အစိမ်းရောင်ခြယ်မိမှ အိုဒုက္ခ

ကျွန်တော့်ကျောင်းမှာ

ခွေး လိမ္မာကြီးတစ်ကောင်ရှိ

ဒါကိုအားလုံးသိတယ်၊

သခင်ပြန်လာရင် ကြိုဆိုချင်တဲ့တာဝန်

ခြံစောင့်ရမယ့်တာဝန်

တာဝန်ဆိုအကုန်ကျေပွန်လို့

သူ့ဆိုရင်အားလုံးက ချစ်မြတ်နိုးကြ

သခင်အလိုကျ သူ့အမည်နာမ

ဗိုလ်သုနခတဲ့၊


ဒီလိုနဲ့ နေ့တစ်ရက်

မမေ့ရက်စရာ အဖြစ်ကကြုံ

ဗိုလ်သုနခရဲ့ သူ့နဂိုရ်ပုံကို

အစိမ်းရောင်ခြယ်မှ ဆိုပြီး

လူတစ်စုက အစမ်းထွင်ကြ

ဒီတော့မှ ဒုက္ခတွေ့ကြ ဗိုလ်သုနခ

အရင်ကကျေခဲ့တဲ့တာဝန်တွေ

လိမ္မာ ခဲ့သမျှ အမူအရာတွေ

ဘာတစ်ခုမှ မတွေ့ကြရ

အားလုံးပြောင်းလဲ ပြသွားလို့

အံ့သြမိကြ

အစိမ်းရောင် အခြယ်ခံထားရတဲ့ ဗိုလ်သုနခ

မာန်မာနတွေ ထောင်ကာကြွ

ငါသခင်ကွ ဆိုပြီး

ကျွန်စင်စစ်ကနေ

သခင်ကိုပြန်ကာကိုက်

မိုက်လိုက်တဲ့ ဗိုလ်သုနခ

အစိမ်းရောင်ခြယ်မိမှ

အိုဘယ့် ဒုက္ခ အိုဒုက္ခ

ဗိုလ်သုနခရေအမြန်ကြွ။ သုနခ=ခွေး

မင်းသုည ကွမ်းခြံကုန်း