ တိုက်ပွဲဝင်နိင်သဖြင့် အကျိုးအမြတ် ကြီးလှပါတယ်” ဟု komoethee.blogspot.com တွင် ဖော်ပြထားသည်။

ဆန္ဒပြသူများက မြန်မာစစ်ခေါင်းဆောင်များ တည်းခိုရာ ဟိုတယ်ဝင်ပေါက်များအနီးတွင် ရှိနေသဖြင့် စစ်ခေါင်းဆောင်များမှာ ဟိုတယ်အတွင်း အချိန်အတော်ကြာကြာ ပိတ်မိနေခဲ့သည်ဟု သိရသည်။

ပိတ်မိနေသူများထဲတွင် ဝန်ကြီးချုပ် သိန်းစိန်လည်း ပါဝင်သည်။

နောက်ဆုံးတွင် သိန်းစိန်သည် ဟိုတယ်နောက်ဖေးပေါက်မှ ခိုးကြောင်ခိုးဝှက်ဖြင့် ထွက်ခွာသွားနိုင်သည်ဟု ဘီဘီစီသတင်းတွင် ဖော်ပြထားသည်။

ဉာဏ်ဝင်းကဲ့သို့ပင် အမေရိကန် သမ္မတဟောင်း ဘုရှ်၊ တရုတ်နိုင်ငံခြားရေး ဟူဂျင်းတောင် တို့လည်း ဖိနပ်ဖြင့် ပစ်ပေါက်ခြင်းနှင့် ရင်ဆိုင်ခဲ့ရသူများ ဖြစ်သည်။


အပြည့်အစုံဖတ်ချင်ရင်...

နာဂစ် လူသတ်တရားခံ သိန်းစိန်နဲ့ ညဏ်ဝင်း ဖိနပ်များနဲ့ အပေါက်ခံရပြီ။





သိန်းစိန် နဲ့ ညဏ်ဝင်း ကို ဒီနေ့ နယူးယောက်ရှိ မြန်မာ များ က ဖိနပ်များနဲ့ ပေါက်ပြီးဆန္ဒပြလိုက်ကြပါတယ်။ သူတို့ နစ်ယောက်နဲ့  အဖွဲ့ ဟာ နယူးယောက်မြို့  ၃၉ လမ်း East Gate Hotel မှာ တည်းခို ကြတယ်။ ဆန္ဒပြတဲ့အင်အားစုများက နံနက် စောစော ၇ နာရီ မှာ ဟောတယ်ရှေ့ ကိုရောက်ကြတယ်။တနင်္လာနေ့ ဖြစ်တာတကြောင်း ၊ နံနက်လင်းအားကြီးဖြစ်နေတာတကြောင်းကြောင့်လူ ၂၀ ခန့် သာလာနိင်ပါတယ်။ သူတို့  နောက် လိုက်များ၊ သံတမန်လုံခြုံရေးများ၊ ရဲများကဆန္ဒပြအင်အားထက်ပိုမိုများနေပါတယ်။ နံနက် ၈ နာရီခန့် မှာ ညဏ်ဝင်းနဲ့ အဖွဲ့ က ကားနစ်စီးနဲ့ ထွက်လာတယ်။

ဟော်တယ်အပြင်ဖက်ရောက်လာတဲ့အခါမှာတော့ ကိုမိုးသီးနဲ့ ၃ ယောက်က ဖိနပ်နှင့်ဝိုင်းပေါက် လိုက်တဲ့အခါမှာ တိုက်ပွဲစလိုက်ပါတယ်။ Mr Creator က ကော်ဖီခွက်နဲ့ ညဏ်ဝင်းကိုလှမ်းပက်လိုက်ပါတယ်။ အနီးကပ်ပြစ်ခတ်ကြတာဖြစ်တယ်။
ညဏ်ဝင်း လန့် ပြီး ကားထဲကိုငုံရှောင်တယ်။ သူလူများက လက်နဲ့ ဝိုင်းကာ ကြတယ်။ ကားကို အတင်းမောင်းပြေးတယ်။
သံဃာနစ်ပါးနှင့် မမေစန္ဒာစိုးညွန့် ၊ မစိုးစိုးဝင်းတို့ က လူသတ်သမားများ၊ သူခိုးများ လို့ အော်ဟစ် ဆန္ဒပြကြပါတယ်။ သူတို့ ကြောက်အားလှန့် အားဖြစ်ပြီး ကားမောင်းပြေးပါတယ်။ သိန်းစိန် ကျန်ရစ်ခဲ့တယ်။ သိန်းစိန်ကားက ကားလမ်းကို ပြောင်းပြန်မောင်းပြီးပြေးပါတယ်။ ဆန္ဒပြသမားက ရဲများကို Ticket ပေး၊ Ticket ပေးလို့ ဝိုင်းအော်ပေးလိုက်ကြတယ်။ သိန်းစိန် ကားခေါင်းခန်းက ပါသွားတာကိုတွေ့ လိုက်ရတယ်။ ပြောင်နေတဲ့နဖူးကို ပတ်ဖို့ ထားတဲ့နောက်စေ့က ဆံပင်ကျို့ တို့ ကျဲတဲမှာ အခွေ လိုက်ပြုတ်ကြသွားတာကိုတွေ့ ရပါတယ်။


ဖိနပ်နဲ့ ပေါက်သူများကို ရဲကလာဖမ်းတယ်။ ရုမ်းရင်းဆန်ခတ်ဖြစ်နေတဲ့အတွက် ဖိနပ်နဲ့ ပေါက်သူများထဲမှာ တယောက်ကိုသာရဲ ကဖမ်းဆီးနိင်ခဲ့ပါတယ်။ ထိုသူမှာလည်း ထွက်ပြေးလွတ်မြောက်နိင်ခဲ့ပါတယ်။ မိမိဖက်မှာ အကျအဆုံးမရှိပါ။ လူနည်းသော်လည်း
ညီညီညာညာ တိုက်ပွဲဝင်နိင်သဖြင့် အကျိုးအမြတ်ကြီးလှပါတယ်။

ဗွီအိုအေမှာ သတင်းထောက်နစ်ဦးက လာရောက်မှတ်တမ်းတင်ဗွီဒီယိုရိုက်ပါတယ်။ Mizzima သတင်းဌာနမှာ တယ်လီဖုန်းဖြင့်သတင်းရယူပါတယ်။ အာအက်ဖ်အေမှသတင်းထောက်များကိုမတွေ့ ပါ ။ တယ်လီဖုန်းဖြင့်လည်း ဆက်သွယ်ခြင်းမပြုကြပါ။ ဘီဘီစီ ကတော့ နိင်ငံရေးသုတေသီများ၊ပညာရှင်များ ရဲ့ မိန့် ဆိုချက်များမှလွဲ ပြီး ဒီလိုသတင်းမျိုးကို လွင့်ထုတ်လေ့ မရှိကြောင်းတွေ့ ရပါတယ်။

ဒီနေ့ ညနေ ၄ နာရီမှာ လည်းကောင်းတို့ တည်းခိုရာဟောတယ်ရှေ့ မှာဆက်လက် ဆန္ဒပြဦးမှာဖြစ်ပါတယ်။ နယူးယောက်ညီအကိုမောင်နမများ အင်အားပြကြဖို့ တိုက်တွန်းနိုးဆော်ပါတယ်။ နေရာနဲ့  ဆက်သွယ်ရန်များကို အောက်မှာ ဖေါ်ပြထားပါတယ်။
http://komoethee.blogspot.com/

အပြည့်အစုံဖတ်ချင်ရင်...

စာရွက်ပေါ်မှသည် လက်တွေ့ တိုက်ပွဲဆီသို့ 


မင်းသွေးသစ်(၂၀၀၇)
(၂၀၀ရ)မျိုးဆက်ကျောင်းသားသမဂ္ဂကျောင်းသားတဦး
28.9.09 (2:59)AM

ဤစာစုလေးကိုမဖတ်ခင် ပထမဆုံးကြိုတင်အသိပေးထားချင်တာကတော့ ဤစာစုဟာ မည်သူ တဦးတယောက် တဖွဲ့ကိုမှ ရည်ရွယ်ရေးထားခြင်းမဟုတ်ပဲမြန်မာနိုင်ငံစစ်အာဏာရှင်စနစ်မှ လွတ်မြောက်ရေးအတွက် အုတ်တချပ် သဲတပွင့်ဖြစ်လျှင်ပင် ရေးရကျိုးနပ်ပြီဟူသော စေတနာသန့်သန့်ဖြင့်သာ ရေးသားခြင်းဖြစ်ကြောင်းကြိုတင် အသိပေးလိုပါသည်။

ယနေ့မြန်မာနိုင်ငံ၏ နိုင်ငံရေးအခင်းအကျင်းကို ကြည့်လျှင် ပြည်တွင်းရှိ နိုင်ငံရေးအင်အားစုများအကြား စစ်အစိုးရ၏(၂၀၁၀) ရွေးကောက်ပွဲကို ၀င်ရေး မ၀င်ရေး ကွဲပြားနေသကဲ့သို့ အယူအဆရေးရာတွင်လည်း ပူးသတ်မည့်အယူအဆ နှင့် မပူးပေါင်းပဲ လုံးဝ ဆန့်ကျင်ရေး အယူအဆဟူ၍ကွဲပြားနေကြသည်။ ၄င်းအကွဲအပြဲအတွင်းတွင် အပစ်အခတ်ရပ်ထားသော ငြိမ်းအဖွဲ့များနှင့် ပြည်သူလူထုမှာေ၀၀ါးသောလမ်းကြောင်းပေါ်သို့ရောက်မှန်းမသိရောက်ကုန်ကြပြီဖြစ်သည်။


ထိုအနေအထားတွင်ပင်(၁၉၉၀)ရွေးကောက်ပွဲကိုအနိုင်ရရှိခဲ့သောအမျိုးသားဒီမိုကရေစီအဖွဲ့ချုပ် ကိုယ်တိုင်ကလည်းရှေ့လာမည့် တနှစ်အတွင်း ပြည်သူကိုဦးဆောင်၍ လျှောက်လှမ်းရမည့်နိုင်ငံရေးခရီးကြမ်းကြီးအတွက် အဖက်ဖက်မှထိုးနှက်ခံထားရသော ဒဏ်ရာဒဏ်ချက်များစွာကြောင့် များစွာရင်လေးဖွယ်ရာအနေအထားပင်ဖြစ်သည်။ ထိုအခြေအနေတွင် ပြည်ပနိုင်ငံရေး အင်အားအများစုများမှာ ညီညွှတ်နေရမည့်အစား အချင်းချင်းလက်ညှိုးထိုး၍ ငယ်ကျိုးငယ်နာဖော်နေကြသည့်သံသရာမှ ရုန်း မထွက်နိုင်သေးပဲ နစ်ပြီးရင်းနစ်နေကြသည်ကိုစိတ်မကောင်းစွာတွေ့ရှိနေရပေသည်။ တိုင်းပြည်ချောက်ကမ်းပါးကျတော့မည့် အနေအထားတွင်ကယ်တင်နိုင်မည့်ခေါင်းဆောင်ပေါ်ထွက်လာနိုင်မည့်အရေးမှာလဲ လူ့ပြည်မှ အပ်တစင်းနှင့် ဗြဟ္မာပြည်မှ အပ် တစင်း တွေ့ဆုံရေးခက်ခဲသလိုခက်ခဲနေပေသည်။

အဘယ့်ကြောင့် ယခုလိုအခြေအနေထိ ဖြစ်ခဲ့သနည်း။ အမေးရှိကအဖြေရှိရပေမည်။ လွန်ခဲ့သည့်နှစ်အနည်းငယ်အတွင်း နိုင်ငံ ရေးအင်အားစုများဖြိုခွဲမခံရသေးမှီအချိန်က ပြည်သူတို့ကိုယ်တိုင်မသိလိုက်မသိဘာသာနေလိုက်ခြင်းက ပထမဆုံးအမှား ဖြစ် လျှင် တဗိုလ်ကျတဗိုလ်တက်စနစ်ကို အကောင်အထည်ဖော်မှုနည်းပါးစွာပင် အရာရာတိုင်းတွင် ဒေါ်အောင်ဆန်းစုကြည်ကို လွန်စွာအားကိုးနေကြခြင်းသည်ဒုတိယအမှားဟုဆိုလျှင်လွန်အံ့မထင်ပါ။ တတိယနှင့်အကြီးကျယ်ဆုံးသောအမှားမှာ အဖွဲ့အ စည်းအသီးသီးရှိနိုင်ငံရေးအင်အားစုများကို ဦးဆောင်နေကြသောဝါရင့်နိုင်ငံရေးသမားကြီးများသည် မျိုးဆက်သစ် ခေါင်းဆောင် များ မွေးမထုတ်ပေးနိုင်ခြင်းနှင့် မိမိတို့အတွေ့အကြုံများကို လူငယ်များအားမျှဝေပေးရန်ပျက်ကွက်ခဲ့ခြင်းပင်ဖြစ်သည်။ ဤ အယူ အဆကိုစောဒတက်လိုကတက်နိုင်သော်လည်း လူတိုင်းလူတိုင်းအမှားမကင်းခဲ့၍သာ ယခုလိုအနေအထားထိ ရောက်ရှိခဲ့သည် မှာငြင်း၍မရသောအမှန်တရားဖြစ်သည်။



အထူးသဖြင့် စစ်အာဏာရှင်စနစ်ကို ဆန့်ကျင်နေပါသည်ဆိုသော ဒီမိုကရေစီအင်အားစုများသည်မိမိတို့အမှားအတွက် အမိ မြန်မာပြည်ကိုအခြားသူများထက် ပိုမိုပေးဆပ်သင့်လှသည်။ လူထုခေါင်းဆောင်အကျယ်ချုပ်ကျနေခြင်းကို ဆယ်စုနှစ်တခု ကျော်ကြာ အထူးအလေးအနက်မထားခဲ့ပါပဲ ထောင်ချခံရမည့်ဆဲဆဲတွင်မှ အိပ်နေရာမှလှုပ်နှိုးခံလိုက်ရသလို သတိဝင်လာခြင်း မှာ တိုင်းပြည်အတွက်များစွာနစ်နာလှပေသည်။


ကြေငြာချက်ထုတ်ရုံ၊မြန်မာသံရုံးရှေ့ဆန္ဒပြရုံ၊ ကန်ပိန်းလုပ်ရုံဖြင့်သာ န.အ.ဖကိုဖြုတ်ချနိုင်မည်ဆိုပါက ရှေးမဆွကတည်းကပင် ပြည်သူများတက်ကြွစွာပါဝင်လာပေမည်။ ထိရောက်မှုနှင့်တန်ပြန်ထိရောက်မှုမညီမျှ၍သာ ပြည်သူပါဝင်လာမှုမရှိသည်ကို သတိမပြုမိခဲ့ကြခြင်းပေလော..။သတိမပြုမိချင်ယောင်ဆောင်ခဲ့ကြခြင်းပေလော။န.အ.ဖပြုတ်ကျလျှင်ထောက်ပံ့ကြေးမရတော့ မည့်အရေး တွေးပူ၍ ကျောက်ဆောင်ကို လေနှင့်သာ မှုတ်ခဲ့ကြခြင်းပေလော..။ မည်သို့ပင်ဆိုစေ သွေးစည်းကြရတော့မည့် အခြေအနေတွင် တိုင်းပြည်ချောက်ကမ်းပါးရောက်အောင်တွန်းပို့ပေးနေသော မည်သည့်အလုပ်ကိုမဆို မိမိတို့ရပ်တန့်ရတော့ မည်ဖြစ်သည်။ ညီညွှတ်ရေးအတွက် လိုအပ်ချက်များကိုမဖြစ်မနေ အကောင်အထည်ဖော်ရတော့မည်ဖြစ်သည်။ ဖက်ဆစ်စနစ် တိုက်ဖျက်ရေးအတွက် ဗိုလ်ချုပ်အောင်ဆန်းနှင့်တကွ နိုင်ငံ့ခေါင်းဆောင်ကြီးများက ဖ.ဆ.ပ.လအဖွဲ့ချုပ်ကြီးကို အဖွဲ့အစည်း ပေါင်းစုံဖြင့်ညီညွှတ်စွာဖွဲ့စည်းခဲ့ကြသလို ယနေ့အချိန်အခါတွင်လည်း စစ်အာဏာရှင်စနစ်တိုက်ဖျက်ရေးအတွက် တခုတည်း သော အဖွဲ့အစည်းကြီးတခု တည်ထောင်ရန်မှာ တိုင်းပြည်လိုအပ်ချက်ကို သိနားလည်သောခေါင်းဆောင်ကောင်းတို့၏ တာဝန်ပင်ဖြစ်သည်။

တိုင်းရင်းသားလက်နက်ကိုင်အင်အားစုများသည်လည်း ကိုးကန့်ငြိမ်းချမ်းရေးအဖွဲ့ကို သင်ခန်းစာယူ၍မိမိတို့အလှည့် ကျလာ မည့်အချိန်ကိုစောင့်မနေသင့်တော့ပဲ အချိန်မီ တခုတည်းသောလက်နက်ကိုင်မဟာမိတ်တပ်ပေါင်းစုကြီးကို ဖွဲ့စည်းရမည့် အချိန် ရောက်ရှိနေပြီဖြစ်သည်။ အဖွဲ့အစည်းအသီးသီး၏ လူမျိုးစွဲ၊၀ါဒစွဲများနှင့်ပုဂ္ဂိုလ်ရေးမာနများကို ခ၀ါချ၍အချင်းချင်း ယုံကြည်ချက် တည်ဆောက်ရေးသည်အလိုအပ်ဆုံးနှင့်အဖြစ်သင့်ဆုံးသောအလုပ်သာဖြစ်သည်။ အစွယ်ထုတ်ပြပြီးတာတောင် ကျားဟု မမြင် သေးပါက မိမိတို့လောက်ညံ့သောသူကမ္ဘာပေါ်တွင်ရှိနိုင်တော့မည်မထင်ပေ။

န.အ.ဖသည် ပညာရှိနည်းနှင့်ဆုံးမ၍မရသောအစိုးရဖြစ်ကြောင်းကို ၂၀၀၇ ရွှေဝါရောင်တော်လှန်ရေးက သက်သေပြခဲ့ပြီးဖြစ် သည်။ ယခုအချိန်ထိအစိုးရကိုနားချ၍ ရနိုင်လောက်သည်ထင်ပြီး န.အ.ဖနှင့်အပေးအယူလုပ်ချင်နေသေးသည့် လူမိုက်များ အတွက်အချိန်ကုန်ခံမနေပဲပြည်သူများနားမယောင်စေရန်အတွက် မိမိတို့ဘက်မှတိကျသည့်လမ်းကြောင်း၊ ခိုင်မာသည့်အဖွဲ့ အစည်း ချပြနိုင်မှသာ လျှင်ပြည်သူတို့၏ ယုံကြည်ကိုးစားပါဝင်လာခြင်းကိုမြင်တွေ့ရပေမည်။ ဓားလိုအပ်နေချိန်တွင် ဓားမပေးပဲ ရေကြည်ကမ်းနေမိသည့် မိမိတို့အဖြစ်ကို အမြန်သတိပြုမိပြီး ပြုပြင်နိုင်မှသာ အမိမြန်မာပြည်ကြီးကံဆိုးမိုးမှောင်ကျတော့မည့် အရေးမှ နိုင်ငံ့သားကောင်းပီသစွာကယ်တင်နိုင်ပေမည်။ ကျောက်ဆောင်ဖြို့မည့်သူသည် ကျောက်စောင်းရှမှာလောက်တော့ ဖြုံမနေသည့်စိတ်ဓာတ်ထားရှိရပေမည်။

သမိုင်းသည်မိမိတို့လက်ထဲတွင်ရှိသည်။ အလှည့်အပြောင်းသည်ဆုံးဖြတ်ချလိုက်သည့် အချိန်ပိုင်းကလေးပင်ဖြစ်သည်။ ကျွန်ုပ် တို့၏မျိုးဆက်သွေး ကလေးငယ်များကို စာသင်ခန်းထဲတွင်ကမ္ဘာ့အဆင့်မီပညာများကို သင်ကြားခိုင်းမည်လော.. လမ်းများပေါ် တွင်တောင်းစားခိုင်းမည်လော..။ကျွန်ုပ်တို့၏အမျိုးသမီးငယ်များကို တင့်တယ်မှုအပေါင်းနှင့်ကမ္ဘာ့အလယ်တွင်ဝင့်ထည်စေမည် လော…တခြားနိုင်ငံများ၏ပြည့်တန်ဆာတန်းသို့ပို့ပစ်ကြမည်လော…။အမိမြန်မာပြည်ကြီး၏အနာဂါတ်အကောင်းအဆိုးမှာ သင့် လက်ထဲတွင်ရှိသည်။ တွေဝေနေပါက အဖိုးတန်အခွင့်အရေးများဆုံးရှုံးတော့မည်။ မည်သူမှာမှအသက်အပိုမပါပါ။ ခေါင်းတလုံး အပိုမပါပါ။ အမေမွေးသည့်အသက် တိုင်းပြည်အတွက်ပေးဆပ်ပါက မိခင်များမွေးရကျိုးနပ်လှမည်။ ဓားကိုင်မှကြောက်မည့် လူမျိုးသည်၊တရားထိုင်နေရုံနှင့်တော့ပြောင်းလဲမလာပေ။

“ မြန်မာပြည်အနှံ့အပြားတွင်စစ်မောင်းသံကြားပါကခွာရှပ်နေသောစစ်မြင်းများ၊များစွာရှိသည်။တိုက်ပွဲခေါ်သံကိုငံ့လင့်နေသော

ပြည်သူများရှိသည်။တွေဝေခြင်းသည်ဆုံးရှုံးခြင်း၏အစဖြစ်သည်။မိမိတို့အားလုံးစာရွက်ပေါ်မှစကားလုံးများကိုလမ်းမများပေါ်မှ

တိုက်ပွဲများအဖြစ်အသွင်ပြောင်းပစ်ရမည်။ ”

ကျွန်ုပ်တို့ကိုးကွယ်အားထားသော ဗုဒ္ဓကိုယ်တော်တိုင်နန္ဒာပနန္ဒနဂါးမင်းအား အင်အားသုံးဦးနှိမ်ပြီးပါမှ တရားစကားမြွက်ကြား သောသာဓကရှိသည်။ လူရိုင်းများရှေ့မေတ္တာ စကားပြောကြားနေပါကသင်သာလျှင် ဆုံးရှုံးခြင်းကြီးလိမ့်မည်။ တတိုင်းပြည်လုံး ၏ညီညွှတ်ရေးကိုအကောင်အထည်ဖော်ရင်း သင်သည်လည်းတိုင်းပြည်အတွက် “ဓါးကောင်းတလက်ဖြစ်ပါစေ….”



ဒီမိုကရေစီတိုက်ပွဲအတွင်းကျဆုံးခဲ့ကြသောရဟန်းရှင်လူ၊ကျောင်းသားပြည်သူများအားဦးညွှတ်ပါသည်။


အပြည့်အစုံဖတ်ချင်ရင်...

လူထုခေါင်းဆောင် ဒေါ်အောင်ဆန်းစုကြည်မှ သန်းရွှေသို့ အိပ်ဖွင့်ပေးစာ

Burma Update - Daw Aung San Su Kyi's Letter to Snr Gen Than Shwe - 28 Sep 2009

အပြည့်အစုံဖတ်ချင်ရင်...

ဒုတိယရွှေဝါရောင် တော်လှန်ရေး 03.10.2009

Burma Monks SCMP

အပြည့်အစုံဖတ်ချင်ရင်...

Sunday, September 27, 2009

ပြည်သူ့ငြိမ်းချမ်းရေးတိုက်ပွဲ





ဗမာ့ တိုင်းရင်းသားပြည်သူတစ်ရပ်လုံး လိုလားတောင့်တနေသည့်အရာသည် ဒီမိုကရေစီနှင့် စစ်မှန်သည့် ငြိမ်းချမ်းရေးဖြစ်သည်၊ မြန်မာပြည်လွတ်လပ်ရေးရပြီး အနှစ်(၆၀) ကျော်ခဲ့သော်လဲ တည်ငြိမ်အေးချမ်းသည့် ဘ၀မျိုးကို ပိုင်ဆိုင်ခွင့်မရကြသေး၊ လွတ်လပ်ရေး၏အသီးအပွင့်တွေကို ရယူသုံးစွဲခံစားခွင့်မရှိနိုင်ကြသည့်ဘ၀များနှင့် အနာဂတ်မဲ့စွာဖြတ်သန်းနေကြရသည်။

နအဖ စစ်မိစ္ဆာကောင်များသည် စစ်မှန်သည့်ငြိမ်းချမ်းရေးလမ်းကို မလျှောက်လှမ်းလိုကြ၊ ဒီမိုကရေစီနှင့် တရားနည်းလမ်းကျသည့်အရာမှန်သမျှကို အာဏာလက်နက်အားကိုးနဲ့ ရက်ရက်စက်စက် ခြေမှုန်းသုပ်သင်တတ်ကြပေသည်၊သို့သော် ငြိမ်းချမ်းရေးလမ်းစဉ်ကို လျှောက်လှမ်းနေကြသူများသည် ဘယ်သောခါမှ သေရိုးထုံးစံမရှိ၊ ဘယ်လိုပင်သတ်သတ် ငြိမ်းချမ်းရေးမြက်ခင်းပြင်ကြီးသည် စိမ်းစိုမြဲစိမ်းစို၊လှပမြဲလှပနေမည်သာဖြစ်သည်။

အမိ ဗမာပြည်ဒီမိုကရေစီနှင့် စစ်မှန်သည့်ငြိမ်းချမ်းရေး ထွန်းကာပေါ်ပေါက်လာရေးအတွက် ကိုယ်ကျိုးစွန့်အနစ်နာခံ ဆောင်ရွက်နေကြသူများသည် နအဖ စစ်မိစ္ဆာကောင်များစွပ်စွဲသလို အကြမ်းဖက်သမားများမဟုတ်ကြ၊ အကြမ်းဖက်သည့်လုပ်ရပ်များကိုလဲ ဘယ်သောခါမှမကျူးလွန်ကြ၊ ငြိမ်းချမ်းရေးကို ဖော်ဆောင်နေကြသူများသာဖြစ်သည်။ သူတို့သည် တိုင်းပြည်ငြိမ်းချမ်းရေးအတွက် သူတို့၏ဘ၀များကို ပေးဆပ်သူများသာဖြစ်သည်၊ ရယူလိုသူများမဟုတ်ကြ၊ နအဖစစ်မိစ္ဆာကောင်အာဏာရှင်များသည် ငြိမ်းချမ်းရေးဆိုသည့် အသံကိုမကြားလိုကြ၊ အာဏာရှိသည်၊ လက်နက်ရှိသည်၊ ငွေရှိသည် လုပ်ချင်တာလုပ်လို့ရသည် ဆိုသည့် တိရိစ္ဆာန်ထက်နိမ့်ကျသည့် အောက်တန်းကျ ယုတ်မာသည့်စိတ်ဓာတ်မျိုးတို့ဖြင့် တစ်တိုင်းတစ်ပြည်လုံးကို ထင်တိုင်းကြဲ ဖျက်ဆီးချင်တိုင်း ဖျက်ဆီးနေကြပေသည်။ထိုသူတို့သည်သာ အကြမ်းဖက်သမားစစ်စစ်ဖြစ်ပေသည်။

မြန်မာပြည် ဒီမိုကရေစီနှင့် စစ်မှန်သည့်ငြိမ်းချမ်းရေး ထွန်းကားပေါ်ပေါက်ရေးအတွက် စစ်အာဏာရှင် စနစ်ဆိုးကြီး မရှိမှဖြစ်မည်၊ ဒီစနစ်ဆိုးကြီးရဲ့လောင်းရိပ်အောက်မှာ ကျွန်ုပ်တို့ ပြည်သူတွေရဲ့ဘ၀ပေါင်းများစွာ၊ အသက်ပေါင်းများစွာ စတေးခံခဲ့ရ ပေးဆပ်ခဲ့ကြရပေသည်။ တိုင်းပြည်ကြီးကတော့ ယနေ့ချိန်ထိ ဘာတစ်ခုမှဖြစ်မလာနိုင်သေးပေ၊ အာဏာရှင် လောင်းရိပ်အောက်တွင် ရှိသည့်အရာမှန်သမျှသည် စစ်မှန်သည့်အရာများ မဟုတ်ကြ၊ အတုအယောင် ဟန်ဆောင်ဖုံးကွယ်ထားသည့်အရာများသာလျှင်ဖြစ်ပေလိမ့်မည်၊
ထိုအတုအယောင်များကို ရှင်းလင်းဖယ်ရှားပစ်ရမည့် တာဝန်မှာ ကျွန်ုပ်တို့ မျိုးဆက်တစ်ရပ်လုံး၏ မဖြစ်မနေလုပ်ဆောင်ရမည့်တာဝန်တစ်ခုဖြစ်ပေသည်။

စစ်မှန်သည့် ငြိမ်းချမ်းရေးနှင့် ဒီမိုကရေစီမရှိသည့်အတွက်ကြောင့် တိုင်းပြည်ပါမက လူမျိုး ဘာသာ သာသနာပါ ကမ္ဘာ့မြေပုံပေါ်မှ ပျောက်ကွယ်တော့မည့် အန္တရာယ်ဆိုးနှင့်ရင်ဆိုင် ကြုံတွေ့နေရပြီဖြစ်သည်။ စစ်မှန်သည့် ငြိမ်းချမ်းရေးနှင့် ဒီမိုကရေစီပေါ်ပေါက်ထွန်းကားရေးအတွက် ကျွန်ုပ်တို့သည် ရှိသမျှစွမ်းအားဖြင့် ခုခံ တိုက်ပွဲဝင်ကြရမည်။ ငြိမ်းချမ်းရေးသည် ကျွန်ုပ်တို့၏ တစ်ခုတည်းသော အားကိုးရာ လက်နက်ဖြစ်ပေသည်။ ကျွန်ုပ်တို့စိုက်ထူမည့်ငြိမ်းချမ်းရေးမှတ်တိုင်သည် မြန်မာပြည်အတွက်ပါမက ကမ္ဘာကြီးအတွက်ပါ သမိုင်းကဗျည်း မှတ်တမ်းရေးထိုးရမည့်အရာဖြစ်ပေသည်။ ဒီမိုကရေစီနှင့် ငြိမ်းချမ်းရေးထွန်းကားဖို့အတွက် ပိတ်ဆို့ကာရန်ထားသည့် စစ်အာဏာရှင်ဟူသော တံတိုင်းကြီးကို ၀ိုင်းဝန်းဖြိုလှဲ ဖျက်ဆီးပစ်ရမည်ဖြစ်သည်။ တစ်ဦးတစ်ယောက်တည်း ဖြိုလှဲ၍မရ ညီညီညာညာစုပေါင်းဖြိုလှဲမှ အောင်ပွဲခံနိုင်မည်ဖြစ်ပေသည်။ ယုတ်မာ ဆိုးသွမ်းကောက်ကျစ်သည့် စစ်အာဏာရှင်စနစ်ဆိုးကြီးအောက်က မရုန်းထွက်နိုင်ခဲ့ပါကကျွန်ုပ်တို့၏ လူမျိုး ဘာသာ သာသနာတော်ကြီးသည် ကမ္ဘာ့အလယ်မှာ မကြာမီပျောက်ကွယ်တော့မည်ဖြစ်ပါကြောင်း ရေးသားတင်ပြလိုက်ရပေသည်။

တက္ကသိုလ်သောတုဇနဘိက္ခု (ရန်ကုန်)



အပြည့်အစုံဖတ်ချင်ရင်...

Tuesday, September 22, 2009

မမေ့ရက်နိုင်သည့် စက်တင်ဘာ ရွှေဝါရောင် တော်လှန်ရေး



အပြည့်အစုံဖတ်ချင်ရင်...

အပြည်ပြည်ဆိုင်ရာ မြန်မာရဟန်းတော်များအဖွဲ့ချုပ် ကြေညာချက်

Immediate Release Sept 15-2009

2nd Saffron Broucher Final

အပြည့်အစုံဖတ်ချင်ရင်...

Friday, September 18, 2009

မြင်းခြံတွင် သံဃာတော်များ ဖမ်းဆီးခံရ

Friday, 18 September 2009 19:00 ဉာဏ်မောင်

မန္တလေးတိုင်း၊ မြင်းခြံမြို့တွင် သံဃာ့နာယကအဖွဲ့ဝင်များ ပါဝင်သည့် အာဏာပိုင်အဖွဲ့များက သံဃာ ၄ ပါးကို မနေ့က ဖမ်းဆီးလိုက်သည်။

အဆိုပါ အဖမ်းခံရသည့် သံဃာ ၄ ပါးအနက် ၂ ပါး၏ ဘွဲ့အမည်ကို သိရှိရပြီး ကျန် ၂ ပါးမှာ မည်သည့်ကျောင်းတိုက်က ဖြစ်သည်ကို မသိရှိရသေးကြောင်း မြို့ခံက ပြောသည်။

ယင်းကဲ့သို့ ဖမ်းဆီးခံရသည့် သံဃာများမှာ စွန်းလွန်းဂူကျောင်းမှ အရှင်နန္ဒဝံသ၊ သဲပင်တိုက်ကျောင်းမှ အရှင်စာဂရ တို့ဖြစ်ပြီး မည်သည့်အတွက် ဖမ်းဆီးသွားကြောင်း အတိကျမသိရသေးကြောင်း မြို့ခံက ဆက်ပြောသည်။

ယခုရက်ပိုင်းအတွင်း မြင်းခြံမြို့တွင် သံဃာတော်များကို ဆက်တိုက် ဖမ်းဆီးနေလျှက်ရှိပြီး တမြို့လုံးအနှံ့ လုံခြုံရေးများ တိုးမြှင့်ချထားသည်ဟု ၎င်းက ဆက်ပြောသည်။

“တမြို့လုံး လုံခြုံရေးတွေ ချထားတာ၊ အင်းအားပြတဲ့ သဘောနဲ့ပါ၊ သူတို့တွေ အဲလိုလုပ်တော့ အခမဲ့ ဆေးကုတာ၊ ပညာသင်ကြားရေးလုပ်ငန်းတွေ ရပ်ဆိုင်းကုန်တော့ မြို့ခံလူထုတွေက မကျေနပ်ကြဘူး” ဟု ပြောသည်။

စက်တင်ဘာသံဃာ့လှုပ်ရှားမှု နှစ်ပတ်လည်နီးလာချိန်တွင် အာဏာပိုင်များဘက်မှ ဖမ်းဆီးမှုများ ပိုမိုလုပ်ဆောင်နေပြီး ထပ်မံဖမ်းဆီးမည့် သတင်းများလည်း မြင်းခြံမြို့တွင် ထွက်ပေါ်နေလျှက်ရှိသည်ဟု ပြောသည်။

ထို့အပြင် မကြာသေးခင်ရက်ပိုင်းအတွင်းက မြန်မာပြည်အလယ်ပိုင်း မြို့ကြီးများတွင် သံဃာ့စည်းကမ်းထိန်းသိမ်းရေးအဖွဲ့များကို မြို့နယ်သံဃာ့နာယကအဖွဲ့ဝင် သံဃာများနှင့် အာဏာပိုင်အဖွဲ့အစည်းများ ပူးပေါင်းဖွဲ့စည်းနေကြောင်း သတင်းများလည်း ထွက်ပေါ်နေလျက်ရှိသည်။

အာဏာပိုင်များဘက်မှ သံဃာတော်များကို ဖမ်းဆီးခြင်းများ ဆက်တိုက် လုပ်ဆောင်နေသော်လည်း သံဃာ့အဖွဲ့ချုပ်(မြန်မာနိုင်ငံ)က တတိယအကြိမ်မြောက် ပတ္တနိက္ကုဇ္ဇန ကံဆောင်သပိတ်ကို လာမည့် သတင်းကျွတ်လပြည့်နေ့တွင် စတင် လုပ်ဆောင်သွားမည်ဖြစ်ကြောင်း ကြေညာထားသည်။

http://www.yoma3.org/

အပြည့်အစုံဖတ်ချင်ရင်...

ဒုတိယ ရွှေဝါရောင်တော်လှန်ရေး (သို့) ပေါက်ကွဲလုမီးတောင်တစ်ခု


ရဟန်းရှင်လူ ပြည်သူတွေရဲ့ ရင်ထဲက စစ်မှန်တဲ့ ဆန္ဒကို ဘယ်အာဏာ ဘယ်ပါဝါ ဘယ်လက်နက်ကမှ တားဆီးပိတ်ပင်
လို့မရဘူးဆိုတာကို အာဏာရူး နအဖတွေ မကြာခင်တွေ့မြင်ကြရမည်။ လွတ်လပ်ပြီး တရားမျှတတဲ့ စစ်မှန်တဲ့ ငြိမ်းချမ်း
ရေး စနစ်တစ်ခု ဗမာပြည်ကြီးမှာ မပေါ်ပေါက်မချင်း ငြိမ်းချမ်းရေးတိုက်ပွဲကို ဗမာပြည်တစ်ပြည်လုံးမှာရှိနေတဲ့ ရဟန်းသံဃာ
တော်တွေ ဆက်လက်ဖော်ဆောင်သွားမည်ဖြစ်သည်။

အပြည့်အစုံဖတ်ချင်ရင်...

နိုင်ငံရေးအကျဉ်းသားတွေထဲကသူတို့တွေ လွတ်လာကြတယ်


U Nai Nai (MP-Pazuntaung Township)





1. Ma Eik Khaing Oo 2. U Tin Mya 3. Ko Nyi Nyi Min 4. Ko Kyaw Kyaw Thant 5. Monywar Aung Shin (a) U Aung Myint 6. U Nine Nine 7. Ma Tin Tin Myint 8. Ma Than Than Htay 9. Ma Than Than Sint 10. Ma Thin Min Soe 11. Ma Kyi Kyi Min 12. Ko Zaw Htut Aung 13. U Tin Myo Htut (a) Kyaw Oo 14. U Win Myint (Very Good) 15. U Kyaw Maung 16. U Nay Win 17. U Kyi Lin 18. U Soe Wai (a) Than Zaw 19. Shin Sandaw Batha. 20. Aung Gyi @ Aung Thwin


အပြည့်အစုံဖတ်ချင်ရင်...

တိုက်ပွဲဝင်ရဦးမည်



ကျွန်ုပ်တို့၏ ဒီမိုကရေစီတိုက်ပွဲသည် အနှစ်(၂၀) ကျော်ခဲ့ပေပြီ၊ မပီးဆုံးနိုင်သေး၊ ဒီတိုက်ပွဲပီးဆုံးမှဖြစ်မည်၊ ဒီတိုက်ပွဲနိုင်မှဖြစ်မည်၊ ဒီတိုက်ပွဲမှာ ကျွန်ုပ်ကိုယ်တိုင်ပါဝင်ဆင်နွဲရမည်၊ သင်ကိုယ်တိုင်ပါဝင်ဆင်နွဲရမည်၊ ရှောင်တိမ်းပုန်းအောင်နေလို့မဖြစ်၊ ကျွန်ုပ်တို့ သင်တို့လက်ထက်မှာ တာဝန်မကျေခဲ့လျှင် နောင်တက်လာမဲ့ ကျွန်တော်တို့မျိုးဆက်သစ်တွေ ကျွန်တော်တို့ထက် အဆပေါင်းများစွား ဆိုးရွားနိမ့်ကျသွားတော့မည်။

စစ်အာဏာရှင်သည် ပြည်သူကို ကျွန်လိုသဘောထားသည့် စနစ်တစ်ခုဖြစ်သည်၊ စစ်တပ်ကို ဖားမှ စစ်တပ်ကိုအဖေခေါ်မှ သူတို့ကချကျွေးသည့် အရိုးအယွင်းများကို စားသောက်ရသည့် ဘ၀မျိုးဖြစ်ပေသည်၊ လူတစ်ယောက်မှာ ရှိတဲ့ အရည်အချင်းကို အပြည့်အ၀ ထုတ်သုံးပိုင်ခွင့်မရှိ၊ ခိုင်းတာလုပ် ထားရာနေ စေရာသွား ခံမပြောနဲ့ ဆိုသည့် အဆင့်အတန်းနိမ့်ကျသည့် စနစ်တစ်ခုဖြင့်အသက်ရှင်သန်ကြရပေမည်။

လူသားတစ်ယောက်ရဲ့မွေးရာပါ အခွင့်အရေးတစ်ရပ် လက်လွတ်ဆုံးရှုံးသည့် ဘ၀မျိုးကိုပိုင်ဆိုင်ရမည်၊ ဒီနိုင်ငံမှာမွေးပီး လူဖြစ်လာတာချင်းအတူတူ ဒီနိုင်ငံက ရသင့်ရထိုက်သည့်အခွင့်အရေးများကို တန်းတူညီတူ လုပ်ပိုင်ခွင့် ခံစားပိုင်ခွင့်မရှိ၊ အာဏာရှိသူလူတစ်စုကသာ အခွင့်ထူးခံလူတန်းစားတစ်ရပ်အဖြစ်ဖြင့် အဖိနှိပ်ခံ အနှိမ်ခံဘ၀မျိုးနှင့် ရင်ဆိုင်ကြုံတွေ့ခံစားကြရပေမည်။

ဒီလိုဆိုးဝါးတဲ့ အမွေအနှစ်တွေကို သင့်ရဲ့ မျိုးဆက်တွေအတွက် လက်ဆင့်ကမ်းရက်ခဲ့ပါသလား၊ ဒါမှမဟုတ် ကိုယ်လွတ်မြောက်ရင် ပီးရောဆိုတဲ့ တစ်ကိုယ်ကောင်းစိတ်ဓာတ်မျိုးနဲ့ တာဝန်မဲ့သူတစ်ယောက်အဖြစ်ခံမလား စဉ်းစား ဆုံးဖြတ်လုပ်ကိုင်ရတော့မဲ့ အချိန်ကျရောက်နေပီဖြစ်သည်၊

လူတိုင်းလူတိုင်းသည် လွတ်လပ်ခြင်းကို လိုလားတောင့်တကြသည်၊ အေးချမ်းတည်ငြိမ်သည့်ဘ၀မျိုးကို ပိုင်ဆိုင်လိုကြသည်၊ သို့သော် မြန်မာနိုင်ငံမှာတော့ အထင်နှင့်အမြင် တစ်ခြားစီဖြစ်နေပေလိမ့်မည်၊ အရာရာအားလုံးကို စစ်အာဏာရှင်က လက်ဝါးကြီးအုပ်ကာ မောင်ပိုင်စီးထားသောကြောင့် ပြည်သူတွေရဲ့ဘ၀မှာ မသေရုံတစ်မယ် ယဲ့ယဲ့လေးသာကျန်ရှိတော့သည်၊ စားကောင်းခြင်းမစားရ၊ အိပ်ကောင်းခြင်းမအိပ်ရ၊ လူမှုဒုက္ခငရဲခန်းကြီးထဲမှာ နေ့စဉ်နှင့်အမျှ ရုန်းကန်ရှာဖွေနေကြရသည်၊ စစ်ဗိုလ်ချုပ်တွေ ဗိုလ်ချုပ်ကတော်တွေမှာတော့ နောက်ဆုံးပေါ်ကား၊ တိုက်၊ပြည်သူ့ဘဏ္ဍာပစ္စည်းတွေနဲ့ စည်းစိမ်ခံကာ ယစ်မူးချင်တိုင်းယစ်မူးနေကြပေသည်။ တိုင်းပြည်သည် တပ်မတော်အတွက်မဟုတ် တပ်မတော်သည် တိုင်းပြည်အတွက်ဖြစ်ရမည် ဆိုသည့် ဗိုလ်ချုပ်ချမှတ်ခဲ့သည့် ဆောင်ပုဒ်လဲ စာအုပ်ထဲမှာ ကျန်နေရစ်ပီဖြစ်သည်။

ဒီမိုကရေစီနှင့် လူအခွင့်အရေးလိုချင်ရင် ဒီအတိုင်းထိုင်နေလို့မရ၊ ထိုင်နေရုံနဲ့ဘာမှဖြစ်မလာနိုင်၊ တောင်းဆိုနေလို့လဲ အကျိုးရှိလာမည်မဟုတ်၊ ဒီတော့ လူတိုင်းမှာ တာဝန်ကိုယ်စီရှိကြသလို တာဝန်ကျေပြွန်ဖို့လဲအထူးလိုအပ်ပေသည်။မိမိတတ်စွမ်း
နိုင်သည့်ဖက်ကနေလုပ်ဆောင်ဖို့ကသာ အရေးကြီးဆုံးဖြစ်ပေသည်။ မိမိမျိုးဆက်သစ်တွေကို အခြားသောအမွေအနှစ်တွေ မပေးနိုင်ခဲ့ဦးတော့ အာဏာရှင်ကို တော်လှန်ဖို့ နှင့် မတရားမှုတွေကို ခေါင်းငုံ့မခံသည့် စိတ်ဓာတ်အမွေကိုတော့ အနည်းဆုံးပေးထားရစ်နိုင်အောင်ကြိုးစားကြရပေမည်။

နိုင်ငံတစ်ခု၏ ကောင်းမွေ ဆိုးမွေသည် ရှေ့ဆောင်လမ်းပြ လူကြီးသူကြီးများအပေါ်များစွားတည်မှီနေပေသည်၊ လူငယ်လူရွယ်များသည် ၄င်းတို့ပေးခဲ့သောအမွေကို တစ်ပွေ့တစ်ပိုက် ရယူကြရပေသည်။ ယနေ့ နိုင်ငံကိုအုပ်ချုပ်နေပါသည်ဆိုသော နအဖ စစ်အာဏာရှင်တို့သည် လူငယ်လူရွယ်တို့အား မကောင်းသည့်စိတ်ဓာတ်များရိုက်သွင်းကာ တိုင်းပြည်ကို နည်းအမျိုးမျိုးနှင့် ဖျက်ဆီးချင်တိုင်း ဖျက်ဆီးပြနေကြပေသည်၊ မိမိတို့ကိုးကွယ်သည့် ဘာသာ သာသနာအပေါ်မှာလဲ လှန်လိုလှန် မှောက်လိုမှောက်နဲ့ ဘုရား တရား သံဃာမှန်းလဲ မသိကြတော့၊ သာသနာတော်ကြီးတစ်ခုလုံးကလဲ နအဖရဲ့ အသုံချခံပစ္စည်းကြီးတစ်ခုလို ဖြစ်ချင်တိုင်းဖြစ် ပျက်ချင်တိုင်း ပျက်စီးနေပေပြီဖြစ်သည်။ အာဏာနှင့် ငွေရှိလျှင် ဘာမဆို ဖြစ်သည်ဟူသော အတွေးအခေါ် အယူအဆဆိုးတွေကို လူငယ်လူရွယ်တွေကို လက်ဆင့်ကမ်းသင်ယူစေသည်၊ အလေအလွင့်တွေကို ပြုပြင်ထိန်းသိမ်းစောက်ရှောက်ရမည့်အစား မက်လုံးခြောက်လုံးပေးကာ ညစ်ပတ်ကောက်ကျစ်သည့် စိတ်ဓာတ်ဆိုးတွေကို စနစ်တကျ သင်ကြားပေးနေပေသည်။

ဒီနိုင်ငံရဲ့အနာဂတ်ရှေ့ရေးအလားအလားသည် မတွေးရဲစရာဖြစ်လာသည်၊ ဒီတော့ ကျွန်ုပ်တို့ ဒီအတိုင်း နေလို့တော့ မဖြစ်တော့၊ ဒီစစ်အာဏာရှင်စနစ်ဆိုးကြီး မရှိမှ တိုင်းပြည်၏ အနာဂတ်သည် သာယာလှပနိုင်ပေမည်၊ ကမ္ဘာအလယ်မှာ လူတစ်လုံး သူတစ်လုံးအဖြစ်နဲ့ နိုင်ငံတကာနှင့် ရင်ဘောင်တန်းနိုင်မည်ဖြစ်ပေသည်။ စစ်အာဏာရှင်ပြုသမျှကို ခေါင်းငုံ့ခံနေကြဦးမည်ဆိုပါက နောက်ထပ် လာမည့် ကျွန်ုပ်တို့ မျိုးဆက်တို့သည် စစ်ကျွန်အဖြစ်နဲ့ နွံနစ်ကာ သံသရာထဲ တ၀ဲလည်လည် ဖြစ်နေကြဦးမည်သာဖြစ်ပေသည်။

ကျွန်ုပ်တို့သည် ကျွန်ုပ်တို့မျိုးဆက်သစ်တို့အတွက် စစ်အာဏာရှင်ကို တိုက်ပွဲဝင်ကြရဦးမည်။

ကျွန်ုပ်တို့သည် ကျွန်ုပ်တို့ လွတ်လပ်ရေးအတွက် စစ်အာဏာရှင်ကို တိုက်ပွဲဝင်ကြရဦးမည်။

ကျွန်ုပ်တို့သည် ကျွန်ုပ်တို့အခွင့်အရေးများအတွက် စစ်အာဏာရှင်ကို တိုက်ပွဲဝင်ကြရဦးမည်။

တက္ကသိုလ်သောတုဇနဘိက္ခု (ရန်ကုန်)




အပြည့်အစုံဖတ်ချင်ရင်...

Thursday, September 17, 2009

ဗုံးခွဲတရားခံများ





ရန်ကုန်မြို့၊ လှိုင်သာယာနှင့် ရွှေပေါက်ကံမြို့တို့တွင် (၁၆)ရက်နှင့်(၁၇)ရက်နေ့များက ဗုံး(၆)လုံး ဆက်တိုက်ပေါက်ကွဲခဲ့သည်ဟု သတင်းများတွင်ဖော်ပြခဲ့သည်၊ ပြည်သူ့ပြောက်ကျားတပ်ဦးဆိုတဲ့ စောက်ရူးအဖွဲ့ကလဲ သူတို့လက်ချက်ပါဟု ရူးကြောင်ကြောင် ကြေညာချက်တစ်စောင်ကို မီဒီယာပေါ်ဖြန့်ဝေခဲ့ကြသည်။ အမှန်တကယ် မြန်မာနိုင်ငံမှာ ဗုံးကွဲမှုကိစ္စသည် အထူးအဆန်းတစ်ခုမဟုတ်သလို ဘယ်သောခါမှလဲ တရားခံကို ဖမ်းမိခဲ့ရိုးထုံးစံမရှိခဲ့၊ ဘယ်သောခါမှလဲ ဖမ်းမိနိုင်မည်မဟုတ်ပေ၊ ဗုံးခွဲတရားခံသည် နအဖကိုယ်တိုင်ဖြစ်နေသောကြောင့်ဖြစ်သည်။ နအဖသည် နိုင်ငံရေး မငြိမ်မသက်ဖြစ်စေရန် နည်းအမျိုးမျိုးနှင့် ပြုမူလုပ်ဆောင်လေ့ရှိသည့် ကမ္ဘာပေါ်တွင် တစ်ခုတည်းသော အကြမ်းဖက် အာဏာရ အဖွဲ့အစည်းတစ်ခုဖြစ်ပေသည်၊ ၄င်းတို့ စစ်အာဏာရှင် သက်ဆိုးရှည်ရေးအတွက် ညစ်ပတ်ကောက်ကျစ်သည့် မည်သည့်နည်းလမ်းကိုမဆို အသုံးပြုလေ့ပြုထရှိသည့် အဖွဲ့အစည်းကြီးတစ်ခုလဲဖြစ်ပေသည်။

တိုင်းပြည်ကြီး အေးချမ်းနေပါတယ် ပြောသလိုပြော၊ တိုးတက်နေပါတယ် ဆိုချင်ဆိုနဲ့ စုတ်ပြတ်သပ်နေတဲ့ ပြည်သူတွေရဲ့ဘ၀ကတော့ တစ်တိုင်းတစ်ပြည်လုံး နေရာလပ်မကျန်အောင်ပြည့်နှက်နေပေသည်။ နအဖမှာ တစ်ခုခုအတွက် ကလိမ်ကကျစ်လုပ်ဖို့ အကြောင်းကိစ္စပေါ်လာလျှင် လူမရှိသူမရှိသည့်နေရာတွင် သေချာပေါက် ဗုံးဖောက်ခွဲလေ့ရှိပေသည်။ ဗုံးဖောက်ခွဲပီးမကြာခင် သတင်းစာရှင်းလင်းပွဲတစ်ခုလုပ်မည်၊ တိုင်းပြည်အတွက် အမျိုးမျိုးအနစ်နာခံ ဘ၀တွေပေးဆပ်ပီး ရိုးသားတက်ကြွစွာ လုပ်ကိုင်ဆောင်ရွက်နေကြတဲ့ N L D လူငယ်တွေကို ဖမ်းမည်၊ ဖမ်းပီးလျှင် အတင်းဝန်ခံလက်မှတ်ထိုးခိုင်းမည်၊ ဗုံးဖောက်ခွဲမှုကို N L D က နောက်ကွယ်က ကြိုးကိုင်စေခိုင်းသည်၊ တောတွင်းလက်နက်ကိုင်အဖွဲ့အစည်းများနှင့် အဆက်အသွယ်ရှိသည်၊ ဘာညာ သာရကာ မဟုတ်တမ်းတရားတွေနဲ့ စောက်ရူးကျော်ဆန်းတို့က မျက်နှာပြောင်တိုက် အရှက်မရှိ လူပုံအလယ်မှာ ရွှီးကြ ပြကြပေးဦးမည်။ ဒါဟာ နအဖရဲ့ ပုံသေနိုင်ငံရေးကစားကွက်တစ်ခု။

ဒီလိုကလိမ်ကကျစ်ကောက်ကျစ်ယုတ်မာတဲ့ နည်းလမ်းတွေကို အသုံးပြုနေတဲ့ အကြမ်းဖက်သမားစစ်အုပ်စုက ၂၀၁၀ မှာ ဒီမိုကရေစီဖော်ဆောင်ဦးမည်တဲ့လား၊ ဖော်ဆောင်လို့ဖြစ်လာတဲ့ ဒီမိုကရေစီဟာလဲ စစ်ဗိုလ်ကိုမျက်နှာချိုသွေးရ၊ စစ်ဗိုလ်ကတော်ကိုမျက်နှာချိုးသွေးရ ကြံ့ဖွတ်ကိုမျက်နှာချိုသွေးရနဲ့ ဖာသည်အကြီးစားဒီမိုကရေစီပဲ ဖြစ်မယ်ဆိုတာ မြေကြီးလက်ခတ်မလွဲပါဘူး။
တော်လှန်ရေးသမားတွေ အားလုံး တော်လှန်ရေး သတိရှိကြစေချင်ပါသည်၊ နအဖဟာ ဘယ်သောခါကမှ တိုင်းပြည်နဲ့ လူမျိုးအပေါ် သစ္စာရှိခဲ့ကြသူများမဟုတ်ကြပါဘူး၊ ပြည်သူတွေက သူတို့ကို အယုံအကြည်မရှိဘူး ပြည်သူတွေရဲ့ခေါင်းဆောင်အစစ်မဟုတ်ဘူးဆို
တာ သူတို့ကိုယ်တိုင် သိရှိနေကြပါတယ်။ မဝေးတော့သည့် တစ်နေ့တွင် ပြည်သူတွေရဲ့ဒဏ်ခတ်မှုကို မလွဲမသွေ ခံကြရမည်အဖွဲ့သည် သန်းရွှေဦးဆောင်သော ကြံရာပါ နောက်လိုက် ဆိတ်လစေ့လိုလူများဖြစ်ပေသည်။

ပြည်သူများသည် ငြိမ်းချမ်းရေးကိုလိုလားတောင့်တ ငတ်မွတ်နေကြသူများဖြစ်သည်၊ တိုင်းပြည်ငြိမ်းချမ်းရေးအတွက် အချင်းချင်း သင့်သင့်မြတ်မြတ်ဖြစ်အောင် ညှိနှိုင်းတိုင်ပင်ဆွေးနွေးနိုင်မည့် စာပွဲဝိုင်းတစ်ခုဖြစ်ပေါ်လာဖို့လိုလားတောင့်တနေကြသည်၊
ဒီအချက်ကို နအဖကမလိုလား၊ အာဏာကို တစ်ရွေးသားမှ လက်မလွတ်ချင်၊ အာဏာနှင့်အတူ တိုင်းပြည်ရဲ့ထွက်သမျှသယံဇာတတွေ အပေါ်မှာ စည်းစိမ်ယစ်မှူး ရူးချင်တိုင်းရူးနေကြပေသည်၊ လက်နက်အားကိုးနဲ့ ပြည်သူတွေကို အမြဲတမ်းနှိပ်စက် အနိုင်ကျင့်နေချင်သည်၊ သဗ္ဗေ သင်္ခါရာ အနိစ္စာ =အရာရာအားလုံးသည် တစ်ခုမှတည်မြဲတာမရှိ ဆိုသည့် ဘုရားဟောသည့် အချက်ကို မေ့လျှော့နေကြသည်၊ ဘယ်လိုပင်မေ့မေ့ မမေ့မေ့ မဝေးတော့သည့် အချိန်တွင်တော့ ကမ္ဘာ့အကြမ်းဖက် အာဏာရ ဖွတ်အဖွဲ့သည် တိုင်းပြည်မှ ခွေးပြေးဝက်ပြေး ကြက်ပြေး နွားပြေး ပြေးကြရတော့မည်ဖြစ်ပါကြောင်း ရေးသားတင်ပ်ြလိုက်ရပေသည်။

မင်းထက်အောင်(ဒဂုံ)



အပြည့်အစုံဖတ်ချင်ရင်...

Saturday, September 12, 2009

ဗုဒ္ဓတရားတော်နဲ့ နိုင်ငံရေး




Saturday, 12 September 2009 17:56 အာကာမိုး
E-mail Print
ဘာသာရေးက လူ့အဖွဲ့အစည်းရဲ့ ပြဿနာတွေကို ချဉ်းကပ်ရာမှာ လူ့အဖွဲ့အစည်းရဲ့ကိစ္စတွေကို ဆောင် ကြဉ်းနေတဲ့ လူတဦးချင်းကို ပြုပြင်ပြောင်းလဲဖို့အတွက် လိုအပ်တဲ့ယေဘုယျမူတွေကို အကြံပြုပြီး ဒီမူတွေအရ လူသားတရပ်လုံးရဲ့ ဘ၀သာယာတိုးတက်ကောင်းမွန်ရေး၊ အရင်းအမြစ်တွေကို အညီအမျှ အကျိုးတူခံစား ရ ရေးအတွက် ဖြစ်ပေါ်လာစေဖို့ပဲဖြစ်တယ်။

ဘာသာရေးကို လောကီရေး၊ နိုင်ငံရေးနဲ့ရောထွေးအောင် အားထုတ်ခြင်းဟာ ပြဿနာကိုဖန်တီးခြင်းပဲဖြစ် တယ်။ ဘာသာရေးရဲ့အခြေခံက ကိုယ်ကျင့်သီလပဲဖြစ်တယ်။ သန့်စင် ခြင်း၊ ၀ိသုဒ္ဓိနဲ့ ယုံကြည်ခြင်း သဒ္ဓါ တရားပဲဖြစ်တယ်။ နိုင်ငံရေးဆိုတာက အာဏာမှာ အခြေခံတယ်။ လူ့သမိုင်းတလျှောက်မှာ အာဏာရအုပ်စိုး သူများဟာ မိမိရဲ့အာဏာ အုပ်စိုးခြင်းကို တရားဝင်ကြောင်း၊ ဘုရားအလိုတော်ကျဖြစ်လာတာဖြစ်ကြောင်း၊ လူတွေယုံကြည်အောင်လုပ်ဖို့ ဘာသာရေးကို ဆွဲသုံးတာတွေ ရှိခဲ့ပါတယ်။

ဘာသာရေးကို မိမိတို့နိုင်ငံရေးအကျိုးအတွက် လိုရာဆွဲပြီး အသုံးချခဲ့ကြတယ်။ ဒါကြောင့် ဘာသာတရားရဲ့ မြင့်မားတဲ့ ကိုယ်ကျင့်တရား စံ တွေဟာ နိုင်ငံရေးလောဘတွေကြောင့် ယုတ်ညံ့မှုတွေ ဖြစ်ကုန်ကြတာပဲဟု အရှင် ဒေါက်တာသီရိဓမ္မနန္ဒက What Buddhists Believe စာအုပ်တွင် ရေးသားထားပါတယ်။

တကယ်တော့ ဘာသာရေးကို နိုင်ငံရေးနဲ့ ခွဲခြားထားရမယ် ဆိုတဲ့အချက်ကို အသိအမှတ်ပြုပြီး နိုင်ငံရေး စနစ် ကို အကန့်အသတ်ထားပြီး ငြိမ်းချမ်းရေးနဲ့ ပျော်ရွှင်ရေးကို ဖော်ဆောင်ပုံနဲ့ပတ်သက်လို့ မြတ်ဗုဒ္ဓရဲ့သင်ကြား ချက် တွေထဲမှာ အချက်အလက်မြောက်မြားစွာရှိပါတယ်။ ဗုဒ္ဓရဲ့ ဒေသနာတော်ထဲမှာ ဒီနေ့ကမ္ဘာကြီးထဲက လူသားတွေအတွက် တိုက်ရိုက်အကျိုးဖြစ်ထွန်းစေနိုင်တာတွေ၊ နိုင်ငံရေးအစီအမံတွေအတွက် အသုံးတဲ့ တာ တွေအများကြီး ပါရှိပါတယ်။

အမေရိကန်လွတ်လပ်ရေး ကြေညာစာတမ်းမှာပါတဲ့ သောမတ်စ် ဂျက်ဖာဆင်ရဲ့“လူတိုင်းကိုတူညီမျှတစွာ ဖန် ဆင်း ထားတာဖြစ်တယ်”( All men are created equal )ဆိုတဲ့စကားမျိုးကို မြတ်ဗုဒ္ဓက ရှေးနှစ်ပေါင်း၂၅၀၀ ကျော်ကတည်းက မိန့်ကြားခဲ့တာပါ။ ပြီးတော့ ဇတ်တို့၊ လူတန်းစားတို့ ဆိုတာ လူ့အဖွဲ့အစည်းကြီးထဲမှာ လူ တွေက တမင်ဖန်တီးခဲ့ကြတာတွေသာဖြစ်တယ်။ မြတ်ဗုဒ္ဓက လူတွေကို ခွဲခြားသက်မှတ်ရာမှာ သူတို့ရဲ့ အကျင့်သီလအပေါ်မူ တည်ပြီးမှ အယုတ်၊ အလတ်၊ အမြတ် ခွဲခြားပုံကို ဟောတော်မူခဲ့တာပါ။

လူသားတွေအချင်းချင်း လူ့ဘောင်အကျိုးကိုဆောင်ရွက်ရာမှာ စိတ်ပါလက်ပါ အတူတကွ ရိုင်းပင်းကူညီ လုပ်ဆောင်ကြဖို့ကိုလည်း ဟောတော်မူခဲ့ပါတယ်။ ဆရာဦးရွှေအောင်ရဲ့“ဗုဒ္ဓ (သို့မဟုတ်) လောကသားတို့ ၏ အနှိုင်းမဲ့ကျေးဇူးရှင်” စာအုပ်မှာ “နိုင်ငံဖြစ်စေ၊ လူမျိုးကိုဖြစ်စေ ထူထောင်ရာ၌ စည်းလုံးမှုသည် များစွာ အရေးကြီး၏။ ကျမ်းဂန်များ၌ စည်းလုံးမှုကို ၂ မျိုးပြ၏။ စည်းလုံးမှုတမျိုးကို သမ၀ါယသမ္မန္ဓ ဟု ခေါ်၏။ အခြားစည်းလုံးမှုတမျိုးကို သံယောဂသမ္မန္ဓ ဟုခေါ်၏။ သမ၀ါယသမ္မန္ဓ အရ စည်းလုံးသောအခါ နိုင်ငံသား အားလုံးတို့သည် သူတလူ၊ ငါတမင်း သဘောမျိုးမရှိ၊ အားလုံးတသားတည်းဖြစ်ကြ၏။ တသွေး တသံ တမိန့် တည်းဖြစ်၏။ သံယောဂသမ္မန္ဓအရ စည်းလုံးသောအခါ နိုင်ငံသားအားလုံးတို့သည် တစ်သွေးတစ်သံတစ်မိန့် တည်းမဖြစ်၊ သူတလူ၊ ငါတမင်းဖြစ်ကြ၏။ တသားတည်းဖြစ်သော စည်းလုံးမှုကို ဖြစ်ပေါ်အောင် အားထုတ်ရာ တွင် အမြင်ချင်းတူမှုနှင့် အကျင့်ချင်းတူမှုသည် အရေးကြီးသည်။

မြတ်စွာဘုရားသည် သံဃာ့အဖွဲ့အစည်းကို ဖွဲ့စည်းရာတွင် အမြင်ချင်းတူမှုနှင့် အကျင့်ချင်း တူမှုအပေါ် အခြေ ခံ၍ စည်းရုံးခြင်းဖြစ်၏။ ထို့ကြောင့် သံဃာ့အဖွဲ့အစည်း၏ စည်းလုံးမှုသည် ကျစ်လျစ်၏၊ သိပ်သည်း၏၊ တစ်သွေး တစ်သံ တစ်မိန့်တည်းဖြစ်၏။ သံဃာ့အဖွဲ့အစည်းတွင် ဇတ် အသီးသီးပါဝင်၏။ သို့ရာတွင် သံဃာ့ အဖွဲ့အစည်း၌ ဇတ် သည် မထင်ပေါ်တော့၊ သံဃာ့အဖွဲ့အစည်း အဖွဲ့ဝင်အဖြစ်သာ ထင်ပေါ်၏။”လို့ ရေးသား ထားပါတယ်။

ဒါကြောင့်သာ နှစ်ပေါင်း ၂၅၀၀ ကျော်ကတည်းက တည်ထောင်ခဲ့တဲ့ သံဃာ့အဖွဲ့အစည်းဟာ ကမ္ဘာပေါ်မှာ ဒီနေ့ထိအောင် ထင်ရှားတည်ရှိနိုင်ခြင်းဖြစ်တယ်။

ဗုဒ္ဓမြတ်စွာဘုရားကို ဆက်ခံသူ မည်သူ့ကိုမှ ကြိုတင်ခန့်ထားခြင်းမရှိပါ။ သံဃာ့အဖွဲ့အစည်းကို ဓမ္မ၀ိနယ ကသာ လမ်းညွှန်တော် မူရမှာဖြစ်ပါတယ်။ ယနေ့ထက်တိုင်အောင် သံဃာတော်များကို ဗုဒ္ဓရဲ့ ၀ိနည်းဥပဒေ များကသာ ချုပ်ကိုင်လမ်းညွှန်ပါတယ်။ မည်သည့် အာဏာကမှ ဖြိုခွင်း ဖျက်ဆီး ခြိမ်းခြောက်နိုင်စွမ်းမရှိပါ။

မြတ်ဗုဒ္ဓက ဒီမိုကရေစီ ဖြစ်စဉ်အရ ညှိနှိုင်း၊ တိုင်ပင်၊ စည်းဝေး၊ ဆုံးဖြတ်၊ လုပ်ကိုင်တာကိုအားပေးပါတယ်။ ဒီအချက်ကို သံဃာတော်များရဲ့အဖွဲ့အစည်းမှာ ပိုပြီးထင်ရှားပါတယ်။ သံဃာ့အဖွဲ့အစည်းထဲမှာ သံဃာနဲ့ ဆိုင်တဲ့ကိစ္စကို သံဃာတော်တိုင်း ပါဝင်ဆွေးနွေး ဆုံးဖြတ်ပိုင်ခွင့်ရှိပါတယ်။ ကြီးကျယ်တဲ့ ပြဿနာပေါ်ပေါက် လာတဲ့အခါကျမှ ပြဿနာ အတိမ်အနက်ကို သံဃာတော်များရှေ့မှောက်တင်ပြပြီး ဒီမိုကရေစီပါလီမန် လွှတ်တော်ရှေ့ ဆွေးနွေးကြသလို ဆွေးနွေးတိုင်ပင်ကြရပါတယ်။

ဗုဒ္ဓဘာသာက နိုင်ငံရေးအာဏာကိုချဉ်းကပ်ရာမှာ ကိုယ်ကျင့်တရား(မင်းကျင့်တရား)နဲ့ ပြည်သူ့အာဏာကို သုံးစွဲရာမှာ တာဝန်ယူမှုအပေါ် အခြေခံပါတယ်။ ဗုဒ္ဓရှင်တော်ဘုရားက အကြမ်းမဖက်ရေးကိုသာ ဟောကြား ဆုံးမတော်မူပါတယ်။ ငြိမ်းချမ်းရေးကိုသာ တလောကလုံးနဲ့ဆိုင်တဲ့တရားအဖြစ်သတ်မှတ်ပါတယ်။ လူ့ အသက် ကို ဖျက်ဆီးခြင်းအကြမ်းဖက်မှုကို မြတ်ဗုဒ္ဓခွင့်ပြုတော်မမူပါ။

တရားတဲ့စစ်ဆိုတာဘယ်တော့မှမရှိဘူးလို့လဲ ပြတ်ပြတ်သားသားကြေညာတော်မူခဲ့ပါတယ်။ မြတ်ဗုဒ္ဓ သင်ကြားချက်က “အောင်နိုင်ခြင်းသည် အမုန်းတရားကိုသာ ပွားစေရာ၏၊ ရှုံးနိမ့်သူကား ဆင်းရဲစွာ နေကြရသည်၊ အနိုင်အရှုံးကို ပယ်သောသူသာလျှင် ပျော်ရွှင်ခြင်းသုခနှင့်ငြိမ်းချမ်းခြင်းကို ရနိုင်သည်”ဟု ဓမ္မပဒ မှာ ဟောတော်မူပါတယ်။

မြတ်ဗုဒ္ဓသည် အကြမ်းမဖက်ရေး ငြိမ်းချမ်းရေးတရားကိုသာ ဟောတော်မူတာမဟုတ်ပါ။စစ်ပွဲဖြစ်ရာနေရာကို ကိုယ်တိုင်ကြွရောက်ပြီး စစ်မဖြစ်ကြဖို့ တားဆီးတော်မူခဲ့တယ်။ ဘာသာရေးခေါင်းဆောင်းဆိုလို့ လူ့သမိုင်း မှာဖြင့် မြတ်ဗုဒ္ဓသည်သာ ပထမဆုံး ပုဂ္ဂိုလ်ထူး၊ ပုဂ္ဂိုလ်မြတ်ဖြစ်ပါတယ်။

သကျသာကီဝင်များနှင့် ကောလိယတွေ၊ ရောဟီနီမြစ်က ရေခွဲဝေရေးကိစ္စမှာ မြတ်ဗုဒ္ဓဟာစစ်တလင်းကို ကိုယ်တိုင်ကြွသွားပြီး တရားဓမ္မကို ဟောကြားခဲ့ပါတယ်။ ပြီးတော့ အဇာတသတ်မင်းက ၀ဇ္ဇီတိုင်းကို စစ်မတိုက်ဖြစ်အောင် ဗုဒ္ဓရှင်တော်မြတ်က ဆွဲဆောင်တော်မူနိုင်ခဲ့ပါတယ်။

လောကအကျိုးကိုလိုလားတဲ့ မြတ်ဗုဒ္ဓဟာ အစိုးရကောင်း၊ အုပ်စိုးသူကောင်း ဖြစ်ဖို့အတွက် ကြိုတင်ရှိအပ်တဲ့ အရည်အချင်းတွေကိုလည်း ထုတ်ဖော်ဟောကြားတော်မူခဲ့ပါတယ်။

တိုင်းပြည်တပြည်မှာ အဂတိလိုက်စားမှုတွေ ဘယ်လိုဖြစ်လာနိုင်တယ်ဆိုတာကို ဟောကြားရာမှာ တိုင်းပြည် အုပ်ချုပ်မင်းလုပ်သူ နိုင်ငံအကြီးအကဲက အကျင့်ပျက်ပြီး အဂတိလိုက်စားပြီး မတရားပြုကျင့်ရင် တိုင်းသူပြည် သားများလည်း အကျင့်ပျက်ပြီး အဂတိလိုက်စားတတ်ပုံကို ဟောကြားတော်မူပါတယ်။ အုပ်စိုးသူမင်းက အစ မင်းစေပါမကျန် အဂတိလိုက်စားကြပြီဆိုရင် တိုင်းသူပြည်သား လူအများစိတ်ဆင်းရဲရပုံ၊တိုင်းပြည်ဆုတ်ယုတ်
ပျက်စီးရပုံများကို ထုတ်ဖော်ဟောကြားတော်မူပါတယ်။ တိုင်းပြည်အုပ်ချုပ် မင်းလုပ်သူအစိုးရဟာ လူသား ချင်း စာနာထောက်ထား၊ သနား၊ ငဲ့ညှာသော မူဝါဒနဲ့ အုပ်ချုပ်သင့်ကြောင်းကိုလည်း ဆုံးမတော်မူပါတယ်။

စက္က၀တ္တှီသီဟနန္ဒသုတ်မှာ မြတ်ဗုဒ္ဓက အကျင့်ပျက်မှု၊ ရာဇ၀တ်များဖြစ်ကြတဲ့ ခိုးမှု၊ လိမ်မှု၊ အကြမ်းဖက် တိုက်ခိုက်မှု၊ မုန်းတီးမှု၊ ရက်စက်ကြမ်းကြုတ်မှုတွေဟာ ဆင်းရဲကြပ်တည်းမှုကြောင့် ဖြစ်လာကြောင်းကို ဟောတော်မူတယ်။ မင်းနဲ့ အစိုးရတွေအနေနဲ့ ရာဇ၀တ်မှုတွေကို အပြစ်ဒဏ်ပေးခြင်းဖြင့် နှိမ်နှင်းကြရတယ်။ ဒါပေမယ့် ရာဇ၀တ်မှုပပျောက်အောင် အင်အားပါဝါကိုသုံးပြီး လုပ်ထားတာကတော့ အကျိုးမဲ့အချည်းနှီးပဲဖြစ် ကြောင်းကို ဟောထားပါတယ်။

ကုတဒန္တသုတ်မှာလည်း ဗုဒ္ဓရှင်တော်ဘုရားက အင်အားသုံးပြီး ရာဇ၀တ်မှုကို နှိမ်နှင်းမယ့်အစား စီးပွားရေး အဆင်ပြေအောင်လုပ်ပေးသင့်ကြောင်းကိုလည်း အကြံပြုဟောကြားတော်မူခဲ့တယ်။ အစိုးရဟာ တိုင်းပြည်နဲ့ အရင်းအမြစ်တွေကို အသုံးပြုပြီး တိုင်းသူပြည်သားတွေ စီးပွားရေး၊ လူမှုရေး တိုးတက်ကောင်းမွန်လာအောင် လုပ်ပေးရမယ်။ ဒီနည်းနဲ့ လူ့ဂုဏ်သိက္ခာမကျဆင်းရအောင် စောင့်ရှောက်ပေးရမယ်လို့ ဟောထားပါတယ်။

ဇာတကနိပါတ်တော်ထဲမှာ မင်းကျင့်တရား ဆယ်ပါးကို အစိုးရတို့လိုက်နာအပ်ကြောင်း ဟောတော်မူထားပါ တယ်။ မင်းကျင့်တရားဆယ်ပါးအား ခုခေတ်ကာလမှာလည်း တိုင်းပြည်ကို ငြိမ်းချမ်းသာယာစွာ အုပ်ချုပ်လိုတဲ့ အစိုးရမင်းများအသုံးချ လိုက်နာကျင့်သုံးထိုက်တယ်။ ဒီမင်းကျင့်တရား(ရာဇဓမ္မ) ဆယ်ပါးကတော့-

၁။ ရက်ရောမှု၊ လွတ်လပ်မှုရှိပြီး တစ်ကိုယ်ကောင်းမဆန်ခြင်း
၂။ တိုင်းသူပြည်သားများရဲ့ ဘ၀သက်သာချောင်ချိရေးအတွက် မိမိရဲ့ ကိုယ်ကျိုးအတ္တကို စွန့်လွှတ် အနစ်နာ ခံခြင်း
၃။ အကျင့်သီလ အဆင့်မြင့်ကောင်းမွန်ခြင်း
၎။ ရိုးသား၊ ဖြောင့်မတ်ပြီး အကြွင်းမဲ့ဂုဏ်သိက္ခာရှိခြင်း
၅။ ကြင်နာ၊ သနားတတ်ခြင်း
၆။ တိုင်းသူပြည်သားများ လေးစား၊ အားကျလောက်အောင် မိမိတို့ရဲ့ဘ၀ အနေအထိုင်
ရိုးသားခြင်း
၇။ အမျက်ဒေါသ ကင်းစင်ခြင်း
၈။ အကြမ်းမဖက်ခြင်း
၉။ သည်းခံတတ်ခြင်း
၁၀။ ပြည်သူလူထုရဲ့ ထင်မြင်ယူဆချက်များကို လေးစားစွာ ငြိမ်းချမ်းရေးနဲ့ ညီညွတ်မှုကို
မြှင့်တင်ခြင်းတို့ဖြစ်ပါတယ်။

အခုခေတ် မြန်မာနိုင်ငံရဲ့စစ်အာဏာရှင်ကြီး ဗိုလ်ချုပ်မှူးကြီးသန်းရွှေနဲ့ သူ့ရဲ့ လက်မရွံ့နောက်ပါ ၀န်ကြီးများရဲ့ အဓမ္မနည်းတွေနဲ့ တိုင်းသူပြည်သားတွေအပေါ် ကျင့်ကြံပြုမူပုံနဲ့ နှိုင်းယှဉ်ဆင်ခြင်သင့်ပေတယ်။

မင်းတို့ကျင့်အပ်တဲ့ တရားနဲ့ဆက်လျဉ်းပြီး မြတ်ဗုဒ္ဓက စက္က၀တ္ထီသီဟနန္ဒသုတ်မှာ ဟောတော်မူထားတာက -

၁။ အုပ်စိုးသူ အစိုးရကောင်း၊ မင်းကောင်းတို့မည်သည် ဘက်လိုက်ခြင်း၊ အဂတိလိုက်စား
ခြင်း၊ တိုင်းသူပြည်သား၊ လူအများတို့အပေါ် ခွဲခြားဆက်ဆံမှုမရှိခြင်းသည် တရပ်၊
၂။ အုပ်စိုးသူ မင်းကောင်း အစိုးရကောင်းတို့မည်သည် တိုင်းသူပြည်သားတို့အပေါ် အမုန်း
စိတ်ထား၍ ဆက်ဆံခြင်းမပြုခြင်းသည် တရပ်၊
၃။ အုပ်စိုးသူ မင်းကောင်းအစိုးရကောင်းတို့မည်သည် တရားမျှတမှုရှိသော တရားဥပဒေ
ကို ပြဌာန်းရာ၍ ကြောက်ရွံ့ထိတ်လန့်မှု မရှိခြင်းလည်း တရပ်၊
၎။ မင်းကောင်း၊ အစိုးရကောင်းတို့မည်သည် မိမိတို့ပြဌာန်းလိုသော ဥပဒေကို ကောင်းစွာ
သိနားလည်မှုရှိရမည်။ ငါ့မှာ ဥပဒေပြဌာန်းခွင့်အာဏာရှိသည်ဆိုကာမျှ သဘောထားဖြင့်
ပြဌာန်းခြင်းမပြုအပ်၊ တရားဥပဒေကို ပြဌာန်းရာ၌ အကြောင်း ယုတ္တိ ခိုင်လုံမှုရှိပြီး စိတ်
နှလုံးကောင်းဖြင့်သာ ပြဌာန်းရမည်။

အထက်ဖော်ပြပါ အုပ်စိုးသူ၊ မင်းကောင်း၊ အစိုးရကောင်းများရဲ့ သဘောလက္ခဏာများနဲ့ ဗုဒ္ဓလမ်းညွှန် ချက်နဲ့ တက်တက်ဆင် ကွဲလွဲနေတဲ့ မြန်မာစစ်အာဏာရှင်တို့ရဲ့အဓမ္မလုပ်ရပ်များ၊ အာဏာပါဝါကို အလွဲသုံးစားလုပ်မှုတွေကို သတိထားဆင်ခြင်အပ်ပါတယ်။

မိလိန္ဒပဥှာမှာလည်း“မင်းကြီး ဥပမာသော်ကား ယောက်ျားသည် အစွမ်းသတ္တိမရှိ၊ အမျိုးယုတ်၏၊ နည်းသော ပညာရှိ၏၊ ကြီးကျယ်စွာသောမင်း၏ အဖြစ်ကို ရသော် တခဏခြင်းဖြင့်ဖောက်ပြန်၏၊ ပရိသတ်ကို ဖျက်ဆီး၏၊ ထိုသို့ မထိုက်တန်သော မင်းဆိုးမင်းညစ်အား ပြည်သူတို့က ညှဉ်းဆဲ နှိပ်စက်ရာသည်။ ပြည်သူတို့က အပြစ် ဒဏ်ခတ်ရသည်။ ပြည်သူပြည်သားတို့သည် ဥပဒေနှင့်အညီ မအုပ်ချုပ်သော အုပ်စိုးသူ မင်းတို့ကို အပြစ်ဒဏ် ပေးရမည်။ထို့အပြင် မင်းကဲ့သို့မကျင့်၊ ဓားပြကဲ့သို့ကျင့်သော မင်းဆိုးမင်းယုတ်အားလည်း အုပ်ချုပ်ခွင့်ကို မပြုရာ”ဟု ဟောတော်မူခဲ့ပါတယ်။

မဇ္ဈနိမနိကာယ်မှာ အပြစ်မရှိတဲ့ တိုင်းသူပြည်သားတွေကိုသာ အပြစ်ဒဏ်ပေးပြီး တကယ့်လက်သည် တရားခံ ကို တော့ အပြစ်မပေးဘဲ ထားတဲ့မင်းဟာ တိုင်းပြည်ကို အုပ်ချုပ်ဖို့ မသင့်တဲ့မင်းဖြစ်ကြောင်းကို ဖော်ပြထားပါ တယ်။

ကောက်ကျစ်စဉ်းလဲတဲ့မင်းဟာ မတရားသဖြင့် အပြစ်ဒဏ်စီရင်ခြင်း၊ မတရားသဖြင့် အခွန်အတုပ်ကောက်ခံ ခြင်း၊ အဓမ္မနည်းများဖြင့် ဖိနှိပ်ချုပ်ချယ်ခြင်း၊ အဂတိအမျိုးမျိုးလိုက်စား ခြင်းတို့ကြောင့် ပြည်သူများက အဲဒီမင်း ကို တနည်းမဟုတ်၊ တနည်းအားဖြင့် တုံ့ပြန်လာကြလိမ့်မယ်လို့ မိန့်ကြားခဲ့ပါတယ်။ မြတ်ဗုဒ္ဓရဲ့ကောင်းမြတ်တဲ့ မင်းတို့အတွက် လမ်းညွှန်ချက်ကို ကျင့်သုံးခဲ့တဲ့ ဧကရာဇ်ဘုရင်ကြီး အာသောကမင်းဟာ BC ၃၀၀ လောက် က စပြီး ဂုဏ်သတင်းကျော်ဇောပြီး လူ့သမိုင်းမှာ ထွန်းပခဲ့ပါတယ်။

ဗုဒ္ဓရှင်တော်မြတ်ဟာ အလွန်မြင့်မြတ်တဲ့ လူမှုပြုပြင်ပြောင်းလဲရေးသမားကြီးလဲ ဖြစ်ပါတယ်။ အိန္ဒိယပြည်မှာ အရိုးစွဲနေတဲ့ ဇတ်စနစ်ကို ဗုဒ္ဓက ရှုတ်ချပြီး လူအချင်းချင်းတန်းတူ အခွင့်အရေးကို အရေးထားခဲ့ပါတယ်။ ဆင်းရဲ၊ ချမ်းသာ အလွန်အမင်းမကွာခြားရေးနဲ့ အမျိုးသမီးများရဲ့ လူမှုဘ၀အဆင့်အတန်းမြင့်မားရေးကိုလဲ အားပေးခဲ့ပါတယ်။

လူ့အဖွဲ့အစည်းကို အုပ်ချုပ်ရာမှာ လောဘတဏှာဦးစီးပြီးမလုပ်ကြဖို့၊ မေတ္တာဂရုဏာနဲ့ စာနာထောက်ထား စိတ်နဲ့ သာ အုပ်ချုပ်နေထိုင်ကြဖို့ကိုလည်း တိုက်တွန်းဆုံးမတော်မူပါတယ်။ မြတ်ဗုဒ္ဓက ပြုပြင်ပြောင်းလဲရေး ကို အပြင်ပန်း ဗဟိန္ဓအားဖြင့် လုပ်တာဟာ ရေတိုပဲရမယ်၊ တကယ်တမ်းပြုပြင်ပြောင်းလဲရေးလုပ်ချင်ရင် စိတ်ပြောင်းတော်လှန်ရေးလုပ်မှရမယ်ဆို တာကို ထုတ်ဖော်မိန့်ကြားခဲ့ပါတယ်။

အင်အားပါဝါကိုအသုံးပြုပြီးလုပ်တဲ့ပြုပြင်ပြောင်းလဲရေးဟာ ခဏပဲခံတယ်။ ဘာကြောင့်လဲဆိုတော့ အဲ့ဒီပြုပြင် ပြောင်းလဲရေးမှာ စွဲစရာအဖြစ်မပါဘူး။ တကယ်တမ်းပြုပြင်ပြောင်းလဲရေးဖြစ်ဖို့ကတော့ ပြုပြင်ပြောင်းလဲ လို တဲ့ စိတ်ဓာတ်အမှန် အဆင်သင့်ဖြစ်နေမှသာ ဖြစ်နိုင်မယ်။ လူသားတိုင်းမိမိကိုယ်တိုင် အမှန်တရားချစ်မြတ်နိုး မှု၊ လူအချင်းချင်းတရားမျှတစေလိုမှု စတဲ့ တရားများဆီက ရှင်သန်အားကို ရရှိနေသရွေ့ ရပ်တည်ရှင်သန် နေကြမှာပဲ ဖြစ်တယ်လို့ မိန့်ခဲ့ပါတယ်။

ဘစစ်အာဏာရှင် မိစ္ဆာဝါဒီသမားတွေရဲ့ လက်အောက်ကျရောက်နေတဲ့ မြန်မာနိုင်ငံမှာ ဗုဒ္ဓရဲ့ မွန်မြတ် မှန်ကန် တဲ့ သြ၀ါဒ အမြုတေကို ယုံကြည်အားကိုးပြီး လူ့အခွင့်အရေး၊ ဒီမိုကရေစီရေးနဲ့ အဓမ္မတရားများကို ဖယ်ရှား ရေးတို့အတွက် တမျိုးသားလုံး အသက်ပေး ဆောင်ရွက်ရမှာဖြစ်တယ်။

http://www.irrawaddy.org/bur/

အပြည့်အစုံဖတ်ချင်ရင်...