Thursday, July 31, 2008

အခြေအနေပေးလျှင်ဖြင့်ရေးစမ်းပါဘိထိုစာလွှာ(၅)

31 July 2008
ထကြလော့ ရွှေမြန်မာတွေ အလင်းရောင်သန်းနေပြီ

မျက်စေ့ဖွင့်ကြည့်လိုက်တော့ သင့်ရှေ့ကနေရောင်ခြည်ဟာ ရင်ညွန့်ထဲကို ထိုးကျလာလိမ့်မယ်။ သင်တို့ဟာ စစ် အတွင်းက ကွဲကွာနေတဲ့ သူငယ်ချင်းတွေပဲ။ သင်တို့ရဲ့အားတွေ အရမ်းလိုအပ်နေပြီ။ တစ်ယောက်တည်းလုပ်လို့ မရတဲ့ အရာထဲမှာ နိုင်ငံရေးဆိုတဲ့ အရေးကြီးဆုံးအချက်လည်းပါတယ်။ သင်တို့ရဲ့ လက်တွေသန်မာကြလော့။ သင် တို့ရဲ့ အတွေးအခေါ်တွေ သေနေလို့ မဖြစ်တော့ဘူး။ သင်တို့ရဲ့ နာကျည်မှုတွေဟာ ဘယ်ချိန်ထိဆက်လက် မျိုသိပ်နေကြဦးမှာလဲ။ ဘ၀တွေသေနေကြပြီ။ လူသားတစ်ယောက် ရပိုင်ခွင့်အခွင့်ရေးတွေ ဆုံးရှုံးနစ်နာနေကြတာ ဘယ်ချိန်ရှိပြီလဲ။ နှစ်ပေါင်းများစွာ သေနေတဲ့ ဘ၀တွေကို ဆွဲထုတ်လိုက်ကြတော့။ သင်တို့ဟာ လူသားမျိုးနွယ်စု တစ်ခုလုံးကို ကိုးစားပြုတယ်ဆိုရင် သင်တို့ရဲ့ စွမ်းဆောင်ချက်တွေနဲ့ ဒီလက်တစ်ဆုပ်စာ စစ်အာဏာရှင်တစ်စုကို တွန်းလှန်တိုက်ခိုက်ဖို့ ရဲရင့်ကြလော့။ ထကြလော့။ အိပ်နေလို့မဖြစ်တော့ဘူး။

ဇင်ဘာဘွေဟာ မကြာခင် ဒီမိုကရေစီနိုင်ငံသစ်ကြီးကို ထူထောင်နိုင်တော့မယ်။ ဆူဒန်သမ္မတဟာလည်း သူ့ရဲ့ပြုမူလုပ်ဆောင်
ချက်တွေကို ပေးဆပ်ရတော့မယ်။ ဒါကြောင့် ဆူဒန်ဟာလည်း ယုတ်မာတဲ့ ခေါင်းဆောင်လက်ထဲ ကနေ ရုန်းထွက်နိုင်ရင်း ခေတ်မှီဖွင့်ဖြိုးတဲ့ ဒီမိုကရေစီ နိုင်ငံတော်ကြီးကို မကြာခင်တည်ထောင်နိုင်တော့မယ်။

သူတို့ဟာ အလင်းရောင်တွေ သန်းနေပြီ။ ဒါကြောင့် အာဏာရှင်အစိုးရဆိုတာ တစ်ကမ္ဘာလုံးက ရွံ့မုန်းနေကြ တယ်။ ရွှေမြန်မာတွေ ရောင်ခြည်သန်းနေတဲ့ ဒီမိုကရေစီကို မကြာခင်ရရှိတော့မယ်။ ဒီတော့ တစ်ယောက်တည်းနဲ့ တော့ မဖြစ်ဘူး။ အားလုံးတက်ညီလက်ညီ လက်တွဲဖို့လိုတယ်။ အတ္တကိုရှေ့တန်းတင်ပြီး ငါ့အကျိုးအတွက် လောက်နဲ့တော့ အလကားရရှိတဲ့ အချိန်တိုလေးတွေကို အကျိုးရှိရှိအသုံးချတတ်ဖို့ မလုပ်ဘဲ ထင်ရာစိုင်းတဲ့ဝါဒကို စွန့်လွှတ်လိုက်တော့။လုပ်နိုင်တဲ့
ဘက်က လုပ်ပါ။ မလုပ်ဘဲနဲ့ မနေပါနဲ့။ ယူဂျီလုပ်နိုင်ရင်လုပ်ပါ။ အိုဂျီအဖြစ်ပြောင်းလဲနိုင်အောင် ထပ်မံကြိုးစားဖို့ လမ်းစကောင်းဖြစ်ပါလိမ့်မယ်။ အန်ဒါဂရောင်းကနေ အိုဗာဂရောင်းကို ကူပြောင်းတဲ့အခါမှာ မိမိလုပ်ထားတဲ့ အန်ဒါဂရောင်းလုပ်ရှားမှု ဆဲလ်တွေများနေရင် အိုဗာရောက်ရင် အသုံးဝင်နိုင်ပါလိမ့်မယ်။ ကျုပ်တို့ဟာ တရားမျှတမှုကို ရှေ့တန်းတင်ရမှာဖြစ်ပြီး၊ တရားမျှတတဲ့ နည်းလမ်းတွေကို အသုံးချပြီး တိုက်ပွဲ ၀င်ကြမယ်။ သင်တို့ဟာ အမိမြေကိုချစ်တယ်။ ဆင်းရဲတွင်းနက်နေတဲ့ ပြည်သူလူထုကို မကြည့်ရက်ဘူး ဆိုရုံနဲ့ တော့ အရာမထင်ပါဘူး။ ကိုယ်တတ်နိုင်တဲ့ လှုပ်ရှားမှုတွေကို ဖန်းတီးလုပ်ဆောင်ဖို့ အရမ်းကိုအရေးကြီး နေပါပြီ။

လူမှုရေး၊စီးပွားရေး၊ပညာရေးစတဲ့ အရေးမှန်သမျှ ချွတ်ခြုံကျနေတဲ့ အမိမြေဟာ ဆာလောင်သံတွေနဲ့ ဟစ် အော် နေကြရင်း မွမ်းကျပ်နေခဲ့တယ်။ အသိဥာဏ်မဲ့တဲ့ လူတွေရဲ့လုပ်ရပ်တွေကြောင့် ပြည်သူတွေလည်း ထောင် ပေါင်း
များစွာ အသက်ပေးခဲ့ရပြီးပြီ။ လက်ရှိအချိန်ထိ ဆင်းရဲတွင်းနစ်နေတဲ့ ကူညီမဲ့ရင်း ဆာလောင်နေတဲ့ ဧရာဝတီ သားတွေကုို ကြည့်ကြပါ။ တကယ်တန်းကြည့်တတ်ရင် မြင်မှာပါ။ ထောင်ပေါင်းများစွာကို စစ်အစိုးရက သတ်လိုက် တာပါ။

နာဂစ်ကိုပဲ မြင်နေကြတဲ့ လူတွေကို စစ်အစိုးရရဲ့ သတ်လိုက်ပုံအကြောင်းကို ရှင်းပြတာဟာလည်း ယူဂျီ လုပ်ရှား မူဘဲပေါ့။ စဉ်းစားကြည့်ပါ တကယ်တန်းဆိုရင် နာဂစ်ဟာ တစ်သောင်းထက်ပိုသေသင့်တဲ့ ကိစ္စရပ်မဟုတ်ပါဘူး။ အခုသိန်းနဲ့ချီပြီ သေကျေရတယ်ဆိုတာ ဘာကြောင့်လဲ။ န.အ.ဖ ရဲ့ညံ့ဖျင်းတဲ့ လုပ်ရပ်။ လူမဆန်တဲ့ အမြင် အသေ တွေကြောင့်ပေါ့။ လွတ်ရာကျွတ်ရာကို ပြေးဖို့ကြိုတင်သတိပေးနိုင်ပါလျှက် မလုပ်ဆောင်ခြင်းစတာတွေအ တွက် ကြောင့် အခုလိုသေကျေပျက်စီးခဲ့ရတာပါ။ အမိန့်နဲ့ နှစ်ရက်လောက်ကြိုတင်သိနေတဲ့ ဒီမုန်တိုင်းဘေးကို လွတ်မြောက်စေရန် ထုတ်ဆောင်နိုင်ရမယ်။ ဒါပေမဲ့ ဒါမျိုးတွေမလုပ်ဆောင်ခဲ့ဘူး။ နောက်တစ်ခုက လူသားမဆန် တဲ့ လူတွေလုပ်ရပ်ကို ထပ်မံလုပ်လိုက်ပြန်တယ်။ ဒါကဘာလည်းဆိုတော့ ပြည်ပက အကူအညီတွေကို ငြင်းဆန်ခဲ့ တဲ့လုပ်ရပ်ပေါ့။

အမှန်တကယ် အကူအညီတွေ ချက်ခြင်းရပါလျှက် ငြင်းဆန်ခဲ့တာကြောင့် အစာရေစာ ပြတ်လပ်ပြီး လူတွေ မသေ သင့်ဘဲ သေခဲ့ရပြန်တယ်။ ဆိုလိုတာက ဒါမျိုးတွေကို ပြည်သူလူထုသိအောင် အန်ဒါဂရောင်းလှုပ်ရှား မှုဖြစ်တဲ့ စာရွတ်စာတမ်းဖြန့်တာမျိုး၊ကိုယ်စွမ်းဆောင်နိုင်တဲ့ အ၀န်းဝိုင်းမှာ အသိပညာပေးတဲ့အနေနဲ့ စုဝေးပြီးဟော ပြောတာမျိုးစတာတွေကို လုပ်ကြဖို့ပါ။ ဘာမှမလုပ်ဘဲနဲ့တော့ မနေကြပါနဲ့။ သင်တို့သင်ယူနေတဲ့ ပညာရပ်တွေဟာ ကိုယ့်အကျိုးအတွက်ပဲလား။ ပြည်သူလူထုကို ကိုယ်စားမပြုရင်တော့ ပြည်သူလူထုက သင်တို့ရဲ့အသိပညာဆိုတာ တွေကို အသိအမှတ် မပြုဘူးဆိုတာ သိစေချင်တယ်။ မဝေးတော့တဲ့ အချိန်တိုလေးအတွင်းမှာ ကျုပ်တို့အားလုံး
လက်တွဲညီညီနဲ့ ဒီစစ်အာဏာရှင် လက်တစ်ဆုပ်စာလေးကို ဖြုတ်ချနိုင်အောင် စွမ်းဆောင်ကြရလိမ့်မယ်။

ကမ္ဘာ့အဆင်းရဲဆုံးနိုင်ငံ။ ကမ္ဘာ့ ခေါင်းဆောင်မှု့ယုတ်မာဆုံးနိုင်ငံ။ ကမ္ဘာ့လာဘ်စားမှု အများဆုံးနိုင်ငံ။ စတဲ့ စာရင်း တွေက ဆွဲနုတ်နိုင်အောင်ဆိုရင်တော့ သင်တို့အားလုံး လက်ပိုက်ကြည့်နေရုံနဲ့ ပပျောက်မှာ မဟုတ်ဘူးဆို တာ ဘဲ။ လူတွေဟာ လူနဲ့မတူတော့ဘူး။ အရမ်းကို ဖိနှိပ်ခံနေရတယ်။ ဒါဟာ ကိုယ့်လူမျိုးအချင်းချင်း ယုတ်မာပက် စက်မှုကိုပြန်လည်ခံစား
နေကြရခြင်းဖြစ်တယ်။ ကိုလိုနီခေတ် ပြန်ရောက်ရင်တောင် ဒီလောက်ယုတ်မာ ပက်စက် ရိုင်းစိုင်း ခံရလိမ့်မယ်မထင်ဘူး။ လူပေါင်းများစွာရဲ့သွေးတွေ အခုချိန်ထိ လမ်းပေါ်တွေမှာ မခမ်းခြောက်သေးဘူး။ မကြာခင်အချိန်မှာဆိုရင်တော့ ဘယ်လိုမှမေ့မဖျောက်နိုင်သေးတဲ့ စက်တင်ဘာ ရွှေဝါရောင်လှုပ်ရှားမှု သံဃာတော် များစွာရဲ့ သွေးများဘုရား
ခြေရင်းတွေမှာ ဖြာကျခဲ့ရတဲ့ အရှင်လတ်လတ် သတ်ဖြတ်မှု တစ်နှစ်ပြည့်တော့မယ်။ ဒါ တွေဟာ မေ့ဖျောက်လို့ မရတဲ့ န.အ.ဖရဲ့ လူသားမဆန်တဲ့ လုပ်ရပ်တွေဘဲ မဟုတ်လား။

ကျုပ်တို့အားလုံး ထကြဖို့လိုပြီ။ န.အ.ဖ ရဲ့ ညံ့ဖျင်းတဲ့ စစ်အုပ်ချုပ်ရေးကြီးကို တွန်းလှန်နိုင်ဖို့လိုပြီ။ ဆက်လက် အိပ်စက်နေဦး
မယ်ဆိုရင်တော့ သူတို့ဟာ တရားဝင်အစိုးရပုံစံမျိုး ဖြစ်အောင်လုပ်ပြီး ဆက်လက်အတုယောက်အုပ် ချုပ်မှုနဲ့ ကျုပ်တို့ရဲ့ အနာဂတ်မျိုးဆက်သစ်များ အကြောက်တရားရဲ့ ဖိနှိပ်မှုအောက် ပြားပြားမှောက်ရင်း အလူး အလဲခံစားရရင် စစ်ဖိနပ်အောက်မှာပဲ ဘ၀တွေပြားပိနေကြရဦးမယ်။ ဒီတော့ တတ်နိုင်တဲ့လုပ်ဆောင်ချက်များကို လုပ်ဆောင်ရင်း ကိုယ့်စွမ်းကိုယ်စတွေကို အသုံးချတတ်ဖို့လိုနေပြီ။

သင်ဟာ နိုင်ငံကိုချစ်တယ်ဆိုရင်တော့။ သင်ဟာ နိုင်ငံနဲ့လူမျိုး ဂုဏ်ကိုမြှင့်တင်ချင်တယ်ဆိုရင်တော့။ သင်ဟာအပြစ်မဲ့
ပြည်သူများစွာကို ဆင်းရဲတွင်းဆက်လက် မထားချင်ဘူးဆိုရင်တော့၊။သင်ဟာ ဆာလောင်သံများကို တစာစာအော်နေတဲ့ ပြည်သူလူထုရဲ့ အသံတွေမကြား ချင်ဘူးဆိုရင်တော့။ သင်ဟာ ကမ္ဘာ့အလည်မှာ အထီး ကျန်နေတဲ့ နိုင်ငံကြီးကို မားမား
မတ်မတ် ရပ်တည်ချင်တယ် ဆိုရင်တော့ သင်ဒီအတိုင်းနေလို့ မဖြစ်တော့ဘူး။ အိပ်နေလို့ မဖြစ်တော့ဘူး။ သင်ဟာကိုယ်
ကျိုးအတွက်ပဲ ကြည့် နေလို့၊လုပ်နေလို့ မဖြစ်တော့ဘူး။

ဒီအစိုးရဆ်ိုတာ သိတယ်မဟုတ်လား ။ မကောင်းတဲ့ အပြုအမူဆိုရင်တော့ ဗြောင်ကျကျ လိမ်ရမလား။ လက်ရဲ ဇက်ရဲ သတ်ဖြတ်လိုက်ရမလား။ သူ့တို့ အာဏာတည်မြဲမယ်ဆိုရင်တော့ ဘုရားခေါင်းဖြတ်သင့်ရင်ဖြတ်မှာပဲ။သံဃာ ခေါင်း ဖြတ်ခိုင်းဖြတ်မှာဘဲ။ ဘာမှစဉ်းစားနေမဲ့ ကောင်တွေမဟုတ်ဘူး။ ဒီတော့ ဒီလိုအကြောက်တရားတွေနဲ့ ဖိနှိပ် မှု၊ချုပ်ခြယ်မှုတွေနဲ့ ဆက်လက်သွားနေမယ်ဆိုရင်တော့ ဒါကိုလည်း ဆက်လက်လက်ခံနေမယ်၊ ကြောက်နေဦးမယ်
ဆိုရင်တော့ အနာဂတ်မြန်မာနိုင်ငံတော်ကြီးဟာ အမှောင်တွေနဲ့ ဆက်လက်မည်းနေဦးမှာပဲ။

ဒီအချိန်ဟာ ကမ္ဘာက မြန်မာကို တော်တော်ဂရုစိုက်နေပြီ။ အလင်းရောင်လေးတွေ သန်းလာနေပြီ။ ကျုပ်တို့ အားလုံး ဒီအလင်းတန်းလေး တွေကို မကွယ်ပျောက်သွားစေရန် ဆက်လက်ညှိထွန်းရင်း တိုက်ပွဲဝင်နေဖို့လိုတယ်။ ဒီလိုမဟုတ်ဘဲ အကြောက် တရားအောက် ဆက်လက်ကြောက်နေရင်း အိပ်ပျော်နေဦးမယ်ဆိုရင်တော့ ရင်းလေး စရာ ဖြစ်နေလိမ့်ဦးမယ်။

အို မြင့်မြတ်သောအရှင်
ဒီစစ်အာဏာရှင် လက်အောက် ပြည်သူတွေ
ဖိနှိပ်မှုမျိုးစုံနဲ့ ဒုက္ခအတွင်း သက်ဆင်းနေကြရပေါ့
သွေးတွေ စီးဆင်းခဲ့ရတယ်
အသက်တွေ စတေးခဲ့ရတယ်
လူသားအခွင့်ရေးတွေ ဆုံးရှုံးခဲ့ရတယ်
ဝဋ်ကျွေးဆိုတာ ရှိရင် ကျေပါစေတော့ဘုရား။

လမ်းဘေးမှာ သူတောင်းစားမျိုးစုံ၊ ဈေးသည်မျိုးစုံ၊ ၀န်းထမ်ပေါင်းများစွာ။ ကျောင်းသူ ကျောင်းသူတွေများစွာ၊ ရ ဟန်းသံဃာတော်များ ပြည်သူလူထု လူတန်းပေါင်းစုံများစွာရဲ့ အသံတွေဟာ ငြိမ်းချမ်းရေးကို ဆာလောင်နေကြ တယ်။ ဆင်းရဲတွင်းက တက်လာချင်ကြပြီ။ လူမဆန်တဲ့ ကောင်တွေရဲ့ လက်ထဲကနေ လွတ်မြောက်ချင်ကြပြီ။ လူ ဆန်တဲ့ အပြုအမှု၊ အတွေးခေါ်တွေနဲ့ ဆက်လက်ချီတက်နေချင်ကြပြီ။ သင်တို့အားလုံး ကျုပ်တို့အားလုံးဟါ ဒါတွေကို ကြားရောင်ပါ။ တွန်းလှန်တော့ပါ။

ဆက်လက်ငြိမ်နေဦးမယ်ဆ်ိုရင်တော့ ပြည်သူလူထု အစာမကြေတိုင်း ထထအော်ရင်း အသက်တွေဆက်လက် စတေးနေကြရဦးမယ်။ အမှန်တရားဆိုတာ ဘယ်တော့မှ ကွယ်ပျောက် သွားတယ်ဆိုတာမရှိပါဘူး။ အမှန်တရား က အရှုံးပေးသွားရတယ်ဆိုတာ ဘယ်တော့မှရှိလာမှာ မဟုတ်ပါဘူး။ ဒါကြောင့် အမှန်တရားကို ဆက်လက် ကိုင်စွဲပါ။ အမှန်တရားကြောင့် အသက်စတေးလိုက်ရခြင်းဟာ မြင့်မြတ်ပါတယ်။ အနာဂတ်ကလည်း သမိုင်းမှာ အဲဒီလူတွေကို ဘယ်တော့မှ မေ့ဖျောက်ကြမှာ မဟုတ်ပါဘူး။ အမှတ်တရားကို ချစ် မြတ်နိုးသူတိုင်း အမှန်တရား က ပြန်လည်စောင့်ရှောက်ပါလိမ့်မယ်။

ဓမ္မနိယာမ-အရ လွတ်လပ်မှုကို ချုပ်ခြယ်သူမှန်သမျှကို လွတ်လပ်မှုက သူတို့ကိုပြန်လည် ချုပ်ခြယ်ခံရပါလိမ့် မယ်၊ လွတ်လပ်မှုကြောင့် ရရှိခံစားရမဲ့ အခွင့်ရေးတွေကို သူတို့ပြန်လည် ပေးဆပ်ရပါလိမ့်မယ်။ ဒါကြောင့် အမှန်တ ရားဆိုတဲ့ ဓမ္မက ရှုံးနိမ့်သွားတဲ့ ကိစ္စဆိုတာ မရှိပါဘူး။ တစ်နေ့တော့ လုံးဝအနိုင်ရပါလိမ့်မယ်။ ဒီဘ၀မရရင် နောက် ဘ၀မှာ ပြန်လည်အနိုင်ရပါလိမ့်မယ်။ ဖြစ်သင့်တာ လုပ်ရမှာကတော့ အိပ်မနေကြပါနဲ့တော့ ထကြပါတော့ ရွှေ ရောင်မျှော်လင့်ချက် ရောင်ခြည်တွေသန်းနေပါပြီ။


အကယ်၍

မင်းရဲ့စိတ်ကူးယဉ် အိမ်မက်တွေဟာ
မင့်အပေါ် မလွှမ်းမိုးနိုင်စေဘဲ
စိတ်ကူးနိုင်မယ်ဆိုရင်
အတွေးအခေါ် စိတ်ကူးတွေဟာ
မျှော်မှန်းချက် သက်သက်သာ မဖြစ်စေဘဲ
တွေးခေါ်နိုင်မယ်ဆိုရင်

မဝေးတော့ပါဘူး။ အိပ်မနေကြပါနဲ့တော့၊ ထကြလော ရွှေမြန်မာတွေ။ ဒီမိုကရေစီ
ရောင်ခြည်တွေ သန်းလာနေပါပြီ။

သင်တို့အားလုံး ညီညွတ်ကြပါ၊တိုက်ပွဲဝင်ကြပါ
ရဲရင့်ကြပါ၊စိတ်ကူးရင် သက်သက်တော့ မဖြစ်စေပါနဲ့
မနက်ဖန်မှာ စစ်အစိုးရဟာ တိုင်းပြည်နဲ့လူမျိုးရဲ့
နာကျင်မှု အရောင်တွေပြန်လည် ခံစားရတော့မယ်
သင်တို့ရဲရင့်ကြရင်း သင်တို့အတွေးအခေါ်တွေ မသေကြပါနဲ့
သင်တို့ဟာ လက်တစ်ကမ်းသာလိုတော့တယ်
ရောင်ခြည်တွေ ဖြာကျနေပြီ။


ရာဇာစိုး၊ရန်ကုန်
၃၀၊ ၀၇၊ ၂၀၀၈

type the rest of your post here

အပြည့်အစုံဖတ်ချင်ရင်...

ဆွေမျိုးအားလုံးကောင်းစားအောင်လုပ်ပြီးမှ ၀န်ကြီးရာထူးက ထွက်မည်

NEJ/ ၃၁ ဇူလိုင် ၂၀၀၈
ဆွေမျိုးသားချင်းများအား အထူးစောင့်ရှောက်သည်ဟု ၀န်ထမ်းများကြား နာမည်ကြီးသည့် နေပြည်တော်စက်မှု (၁) ၀န်ကြီး ဦးအောင်သောင်းသည် ရာထူးမှထွက်ပြီး နိုင်ငံရေးမလုပ်မီ "ငါ့ဆွေမျိုးအားလုံးကောင်းစားအောင်လုပ်ပေးပြီးမှ ၀န်ကြီးရာထူးကထွက်မယ်" ဟု မကြာခင်က ပြောခဲ့သည်။

ဦးဆောင်ညွှန်ကြားရေးမှူးများတက်ရောက်သည့် နေပြည်တော်စက်မှု (၁) ၀န်ကြီးဌာန အီးစီ အစည်းအဝေးတခုတွင် စက်မှု (၁) ၀န်ကြီး ဦးအောင်သောင်း ယခုကဲ့သို့ပြောခဲ့ခြင်းဖြစ်ကြောင်း နေပြည်တော် သတင်းရပ်ကွက်က ပြောသည်။ မည်သည့်အတွက် ယခုကဲ့သို့ပြောသည်ကို ရှင်းရှင်းလင်းလင်း မသိရသေးသော်လည်း ၀န်ကြီးဦးအောင်သောင်းအား ၀န်ကြီးဌာန တခုလုံးနီးပါး သဘောမကျဟု ၀န်ထမ်းများက ပြောသည်။

ဝန်ကြီးဦးအောင်သောင်းသည် ၂၀၀၇ ခုနှစ် အရေးအခင်းများတွင် ဆန္ဒပြပြည်သူများကို ရိုက်နှက်ဖို့ကိစ္စ နောက်ကွယ်က ကြိုးကိုင်သူအာဏာပိုင်များထဲမှာ တဦးအပါအ၀င်ဖြစ်သည်ဟု စက်မှု (၁) ၀န်ကြီးဌာန အရာရှိများ၏ စွပ်စွဲခြင်းခံရသူဖြစ်သည်။ ဆွေမျိုးသားချင်း ကောင်းစား ရေးဝါဒ လက်ကိုင်ထားသည့် ၀န်ကြီးဦးအောင်သောင်းသည် အခြေခံဥပဒေ ဆန္ဒခံယူပွဲ၌ ၄င်း၏ဇာတိ တောင်သာမြို့နယ် ကျောက်ကာကျေးရွာမှ (၆၂) ရာနှုန်းသာ ထောက်ခံမဲရသည်
ဟု စုံစမ်းသိရသည်။

ခေတ်ပြိုင်မှတင်ပြသည်။

အပြည့်အစုံဖတ်ချင်ရင်...

နအဖသာသနာ

မြန်မာနိုင်ငံတွင်ယနေ့နအဖခေတ်သစ်သာသနာတစ်ခုထွန်းကားနေပုံကို
ကာတွန်းဆရာကအခုလိုဖော်ပြထားပါတယ်။



ဧရာဝတီမှတင်ပြသည်။

အပြည့်အစုံဖတ်ချင်ရင်...

လူရွှင်တော် ဇာဂနာနှင့် အားကစားအယ်ဒီတာ ဇော်သက်ထွေးတို့ ပထမအကြိမ် ရုံးထုတ်




ကိုသက် | ဇူလိုင် ၃၁၊ ၂၀၀၈

နာဂစ်မုန်တိုင်း ကယ်ဆယ်ရေးလုပ်ငန်းများကို လုပ်ကိုင်နေစဉ် စစ်အစိုးရ၏ ထိန်းသိမ်းခြင်းကို ခံခဲ့ရသည့် လူရွှင်တော် ဇာဂနာ၊ အားကစားအယ်ဒီတာ ဇော်သက်ထွေးတို့ကို ယမန်နေ့က အင်းစိန်ထောင်တွင် သီးသန့်ရုံးထိုင်ထားသည့် အနောက် ပိုင်းခရိုင်တရားရုံးတွင် ပထမဆုံးအကြီမ် ရုံးထုတ်ကြောင်း ရန်ကုန်ရှေ့နေအသိုင်းအ၀န်းနှင့် နီးစပ်သူတဦးက အတည်ပြု ပြောဆိုသည်။

ကိုဇာဂနာနှင့် ကိုဇော်သက်ထွေးတို့နှင့်အတူ တခြား အမည်မသိသူ ၂ ဦးလည်း ရုံးထုတ်ရာတွင်ပါဝင်ကြောင်း သိရသည်။

ယမန်နေ့က ကိုဇာဂနာနှင့် ကိုဇော်သက်ထွေးတို့ကို အင်းစိန်ထောင်တွင်း၌ ရုံးထုတ်ခဲ့သော်လည်း အာဏာပိုင် တို့က မိသားစုဝင်များအား အကြောင်းကြားခြင်း မရှိပေ။ ကိုဇာဂနာ၏ မိသားစုဝင်တဦးကို ဧရာဝတီက ဆက်သွယ် မေးမြန်းခဲ့ရာ လွန်ခဲ့သည့်အပတ်က ကိုဇာဂနာနှင့် ကိုဇော်သက်ထွေးအား အင်းစိန်ထောင်သို့ ပြောင်းရွှေ့ ချုပ်နှောင်ထားကြောင်း အတည်ပြုပြောဆိုသော်လည်း ယမန်နေ့ ရုံးချိန်းနှင့်ပတ်သက်၍ အာဏာပိုင်အဖွဲ့အစည်း က အကြောင်းမကြားသဖြင့် မသိရသေးကြောင်း ပြောဆိုသည်။

“အခုထိ ဘာမှလာပြီး အကြောင်းမကြားသေးဘူး။ ပုဒ်မတပ်ပြီး ရုံးထုတ်မယ်လို့တော့ ကြားတယ်” ဟု ကိုဇာဂနာ၏ မိသားစုဝင်က ပြောသည်။

ကိုဇာဂနာနှင့် ကိုဇော်သက်ထွေးတို့သည် လေဘေးကယ်ဆယ်ရေးလုပ်ငန်းများကို စာပေ၊ ရုပ်ရှင်နှင့် ဂီတနယ်ပယ်တို့မှ အနုပညာရှင်များနှင့် ပူးပေါင်းလုပ်ကိုင်ခဲ့ကြသည်။ မုန်တိုင်းတိုက်ခတ်အပြီး တလခန့် အကြာတွင် ၎င်း၏လုပ်ဖော်ကိုင်ဖက် ၄၀၀ ကျော်တို့နှင့်အတူ ကယ်ဆယ်ရေးအပြင် ပြန်လည်ထူထောင်ရေး လုပ်ငန်းများကိုပါ ပူးတွဲလုပ်ကိုင်ခဲ့ကြသည်ဟု ကိုဇာဂနာ အဖမ်းမခံရစဉ်က ဧရာဝတီကို ပြောဆိုခဲ့ဖူးသည်။

ကိုဇာဂနာကို လွန်ခဲ့သည့် ဇွန်လဆန်းက ရန်ကုန်မြို့ စမ်းချောင်းမြို့နယ်ရှိနေအိမ်တွင် ဖမ်းဆီးခဲ့ပြီး လေဘေးကယ်ဆယ် ရေးလုပ်ငန်းများကို မှတ်တမ်းတင်ထားသည့် စီဒီ ဓာတ်ပြားတချပ်၊ ရမ်ဘို အပိုင်း ၄ ရုပ်ရှင်ဓာတ်ပြား၊ စိန်စီ သောည စီဒီ ဓာတ်ပြား၊ ကွန်ပျူတာ Hard Disk တလုံး၊ အမေရိကန်ဒေါ်လာ တထောင်နှင့် FEC ၃၀ တို့ကို အာဏာပိုင်တို့က သိမ်းယူ သွားခဲ့သည်။

ကိုဇာဂနာ အဖမ်းခံရပြီးနောက် ၎င်းတို့၏ လေဘေးကယ်ဆယ်ရေးလုပ်ငန်းများကို ကိုဇော်သက်ထွေးနှင့် ရုပ်ရှင်သရုပ်ဆောင် ဦးအောင်လွင်တို့က ဆက်လက်ဦးဆောင်ခဲ့သော်လည်း ကိုဇော်သက်ထွေး အဖမ်းခံရပြီးနောက် ၎င်းတို့၏ ကယ်ဆယ်ရေး လုပ်ငန်းများ လုံးဝ ရပ်ဆိုင်းသွားခဲ့သည်။ လွန်ခဲ့သည့် ဇွန်လ ၁၃ ရက်နေ့တွင် ကိ်ုဇော်သက်ထွေးကို အာဏာပိုင်တို့က မြန်မာနိုင်ငံ အလယ်ပိုင်းရှိ မကွေးမြို့တွင် ဖမ်းဆီးခဲ့သည်။

ကိုဇာဂနာနှင့် ကိုဇော်သက်ထွေးတို့ကို မည်သည့်အတွက်ကြောင့် ဖမ်းဆီးထားသည်ကို အာဏာပိုင်တို့က ၎င်းတို့၏ မိသားစု ၀င်များအား အသိပေး အကြောင်းကြားခြင်း မရှိပေ။

ကိုဇာဂနာ အဖမ်းခံရပြီး တပတ်ခန့်အကြာတွင် မြန်မာပြည်ဆိုင်ရာ ကမ္ဘာ့ကုလသမဂ္ဂ လူ့အခွင့်အရေး အထူးကိုယ်စားလှယ် သစ်က လူရွင်တော် ဇာဂနာကို အကြောင်းပြချက်မပေးဘဲ စစ်အစိုးရက ထိန်းသိမ်းဖမ်းဆီး ထားသည်နှင့်ပတ်သက်၍ အလွန် စိုးရိမ်ပူပန်မိကြောင်း ထုတ်ဖော်ပြောဆိုခဲ့သည်။
လာမည့် သြဂုတ်လ ၇ ရက်နေ့တွင် ကိုဇာဂနာ၊ ကိုဇော်သက်ထွေးတို့အား ဒုတိယအကြိမ် ရုံးထုတ်မည်ဟုလည်း စုံစမ်း သိရှိရသည်။ [Top]

ဧရာဝတီမှတင်ပြသည်။

အပြည့်အစုံဖတ်ချင်ရင်...

ကျောင်းဖွင့်ချိန်


ရွှေဘုန်းလူ (တာရာမင်းဝေ)

(ကွယ်လွန်သူ ကဗျာဆရာရဲ့ ကဗျာကို ပြန်လည်ဖော်ပြပါတယ်)

ဇူလိုင် ၃၁၊ ၂၀၀၈
(၁)
ငါတို့ကျောင်းတော်ကြီးရဲ့
မော်ကွန်းထိန်းသိမ်းရေးအခန်းမှာ
ဟစ်တလာရုပ်ထုကို
လူတစုထုဆစ်နေကြတယ်။
သူတို့ဟာ ...
ရုပ်တုရဲ့ရှေ့မှာ ကျိန်စာတွေရွတ်ဖတ်
ပျားရည်စက်တွေကို မီးရှို့ပူဇော်
ဆိုင်ရာနိုက်ဖြူလျော်လျော်တွေ သွန်းကြဲပက်ချ
ဟစ်တလာပါးစပ်ထဲက
ကျည်ဆန်တတောင့် ထွက်အံကျလာတယ်။
သူတို့ဟာ ...
ကျောက်သင်ပုန်းပေါ်မှာ အဲဒီကျည်ဆံနဲ့
“ကျောင်းဖွင့်ပြီ” ဆိုတဲ့ စာကိုရေး
သွေးစွန်းလက်တွေနဲ့ ပျူငှာစွာ
ဖိတ်ခေါ်ကြပါပြီ။



(၂)

ငါတို့ကျောင်းတော်ကြီးရဲ့
ဟောင်းနွမ်းနေတဲ့ အခန်းလွတ်တခုဟာ
တဖြည်းဖြည်း နှစ်ငါးဆယ်လောက်ပြန်ငယ်ရွယ်သွားတယ်၊
အရင်က မမြင်ရတဲ့ ဟိုတုန်းက အရိပ်တွေ
နံရံတွေ၊ ခုံတန်းလျားတွေဆီက လွန့်လူးထ
အဲဒါ ... “အောင်ဆန်း” တို့၊ “ကျော်ငြိမ်း” တို့၊ “သိန်းဖေ” တို့၊ “ညိုမြ” တို့ရဲ့
ဝိညာဉ်တွေပဲ ...
ဗမာပြည်လွတ်လပ်ရေးကို သူတို့မြတ်နိုး
ဗမာပြည်လွတ်လပ်ရေးအတွက် သူတို့ရုန်းကန်
အာဏာရှင်ကို ဖီဆန်ခဲ့ကြတယ်။
ခု ... သူတို့ရဲ့ ၀ိညာဉ်တွေဟာ
“ကမ္ဘာမကြေဘူး ... ... ...
ငါတို့သွေးနဲ့ ရေးခဲ့ကြတဲ့ မော်ကွန်းတေး ...”
သီချင်းလေး နားဆင်ရင်း
ရာဇ၀င်ရဲ့ တကျော့ပြန်စိမ်ခေါ်ပွဲကို
မျက်ရည်တ၀ဲဝဲနဲ့ စောင့်ကြည့်နေပါတယ်။

(၃)
ငါတို့ကျောင်းတော်ကြီးရဲ့
ဒီဘက်ခေတ် ၁၉၈၇ - ၈၈ နှစ်များထဲမှာပါ
တက္ကသိုလ်စာကြည့်တိုက်ထဲမှာ
ဖြူဝါးဝါးအရိပ်တချို့
စာထိုင်ဖတ်နေကြတယ်။
တချို့ဖတ်တာ .. ကဗျာစာအုပ်
တချို့ဖတ်တာ .. သမိုင်းစာအုပ်
တချို့ဖတ်တာ .. နိုင်ငံရေးစာအုပ်
ရုတ်တရက်
အဖြူရိပ်တခုဟာ ထိုင်ရာကထ
“ဗမာပြည်ကို ကယ်တင်ရတော့မယ်”
နောက်ထပ် အဖြူရိပ်တခု စာအုပ်ပိတ်
“ဗမာပြည်ကို ကယ်တင်ရတော့မယ်
ဗမာပြည်ကို ထိတ်တုံးချွတ်ပေးရမယ်”
သူတို့ဟာ တိတ်ဆိတ်စွာ
အခန်းပြင်ကို ထွက်သွားကြပါတော့တယ်။
စာကြည့်တိုက်ရဲ့ စာအုပ်ပိတ်သံများ
လွယ်အိပ်လွယ်သံများ
ဖိနပ်စီးသံများ အဆုံးမှာ
နောက်ထပ် အဖြူရိပ်တခု ထပ်ထွက် ...
... ... နောက်ထပ် ... ...
... ... နောက်ထပ် ... ...

(၄)
ငါတို့ကျောင်းတော်ကြီးရဲ့
စာမသင်ဖြစ်တဲ့ စာသင်ခန်းတခုမှာ
အရိုးစုတအုပ် အစည်းအဝေးလုပ်နေတယ်။
အရိုးစုတခုက ... ထိုင်ရာမှ ဖြည်းညှင်းစွာထ
“ကျနော်တို့ တော်လှန်ရေး
အာဏာရှင်တွေ နောက်ဆုံးနေ့အထိ”
စသည်ဖြင့် ပြောကြား
အားလုံးငြိမ်သက်နားထောင်နေကြတယ်။
အခန်းထဲမှာ
အကျဉ်းထောင်က ပြေးထွက်လာတဲ့
ဗိုလ်ချုပ်ရဲ့ မိန့်ခွန်းတွေ
သတ္တိဗုံးကို နှောင်ထုံးခတ်
ပတ်ကြားအက်နေတဲံ ရန်သူ့မျက်နှာတွေ
အဲဒီမှာ ... အရိုးစုတခုက လက်သီးဆုပ်
သူ့နှုတ်က တိုးတိုးလေးပြော
“တောက အဖေနဲ့အမေတော့
ကျနော့်ကို မျှော်နေကြတော့မယ်ဗျာ”
ကြေကွဲစွာ သူ့မျက်လုံးပေါက်တဲက
မျက်ရည်ဖြူတစက်
စီးသက်ကျလာတယ်။

(၅)
ငါတို့ကျောင်းတော်ကြီးရဲ့
ပရ၀ဏ် အ၀င်အထွက်လမ်းတွေမှာ
အချုပ်ကားပြာပြာကြီးတွေ
ဒရကြမ်းနှင်နေကြတယ်။
အဲဒီကားကြီးတွေထဲမှာ
“ကမ္ဘာမကြေ၊ ဗမာပြေ .. ဒါတို့ပြေ
ဒါတို့ပြေ ..တို့ပိုင်တဲ့ မြေ” ဆိုတဲ့
တေးသံသာယာ
ညီညာစွာ ပဲ့တင်ပေါ်ထွက်
ကျောင်းသားလက်တွေ သွေးစိမ့်ယိုစီးခဲ့ပြီ
အချုပ်ကားပြာပြာကြီးရဲ့ ဦးထိပ်မှာ
သူတို့ရဲ့ တံဆိပ် ... တို့ရဲ့အလံ
ဦးခေါင်းခွံမှာ အရိုးနှစ်ချောင်း ကန့်လန့်ဖြတ်ထားတဲ့ သဏ္ဍန်သာ ဖြစ်တယ်။
ကျောင်းခေါင်းလောင်းအိုကြီးဟာ
ထွက်ခွာသွားတဲ့ အချုပ်ကားနောက်
ပြေးလိုက်ခလုပ်တိုက်ပြီး လဲပြိုကျ
ချိုလွင်ရှတတဲ့ ခေါင်းလောင်းသံထွက်ရမယ့်အစား
“သားရေ အမေ လိုက်ရှာနေတယ်လေ .. သားရေ”
ဆိုတဲ့ ငိုရှိုက်ညည်းတွားသံအဖြစ်နဲ့သာ
ရာဇ၀င်တုန်ခါအောင် မြည်ဟည်းလာခဲ့ပြီ။

(၆)
ငါတို့ကျောင်းတော်ကြီးရဲ့
နီမောင်းသောလမ်းကြီး၊ လမ်းငယ်များမှာ
ဒေါင်းအလံတလူလူလွှင့်ထူလို့
ကျောင်းသားတွေ ချီလာပါပြီ
ရင်တအုံလုံးပွင့်ထွက်နေတဲ့ ကျောင်းသားက
ရှေ့ဆုံကအလံကိုင်ပြီး သွေးပွက်ပွက်အန်ထွက်နေတဲ့
ကျောင်းသားတွေက
နောက်က ချီတက်လိုက်ပါလာတယ်။
“ဒီမိုကရေစီရရှိရေး ... တို့အရေး”
“အာဏာရှင်စနစ်ကျဆုံးရေး ... တို့အရေး” တဲ့။
ကိုယ့်ကိုယ်ကိုယ် တခါတည်း အသုဘချရင်း
တိုက်ပွဲဝင်ခဲ့ကြရတဲ့ ငါတို့ရဲ့တော်လှန်ရေး
ဘယ်တော့မှ ... အရှုံးမပေးဘူးဟေ့ ...
သေနတ်သံတချက်ဖောက်ရင်
ရာဇပလ္လင် မီးဟုန်းဟုန်းတောက်သွားမယ် ...
နောက်ဆုံးနေ့အထိ ...

(၇)
ငိုက်မြည်းနေတဲ့ အင်းလျားရေပြင်ဟာ
ရုတ်တရက် ရဲရဲနီစွေးသွားတယ်။
ချက်ခြင်းပဲ ရေငွေ့ပျံတက်
ကောင်းကင်ထက်မှာ တိမ်အဖြစ် မိုးစက်ခို
ကျောင်းတော်ကြီးကို မိုးသွေးတွေ ပြန်ရွာချ
လျှပ်တွေပြက်၊ မိုးတွေခြိမ်း ... ... ...
ဒိန်းဒုံး ဆူညံသွားတယ် ...
အဲဒီအခါ ... ကျောင်းတော်မှာ ...
ပန်းတွေ ဖျတ်ကနဲ ပွင့်ကြ
ငှက်ဆိုးတွေ ဝေါကနဲ ထပျံကြ
သစ်ရွက်တွေ တလက်လက်တောက်ပကြ
ခုံတန်းလျားတွေ အုတ်ဂူအဖြစ်ပြောင်းလဲကြ
မြေကြီးတွေ တုန်ခါတော်လဲကြ
တို့အရေး .. တို့အရေး .. တို့အရေး .. တို့အရေး
ကြွေးကြော်သံတွေနဲ့
ဗမာပြည်ကြီး တ၀ုန်းဝုန်းရုန်းကန်
နိုးထပြီး နောက်ဆုံးငြိမ်သက်သွားတဲ့အခါ
ငါတို့ကျောင်းတော်ကြီးဟာ ... ...
တလဲ့လဲ့ တ၀င်းဝင်း
သွေးနီရောင် တောက်ပခါ ...
အာဇာနည် သူရဲကောင်းတို့ရဲ့
ဂူဗိမာန်ကြီးပမာသာ တည်ရှိနေပါတော့တယ် ...။

(၈)
ကျောင်းသားတွေနဲ့ ကျောင်းတော်ကြီးကြား
ခု ... သွေးပင်လယ်ကြီးခြားနေပါပြီ ...
“ကျောင်းဖွင့်ပြီ” ဆိုတဲ့ အာဏာရှင်တွေဟာ
သွေးပင်လယ်ကြီးကို ကျော်နင်း
ထုံးတံတားကြီးကို ကျော်ခင်းပေးတယ်။
တချို့တွေက ကျောင်းတက်လာကြလိမ့်မယ် ...
အဲဒီထဲက တချို့ဟာ ...
“အကြောင်းကြောင်းကြောင့်ပါ” လို့
စိတ်မကောင်းစွာပြောရင်း ...
ထုံးတံတားကို လျှောက်နင်း ...
ကျောင်းခန်းအတွင်း ၀တ္တရားအရထိုင်
ငါတို့ ... နားလည်ခွင့်လွှတ်နိုင်ပါတယ် ...
တချို့ကတော့ ...
“ဂုဏ်တုဂုဏ်ပြိုင်” ကောင်းကြောင်းပြောရင်း
ထုံးနံ့သင်းတဲ့ ပန်းခင်းကိုဖြတ် ...
ရီးစားထားဖို့ ကျောင်းပြန်တက်လိမ့်မယ်။
အဲဒီလို ... လူစားတွေကိုတော့ ...
ငါတို့က ခွင့်လွှတ်သည့်တိုင်အောင်
ရာဇ၀င်က ခွင့်မလွှတ်သရွေ့
သူတို့ဟာ ... သမိုင်းမှာ ...
“သစ္စာဖောက်” များသာဖြစ်တယ်။

(၉)
ကျောင်းသားနဲ့ကျောင်း
တနေ့တော့ ပေါင်းရမှာပဲ
ငါတို့တွေ သွေးပင်လယ်ကို ဖြတ်ကူးပြီး
ကျောင်းကြီးဆီ အရောက်သွားကြမယ်။
သွေးပင်လယ်ကြီးဟာ
တငွေ့ငွေ့ပူခြစ် ဆူပွက်
ထက်ကောင်းကင် မုန်တိုင်းတို့ အစပျိုး
သွေးလှိုင်းတံပိုး တ၀ုန်းဝုန်းပြင်းထန်
ငါတို့တွေ
ငါတို့တွေ လှည့်မပြန်ဘူး၊
ငါတို့ထဲက တချို့ဟာ ...
ကိုယ့်အရိုးကိုယ်ချိုး လှေအဖြစ်ထွင်းထု
ငါတို့အထဲက တချို့ဟာ ...
ကိုယ့်အသားကိုယ်လှီး လှေနံရံအဖြစ် ခင်းရိုက်
ငါတို့အထဲက တချို့ဟာ ...
ကိုယ့်လက်ဖ၀ါး ကိုယ်ရိုက်ဖြတ်
လှေရွက်အဖြစ် စပ်ချုပ်
မုန်တိုင်းကို ခွဲဝင်
သွေးပင်လယ်ကို ဖြတ်ပြီး
ကျောင်းတော်ကြီးဆီသွားဖို့
လုပ်နေတယ်...။

(၁၀)
နောက်ဆုံးမှာ ...
ဒေါင်းအလံကို ... ဇြောင်းဆန်အောင် လွှင့်ထူရင်း
အမှန်တရားတခုထံ
ငါတို့ သစ္စာအဓိဌာန်ပြု
အို ... သူရဲကောင်းတို့
အို ... ကျဆုံးခဲ့လေသော
ဒီမိုကရေစီ တိုက်ပွဲဝင်
သူငယ်ချင်းဟောင်း ...
သူရဲကောင်းတို့
ထာဝစဉ်မပျက်ပြယ်နိုင်လောက်အောင်
မြင့်မြတ်စွာ ကျဆုံးခဲ့သော ...
သင်တို့၏၀ိညာဉ်တန်ခိုးတော်များသည်
ငါတို့၏ရှေ့နောက်ဝဲယာ ...
ထက်အောက်ဝန်းကျင်၌
ပျံ့နှံ့တည်ရှိကြကုန်တော့၏။
ထိုသော ...
သင်တို့၏၀ိညာဉ်တန်ခိုးတော်များသည်
ငါတို့၏ခန္ဓာကိုယ်နေရာအနှံ့အပြားသို့
ထိုးဖောက်ယိုစိမ့်စီးဝင်ကာ
ရဲရင့်ခြင်းမှာ ငါတို့အားဖြစ်တည်စေတော့၏။
အို ... သူရဲကောင်းတို့
အို ... ကျဆုံးလေသော
ဒီမိုကရေစီတိုက်ပွဲဝင်
သူငယ်ချင်းဟောင်း သူရဲကောင်းတို့
ဗမာပြည်ကို ရှိခိုးကာ
ဤသွေးပင်လယ်အား
ငါတို့ ဖြတ်ကူအံ့
မိုးလုံးပြည်ကောင်းချီးသြဘာပေးသံများကြားမှာ
ငါတို့၏ အရေးတော်ပုံ အောင်မြင်ပါစေသတည်း။ ။

(ရွှေဘုန်းလူ)

http://nnai.blogspot.com မှ ကူးယူဖော်ပြပါသည်။


အပြည့်အစုံဖတ်ချင်ရင်...

Wednesday, July 30, 2008

တလွဲတွေနဲ့ နေသားကျ


မိုးချိုသင်း
ဇူလိုင် ၃၀၊ ၂၀၀၈

ဒီနေ့ ကျမတို့နေတဲ့ လော့စ်အိန်ဂျလိစ်မြို့မှာ ငလျင်လှုပ်ပါတယ်။

တကယ်တော့ ငလျင်ကြောပေါ်မှာ မြို့ကရှိတာမို့ အမြဲတမ်းလိုလို ငလျင်အသေးလေးတွေကတော့ ရှိနေတာပါပဲ။ ကိုယ်ကသာ မသိလိုက်တာလေ။ ဒါပေမဲ့ အခုတခါကတော့ ငလျင်ဗဟိုပြုလှုပ်တဲ့နေရာနဲ့က သိပ်အဝေးကြီးမဟုတ်တော့ သိသိသာသာ ခံစားလိုက်ရတယ်။ 5.4 magnitude ရှိတယ်လို့ သတင်းတွေက ဆိုကြတယ်။

ငလျင်လှုပ်စဉ်က ရုံးမှာ အလုပ်လုပ်နေတုန်းမို့ ပထမအကြိမ် ခပ်ဖြေးဖြေးလှုပ်တုန်းက ရယ်တောင်ရယ်မိသေးတယ်။ “ငလျင်လှုပ်တယ်ဟ" ပေါ့လေ။ သိပ်မကြာဘူး။ ခပ်ကြမ်းကြမ်းလဲ လှုပ်ရော တရုံးလုံး အပြင်ကို ပြေးထွက်ကြပါလေရော။ ရုံးအတွင်းပိုင်းမှာ ရှိနေတဲ့သူတွေကျတော့လဲ စားပွဲအောက်ထဲ ပြေးဝင်ကြတယ်။ ကိုယ်သာ ဘာလုပ်ရမှန်းမသိဘဲ၊ အခန်းထဲက မထွက် ကုလားထိုင်မှာ ထိုင်ရက် ခေါင်းကိုသာ လက်နှစ်ဖက်နဲ့ အုပ်ထားမိတယ်။ ရုတ်တရက်ဆိုတော့ လုပ်မိလုပ်ရာပေါ့လေ။ အပေါ်က မျက်နှာကြက်တွေ ပြိုကျမှာ ကြောက်တာကိုး။

လှုပ်ပြီးသွားတော့ လမ်းပေါ်မှာ လူတွေမှ တပုံကြီး။ ရုံးတိုင်း ရုံးတိုင်းက ထွက်လာလိုက်ကြတဲ့လူတွေ၊ တော်တော်နဲ့ အထဲပြန်မ၀င်ကြဘူး။ တယောက်နဲ့တယောက် လက်ညှိုးထိုးပြီး ပြောပြောပြီး ရယ်ကြတာ။ သူက အရင်ဆုံးထွက်ပြေးတယ်တို့၊ ခုံအောက်ကို ပြေးဝင်တာ ဘယ်လိုကြီးတို့ ဟားနေကြတာလေ။ ဘာမှ အထိအခိုက်မရှိတော့လဲ ပျော်စရာကြီးကို ဖြစ်လို့။

အဲဒီမှာ သွားတွေးမိတာက သူတို့နဲ့ ကိုယ်နဲ့မတူ လွဲလွဲနေတာလေးတွေကိုပါ။ တကယ်ဆို ကိုယ်ကမှ ဘူမိဗေဒဘာသာရပ်ကို ယူပြီး ငလျင်ဆိုတာ ဘယ်လိုအခြေအနေမျိုးမှာ ဖြစ်တတ်တယ်၊ ဘယ်လိုကြောင့် ပေါ်ပေါက်လာတယ်ဆိုတာမျိုး သင်လာခဲ့ရသေးတာ။ တကယ့်အရေးကြုံတော့ နေရာကတောင် မထ မိဘူး။

သူတို့ကတော့ သဘာဝဘေးအန္တရာယ်ကို ဘယ်လို ကာကွယ်ရမယ်ဆိုတာ လက်တွေ့ကျကျ သင်ခဲ့ကြတော့ အရေးကြုံရင် ကိုယ့်အန္တရာယ်ကို ဘယ်လိုကာကွယ်ရမယ်ဆိုတာ နားလည်နေတာပေါ့။

ဒီရောက်တော့မှ ကိုယ့်ပြည်နဲ့မတူတဲ့ အံ့သြစရာတွေ တပုံကြီး ဖြစ်နေတော့တာ။

တခြားဝေးဝေးမပြောနဲ့၊ ငလျင်လှုပ်ပြီး ၂မိနစ်လောက်နေတော့ ရုံးက ဖုန်းတွေမြည်လာလို့ ကိုင်လိုက်တော့ ငလျင်လှုပ်ရင် ဘယ်လိုကိုယ့်ကိုယ်ကို ကာကွယ်သင့်တယ်ဆိုတာ စက်ကပြောနေတဲ့ ပညာပေးဖုန်းတွေ လာနေတာပါ။ ထူပူပြီး မလုပ်တတ် မကိုင်တတ် မဖြစ်ရအောင် နောက်တခါ မလှုပ်ခင်စပ်ကြားလေးတောင် ပညာက ပေးနေသေးတာပါ။

အဲဒီတော့လဲ အံ့သြမိတာပေါ့။

ကိုယ်က ဗမာကိုး …

ဗမာပြည်ကနေ ရောက်စကဆို ဒိထက်ပိုဆိုးသေး။ ကိုယ့်မှာ တချိန်လုံး အံ့သြစရာချည်း။

မီးကလဲ နေ့တိုင်းလာသေးတာ။ အင်ဗာတာတွေ၊ မီးစက်တွေနဲ့များ ခုတ်နေသလားလို့ လိုက်ကြည့်မိသေးတယ်။ လင်းလင်းချင်းချင်းကြီးကို ဖြစ်လို့။

တီဗီကြည့်ရတာတောင် စိတ်မဖြောင့်ဘူး။ တီဗီကြည့်တုန်း မီးပျက်တာ အကျင့်ပါနေလို့။

ကိုယ်က ဗမာကိုး …

နောက်ပြီး ဒီမှာ လူတွေ ဘာလို့ ရာသီဥတုကို စကားလုပ်ပြောနေကြသလဲဆိုတာလဲ အခုမှ နည်းနည်း နားလည်သလိုလိုရှိတယ်။ သူတို့က မနက်တိုင်း ရာသီဥတုအခြေအနေကို အင်တာနက်ထဲကဖြစ်ဖြစ်၊ သတင်းကဖြစ်ဖြစ် ကြည့်တာကိုး။

အစမှာတော့ ကိုယ်က မယုံရေးချ မယုံဘဲလေ။ အော် မိုးရွာမယ်လား၊ ယုံပါဘူးပေါ့။ ပြီးမှ တကယ်ရွာတော့ ကြွက်စုတ်ဖြစ်ရော။

ဒီနေ့တော့ အေးမယ်ဟေ့ ဆို လက်ပြတ်ကလေးဝတ်ပြီး အပြင်ထွက်တာ။ မိုးလေ၀သ သတင်းလောက်တော့ ရီတာပေါ့။ (ကိုယ်က ဗမာပြည်ကလေ) တကယ်လဲအေးရော ဘာဆွဲခြုံရမှန်းမသိဘူး။ ချမ်းလိုက်တာ တုန်တောင်တက်တယ်။

နောက်တော့ ကြောက်လန့်ပြီး အပြင်ထွက်လေရာ အနွေးထည်အထူကြီးဝတ်ပြီးထွက်ရော။ ဒီလောက်ခံရတာတောင် မိုးလေ၀သသတင်းကို ကြည့်ရကောင်းမှန်း မသိသေးဘူး။ အကျင့်မှ မပါသေးတာ။ ဒါပေမဲ့ အဲဒီလိုနေ့ကျမှ "ဆန်းနီး" တဲ့။ တိမ်တွေကလဲ တောက်လို့။ နေကလဲ ကြဲကြဲတောက်။ ချွေးတဒီးဒီးကျ လို့ ကိုယ့်အကျီ င်္ အထူကြီး ဆုတ်ဖဲ့ပစ်ချင်တာ။ ခံပေါ့။ သတင်းမှ မယုံဘဲလေ။

ကိုယ်က ဗမာကိုး …

အခု ဒီအိမ်မှာ သတင်းစာလဲ မမှာဘူး။ လာမပို့နဲ့ဘဲ။ ဘာတွေ လာပြောနေလ၊ဲ "ဒို့မယုံဘူး" ပဲ။

ရန်ကုန်မှာတုန်းကတည်း မယူတာ အနှစ် ၂၀တောင် ရှိပြီ၊ ဒီမှာ ဘာလုပ်ဖို့။ အဲဒီလို တလွဲလေးတွေကြောင့် ကိုယ်လဲ ကိုယ့်မြို့မှာ ဘာတွေဖြစ်နေလို့တောင် ဖြစ်မှန်းမသိ၊ သူများပြောမှ ပါးစပ်ဟ ပြီး နားထောင်ရတာ။

ကိုယ်က ဗမာကိုး …

အဲလို လွဲတာတွေမှ တပုံကြီး။ ဒါကြောင့် ထူးအိမ်သင်ဆိုတဲ့ လွဲလွဲလေးပဲ ကောင်းပါတယ်ဆိုတဲ့ သီချင်းကို ကြိုက်မိတာ နေမှာ။
ဒါပေမဲ့ တခါတလေတော့ တမျိုးပဲ။ ဘာကြောင့် ဒီလိုဖြစ်ရတာလဲလို့ ကိုယ့်ဖာသာကိုယ် ခဏခဏမေးရင်း ၀မ်းနည်းမိတယ်။ ဘယ်လောက်ထိ လွဲနေရအုံးမှာလဲ လို့လဲ မျက်ရည်ဝဲရင်း တွေးမိပါတယ်။

(မိုးချိုသင်း ဘလောက်စပေါ့က ယူပါတယ်)


အပြည့်အစုံဖတ်ချင်ရင်...

နအဖကိုငွေချေးခဲ့သည့်တက်ဆင်တရားရင်ဆိုင်ရမည်



ထိုင်းဝန်ကြီးချုပ်ဟောင်း တက်ဆင် ရှင်နာဝပ်အပေါ် အကျင့်ပျက်ခြစားမှုနဲ့ စွဲချက်အသစ်တင်ထားတာကို ကြားနာဖို့ ထိုင်းတရား ရုံးချုပ်က သဘောတူလိုက်ပါတယ်။

ထိုင်းထုတ်ကုန်သွင်းကုန်ဘဏ်ကနေ မြန်မာအစိုးရကို အတိုးနှုန်းနည်းနည်းနဲ့ ငွေချေးဖို့ အတည်ပြုခဲ့တာဟာ သူ့ကိုယ်ကျိုး စီးပွားအတွက်လုပ်ခဲ့တာလို့ အစိုးရစုံစမ်းစစ်ဆေးရေးကော်မတီတခုက စွပ်စွဲထားတာပါ။ ဒေါ်လာ သန်း ၁၂၀ ချေးငွေနဲ့ အဲဒီအချိန် က မစ္စတာတက်ဆင်မိသားစုပိုင် ရှင်းဂြိုဟ်တုကုမ္ပဏီကနေ ပစ္စည်းကိရိယာတွေကို မြန်မာနိုင်ငံက၀ယ်ယူဖို့ ရည်ရွယ်ခဲ့ပါတယ်။

အမှုအတွက် ပထမဆုံးကြားနာပွဲကို စက်တင်ဘာလလယ်မှာလုပ်ဖို့ သတ်မှတ်ထားပါတယ်။

သူဝန်ကြီးချုပ်အဖြစ် တာဝန်ထမ်းဆောင်စဉ်ကာလအတွင်းဖြစ်ခဲ့တယ်ဆိုတဲ့ အကျင့်ပျက်ခြစားမှုစွဲချက် အများအပြားကို မစ္စတာ တက်ဆင် ရင်ဆိုင်နေရရပါတယ်။ သူ့အစိုးရက နိုင်ငံတော်အောင်ဘာလေထီ စဖွင့်ခဲ့တဲ့အချိန်တုန်းက ထီနဲ့ဆိုင်တဲ့ဥပဒေကို ချိုးဖောက်မှု ရှိ-မရှိ မစ္စတာတက်ဆင်အပါအ၀င် ၀န်ကြီးဟောင်း ၄၇ ယောက်တို့ကို ကြားနာစစ်ဆေးဖို့ တနင်္လာနေ့ကပဲ တရားရုံး ချုပ်က သဘောတူခဲ့ပါသေးတယ်။

မစ္စတာတက်ဆင်ကို ၂၀၀၆ ခုနှစ်မှာ စစ်တပ်က အာဏာသိမ်းပြီး ရာထူးကဖြုတ်ချခဲ့ပါတယ်။ အဲဒီနောက် အာဏာသိမ်းစစ်တပ်က ကော်မတီတရပ်ဖွဲ့စည်းပြီး အာဏာအလွဲသုံးစားလုပ်မှု၊ သူ့အစိုးရအဖွဲ့ရဲ့ မလျော်မကန်ပြုကျင့်မှုတွေကို စုံစမ်းစစ်ဆေးခဲ့ပါတယ်။

VOAမှတင်ပြသည်။

အပြည့်အစုံဖတ်ချင်ရင်...

ဘောစနီးယားခေါင်းဆောင်ဟောင်း ရာဒိုဗန် ခရာဒစ်ရ်ှကို ICC မှာ ရုံးတင်တော့မည်



ဘော်စနီးယား-ဆာ့ဘ်ခေါင်းဆောင်ဟောင်း ရာဒိုဗန် ခရာဒစ်ရ်ှဟာ လူမျိုးတုန်းသတ်ဖြတ်မှုဆိုင်ရာ စွဲချက်တွေကို ရင်ဆိုင်ဖို့ အတွက် The Hague မြို့က ကုလသမဂ္ဂရဲ့ နိုင်ငံတကာရာဇ၀တ်တရားခုံရုံးကို ရောက်သွားပါပြီ။

ခရာဒစ်ရ်ှဟာ ဆားဘီးယားမြို့တော် ဘဲလ်ဂရိတ်မြို့ကနေ ဗုဒ္ဓဟူးနေ့မနက် လင်းအားကြီးအချိန်မှာ နယ်သာလန်ကို လေယာဉ်နဲ့ ရောက်သွားတာပါ။ ၁၂ နှစ်ကြာ ၀ရမ်းပြေးနေခဲ့ပြီးတဲ့နောက် ပြီးခဲ့တဲ့သီတင်းပတ်မှာ ဖမ်းဆီးခဲ့ပြီး ဘဲလ်ဂရိတ်မှာ ထိန်းသိမ်းထားခဲ့ ပါတယ်။

ခရာဒစ်ရ်ှဟာ ကမ္ဘာမှာ အလိုအရှိဆုံး ၀ရမ်းပြေးတွေထဲက တဦးပါ။ ဘော်စနီးယားမြို့၊ ဆရီဘရန်နီကာမှာ မူစလင်အမျိုးသားနဲ့ ယောက်ျားလေး ၈၀၀၀ ကို ၁၉၉၅ ခုနှစ်က အစုလိုက်အပြုံလိုက်သတ်ဖြတ်ခဲ့တာမှာ သူပါဝင်ပတ်သက်မှုရှိတယ်ဆိုပြီး လူမျိုးတုန်း သတ်ဖြတ်မှုနဲ့ ရာဇ၀တ် တရားခုံရုံးက သူ့အပေါ် စွဲဆိုထားတာပါ။

VOAမှတင်ပြသည်။

အပြည့်အစုံဖတ်ချင်ရင်...

အရေးကြီးပြီသွေးနီးကြစို့

Read this document on Scribd: yannaing

အပြည့်အစုံဖတ်ချင်ရင်...

Tuesday, July 29, 2008

ကိုကိုကြီး၊ ၈၈ မျိူးဆက်ကျောင်းသား ခေါင်းဆောင်နှင့်အင်တာဗျူး မှတ်တမ်း (ဒီဇင်ဘာ ၁၈၊ ၂၀၀၆)



(သူ့အကြောင်း မှတ်မိသမျှ - ကိုကိုကြီးက ဗကသ ဒုဥက္ကဌအဖြစ် သြဂုတ်လ ၂၈၊ ၁၉၈၈ မှာ စတင် တာဝန်ယူခဲ့သူဖြစ်ပါတယ်။ မင်းကိုနိုင် ဖမ်းဆီးခံခဲ့ရပြီးနောက် ကိုကိုကြီးက ဗကသကို ဆက်လက်တာဝန်ယူပါတယ်။

၁၉၈၉ အတွင်းမှာ ခေတ္တ အထိမ်းသိမ်းခံရတဲ့အချိန်၊ ဗကသကို ညိုထွန်းက ဦးဆောင်မှုပေးခဲ့တယ်လို့ ဆိုနိုင်ပါတယ်။

နောက်ပိုင်းမှာ ကိုကိုကြီးက ဆက်လက်ပြီး ဗကသကို တာဝန်ယူခဲ့ရာမှာ ၁၉၉၀ ရွေးကောက်ပွဲတွင် ဒီမိုကရေစီအင်အားစုပါတီများ (အထူးသဖြင့် အင်န်အယ်ဒီ ပါတီနဲ့ မဟာမိတ်များ)ကို ကျောင်းသား သမဂ္ဂနှင့် တပ်ဦးများက ၀ိုင်းယံပြီး ဖြတ်သန်းဖို့ တင်ပြ ဆွေးနွေးခဲ့သူ ဖြစ်ပါတယ်။

ထိုအချိန်က ၉၀ ရွေးကောက်ပွဲ ၀င်ရေး မ၀င်ရေး သဘောထားများ ကျောင်းသား၊ လူငယ်များအကြား ဆွေးနွေးတိုင်ပင်နေကြချိန်မှာ ကိုကိုကြီးရဲ့ စာတမ်း - “ ၃ ချောင်း ထောက်” စာတမ်းက လှုပ်လှုပ်ရှားရှား ဖြစ်ခဲ့တယ်လို့ ဆိုနိုင်ပါတယ်။ အတိအကျကို ပြန်ရေးပါဦးမယ်။

စစ်အစိုးရရဲ့ ထောက်လှမ်းရေးများရဲ့ အနီးကပ်စောင့်ကြည့်မှုများကြောင့် လှုပ်ရှားမှု အကန့်အသတ်ဖြစ်နေတဲ့ ကိုကိုကြီးတို့ ဗကသ ကျောင်းသားအစုအဖွဲ့ကို ၁၉၉၁ ဒီဇင်ဘာ ဒေါ်စု နိုဘယ်ဆု ရတဲ့ အထိမ်းအမှတ် ကျောင်းသားဆန္ဒပြမှုမှာ စစ်အစိုးရက သိမ်းကျုံးဖမ်းဆီးပစ်ခဲ့ပါတယ်။ အဲဒီက ထောင် အနှစ် ၂၀ ကျခဲ့တဲ့ ကျောင်းသားခေါင်းဆောင်ဟာ မတ် ၂၀၀၅ မှ ထောင်က ထွက်ရပါတယ်။

အခု ၂၀၀၇ သြဂုတ်လ လောင်စာဆီသပိတ်မှာ ဖမ်းဆီးခြင်းခံထားရတဲ့ ၈၈ မျိုးဆက်ကျောင်းသားများထဲက တဦး အပါအ၀င်ပါ။ ၂၀၀၆ တုန်းက သူ့အင်တာဗျုးကို အေအေပီပီက လုပ်ထားတာပါ။ ဖတ်ကြည့်ပါဦး။ မိုးမခမှာ အဲဒါကို တင်ဖူးပါတယ်။)

မိုးမခမှတင်ပြသည်။

အပြည့်အစုံဖတ်ချင်ရင်...

ဒုက္ခသည်အမျိုးသမီးများက ဝန်ကြီးချုပ်ကားကိုတား၍ အခက်အခဲများတင်ပြ တောင်းဆို

ဖြိုးကြီး။ ဇူလိုင် ၂၉၊ ၂၀၀၈

လေဘေးသင့်ဒုက္ခသည်စခန်းမှ အမျိုးသမီးများက ဝန်ကြီးချုပ်စီးလာသည့်ကားကိုတား၍ လက် ရှိရင်ဆိုင်နေရသည့်အခက်အခဲများကို တင်ပြတောင်းဆိုခဲ့ကြသည်။

ဧရာဝတီတိုင်း၊ လပွတ္တာမြို့ပေါ်ရှိ (၃) မိုင် ဒုက္ခသည်စခန်းမှ အမျိုးသမီးများက ယမန်နေ့ နံနက်ပိုင်း (၉) နာရီခန့်က နိုင်ငံတော်ဝန်ကြီးချုပ် ဗိုလ်ချုပ်ကြီးသိန်းစိန် စီးလာသည့်ကားကို လေယာဉ်ကွင်းအပြန်တွင် ရှေ့မှရပ်၍ တားမြစ်ပြောဆိုခြင်းဖြစ်သည်။

လပွတ္တာမြို့ပေါ်ရှိဒုက္ခသည်များကို စခန်းအာဏာပိုင်များက နေရပ်ရင်းပြန်ရန် အတင်းအကြပ် ဆောင်ရွက်နေသည့်အတွက် အခက်အခဲနှင့်ရင်ဆိုင်နေရသည့်အမျိုးသမီးများက ယခုကဲ့သို့ တင်ပြခဲ့ခြင်းဖြစ်သည်။

“ကျမတို့ပြန်ဖို့ဆိုတာက နေဖို့ထိုင်ဖို့ကလည်း အခက်အခဲရှိပါတယ်၊ ကျန်းမာရေးအတွက်လည်း စိုးရိမ်ရတယ်၊ အခုလည်းကြားနေရတယ်၊ လေတွေတိုက်မယ် ရေတွေကြီးမယ်လို့ ကြားနေရ တော့ ထိတ်လန့်နေတယ်၊ ကျမတို့ နေဖို့မြေနေရာလေးနည်းနည်းလောက်ရရင် ဖြစ်ပါတယ်၊ ကြုံရာလုပ်စားပြီးနေမှာပါလို့ ပြောတာပါ” ဟု ဒုက္ခသည်စခန်းမှ အမျိုးသမီးတဦးကပြောသည်။

ဝန်ကြီးချုပ်အနေဖြင့် နောက်တကြိမ်ပြန်လာ၍ အခက်အခဲများကို ပြေလည်အောင်လုပ်ပေးမည် ဟု ပြောဆိုခဲ့ပြီး အဆိုပါနေ့က လုံခြုံရေးတာဝန်ယူထားသည့် ရဲတပ်ဖွဲ့ဝင်အချို့နှင့် အမျိုးသမီး များ ရုန်းရင်းဆန်ခတ်ဖြစ်နေချိန်တွင် အမျိုးသမီးတဦးက ဝန်ကြီးချုပ်ကားရှေ့မှရပ်ကာ တားမြစ် ခဲ့သဖြင့် ဗိုလ်ချုပ်ကြီးသိန်းစိန်က ၎င်းအမျိုးသမီးနှင့် စကားပြောဆိုခဲ့သည်ဟု မျက်မြင်တဦးက ပြောသည်။

ယင်းနေ့မတိုင်မှီ အခက်အခဲများကို တင်ပြပြောဆိုရန် စခန်းအတွင်းရှိ အမျိုးသားများက စီစဉ် ထားသည်ကို သတင်းပေါက်ကြားသွားသဖြင့် အာဏာပိုင်များက စုရုန်းခွင့်မပေးဘဲ ဖမ်းဆီး ထိမ်းသိမ်းခြင်းများ ပြုလုပ်ခဲ့ကြောင်းနှင့် ရဲ၊ ရယကအဖွဲ့ဝင်များက သူတို့တင်ပြပေးမည်ဟု ပြောဆိုခဲ့ကြောင်း လေဘေးသင့်ဒုက္ခသည် တဦးကပြောသည်။

လပွတ္တာမြို့ပေါ်ရှိ လေဘေးဒုက္ခသည်စခန်းများမှ ရွာသားများကို မြို့နယ်အာဏာပိုင်များက နေရပ်သို့ပြန်ရန် အတင်းအကြပ် ခြိမ်းခြောက်ပြောဆိုမှုများပြုလုပ်ပြီး မိမိဆန္ဒအလျှောက် ပြန်သည်ဖြစ်ကြောင်းကို စာရွက်များထုတ်ပေး၍ လက်မှတ်ထိုးခိုင်းခြင်းများ ပြုလုပ်နေသည်။

လက်ရှိဒုက္ခသည်စခန်းများတွင် နေထိုင်ကြသူများမှာ သက္ကယ်သောင်၊ ပြင်စလူ၊ ကိုင်းသောင်၊ လွှစာကျေးရွာများမှဖြစ်ပြီး (၅) မိုင်စခန်းတွင် လူဦးရေ (၅၀) ခန့်၊ ဘောလုံးကွင်းစခန်းတွင် (၃၀)ခန့်လောက်သာကျန်ရှိပြီး၊ (၃) မိုင် စခန်းတွင် (၂,၀၀၀) နီးပါးကျန်နေသေးကြောင်း ဒေသခံတဦး ကပြောသည်။

“ကျမတို့ကို ရဲမှူးက (၂၅) ရက်နေ့ကနေ (၃၀) ရက်နေ့ နောက်ဆုံးဆင်းပေးရမယ်၊ ဆင်းမပေး ရင် တူးချင်းတပ်ကိုခေါ်ပြီးတော့ ရိုက်ခိုင်းမယ်၊ ခင်ဗျားတို့က သူများလှူတာတမ်းတာတွေနဲ့ တောင်းရမ်းစားနေတဲ့ သူတောင်းစားတွေလို့ပြောတယ်၊ ဒီ (၃) မိုင်စခန်းမှာလည်း နေလို့မရဘူး၊ အနီးနားက ကျောက်ဖြူ၊ ကျောက်မှော်ရွာတွေမှာလည်း သွားနေခွင့်မပြုနိုင်ဘူး” ပြောဆိုခဲ့ ကြောင်း (၃) မိုင်စခန်းမှ အမျိုးသမီးတဦးကပြောသည်။

အာဏာပိုင်များဘက်က ဒုက္ခသည်များကို လုံလောက်သည့် ထောက်ပံ့မှုများလုပ်ပေးနေသည် ဆိုသော်လည်း ဒုက္ခသည်တဦးအတွက် တရက်လျှင် ဆန်တဗူးခွဲ၊ ကုလားပဲ၊ ဆီနှင့် အိမ်ထောင်စု တစုအား ဆားတဇွန်းသာပေးသည်ဟု ဆိုသည်။

လေဘေးကယ်ဆယ်ရေးလုပ်ငန်းများ လုပ်ကိုင်နေသူ အင်န်အယ်ဒီပါတီမှ ဒေါက်တာအေးကြူက “လတ်တလောကတော့ ဒုက္ခသည်စခန်းတွေမှာ ကျန်းမာရေးအခြေအနေက သွေးလွန်တုတ် ကွေး၊ ငှက်ဖျားရောဂါတွေဖြစ်နေတယ်၊ ဝမ်းပျက်ဝမ်းလျှောရောဂါတော့ မရှိတော့ဘူး” ဟု ပြော ဆိုခဲ့သည်။

ရိုးမမှတင်ပြသည်။

အပြည့်အစုံဖတ်ချင်ရင်...

ကမ္ဘောဇဘဏ် မန်နေဂျင်းဒါရိုက်တာ စစ်ဆေးခံရ ဘဏ်ကငွေတွေ အလုအယက်ပြန်ထုတ်


ကမ္ဘောဇဘဏ်၏ မန်နေဂျင်းဒါရိုက်တာဖြစ်သူ ထိန်းသိမ်းစစ်ဆေးခံနေရသဖြင့် ဘဏ်တွင် ငွေအပ် ထားသူများ ယခုရက်ပိုင်းအတွင်း ငွေပြန်ထုတ်ယူနေကြမှု များနေသည်။

ကမ္ဘောဇဘဏ်သည်လည်း မြန်မာမေဖလားဝါးနှင့် အာရှဓနဘဏ်များကဲ့သို့ မကြာခင် ဖျက်သိမ်း ခံရဖွယ်ရှိသည်ဟု ပြင်ပတွင် ကောလာဟလများ ထွက်လာပြီးနောက် ယခုကဲ့သို့ ဘဏ်အပ်ငွေ များကို ပြန်ထုတ်လာကြခြင်းဖြစ်သည်။

ယခုလလယ်ခန့်က ကမ္ဘောဇဘဏ်၏ မန်နေဂျင်းဒါရိုက်တာဖြစ်သူ ဦးဇော်ဝင်းနိုင်ကို သက်ဆိုင် ရာက ဖမ်းဆီးထိန်းသိမ်းစစ်ဆေးမှုများ ပြုရာမှ အဆိုပါ ကောလာဟလ ထွက်ပေါ်ခဲ့ခြင်းဖြစ်သည်။ ဦးဇော်ဝင်းနိုင် အဖမ်းခံရသည့် ကိစ္စနှင့်ပတ်သက်၍ ကမ္ဘောဇဘဏ်သို့ ခေတ်ပြိုင်က ဖုန်းအကြိမ် ကြိမ်ဆက်ခဲ့ရာ နံပါတ်အားလုံး ဆက်သွယ်မရသည့်အတွက် သီးခြားအတည်ပြုနိုင်ခြင်း မရှိ သေးပေ။

“မူးယစ်ဆေးကိစ္စနဲ့ ပတ်သက်ပြီး စစ်ဆေးနေတယ်ကြားတာပဲ၊ မောင်ဝိတ်တို့နဲ့ ဆက်စပ်နေတယ် လို့ ပြောနေကြတယ်” ဟု ပို့ကုန်သွင်းကုန် လုပ်ငန်းရှင်ကြီးတဦးက ပြောသည်။

အခြားဘဏ်များ ငွေထုတ်ယူမှု ပမာဏကို ကန့်သတ်ချက်ရှိချိန်က အချိန်မရွေး လိုသလောက် မိမိအပ်ငွေကို ထုတ်ပေးနေခဲ့သော ကမ္ဘာဇဘဏ်သည် ယခုအခါ တပတ်တွင် တရက် ကျပ် (၁၀) သိန်းသာ အများဆုံးထုတ်ပေးနေကြောင်း ငွေအပ်ထားသူတဦးက ပြောသည်။

“ဒါက ခုမှမဟုတ်ပါဘူး။ ဒီစည်းကမ်းကို ဗဟိုဘဏ်က ထုတ်ပြန်ထားတာ ကြာပါပြီ။ ကျနော်တို့က ဘဏ်စည်းကမ်းအတိုင်း လုပ်ရတာပါ။ ဒီတပတ် (၁၀) သိန်းထုတ်ပြီးရင် နောက်တပတ်တွေမှာ လည်း တပတ် တရက် (၁၀) သိန်း ထုတ်ယူနိုင်ပါတယ်” ဟု ကမ္ဘောဇ ဘဏ်ခွဲတခုမှ မန်နေဂျာ တဦးက ပြောသည်။

ဘဏ်မန်နေဂျင်းဒါရိုက်တာဖြစ်သူ ဖမ်းဆီးခံနေရမှုနှင့် ပတ်သက်၍ မေးမြန်းရာ ၎င်းက မသိ ကြောင်း၊ ဘဏ်နှင့် ပတ်သက်၍ ထွက်ပေါ်နေသော ကောလာဟလများမှာလည်း အမှားများ သာဖြစ်ကြောင်း၊ မိမိတို့ဘဏ်အနေဖြင့် ပုံမှန်လည်ပတ်နေနိုင်ပါကြောင်း ထပ်မံရှင်းပြသည်။

ဘဏ်နှင့်ပတ်သက်၍ ကောလာဟလများ ထွက်ပေါ်လာပြီး တပတ်အကြာတွင် စီးပွားရေးလုပ်ငန်း ရှင် အသိုင်းအ၀န်းတွင် မတွေ့ရသည်မှာ ကြာပြီဖြစ်သော ဘဏ်ဥက္ကဋ္ဌဖြစ်သူ ဦးအောင်ကိုဝင်း (ဆရာကျောင်း) ကို ကမာရွတ်မြို့နယ် ဘဏ်ရုံးချုပ်သို့ လာရောက် အစစ်ဆေးခံသွားသည်ကို တွေ့ရသည်ဟု ဆိုသည်။

ကမ္ဘောဇဘဏ်သည် ဘဏ်ခွဲပေါင်း (၂၃) ခုနှင့် လည်ပတ်နေကာ မိုင်းရှူး၊ ဖားကန့်တို့တွင်လည်း ကျောက်မျက်တူးဖော်ရေးလုပ်ငန်းများ လုပ်ကိုင်နေပြီး စားအုန်းဆီ တင်သွင်းခြင်း၊ လမ်းဖောက် လုပ်ရေး စီမံကိန်းများနှင့် အင်းလေးအမှတ်တံဆိပ်ဖြင့် ပြည်ပပို့ကုန် ဖိနပ်များ ထုတ်လုပ်သော လုပ်ငန်းများ လုပ်ကိုင်လျက်ရှိသည်။

ဖမ်းဆီးစစ်ဆေးခံနေရသော ဦးဇော်ဝင်းနိုင်မှာ ယခင် စစ်ထောက်လှမ်းရေးမှ ဗိုလ်မှူးချုပ် သန်း ထွန်း၏ သားဖြစ်ပြီး ဦးအောင်ကိုဝင်း၏ မွေးစားသားဖြစ်သည်။ ဦးအောင်ကိုဝင်းသည် စစ်အစိုးရ နံပါတ်နှစ်ဖြစ်သူ ဒု-ဗိုလ်ချုပ်ကြီးမောင်အေးနှင့် နီးစပ်ပတ်သက်သူဖြစ်သည်ဟု ဆိုကြသည်။ ။

ခေတ်ပြိုင်မှတင်ပြသည်။

အပြည့်အစုံဖတ်ချင်ရင်...

Monday, July 28, 2008

အာဏာဖြင့်တည်သော ဥပဒေ

ကိုစိုး | ဇူလိုင် ၂၈၊ ၂၀၀၈

ကမ္ဘာပေါ်တွင် လက်ရှိကျင့်သုံးနေသောဥပဒေသည် လူမှုရေးစည်းကမ်းများကတဆင့် စတင်ပေါ်ပေါက်လာခြင်း ဖြစ်ကြောင်း ပညာရှင်များ၏ အဆိုအရ သိရသည်။

သမိုင်းဦး ဘုံမြေခေတ်နောက်ပိုင်းမှ ဥပဒေ သန္ဓေတည်ခဲ့သည်ဟုလည်း ဆိုသည်။

ခေတ်အဆက်ဆက် လူနေမှုအဆင့်အတန်းများ၊ ယဉ်ကျေးမှု အဆင့်အတန်းများ တိုးတက်မြင့်မားလာသည်နှင့်အမျှ စောင့်ထိန်းအပ်သည့် လူမှုရေးစည်းကမ်းများများပြားလာခဲ့ပြီး ဥပဒေပြဌာန်းချက်များလည်း တိုးလာခဲ့ခြင်း ဖြစ်ကြောင်း ပညာရှင်များက မှတ်တမ်းပြုခဲ့ကြသည်။

သို့ဖြင့် စည်းမျဉ်းစည်းကမ်းသည် ရှောင်ရန်၊ ဆောင်ရန်၊ ပြုသင့်၊ မပြုသင့်သည်များကို ပြောခြင်းဖြစ်ပြီး ဥပဒေ မှာ ပြုလုပ် ခိုင်းသည်ကို မပြုလုပ်လျှင်သော် လည်းကောင်း၊ မပြုလုပ်ရန် တားမြစ်ထားသည်ကို ပြုလုပ်လျှင်သော် လည်းကောင်း အကျိုးဆက်အနေနှင့် အရေးယူ အပြစ်ဒဏ်ပေးမှုများ ပါဝင်လာသည်။ ဤသည်မှာ စည်းကမ်းနှင့် ဥပဒေ၏ ကွဲပြား ကွာခြား ချက်ဖြစ်ကြောင်း သိရသည်။

ယနေ့ မြန်မာနိုင်ငံ၏ ဥပဒေ ကျင့်ထုံးနှင့် တရားစီရင်ရေးနှင့် ပတ်သက်ပြီး လေ့လာကြည့်ရာတွင် ဘီစီ ၁၇၈၀ ခု (၁၈ ရာစု ခေတ်) က ပေါ်ပေါက်ခဲ့သော ဟန်မူရာဘီ ကိုဓ ဥပဒေအရ အပြစ်ဒဏ်ပေးခြင်းကို သတိရမိသည်။ ယင်း ဥပဒေသည် လက်စားချေသည့် သဘောမျိုး ပြစ်ဒဏ်ပေးခြင်းဖြစ်သည်။

မျက်လုံး တလုံး ဆုံးရှုံးလျင် မျက်လုံးတလုံး ပေးဆပ်စေခြင်း၊ သွားတချောင်း ဆုံးရှုံးလျင်သွားတချောင်း ပေးဆပ်စေခြင်း ဟူသည့် ပြစ်ဒဏ်ပေးမှု ကျင့်သုံးခဲ့ခြင်း ဖြစ်သည်။

လက်စားချေသည့် သဘောတွင် အငြိုးအတေးထားသည့် သဘောလည်း ပါဝင်မည်ဟု ထင်ပါသည်။ မြန်မာ စစ်အစိုးရက ၎င်းတို့ကို ဆန့်ကျင်သူများအပေါ် ကျင့်သုံးနေသည့် ဥပဒေ စနစ်သည်လည်း အငြိုးအတေးများ ပါဝင်နေသည်ဟု ယုံကြည် ရသည်။

ပြည်ပ အခြေစိုက် မြန်မာနိုင်ငံ ရှေ့နေများကောင်စီအဖွဲ့ အတွင်းရေးမှူး ဦးအောင်ထူးက အစိုးရတရပ် လက်ထက်တွင် ဥပဒေ အသက်ဝင်မှု ၂ ပိုင်းရှိသည်ဟု ပြောသည်။

Rule of Law ဟု ခေါ်သော ဥပဒေ စိုးမိုးရေးအခြေခံနှင့် အသက်ဝင်သည့် ဥပဒေနှင့် Rule by Law ဟု ခေါ်သော ပြဌာန်း ထားသည့် ဥပဒေကို တရားမျှတမှု ရှိမရှိနှင့် မည်သူပြဌာန်းသည်ကို လေ့လာခြင်း ခွင့်မပြုဘဲ ယင်းဥပဒေကိုသာ လေးစား လိုက်နာခိုင်းသော အသက်ဝင်သည့် ဥပဒေဟူ၍ ဖြစ်ကြောင်း ဦးအောင်ထူးက ပြောပြသည်။

“အာဏာရှင်တွေက တိုင်းပြည်အာဏာကို သိမ်းယူအုပ်ချုပ်တဲ့ ပုံစံမျိုးနဲ့သွားတာတွေ အားလုံးက Rule by Law နဲ့ သွားတာ ချည်းပဲ၊ ဒါကို မလေးစား မလိုက်နာရင် အရေးယူမယ်”ဟု လည်း ဦးအောင်ထူး က ဆိုသည်။

လက်ရှိ မြန်မာနိုင်ငံတွင် ကျင့်သုံးနေသော ဥပဒေ ပုံစံသည် Rule by Law နှင့် ဖြစ်ကြောင်း သူက သုံးသပ်ပြသည်။

မြန်မာ စစ်အစိုးရသတင်းစာများတွင် အစိုးရကိုဆန့်ကျင်ပြီး ဒီမိုကရေစီအရေး၊ နိုင်ငံရေးလှုပ်ရှားသူများကို ဖမ်းဆီးအရေးယူ အပြစ်ပေးနေမှုများနှင့် ပတ်သက်၍ မြန်မာနိုင်ငံ ဥပဒေများတွင် နိုင်ငံရေး ပြစ်မှုဆိုသည်ကို ပြဌာန်းခြင်း မရှိကြောင်းနှင့် ကာလကြာရှည်စွာကပင် ပြောဆိုခဲ့သော နိုင်ငံရေး ပြစ်မှုနှင့် အရေးယူသည့်နိုင်ငံရေးအကျဉ်းသား မရှိကြောင်း၊ ပြစ်မှုအကျဉ်း သားများသာ ရှိကြောင်းတို့ကို ဇူလိုင် ၂၂ ရက်မှ စပြီး ၃ ရက်ဆက် ၍ ဥပဒေ ပုဒ်မများနှင့်တကွ ရေးသားဖော်ပြထားသည်။

ထိုသို့ နိုင်ငံရေးလှုပ်ရှားမှုကြောင့် ဖမ်းဆီးအရေးယူခံထားရသူများ၏ အမှုအခင်းများကို အကျိုးဆောင်ပေးနေသည့် ရန်ကုန် မြို့က ရှေ့နေကြီး ဦးအောင်သိန်းကမူ နိုင်ငံရှိလျင် နိုင်ငံရေးနှင့် နိုင်ငံရေးသမား၊ နိုင်ငံရေးနှင့် သက်ဆိုင်သည့် အမှုအခင်း များ ရှိကြောင်းကို သိလျက်နှင့် မသိဟန်ပြု၍ သတင်းစာတွင် ရေးသားဖော်ပြခြင်း ဖြစ်သည်ဟု ပြောသည်။

နိုင်ငံရေးသမားအတွက် သတ်မှတ်ပြဌာန်းထားသည့် ပြစ်မှု ပုဒ်မ သီးသန့်မရှိသော်လည်း လုံခြုံရေး အကြောင်းပြ ချက်အရ သော်လည်းကောင်း၊ ဘိန်းပစ် ဖမ်းသကဲ့သို့ တခြားသော ရဲ အရေးပိုင်သည့် ပုဒ်မများတပ်၍သော်လည်းကောင်း ပြစ်မှု သတ်မှတ်၍ အဓိက လုပ်ဆောင်ချက်နှင့် မသက်ဆိုင်သော ဖမ်းဆီးအရေးယူမှုများကို စစ်အစိုးရက နိုင်ငံရေး လှုပ်ရှားသူ များအပေါ် ပြုကျင့်နေခြင်း ဖြစ်သည်ဟုလည်း ဦးအောင်သိန်းက ဆိုသည်။

“နိုင်ငံရေးသမားအတွက် ပုဒ်မ သတ်မှတ်ထားတာ မရှိသော်လည်း ဖမ်းဆီးရခြင်း အကြောင်းတရားကို ကြည့်၊ နိုင်ငံရေးအရ ဆန္ဒပြတယ်၊ သူ့မှာ နိုင်ငံရေးအရ ဆန္ဒပြခွင့် ရှိတာပဲ၊ လူသားအခွင့်အရေးရှိတာပဲ၊ သူ့ရဲ့ ပုဂ္ဂိလက ခံစားမှုကို သူပြတာမဟုတ် ဘူး၊ ကုန်ဈေးနှုန်းတက်တယ်၊ ကုန်ဈေးနှုန်းချပေးဖို့၊ လောင်စာဆီဈေးတက်တယ်၊ လောင်စာဆီဈေးချပေးဖို့ ဆန္ဒပြတယ်၊ တဦးတယောက်အကြပ်အတည်းကို သူပြောနေတာမဟုတ်ဘူး၊ တပြည် လုံးနဲ့ချီပြီးတော့ ပြောတဲ့ ကိစ္စရပ်၊ ဒါ နိုင်ငံရေး အလုပ်ကို သူဆောင်ရွက်နေတာ ဖြစ်တယ်”ဟု သူ က ပြောသည်။

ဦးအောင်သိန်း က ဆက်လက်ပြီး “ဒါပေမယ့် အဲဒီလူကို လမ်းပိတ်ဆို့မှုနဲ့ ပြစ်မှု စွဲမယ်၊ ကုန်ဈေးနှုန်းတက်လို့ တက်တယ် ပြောတာကို အစိုးရကို အကြည်ညိုပျက်စေမှု ပုဒ်မ ၁၂၄ (က) နဲ့ စွဲမယ်ဗျာ၊ ဒီလို ပြစ်မှုပုဒ်မတွေနဲ့က ဘယ်လိုပဲ ဖြစ်ဖြစ် စွဲလို့ရတယ်၊ သူ့ရဲ့ အဓိက လုပ်ဆောင်ချက်က အများနဲ့ဆိုင်တဲ့ ကိစ္စရပ်ဆိုတော့ ဒါ နိုင်ငံရေး အလုပ်လုပ်တာပဲ၊ အဲဒီလူကို ဖမ်းပြီး ပြစ်မှုနဲ့ ထောင်ချတာပဲ”ဟု လည်း ပြောဆိုသည်။

ထို့အပြင် သတင်းစာ၌ ၁၉၅၀ ပြည့်နှစ် အရေးပေါ် စီမံမှု အက်ဥပဒေ တွင် ပုဒ်မ ၅ နှင့် ၅(ည)သည် အများပြည်သူ အေးချမ်း တည်ငြိမ်ရေး ထိပါးနှောင့်ယှက်သူကို ၀ရမ်းမပါဘဲဖမ်းဆီးနိုင်ပြီး ၂ လ အထိ ချုပ်နှောင်ထားနိုင်ကြောင်း၊ ယင်း ပုဒ်မအရ ခေါ်ယူထိန်းသိမ်း ခံရသူအများစုသည် နိုင်ငံရေးသမားများ ဖြစ်သောကြောင့် နိုင်ငံရေး ပုဒ်မအဖြစ် ကင်ပွန်းတပ်ကြခြင်း ဖြစ်ကြောင်း ရေးသားထားသည်။

“မြန်မာပြည် လွတ်လပ်ရေး ရပြီးကတည်းက နိုင်ငံရေးသမားကို သပ်သပ်စွဲတဲ့ ပုဒ်မရယ်လို့ သတ်မှတ်ပြဌာန်းထားတော့ မရှိဘူး၊ ပုဒ်မ ၅ ဆိုတာကို ဟိုတုန်းက နိုင်ငံရေးသမားတွေက ၅ စွဲတယ်လို့ ခေါ်ကြတယ်၊ အဲဒီလို ပုဒ်မ ၅ နဲ့ စွဲတဲ့ လူတွေက ဘယ်လို အဆင့်အတန်းရှိသလဲ ဆိုတော့၊ နိုင်ငံရေး အဆင့်အတန်း ရှိတယ်၊ တက္ကသိုလ် ကျောင်းသား အဆင့်အတန်းရှိ တယ်၊ ကျောင်းသားတွေဆိုရင် ထောင်ကနေ၊ အချုပ်ကနေ စာမေးပွဲဖြေလို့ရတယ်၊ အဲဒီလို အဆင့်အတန်းနဲ့ထားတာ၊ အဲဒီ ဂုဏ်သရေရှိတဲ့လူတွေ အချုပ်ခံရစဉ် အေ၊ ဘီ၊ စီ ကလပ်စ် တွေနဲ့ ထားတာ၊ နောက် ဦးနေ၀င်း တက်လာတော့မှ ထောင် တွေမှာ နောင် ဇိမ်နဲ့ နေရတော့မှာမဟုတ်ဘူး ဆိုပြီး ကလပ်စ် တွေကို ဖျက်ပစ်လိုက်တာ”ဟု ဦးအောင်သိန်းက ရှင်းပြသည်။

ယင်းသို့ နိုင်ငံရေးသဘောဆောင်သည့်မှုခင်းများ၊ အစိုးရကို ဆန့်ကျင်သည့် မှုခင်းများ၊ လူ့အဖွဲ့အစည်းတရပ် ပြောင်းလဲရန် ကြိုးစားသည့် မှုခင်းများနှင့်ပတ်သက်၍ နိုင်ငံတော် လုံခြုံရေးထိပါးသည်ဟူသော အကြောင်းပြချက်ဖြင့် အစိုးရက ကျူးလွန် သူအား ပုဒ်မ ၁၀(က) အရ ၁ နှစ်၊ ၁၀(ခ) အရ ၅ နှစ်အထိ တရားရုံး အမိန့်မယူ၊ ရမန် မယူဘဲ သက်တမ်းတိုး ချုပ်နှောင်မှု များကို လက်ရှိပြုလုပ်နေသည်ဟု ဦးအောင်ထူးကလည်း ပြောဆိုသည်။

ဦးအောင်ထူးကဆက်လက်ပြီး မြန်မာနိုင်ငံတွင် ဥပဒေ စိုးမိုးရေးအခြေခံမှာ ရာနှုန်းပြည့် နီးပါး လုံးဝ ပျက်စီးသွားကြောင်း၊ ဥပဒေကို ဥပဒေအတိုင်း ကျင့်သုံးခြင်းမရှိကြောင်းနှင့် တည်ဆဲဥပဒေများကိုပါ ဆန့်ကျင်၍ ဖမ်းချင်သည့် သူက ဖမ်းဆီးချင် သလို ဖမ်းနေကြောင်း ပြောသည်။

“စစ်သားက ဖမ်းခွင့်မရှိဘူး၊ အရပ်ဝတ် ၀တ်ထားတဲ့ လူ က ဖမ်းခွင့်မရှိဘူး၊ သူတို့က ဘယ်အခါမှာ ဖမ်းခွင့်ရှိ သလဲ ဆိုရင် ရဲ အရေးပိုင်တဲ့ ပြစ်မှုမျိုး၊ လူသတ်မှုအကြီးအကျယ် ကျူးလွန်တဲ့အခါမျိုးမှာ၊ ရဲက အကူအညီတောင်း ပြီး ဖမ်းခိုင်းတာမျိုးမှာ ၀င်ဖမ်းလို့ရတယ်၊ တခြားအမှုအခင်းတွေမှာ အရပ်ဝတ်နဲ့ လူတွေ ၀င်ဖမ်းခွင့်မရှိဘူး၊ ကြံ့ဖွံ့ တွေ ဖမ်းခိုင်းတာဟာ တည်ဆဲ ဥပဒေနဲ့ ဆန့်ကျင်ပြီး ဖမ်းချင်သလိုဖမ်းတာဖြစ်တယ်၊ အခုပဲ ဒေါ်အောင်ဆန်း စုကြည် ကို ၅ နှစ် ပြည့်ရင် လွှတ်ရမှာ ဆက်ချုပ်ထားတယ်၊ ဥပဒေကို ဥပဒေအတိုင်း မကျင့်သုံးဘဲ အာဏာနဲ့ လိုသလို ကျင့်သုံး နေတာပါ”ဟု ဦးအောင်ထူးက ဝေဖန်သည်။

ယခုကဲ့သို့ နိုင်ငံရေးလှုပ်ရှားသူများကို ဖမ်းချင်သလိုဖမ်း၍ ပုဒ်မများ တပ်ချင်သလို ပြောင်းတပ်နေခြင်းသည် Due process of law ဟု ခေါ်ဆိုသော ပြစ်မှုဆိုင်ရာ ကျင့်ထုံး ဥပဒေတွင် သတ်မှတ်ဖော်ပြထားသည့် ဥပဒေ လုပ်ထုံးလုပ်နည်း အဆင့်ဆင့် နှင့် အရေးယူအပြစ်ပေးရမည်ဟူသော အခြေခံပြဌာန်းချက်များကို ချိုးဖောက်ခြင်းဖြစ် ကြောင်းလည်း ဦးအောင်ထူးက သုံးသပ်သည်။ ။

ကိုးကား —
၁။ ရာဇသတ်ကြီး (Penal Code)
၂။ ဥပဒေ ဝေါဟာရများ
၃။ မြန်မာသတင်းစာများ
၎။ Hamurabi’s Code of Law [Top]

ဧရာဝတီမှတင်ပြသည်။

အပြည့်အစုံဖတ်ချင်ရင်...

ထိုင်းနိုင်ငံခရီးစဉ်အတွင်း သမ္မတ ဘုရှ် က မြန်မာအတိုက်အခံများနှင့် တွေ့ဖွယ်ရှိ

မဇ္ဈိမသတင်းဌာန
တနင်္လာနေ့၊ ဂျူလိုင်လ 28 2008 16:32 - မြန်မာစံတော်ချိန်

နယူးဒေလီ။ ။ အမေရိကန်သမ္မတ ဂျော့ခ်ျဒဗလျူဘုရှ် (George W. Bush) သည် သြဂုတ်လအတွင်း သွားရောက်မည့် ထိုင်းနိုင်ငံ ခရီးစဉ်အတွင်း တက်ကြွလှုပ်ရှားသူ မြန်မာများနှင့် တွေ့ဆုံဖွယ် ရှိသည်ဟု ဘန်ကောက်ရှိ သတင်းရပ်ကွက်များက ဆိုသည်။

ထိုင်းနိုင်ငံသို့ သူ၏ ၂ ရက်ကြာခရီးစဉ်အတွင်း မြန်မာအနည်းငယ်နှင့် နိုင်ငံရေး အကဲခတ်အချို့ကို နေ့လယ်စာ စားရင်း တွေ့ဆုံဖွယ် ရှိသည်ဟု အမည်မဖေါ်လိုသူ အဆိုပါ သတင်းရပ်ကွက်က ပြောကြားခြင်း ဖြစ်သည်။

ထိုင်းနှင့် အမေရိကန် ၂ နိုင်ငံအကြား ၂ နိုင်ငံအကျိုးတူ ဆက်ဆံရေးကို ထူထောင်ခဲ့သည့် ၁၇၅ နှစ်မြောက် အထိန်းအမှတ်အဖြစ် အမေရိကန်သမ္မတနှင့် ဇနီးဖြစ်သူ လော်ရာဘုရ်ှသည် ထိုင်းနိုင်ငံသို့ သြဂုတ်လ ၆ ရက်နေ့တွင် ရောက်ရှိမည် ဖြစ်သည်။ ဤခရီးစဉ်သည် သူ၏ သမ္မတ သက်တမ်းအတွင်း အာရှဒေသသို့ နောက်ဆုံးခရီးစဉ် ဖြစ်လိမ့်မည်ဟု ထိုင်းနိုင်ငံထုတ် ဘန်ကောက်ပို့စ် သတင်းစာကြီးက ရေးသား ဖေါ်ပြထားသည်။

သူ၏ ခရီးစဉ်အတွင်း သမ္မတဘုရ်ှသည် ဘန်ကောက်မြို့တွင် မိန့်ခွန်းတရပ်ကိုလည်း ပြောကြားလိမ့်မည်။

“သမ္မတဘုရ်ှသည် အာရှဒေသနှင့် စပ်လျဉ်း၍ မိန့်ခွန်းတရပ်ကို ဘန်ကောက်မြို့တွင် ရောက်ရှိနေစဉ် ပြောကြားလိမ့်မည်” ဟု ထိုင်းနိုင်ငံ နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ သာရစ်ဂျာရွန်ဗတ် (Tharit Jarungvat) ကို ကိုးကားပြီး သတင်းစာကြီးက ရေးသား ဖေါ်ပြထားသည်။ “အာရှရေးရာနှင့် စပ်လျဉ်း၍ ဤမိန့်ခွန်းမှာ နောက်ဆုံး မိန့်ခွန်းဖြစ်မည်ဖြစ်၍ အရေးပါပါသည်” ဟု ဆက်လက် ပြောဆိုသွားသည်။

ထိုင်းနိုင်ငံခြားရေးဝန်ကြီး ဆမတ် (Samak) အပါအဝင် ထိုင်းနိုင်ငံ တာဝန်ရှိသူ အရာရှိကြီးများနှင့် တွေ့ဆုံရာတွင် သမ္မတဘုရ်ှသည် မြန်မာ့အရေး ကိစ္စများကိုလည်း ထည့်သွင်း ပြောကြားလိမ့်မည်ဟု မျှော်လင့်ရပါသည်။

သူ၏ သမ္မတသက်တမ်းအတွင်း သမ္မတဘုရ်ှသည် မြန်မာစစ်အစိုးရအပေါ် ပြင်းထန်တင်းကျပ်သည့် စီးပွါးရေးနှင့် ဘဏ္ဍာရေး ပိတ်ဆို့ အရေးယူမှုများကို ပြုလုပ်ခဲ့သည်။ မြန်မာ့အရေးကိစ္စကို ကုလလုံခြုံရေး ကောင်စီသို့ ရောက်အောင် တင်သွင်း ဆွေးနွေး၍ မြန်မာ့အရေး ဆုံးဖြတ်ချက် ချမှတ်နိုင်အောင် တွန်းအားပေး ဆောင်ရွက်ခဲ့သည်။

သူ၏ ကြိုးပန်းမှုကို ဗြိတိန်နှင့် ပြင်သစ်နိုင်ငံက ထောက်ခံခဲ့ကြသော်လည်း လုံခြုံရေး ကောင်စီတွင် ဆုံးဖြတ်ချက် ချမှတ်နိုင်ခဲ့ခြင်း မရှိဘဲ ကုလလုံခြုံရေးကောင်စီ ဥက္ကဋ္ဌ၏ ကြေညာချက်ဖြင့်သာ အဆုံးသတ်ခဲ့ရသည်။ မြန်မာ့အရေး ဆုံးဖြတ်ချက်မူကြမ်းကို ဗီတိုအာဏာပိုင် နိုင်ငံများဖြစ်သော တရုတ်နှင့် ရုရှတို့က ကန့်ကွက် ပယ်ချခဲ့ကြသည်။

ထိုင်းနိုင်ငံ ခရီးစဉ်အပြီးတွင် သမ္မတ ဂျော့ဘုရ်ှသည် သြဂုတ်လ ၈ ရက်နေ့တွင် ကျင်းပမည့် ကမ္ဘာ့အိုလံပစ်ဖွင့်ပွဲ အခမ်းအနားသို့ တက်ရောက်ရန် တရုတ်နိုင်ငံသို့ ဆက်လက် ထွက်ခွါသွားလိမ့်မည်။

Mazzimaမှတင်ပြသည်။

အပြည့်အစုံဖတ်ချင်ရင်...

Sunday, July 27, 2008

ကမ္ဘာမကျေဘူးဆိုတာပါပဲ




အပြည့်အစုံဖတ်ချင်ရင်...

ပုခက်လွှဲသောလက်များ၏ အနာဂတ် အခန်းကဏ္ဍ


ဝိုင်အိုလဲ့ချို၊ အေးလဲ့ | ဇူလိုင် ၂၅၊ ၂၀၀၈

လက်ချိုးရေတွက်၍ ရနိုင်သည့် အမျိုးသမီး တချို့သာ မြန်မာနိုင်ငံ ပြင်ပ အတိုက်အခံ လှုပ်ရှားမှုအတွင်း ထူးထူးခြားခြား အသိအမှတ်ပြုခံကြရသည်။ သို့သော် … လှုပ်ရှားမှုကြီး တခုလုံးနှင့်ယှဉ်လျင်မူ လိင်အရ အမှန်တကယ် တန်းတူညီမျှမှု ရှိ မရှိ ဆိုသည်မှာ မသေချာလှပေ။

ဒေါ်အောင်ဆန်းစုကြည် ၆၃ နှစ်ပြည့် မွေးနေ့တွင် အိန္ဒိယနိုင်ငံ နယူးဒေလီမြို့၌ ချီတက်ဆန္ဒပြနေသည့် ဒီမိုကရေစီအရေး လှုပ်ရှားသူ မြန်မာအမျိုးသမီးတဦး (ဓာတ်ပုံ - အေအက်ဖ်ပီ)

နာဂစ်ဆိုင်ကလုန်းမုန်တိုင်း ဝင်ရောက် တိုက်ခတ်ခဲ့ပြီး ၃ ရက်အကြာတွင် ပုန်းအောင်း ရှောင်တိမ်းနေသည့် မဖြူဖြူသင်းတယောက် ဒုက္ခရောက်နေသူများကို ကူညီရန် အပြင်သို့ ထွက်လာခဲ့သည်။

“ကျမတို့ လူနာတွေ မုန်တိုင်းဒဏ်ကြောင့် ဒုက္ခရောက်နေ တော့မယ်ဆိုတာ သိတယ်။ ဒါနဲ့ ကျမလည်း သူတို့ကို အတတ်နိုင်ဆုံး အကူအညီပေးမယ်ဆိုပြီး ထွက်လာခဲ့တာ” ဟု မဖြူဖြူသင်းက ဆိုခဲ့သည်။

မဖြူဖြူသင်းမှာ အမျိုးသားဒီမိုကရေစီအဖွဲ့ချုပ် (အန်အယ်လ် ဒီ) လူငယ်ခေါင်းဆောင်တဦးဖြစ်ပြီး အိပ်ခ်ျအိုင်ဗွီ၊ အေအိုင် ဒီအက်စ် ဝေဒနာရှင်များအရေး လှုပ်ရှားဆောင်ရွက်နေသူ ဖြစ်သည်။ ထို့ပြင် မျိုးဆက်သစ် တက်ကြွ လှုပ်ရှားသူ တဦး အဖြစ် မြန်မာနိုင်ငံ ဒီမိုကရေစီ ရရှိရေးအတွက် ကြိုးစား လုပ်ဆောင်နေသည့် အဖွဲ့အစည်းများတွင် အမျိုးသားများနှင့် တန်းတူရည်တူ ဦးဆောင်နေသည့် အမျိုးသမီးတဦးလည်း ဖြစ်သည်။

“လူနာတွေက ချို့တဲ့ကြတယ်။ အခု မုန်တိုင်းကြောင့် သူတို့ ဘ၀တွေအားလုံး ပျက်စီးကုန်ကြပြီ။ သူတို့ မိသားစုတွေ လည်း ဆုံးရှုံးကုန်ကြပြီ။ စားစရာလည်း မရှိ၊ နေစရာလည်း မရှိကြတော့ဘူး” ဟု မဖြူဖြူသင်းက သူ့လူနာများနှင့် ပတ် သက်၍ ပြောပြခဲ့သည်။ သူသည် သြဂုတ်လက စစ်အစိုးရ ဆန့်ကျင်ရေး ဆန္ဒပြပွဲများတွင် ပါဝင်ခဲ့ပြီးနောက်ပိုင်း ဖမ်းဆီး ခံရမည့်ဘေးမှ ပုန်းအောင်းတိမ်းရှောင်နေခဲ့ရသည်။

မဖြူဖြူသင်းကဲ့သို့ပင် ခေတ်အဆက်ဆက် မြန်မာနိုင်ငံအရေးကိစ္စအတွက် တထောင့်တနေရာမှ ပါဝင် လှုပ်ရှားနေသည့် အမျိုးသမီးများစွာ ရှိခဲ့သည်။ ထိုသို့သော အမျိုးသမီးများကို သမိုင်းမှတ်တမ်းများမှ ဖယ်ထုတ်၍ မရစကောင်းပါ။

၁၉၃၁ ခုနှစ် ကတည်းက နိုင်ငံပေါင်း ချုပ်အသင်းကြီးသို့ အာရှအမျိုးသမီးများကို ကိုယ်စားပြု၍ အစည်း အဝေးတက် ရောက်ရန် ဒေါ်မြစိန်ကဲ့သို့သော ထူးချွန်သည့် မြန်မာအမျိုးသမီးများ ရွေးချယ်ခံရဖူးသည့် အစဉ်အလာ ရှိခဲ့သည်။ ထိုမျှမက ကိုလိုနီခေတ် လွှတ်တော်အမတ်များ ဖြစ်ကြသည့် ဒေါ်နှင်းမနှင့် ဒေါက်တာ စောစ၊ လွတ်လပ်ရေးရအပြီး ကရင်ပြည်နယ် ၀န်ကြီးအဖြစ် တာဝန်ယူခဲ့သူ ဒေါ်ဘမောင်ချိန်တို့သည်လည်း မြန်မာအမျိုးသမီးများ နိုင်ငံရေးကဏ္ဍအတွင်း ပါဝင်ဆောင် ရွက်ခဲ့သည့် လမ်းကို စတင်ဖောက် လုပ်ခဲ့ကြသူများ ဖြစ်ကြသည်။

၁၉၆၂ ခုနှစ်၊ ဗိုလ်ချုပ်နေ၀င်း စစ်အာဏာသိမ်း အုပ်ချုပ်ပြီး များမကြာမီတွင် မြန်မာ့နိုင်ငံရေးစင်မြင့်ပေါ်၌ အမျိုးသမီးများ ထင်ရှားစွာ ပါဝင်ဆောင်ရွက်ခဲ့ကြသည့် အစဉ်အလာတို့ ချုပ်ငြိမ်းရတော့သည်။ နောက်ပိုင်းတွင် ဟန်ပြသဘော နေရာပေး ထားခြင်းထက်ပို၍ နေရာပေးခံရခြင်း မရှိတော့ပေ။ ထို့အတွက်ကြောင့်လည်း အတိုက်အခံလှုပ်ရှားမှုများတွင် ၀င်ရောက်ပူး ပေါင်း ပါဝင်လာခဲ့ကြခြင်း ဖြစ်သည်။

မဖြူဖြူသင်းကဲ့သို့သော အမျိုးသမီးများက သူတို့၏ အခန်းကဏ္ဍကို တိုးတက်မှုရရှိအောင် စွမ်းဆောင် ပြသနိုင်ခဲ့ကြ သော်လည်း မြန်မာနိုင်ငံ ဒီမိုကရေစီလှုပ်ရှားမှု၏ ထိပ်ပိုင်း ဦးဆောင်သူများ နေရာတွင် ကျား - မ လိင်တန်းတူညီမျှမှုနှင့် ပတ်သက်၍ လစ်ဟာနေသေးကြောင်း လူအများက ထောက်ပြကြသည်။

အိပ်ခ်ျ အိုင်ဗွီ၊ အေအိုင်ဒီအက်စ် ဝေဒနာရှင်များနှင့် ဆက်ဆံလုပ်ကိုင်နေရသည့် အန်အယ်လ်ဒီ၏ လူမှုအထောက် အကူပြု အဖွဲ့ ခေါင်းဆောင်တဦးဖြစ်သူ မဖြူဖြူသင်းက ၎င်း၏ အဖွဲ့အစည်းတွင် လိင်မှုဆိုင်ရာ ကွဲပြားမှုမှာ အရေးကြီးသည့် ပြဿနာ တရပ်မဟုတ်ကြောင်း ပြောပြသည်။

“ယောက်ျား၊ မိန်းမ လိင်မခွဲခြားဘဲလည်း အတူတူ အလုပ်လုပ်နိုင်ကြတာပါပဲ” ဟု မကြာသေးမီက ဧရာဝတီမဂ္ဂဇင်းနှင့် တွေ့ဆုံ မေးမြန်းခန်းတွင် သူက ပြောခဲ့သည်။

တခြားသော အမျိုးသမီးများကလည်း ရည်မှန်းချက်တခုကို အတူတကွ ခိုင်ခိုင်မာမာ သံန္နိဌာန်ထား၍ လုပ်ကိုင်ဆောင်ရွက် နေကြချိန်တွင် ကျား - မ ကွာခြားမှုက မည်သို့မျှ အရေးမကြီးဟု ဆိုကြသည်။

“ကျားရယ်၊ မရယ် ဆိုပြီး ကွဲပြားတဲ့ ကိစ္စကို ဒီလောက်ကြီး စဉ်းစား မနေပါဘူး။ မြန်မာနိုင်ငံမှာ အပြောင်း အလဲတွေ ဖြစ်လာ ဖို့က နိုင်ငံသားတိုင်းရဲ့ တာဝန်ပါ” ဟု နိုင်ငံရေးအကျဉ်းသားဟောင်းတဦး ဖြစ်ပြီး ကျောင်းသားခေါင်းဆောင်တဦးအဖြစ် ၁၉၈၈ ခုနှစ်နှင့် ၁၉၉၆ ခုနှစ် လူထုဆန္ဒပြပွဲများတွင် ပါဝင်လှုပ်ရှား ခဲ့ဖူးသူ အမျိုးသမီးတဦးက ပြောသည်။

အမျိုးသမီးများက ဤကဲ့သို့သဘောထားများ ရှိနေချိန်တွင် တချို့ကမူ ဦးဆောင်ဆုံးဖြတ်ရမည့်နေရာတွင် အမျိုးသမီးများ ပါဝင်လာမည်ဆိုပါက အခက်အခဲများစွာ တွေ့နိုင်သည်ဟု ဆိုလာ၏။ ထင်ရှားသည့် အမျိုးသမီး ခေါင်းဆောင်များမှာ ဒေါ်အောင်ဆန်းစုကြည်၊ မဖြူဖြူသင်း စသည်ဖြင့် အရေအတွက် အလွန်နည်းနေသဖြင့် ဤသို့ မှတ်ချက်ပေးကြခြင်း ဖြစ်နိုင်ပါသည်။

ဒီမိုကရေစီ လှုပ်ရှားမှုအတွင်း ရှိနေကြသော အဓိကကျသည့် အဖွဲ့အစည်းများကို အပေါ်ယံကြည့်လိုက်မည် ဆိုပါကလည်း ခေါင်းဆောင်မှုပိုင်းတွင် အမျိုးသမီးများ ပါဝင်နေမှုက ၁ ရာခိုင်နှုန်းထက် နည်းနေသည်ကို တွေ့ရသည်။

ဤအချက်က ယဉ်ကျေးမှုနှင့်လည်း များစွာ သက်ဆိုင် နေနိုင်ပါသည်။ ရိုးရာထုံးတမ်းစဉ်လာများအရ အမျိုးသမီးများ၏ နေရာကို အိမ်တွင်း မီးဖိုချောင်ဟုသာ သတ်မှတ်ထားကြပြီး အမျိုးသမီးများ ပညာတတ်မြောက် စေရန်လည်း အားမပေး ခဲ့ကြပေ။ ထို့အပြင် ယောက်ျားတို့က “ဘုန်း” ကြီးသည်ဟူသည့် ယုံကြည်ချက်ကလည်း လူ့အဖွဲ့အစည်းအတွင်း ရှိနေ သေးသည်။

တချိန်တည်းမှာပင် တိုင်းရင်းသားလူမျိုးစုများ၏ နိုင်ငံရေးအဖွဲ့များသည်လည်း တော်လှန်ရေး လက်နက်ကိုင် တပ်များနှင့် ပူးတွဲတည်ရှိနေကြသော စစ်တပ်ဆန်သည့် ယဉ်ကျေးမှု သဘောသဘာဝကြောင့် ယောက်ျားများ ၏ အခန်းကဏ္ဍကိုသာ ဗဟိုပြုထားကြပြန်သည်။

သို့သော်လည်း ကရင်အမျိုးသားအစည်းအရုံး (ကေအန်ယူ) ၏ ဗဟိုအလုပ်မှုဆောင်တဦးလည်းဖြစ်၊ ကရင် အမျိုးသမီး အစည်းအရုံးတွင် ထင်ရှားသည့်ခေါင်းဆောင်တဦးလည်းဖြစ်သူ မခိုင်မာကျော်ဇောကမူ ကရင် အမျိုးသမီးများ၏ ပါဝင် ဦးဆောင်နိုင်ခွင့်ကို ကန့်သတ်ထားသည်မှာ သူတို့၏ ပညာမဲ့မှုကြောင့်ဟု ဆိုသည်။

“အမျိုးသမီးတွေ စီးပွားရေး၊ လူမှုရေး၊ နိုင်ငံရေးကဏ္ဍတွေမှာ မပါဝင်နိုင်တဲ့ အဓိက အကြောင်းရင်းကတော့ သူတို့မှာ လေ့လာသင်ယူဖို့ အခွင့်အလမ်း မရခဲ့တာကြောင့်ပဲ။ ကြီးလာပြန်တော့လည်း အိမ်မှာပဲနေ၊ အိမ် အလုပ်ပဲ လုပ်နေကြရတယ်။ ကျောင်းတက်ခွင့် မရပြန်ဘူး။ ဒါကြောင့် အမျိုးသမီးတွေက ယောက်ျား တွေနဲ့ယှဉ်ရင် သိမြင်မှုနည်းသလို ဖြစ်လာတယ်” ဟု သူက ပြောသည်။

ဆက်လက်၍ သူက ရိုးရာဓလေ့ ထုံးတမ်းစဉ်လာအရ ယောက်ျားများကို အိမ်ထောင်ဦးစီး၊ နိုင်ငံ ခေါင်းဆောင် စသည်ဖြင့် ယေဘုယျ သဘောထားကြသည့် အယူအဆကြောင့် အမျိုးသမီးများ၏ တာဝန်မှာ သူတို့၏ လင်ယောက်ျားများနှင့် ကလေး များကို ပြုစုစောင့်ရှောက်ရန်ဟူ၍ ဖြစ်လာပြီး ပြင်ပလောကတွင် တက်ကြွစွာ ပါဝင်လှုပ်ရှားခွင့်မရသည့် အကြောင်းရင်း ဖြစ်လာသည်ဟု ဆိုသည်။ အမျိုးသမီးများအနေနှင့် ပညာ အရည်အချင်းရှိလာပြီး သတ္တိလည်း ရှိမှသာ ပို၍ မြင့်မားသည့် ရည်မှန်းချက်များ ထားရှိလာနိုင်ကြမည်ဟု သူက သုံးသပ်သည်။

ထို့အပြင် စိတ်ဓာတ်ရေးရာ အားပေးမြေတောင်မြှောက်မှု မရှိခြင်းသည်လည်း အမျိုးသမီးများ တွေ့ကြုံရသည့် နောက်ထပ် အခက်အခဲတခုဖြစ်သည်ဟု ဒီမိုကရေစီအရေး လှုပ်ရှားနေသည့် အမျိုးသမီးခေါင်းဆောင် များက ဆိုကြသည်။

ကရင်နီ အမျိုးသားတိုးတက်ရေးပါတီ (ကေအန်ပီပီ) ၏ ပထမဦးဆုံးနှင့် တဦးတည်းသော အမျိုးသမီး ဗဟို အလုပ်အမှု ဆောင်ကော်မတီဝင် ဒေးဒေးဖောက သူ့မိဘများသည် ဘယ်တုန်းကမှ သူ့ကို ပညာသင်ရန် အားမပေးခဲ့ကြဟု ပြောပြသည်။

“သူတို့က ကျမကို အမြဲတမ်း အိမ်မှာနေဖို့၊ လယ်လုပ်ဖို့နဲ့ မောင်လေးတွေ၊ ညီမလေးတွေကို စောင့်ရှောက်ဖို့ပဲ ပြောကြတယ်” ဟု သူက ပြောပြသည်။ သူ့ မိသားစုက သူ ၉ တန်း ရောက်သည့် နှစ်တွင် အဓမ္မ ကျောင်း ထွက်ခိုင်းသောကြောင့် အိမ်မှ ထွက်ပြေးကာ တော်လှန်ရေးတွင် ပါဝင်ပူးပေါင်းခဲ့သည်ဟု ဆိုသည်။

“အဆင့်မြင့်ပညာရေး မသင်ကြားခဲ့ရလို့ ကျမ ၀မ်းနည်းမိတယ်။ အခု ကျမက ကရင်နီနိုင်ငံရေးအဖွဲ့ အစည်းမှာ ခေါင်းဆောင် တယောက် ဆိုပေမယ့် ကျမ ပြောချင်တာတွေ လူသိအောင် ပြောနိုင်ဆိုနိုင်ဖို့ ခက်နေသေးတယ်” ဟု သူက ဆက်ပြောသည်။

အမျိုးသမီးများ ရင်ဆိုင်နေရသည့် ပညာရေးအခွင့်အလမ်း ချို့တဲ့မှုမှာ ငယ်စဉ်ကာလ ကျောင်းတက်ခွင့် မရခြင်း တခုမျှသာ မဟုတ်ပါ။

“ကလေး ၅ ယောက်နဲ့ ယောက်ျားကို ပြုစုဖို့ ကျမ အချိန်အတော်ပေးရတယ်။ စာအုပ်တွေ ဖတ်ဖို့၊ သတင်းစာတွေ ရှာဖတ်ဖို့၊ ရေဒီယိုနားထောင်ဖို့ အချိန် မရဘူး။ ဒါကြောင့် ယောက်ျားတွေနဲ့ ပြောဆို ဆက်ဆံတဲ့ နေရာမှာ ပိုခက်ခဲတယ်” ဟု ဒေးဒေးဖောက ပြောသည်။

ကေအန်ပီပီအဖွဲ့ ၀န်ကြီးချုပ်၏ ဇနီးဖြစ်သောကြောင့်လည်း ဒေးဒေးဖောကို လူအများက ကရင်နီပြည်သူလူထု၏ ထိပ်တန်း အမျိုးသမီးခေါင်းဆောင်အဖြစ် သတ်မှတ်ကြသည်။ သူ ကိုယ်တိုင်လည်း ခေါင်းဆောင်မှု အရည်အချင်းရှိသူ ဖြစ်သည်။ သူက ကေအန်ပီပီပါတီအတွင်း အမျိုးသမီးများကို မြှင့်တင်ရန် ပျက်ကွက်မှုရှိနေသည်ကို ပွင့်ပွင့်လင်းလင်း ပြစ်တင်ဝေဖန်သူလည်း ဖြစ်သည်။ နိုင်ငံရေးတွင် စိတ်ဝင်စားသည့် အမျိုး သမီးများကို မြေတောင်မြှောက် အားပေးရန် လိုအပ်ကြောင်းလည်း သူက လူသိရှင်ကြား ပြောဆို တိုက်တွန်း လေ့ရှိ၏။

ထိုင်းနိုင်ငံအခြေစိုက် မြန်မာအမျိုးသမီးသမဂ္ဂ (BWU) ၏ အဖွဲ့ဝင်တဦးဖြစ်သူ မမြင့်မြင့်စန်းကမူ ဤသို့ ဖြစ်နေကြရသည့် ပြဿနာအများစုအတွက် အခြေခံအကြောင်းရင်းမှာ ယောက်ျားတို့တွင် “ဘုန်း” ရှိသည် ဟူသော ရိုးရာ အစွဲအလန်းကြောင့် ဟု မြင်သည်။

ရိုးရာအစဉ်အလာအရ ထိုသို့ပင် အမြစ်တွယ်နေကြသောကြောင့် အမျိုးသမီးများက သူတို့၏ နိမ့်ကျသည့် အနေအထားကို လက်ခံလိုက်ကြပြီး တိုးတက်ရာ တိုးတက်ကြောင်းအတွက် ကြိုးပမ်းအားထုတ်ရန် မစွမ်း သာတော့သလို ဖြစ်လာရသည်ဟု ဆိုသည်။ ဤအကြောင်းကြောင့်ပင် တချို့သော အမျိုးသမီးများအဖို့ နိုင်ငံရေးတွင် ပိုမိုတက်ကြွသည့် အခန်းကဏ္ဍမှ ပါဝင် ဆောင်ရွက်ရန် မစဉ်းစားတော့ကြောင်း မမြင့်မြင့်စန်းက ပြောသည်။

လက်နက်ကိုင်တိုက်ပွဲများဖြင့် မျိုးဆက်များစွာ အသားကျနေကြရသည့် နယ်စပ်ဒေသများရှိ အမျိုးသမီး များအဖို့ နိုင်ငံရေး နှင့် ၀င်ရောက်ပတ်သက်ရန် ပို၍ပင် ခက်ခဲတွန့်ဆုတ်စေသည်။ အကြောင်းမှာ ခေါင်း ဆောင်မှုနေရာရရန်အတွက် စစ်ရေး စွမ်းဆောင်မှု အရည်အချင်းပြနိုင်မှသာ လက်ခံကြမည့် အမြင်သဘောရှိ နေကြသောကြောင့် ဖြစ်၏။

မမြင့်မြင့်စန်းက ယောက်ျားအများစုသည် ၎င်းတို့ကိုယ်ကို အမျိုးသမီးများအား ကာကွယ်စောင့်ရှောက် ပေးသူများဟူသည့် အမြင်ရှိနေခြင်းကြောင့် လူမှုအဖွဲ့အစည်းကို ဦးဆောင်ရန်အခွင့်အရေး ရှိနေကြသူများ အဖြစ် သူတို့ကိုယ်သူတို့ ခံယူထားပုံ ရသည်ဟု ဆိုသည်။ ထိုအမြင်က အမျိုးသမီးများ၏ အားသာချက်များကို ငြင်းပယ်ထားသဖြင့် မျှတမှု မရှိကြောင်း သူက ပြောသည်။

“တကယ်တော့ ကျမတို့ကိုယ်ကို ကျမတို့ ကာကွယ်ကြရမှာ။ ဒါပေမယ့် အဲဒီလိုဖြစ်ရမယ့်အစား ကျမတို့ရဲ့ လင်ယောက်ျား တွေကို အလုပ်အကျွေးပြုရင်း ဘ၀ကို မြှုပ်နှံထားကြရတယ်” ဟု သူက ဆက်ပြောသည်။

တန်းတူညီမျှရေး ရရန်အတွက် အမျိုးသမီးများအနေနှင့် တိုက်ပွဲဝင်ရန် ပြင်ဆင်ကြရမည်ဟု သူ့အမြင်ကို ပြောပြသည်။ ဤတိုက်ပွဲက တောတွင်းတိုက်ပွဲမဟုတ်ပါ။ အမျိုးသားများ၏ ဘေးတွင်ယှဉ်တွဲ၍ ၎င်းတို့နှင့် အတူ လိုက်ပါဆောင်ရွက်ခွင့် ရရန်၊ အိမ်တွင်း၌သာ အမျိုးသမီးများကို ထားရှိသည့် ရိုးရာ အစွဲအလမ်းများကို အတူတကွ လက်တွဲတိုက်ခိုက်ကြရန်သာ သူက ဆိုလိုခြင်း ဖြစ်သည်။

အမျိုးသမီးများ အနေနှင့် ပညာသင်ယူခြင်းကို မည်သည့်အခါမျှ မရပ်တန့်ဘဲ မိမိတို့၏ အမှန်တကယ် စွမ်းဆောင်နိုင်မှုသည် လူမှုအဖွဲ့အစည်းအတွက် မည်မျှ ကောင်းကျိုးပြုနိုင်သည် ဆိုသည်တို့ကို ယောက်ျားများ သိရှိရန် အစဉ်အမြဲ သတိပေးနေဖို့ လိုအပ်သည်ဟု ဆိုသည်။

“လိင်ကွဲပြားလို့၊ လူတန်းစားကွဲပြားလို့ ဆိုပြီး တန်းတူညီမျှမှု မရှိရင် တရားမျှတမှုဆိုတာ ဘယ်တော့မှ ရမှာမဟုတ်ဘူး။ တန်းတူအခွင့်အရေး ရရှိဖို့၊ တန်းတူ ပါဝင်ခွင့်ရရှိဖို့ ဆိုတာတွေက လူမှုအဖွဲ့အစည်းတခု ဖွံ့ဖြိုးတိုးတက်ဖို့အတွက် အဓိကကျ တဲ့ ကိစ္စတွေပါ” ဟု မမြင့်မြင့်စန်းက သူ့အမြင်ကို ပြောပြသည်။

အမျိုးသမီးများအနေနှင့် တဦးချင်း စွမ်းဆောင်နိုင်သည့် အရည်အချင်းကို ယောက်ျားများအား ပြသနိုင်ကြပါသည်။ သို့သော် လည်း အဆုံးစွန်ရည်မှန်းချက် ပြည့်မြောက်ရန်မှာမူ အမျိုးသမီးများအားလုံး ညီညွတ်စွာ အတူတကွ ကြိုးပမ်းဆောင်ရွက်ကြ ရမည် ဖြစ်သည်။

“ကျမတို့က စနစ်ကို အသစ်ပြောင်းချင်တယ်ဆိုရင် အမျိုးသမီးရေးရာကိစ္စတွေကို ဖြေရှင်းပေးနိုင်မယ့် ဖွဲ့စည်းပုံဥပဒေဆိုင်ရာ ပြဌာန်းချက်တွေ လိုအပ်ပါတယ်။ ကျမတို့တွေ မညီညွတ်ဘဲ စနစ်တကျ မလုပ်နိုင်ဘူး ဆိုရင် အမျိုးသားတွေရဲ့ ခေါင်းဆောင် မှုနောက်မှာပဲ ကျန်ရစ်ခဲ့မှာပါ” ဟု အမျိုးသမီးများအဖွဲ့ချုပ် (မြန်မာ နိုင်ငံ) ကို စတင်တည်ထောင်ခဲ့သူတဦး ဖြစ်သည့် မခင်ဥမ္မာက ပြောသည်။ ၎င်းအဖွဲ့သည် ပြည်ပရောက် အမျိုးသမီး အဖွဲ့များကို စုစည်းထားသည့် တပ်ပေါင်းစု အဖွဲ့အစည်း တခုဖြစ်သည်။

ယနေ့ လက်ရှိ အမျိုးသမီးခေါင်းဆောင်များက အမျိုးသမီးများ နိုင်ငံရေးဦးဆောင်မှုတွင် ပိုမို နေရာရရှိရေး၊ ပိုမို တက်ကြွစွာ ဆောင်ရွက်နိုင်ရေးအတွက် အားပေး တိုက်တွန်းမှုများ ဆောင်ရွက်နေကြသည်။ မြန်မာနိုင်ငံ ဖွံ့ဖြိုးတိုးတက်မှုအတွက် အမျိုးသမီးများပါ ပူးတွဲတာဝန်ထမ်းဆောင်ကြရန် အားပေးပြောကြား နေသည်။

“အမျိုးသမီးတွေ သူတို့ကိုယ်သူတို့ အားနည်းပါတယ်ပြောရင် ကျမ မကြိုက်ဘူး။ ရိုးရာဓလေ့ထုံးတမ်းတွေနဲ့ နိုင်ငံရေးစနစ်က မြန်မာအမျိုးသမီးတွေကို တားဆီးထားတယ် ဆိုပေမယ့် လက်ရှိ ရက်စက်ကြမ်းကြုတ်လှတဲ့ စနစ်ဆိုးကြီးကို ပြောင်းလဲနိုင်ဖို့ လှုပ်ရှားနေကြတဲ့ တိုက်ပွဲတွေမှာ ကျမတို့ အမျိုးသမီးတွေလည်း ပါဝင်ကြိုးပမ်းနေကြတာပဲ” ဟု ကရင်အမျိုးသမီး အစည်း အရုံး၏အမှုဆောင်အတွင်းရေးမှူးလည်းဖြစ် ကေအန်ယူဗဟိုအလုပ်အမှုဆောင် တဦးလည်းဖြစ်သူ နော်စီဖိုးရာက ပြောသည်။

တချိန်တည်းတွင် ကေအန်ပီပီပါတီမှ ဒေးဒေးဖိုးကလည်း ပါတီခေါင်းဆောင်မှုအတွင်း နောက်ထပ် အမျိုးသမီး မျိုးဆက်သစ် များ ၀င်ရောက်တာဝန်ယူနိုင်ရေးအတွက် တိုက်တွန်းအားပေးလျှက် ရှိသည်။

မြန်မာနိုင်ငံအတွင်း တက်ကြွလှုပ်ရှားနေကြသူ အမျိုးသမီးများမှာမူ စစ်အစိုးရ၏ ဖိနှိပ်ကန့်သတ်မှုများကြောင့် အခက်အခဲများ ပိုမိုကြုံတွေ့ကြရသည်။ ပြောဆိုဆွေးနွေးခွင့်အတွက်ပင် ခက်ခဲနေကြရသည်။

“အမျိုးသမီးတွေကို မြေတောင်မြှောက် မြှင့်တင်အားပေးဖို့ နေရာမရှိဘူး။ သူတို့ကို သင်ကြားပေးဖို့၊ လှုပ်ရှားမှု ထဲမှာ ပိုပြီး ဆောင်ရွက်လာနိုင်အောင် စီစဉ်ပေးဖို့ နေရာမရှိဘူး။ ပြီးတော့အမျိုးသမီးငယ်တွေကို လေ့ကျင့် သင်ကြားပေးဖို့ အရင်းအမြစ် တွေလည်း မရှိဘူး” ဟု အမျိုးသားဒီမိုကရေစီ အဖွဲ့ချုပ်၏ ဗဟိုကော် မတီဝင် တဦးဖြစ်သူ ဒေါ်လဲ့လဲ့က ပြောသည်။

မြန်မာနိုင်ငံအတွင်း အပြောင်းအလဲများ အမှန်တကယ် ဖြစ်ပေါ်လာသည့်တိုင် မြန်မာအမျိုးသမီး အများစုမှာ အမျိုးသားများ ထက်နောက်ကျကျန်ရစ်နေရမည့် အနေအထားရှိနေသေးသည်။ သို့သော်လည်း နိုင်ငံပြင်ပရှိအမျိုးသမီးများမှာမူ စစ်အစိုးရ ဆန့်ကျင်ရေး လှုပ်ရှားမှုဆောင်ရွက်နေကြစဉ် ကာလ၌ အမျိုးသမီးရေးရာ ကိစ္စကို အမြဲတစေ ထည့်သွင်းဆွေးနွေး နေကြသည်။

“ကျမတို့အမျိုးသမီးတွေက သမိုင်းတလျှောက်လုံးမှာ လျစ်လျူရှုခံထားခဲ့ရတယ်။ နောက်တကြိမ် ဒါမျိုး လုံးဝ မဖြစ်စေရဘူး” ဟု မခင်ဥမ္မာကပြောသည်။
ဝိုင်အိုလဲ့ချို နှင့် အေးလဲ့တို့ ရေးသားသည့် Women in the Movement ကို ဆီလျော်အောင် ပြန်ဆိုဖော်ပြပါသည်။

ဧရာဝတီမှတင်ပြသည်။

အပြည့်အစုံဖတ်ချင်ရင်...

မြန်မာအမျိုးသမီးများ ပြည်ပသို့ မပို့ရ

မိုးမခ အထောက်တော် (ရန်ကုန်)

ဇူလိုင် ၂၇၊ ၂၀၀၈

ပြည်တွင်းအေဂျင်စီများအနေဖြင့် ပြည်ပနိုင်င်ငံမျာားသို့ အလုပ်သမားများစေလွှတ်ရာတွင် အမျိူးသမီး အလုပ်သမားများ စေလွတ်ပါက ထိရောက်စွာ အရေးယူတော့မည်ဟု နေပြည်တော်ရှိ အလုပ်သမားဝန်ကြီးဌာန၊ အလုပ်သမားညွှန်ကြားရေးမှုးဦးစီးဌာနက ထုတ်ပြန်ကြောင်း ယခုတပတ်ထုတ် ဂျာနယ်များတွင် ဖော်ပြထားသည်။

အလုပ်သမားဝန်ကြီးဌာနက ပြည်ပအလုပ်ရှာပေးသည့် အေဂျင်စီများကို စာအမှတ် ၃/ ၂၇/ အလည (လုပ် ၃)၊ ၂၀၀၈ ဇူလိုင် ၉ ရက်စွဲပါ အကြောင်းကြားစာတွင် - ဆော်ဒီအာရေဗျ နိုင်ငံနှင့် အခြား အာရပ် နိုင်ငံများတွင် ‘အိမ်ဖော်’ အဖြစ် သွားရောက် အလုပ်နေကြသော အာရှက အမျိုးသမီးများ ဆိုးဝါးသော ဒုက္ခ၊ အခက်အခဲ မျိုးစုံ ကြုံတွေ့နေရကြောင်း၊
ပြည်ပသို့ အမျိူးသားများသာ အလုပ်လုပ်ကိုင်ဖို့ စေလွတ်ရန် ခွင့်ပြုထားရာ၊ လိုင်စင်ရ အေဂျင်စီများအနေဖြင့် အမျိူးသမီးများ စေလွှတ်ခြင်း မပြုကြရန်နှင့် စေလွှတ်ပါက ထိရောက်စွာ အရေးယူသွားရန်ရှိကြောင်း၊ တာဝန်သိ အလုပ်သမားအေဂျင်စီများကလည်း စည်းကမ်းဖောက်သော လုပ်ငန်းများအကြောင်းကို ဖော်ထုတ်သတင်းပေးကြစေလိုကြောင်း ဖော်ပြထားသည်ကို တွေ့ရသည်ဟု ဂျာနယ်သတင်းများက ဆိုသည်။

"တိုင်းပြည်မှာ စီးပွားရေး အနေအထားက တနေ့တခြား ကြပ်တည်းလာနေပြီလေ။ တနေ့ တနေ့ အလုပ်အကိုင် ရှာာဖွေရေး အကျိုးဆောင်တွေဆီကို လာကြတာက အမျိူးသားရော အမျိုးသမီးရောဗျ။ ဆော်ဒ၊ီ ဒူဘိုင်း၊ အိုမန် စတဲ့ တိုင်းပြည်တွေက်ို ရှိတာ ရောင်းချပြီး အိမ်ဖော်တင် မဟုတ်ဘူး … ဟိုရောက်မှ ဘာလုပ်ရ လုပ်ရ ဆိုပြီး ရှိတာ ပေါင်နှံ ရောင်းချသွားတဲ့ မိန်းကလေးတွေလည်း အများကြီး။ သူတို့ကတော့ ငွေကြေးရော၊ ပညာရေးရော သိပ် မပြည်စုံတဲ့ သူတွေ။

နည်းနည်း တတ်နိုင်တဲ့သူတွေကတော့ စင်ကာပူ၊ မလေရှားလိုမျိုး နိုင်ငံတွေက်ို ထွက်ကြတယ်။ သူတို့ မိန်းကလေးတွေ ပြည်ပထွက်ပြီး အလုပ် မလုပ်ရဘူး ဆိုတော့ … တိုင်းပြည်မှာ စီးပွားရေး အဆင်မပြေဖြစ်နေတဲ့ အချိန်ကြီးဗျာ၊ တားလည်း ထွက်တဲ့သူက ဖြစ်တဲ့နည်းနဲ့ ထွက်မှာပဲ"

ဟု ပြည်ပအလုပ်အကိုင် ရှာဖွေရေးအေဂျင်စီများနှင် နီးစပ်သူတဦးက ပြောသည်။

ပြည်ပသို့ အမျိုးသမီးအလုပ်သမားများ စေလွှတ်ခြင်းမပြုရဟူသော စည်းကမ်းချက်မှာ လုပ်ငန်းလိုင်စင် ချပေးစဉ်ကပင် လိုက်နာကြရန် ညွှန်ကြားပြီးဖြစ်သော်လည်း အလုပ်သမားနှင့် ပွဲစားအေဂျင်စီများအကြား နားလည်မှုယူကာ စေလွှတ် သွားလာမှုများ ရှိနေခဲ့သည်မှာ ကြာပြီ ဖြစ်ကြောင်း လုပ်ငန်းနှင့်နီးးစပ်သူများက ပြောသည်။

"ကျနော့်အစ်မ၀မ်းကွဲ တယောက်တောင် ပြီးခဲ့တဲ့လကတည်းက မလေးရှားကို ထွက်သွားတာ၊ အလုပ်အကိုင်အေဂျင်စီတခုနဲ့ ဆက်သွယ်ပြီး သွားတာပါပဲ။ ပတ်စ်ပို့တို့ လိုအပ်တဲ့ အထောက်အထားတွေရော သူတို့ဘက်က အကုန် လုပ်ပေးပါတယ်။ ဟိုက စက်ရုံ တရုံမှာ လုပ်ရမယ် ပြောတယ်။ စုစုပေါင်း ၁၇ သိန်း ၀န်းကျင်လောက်တော့ ကုန်သွားတယ်။ တရားဝင် အကျိုးဆောင်လား၊ လိုင်စင်ရ အကျိုးဆောင်လားတော့ ကျနော်တို့မှာ ဂရုမစိုက်အားပါဘူး ခင်ဗျာ။ ကျနော်တို့က အပြင်ထွက် အလုပ်လုပ်ချင်တယ်။ သူတို့က ရှာပေးတယ်။ အဲဒီအတွက် ကျနော်တို့က ကျသင့်ငွေ ပေးရတယ်။ နှစ်ဦးနှစ်ဘက် အဆင်ပြေတယ်။ ဒါပဲလေ …"

ဟု ရန်ကုန်မြို့ခံတဦးက မိုးမခသို့ ပြောသည်။

ယနေ့ တိုင်းပြည် စီးပွားရေး ခြွတ်ခြုံကျလျှက်ရှိရာ ပြည်ပတွင် အလုပ်ထွက်လုပ်သည့် လူဦးရေးမှာလည်း တနေ့တခြား တိုးလာလျှက်ရှိသည်။ ထို့အပြင် အလုပ်အကိုင်ရှာဖွေရေး အေဂျင်စီများလည်း ကျွဲကူး ရေပါ များပြားလာခဲ့ပြီး၊ အလုပ်သမားနှင့် အေဂျင်စီ တချို့ အကြား ငွေကြေးဆိုင်ရာ မဟုတ်မမှန် လုပ်ကြံမှုများလည်း မကြာခဏ ဖြစ်ပွားနေကြောင်း ကြားသိရသည်။

"နိုင်ငံခြားသွားတဲ့သူ ကျနော်တို့ တိုင်းပြည်မှာ ဘယ်လောက်တောင် များလာနေတယ် ဆိုတာ ပန်းဆိုးတန်းက လူဝင်မှုကြီးကြပ်ရေးရုံးကို လာကြည့်ရင် သိနိုင်ပါတယ်ဗျာ။ တနေ့ တနေ့ကို ပတ်စ်ပို့လုပ်တဲ့သူ၊ ပတ်စ်ပို့ လျှောက်တဲ့သူတွေ တိုးမပေါက်ဘူး။ မြန်မာပြည်မှာ နိုင်ငံခြား အရေးပေါ် မသွားရလည်း၊ လိုလိုမယ်မယ် ပတ်စပို့လုပ်ထားဦးမှ ဆိုတဲ့သူကလည်း တော်တော်ကို များတယ်။ အခြေအနေမပေးလို့သာ ပြည်တွင်းမှာ ကြိတ်မှိတ်ပြီး နေရတာကိုး။ ပြည်သူအားလုံးက အခြေအနေပေးရင် နိုင်ငံခြားထွက်မယ်ဆိုတဲ့ သူတွေချည်းပဲ။ မြန်မာပြည်မှာ ပတ်စ်ပို့လုပ်တာ ဖက်ရှင်တခုလိုတောင်ဖြစ်နေပြီ"

ဟု မိုးမခမိတ်ဆွေ ရန်ကုန်မြို့ခံများက ဆိုသည်။

“ကျနော်တို့ စစ်အစိုးရက “ဘူး” တလုံးဆောင်ပြီး တိုင်းပြည်ကို အုပ်ချုပ်တာပဲ တတ်တယ်။ မလုပ်ရဘူး၊ မလာရဘူး၊ မသွားရဘူး၊ မပေးဘူး၊ ဒါပဲ လုပ်တတ်တယ်။ ဒီလို လုပ်ကြစို့၊ ဟိုလို လုပ်ကြစို့၊ ၀ိုင်းပြီး ဖြေရှင်းကြစို့၊ စကားဝိုင်းလုပ်ပြီး ပြောကြစို့ ဒါမျိုး မရှိဘူး။ နာဂစ်တုန်းကလည်း မလိုဘူး ဆိုပြီး တားတယ်။ လူတွေ ငတ်လို့ အလုပ်ထွက်လုပ်တာကို ဖြေရှင်းပေးဖို့ မစဉ်းစားဘူး။ မလုပ်ရဘူး ဆိုပြီး ပိတ်တယ်။ အဲ ခင်ဗျားတို့ ကုလားထိုင်က ဆင်းမပေးဘူးလား ဆိုတော့ - အေး၊ မဆင်းပေးဘူး တဲ့။ ကဲ .. မခက်လား။” ဟု သူက ရယ်သွမ်းသွေး သွားသည်။

ပြည်ပထွက် အလုပ်လုပ်ကိုင်သူများတွင် နယ်တွင်နေထိုင်သူများက အများဆုံးဖြစ်သည်။

မိုးမခမှတင်ပြသည်။

အပြည့်အစုံဖတ်ချင်ရင်...

Saturday, July 26, 2008

သာသနာနှင့်နိုင်ငံရေး(၄)သို့မဟုတ်ယာယီနိဂုံး

အားလုံးမင်္ဂလာပါ၊ပြည်ချစ်ဘုန်းဘုန်းရဲ့သာသနာနှင့်နိုင်ငံရေးဆောင်းပါးကိုတက်ဆက်ခဲ့တာ
အပိုင်း(၄)ကိုရောက်ရှိခဲ့ပါပြီ၊ဒီအပိုင်း(၄)မှာလဲပြည်ချစ်ဘုန်းဘုန်းရဲ့နိုင်ငံရေးနှင့်
ဘာသာရေးဟာဘယ်လိုနည်းနဲ့မှခွဲခြားထားလို့မရဘူးမြတ်စွာဘုရားဟာလူနတ်ဗြဟ္မာ
သတ္တ၀ါတွေကိုဘာသာရေးသက်သက်လုပ်ကြဖို့ဟောကြားခဲ့တာမဟုတ်ဘူးဆိုတာကို
ကွက်ကွက်ကွင်းရေးသားတင်ပြထားပါတယ်၊လောကုတ္တရာချမ်းသာကိုအမှန်တကယ်
လိုချင်တယ်ဆိုရင်လောကီကြီးပွားချမ်းသာရေးအတွက်မဖြစ်မနေဦးစွာလုပ်ဆောင်ကြရပါမယ်၊
ဥပမာအားဖြင့်အိမ်မှာစားစရာဆန်မရှိတဲ့မိသားစုလူတစ်ဦးဟာဘယ်လိုနည်းနဲ့မှတရားကိုစိတ်အေး
ချမ်းသာစွာအားထုတ်နိုင်မှာမဟုတ်သလိုထိုက်သင့်တဲ့တရားထူးလဲရနိုင်မှာမဟုတ်ပါဘူး၊
သူ့စိတ်သဏ္ဍာန်မှာကိန်းအောင်းနေတဲ့သောကပရိဒေ၀မီးတွေရဲ့နှိပ်စက်ခြင်းကိုခံနေရ
သည့်အတွက်ကြောင့်ဖြစ်ပါတယ်။မြတ်စွာဘုရားဟာဒေါသမီးလောင်နေတဲ့အာဠာဝက
ဘီလူးကိုချက်ခြင်းတရားမဟောကြားခဲ့ပါဘူး၊သူ့ရင်ထဲမှာတောက်လောင်နေတဲ့ဒေါသမီး
ငြိမ်းအေးသွားပြီးမှသာတရားဟောကြားခဲ့ပါတယ်၊ဒါကြောင့်အဓိကအခြေခံအကြောင်း
တရားဖြစ်တဲ့နိုင်ငံရေး၊စီးပွားရေး၊ပညာရေး၊လူမှုရေး၊ကျန်းမာရေး၊
စတာတွေကောင်းအောင်ဦးစွာပဌမလုပ်ဆောင်ပီးမှသာမိမိတို့ဗုဒ္ဓဘာသာဝင်
တွေရဲ့အန္တိမရည်မှန်းချက်ဖြစ်တဲ့မဂ်ဖိုလ်နိဗ္ဗာန်ရောက်ရာရောက်ကြောင်းအကျင့်
်ကောင်များကိုကြိုးစားအားထုတ်သင့်သည်ဟုထင်မြင်မိပါတယ်၊ထို့ကြောင့်
ပြည်ချစ်ဘုန်းဘုန်းရဲ့သာသနာနှင့်နိုင်ငံရေးအပိုင်း(၄)ကိုဆက်လက်ရှုစားပြီး
နိုင်ငံရေးနှင့်ဘာသာရေးသည်အစဉ်အမြဲဒွန်တွဲနေပြီးမိမိတို့ရဲ့ရည်မှန်းချက်ပန်းတိုင်
်ကိုအရောက်လှမ်းကြပါစို့ဟုတိုက်တွန်းရင်း----
ပြည်သူ့ဘုန်းဘုန်း


သာသနာနဲ့နိုင်ငံရေးအကြောင်းကို တင်ပြလာတာ အခုဆိုရင်အပိုင်း(၄)တောင်ရောက်လာခဲ့ပြီ။ အရင်တစ်ပတ်က K Sri.Dhammananda ရဲ့ Buddhism and Politics ဆိုတဲ့ ဆောင်းပါးကို အခြေခံ ပြီး မြတ်စွာဘုရားကိုယ်တော်တိုင် နိုင်ငံ့အရေး၊ တိုင်းရေးပြည်ရေးနဲ့ ပတ်သတ်ပြီး မိန့်ကြားခဲ့တာတွေ ကို တင်ပြခဲ့ပါတယ်။ အခုလဲ အဲဒါကိုပဲ ဆက်ပါမယ်။
မိလိန္ဒပဥှာမှာလဲ “အုပ်ချုပ်သူအဖြစ် မသင့်တော်တဲ့၊ ကျွမ်းကျင်မှုမရှိတဲ့၊ ကိုယ်ကျင့်တရား မကောင်းတဲ့၊ မလျော်ကန်တဲ့၊ စွမ်းရည်မပြည့်စုံတဲ့၊ မထိုက်တန်တဲ့ ပုဂ္ဂိုလ်တစ်ယောက်ဟာ ကြီးကျယ် တဲ့ အာဏာချုပ်ကိုင်မှုတွေနဲ့ သူ့ကိုယ်သူ ဘုရင်အဖြစ် (သို့မဟုတ်) အုပ်ချုပ်သူအဖြစ် တင်မြှောက်ခဲ့ မယ်ဆိုရင် (ပြည်သူက မဘောမတူဘဲ မတရားဖိနှိပ်ချုပ်ချယ်တဲ့ ပုဂ္ဂိုလ်အစိုးရဖြစ်ခဲ့ရင်) သူဟာ ထိခိုက်နာကျင်ဖို့ အလားအလာတွေ ရှိနေပါပြီ၊ ပြည်သူပြည်သားတွေရဲ့ အမျိုးမျိုးသော ဒဏ်ခတ်မှုတွေ ကို ခံရဖို့ အလားအလာတွေ ရှိနေပါပြီ၊ ဘာကြောင့်လဲဆိုတော့ တိုင်းပြည်ကို ဦးဆောင်ဖို့ မသင့်လျော်၊ မထိုက်တန်တဲ့ပုဂ္ဂိုလ်ဟာ အုပ်စိုးသူဆိုတဲ့ ထိုင်ခုံပေါ်မှာ မလျော်ကန်တဲ့ နည်းတွေနဲ့ သူ့ကိုယ်သူ နေရာ ပေးထားလို့ပါပဲ။ ကိုယ်ကျင့်တရားနဲ့ လူသားတွေရဲ့ အခြေခံ လူမှုကျင့်ဝတ်စည်းမျဉ်းတွေကို ချိုးဖောက် တဲ့၊ အကြမ်းဖက်တဲ့ ပုဂ္ဂိုလ်မျိုးတွေဟာ အပြစ်ပေးခံကြရပါလိမ့်မယ်၊


ထိုပုဂ္ဂိုလ်များနဲ့ အလားတူပဲ မမှန်ကန်တဲ့နည်းတွေနဲ့ အကြမ်းဖက်တဲ့အစိုးရဟာ ပြည်သူတွေရဲ့ ပြစ်ဒဏ်ခတ်မှုကို မလွဲမသွေ ခံရပါလိမ့်မယ်၊ ဒါ့အပြင် သူ့ကိုယ်သူ ပြည်သူတွေရဲ့ ဓားပြတစ်ယောက် လို ပြုမူတဲ့ အုပ်ချုပ်သူကို ပြည်သူတွေက အပြစ်တင်ကြပါလိမ့်မယ်၊ သူတို့ရဲ့ သဘောတူ လက်ခံမှုကို လဲ ဘယ်သောအခါမှ ရလိမ့်မှာ မဟုတ်ဘူး။ ..စသဖြင့် မိန့်ကြားခဲ့ပါတယ်။
အထက်ပါ တရားတော်အလိုအရဆိုလျှင် န.အ.ဖ လဲ ပြည်သူတွေရဲ့ ဒဏ်ခတ်မှုကို ခံရမှာ အသေအချာပါပဲ။ ကိုယ်ကျင့်တရားဆိုတာ ဝေလာဝေး၊ ကိုယ်ကိုးကွယ်တဲ့ သံဃာကိုတောင် အာဏာတည်မြဲရေးအတွက် သတ်ရဲတဲ့ အစိုးရ။ စွမ်းရည်ဆိုတာကလဲ ဘာမှ မရှိ။ ကလိမ်ကကျစ်။ အာဏာတည်မြဲဖို့အတွက် ညာဏ်နီညာဏ်နက်တွေပဲ ရှိတယ်။ တကယ်တော့ န.အ.ဖ ဟာ ဓားပြအကြီးစားကြီးပါပဲ။ န.အ.ဖ ဘယ်လိုပဲ ပြောပြော၊ ဘာတွေပဲ လုပ်လုပ်။ ပြည်သူတွေရဲ့ ထောက်ခံမှုကို ဘယ်တော့မှ ရလိမ့်မှာ မဟုတ်ဘူး။
ဇာတ်တော်တစ်ခုမှာလဲ အပြစ်မဲ့တဲ့ ပြည်သူတွေကို သတ်ဖြတ်နှိပ်စက်တဲ့ အစိုးရ၊ အပြစ်တွေ များစွာ ကျူးလွန်ထားသူကို အပြစ်မပေးတဲ့အပြင် ချီးမြှောက်ထားတဲ့ အစိုးရဟာ တိုင်းပြည်ကို အုပ်ချုပ် ဖို့ မသင့်လျော်ကြောင်း ဟောကြားထားပါတယ်။
မဇ္ဈိမနိကာယ်မှာလဲပဲ အောက်ပါ သဘောတရားတွေကို ဟောကြားထားပါသေးတယ်။ တိုင်း ပြည်အုပ်ချုပ်သူတွေဟာ ကိုယ့်ကိုယ်ကို အမြဲတိုးတက်အောင် ကြံစည်အားထုတ်သင့်ပါတယ်။ မိမိရဲ့ ကိုယ်ပိုင် အပြုအမူ၊ အပြောအဆို၊ အတွေးအခေါ်တွေကို ဂရုတစိုက် စုံစမ်းစစ်ဆေးမှု ပြုနေရပါတယ်။ မိမိ တိုင်းပြည်ကို အုပ်ချုပ်တဲ့နေရာမှာ မှားယွင်းမှုတွေ၊ အပြစ်အနာအဆာတွေ လုပ်မိသလား၊ မလုပ်မိ ဘူးလားဆိုတာနဲ့ပတ်သက်ပြီး ပြည်သူတွေရဲ့ အကြံညာဏ်နဲ့ဆန္ဒကို နားထောင်ပေးဖို့၊ သိမြင်ဖို့ အမြဲတမ်း ကြိုးစားနေရပါတယ်။
ဗုဒ္ဓတရားတော်အလိုအရ တိုင်းပြည်ကို အုပ်ချုပ်သူတွေဟာ ကိုယ့်ကိုယ်ကို တိုးတက်အောင်၊ ကောင်းမွန်သထက် ကောင်းမွန်အောင် ကြိုးစားရပါတယ်။ ဒါပေမယ့် န.အ.ဖ ဟာ စက္ကန့်မခြား ပိုပိုပြီးတောင် ဆိုးဝါးလာတယ်။ ပိုပိုပြီး ညစ်ပတ်လာတယ်။ ကောက်ကျစ်လာတယ်။ ကိုယ့်ရဲ့ ချို့ယွင်းမှု၊ အားနည်းချက်တွေကိုတော့ ဘယ်တော့မှ ပြန်ကြည့်လေ့မရှိဘဲ သူ့ကို မကြိုက်တဲ့ ပြည်သူတွေကို သတ်ဖြတ်တယ်။
နောက်ပြီး ဆက်ပြောထားတာက……မိမိဟာ မတရားဖိနှိပ်ချုပ်ချယ်ပြီး အုပ်ချုပ်နေတာကို ပြည်သူတွေက သိမြင်သွားခဲ့ပြီဆိုရင် ပြည်သူတွေဟာ သူ့ကို အပြစ်တင် ပြောဆိုကြပါတော့မယ်။ တရားမမျှတတဲ့ ကိုင်တွယ်မှု၊ အပြစ်ပေးမှု၊ အခွန်ကောက်ခံမှု၊ အမျိုးမျိုးသော ဖိနှိပ်ချုပ်ချယ်မှုတွေနဲ့ အုပ်ချုပ်နေတဲ့ ယုတ်မာကောက်ကျစ်တဲ့ အစိုးရဟာ “တိုင်းပြည်နဲ့ပြည်သူပြည်သားတွေကို ပျက်စီး အောင် လုပ်နေပါပြီ”လို့ ပြည်သူတွေက ပြောလာကြပါလိမ့်မယ်။ ဒါတင်မကပါဘူး၊ ပြည်သူတွေဟာ တစ်နည်းမဟုတ် တစ်နည်းအားဖြင့် အစိုးရကို ဆန့်ကျင်ပြီး တန်ပြန်လှုပ်ရှားမှုတွေ ပြုလာကြပါ လိမ့်မယ်။
အဲဒီသဘောတရားတွေနဲ့ ဆန့်ကျင်ဘက်အနေအားဖြင့် ပြောရင်လဲ ရပါတယ်။ အစိုးရဟာ မှန်ကန်ပြီး တရားမျှတစွာ အုပ်ချုပ်နေမယ်ဆိုရင် “အရှင်မင်းမြတ် (သမ္မတကြီး၊ ၀န်ကြီးချုပ်ကြီး) သက် တော်ရာကျော် ရှည်ပါစေ”လို့ ကြွေးကြော် ဂုဏ်ပြုကြပါလိမ့်မယ်။ …………….။ တော်တော် မှတ်သား စရာ ကောင်းတဲ့ စကားပါ။
အခု စာရေးသူတို့ ပညာသင်ကြားနေရတဲ့ သီရိလင်္ကာနိုင်ငံမှာဆိုရင် ပြည်သူ (၁၀)ယောက်ကို သူတို့အစိုးရမကောင်းကြောင်း သွားပြောကြည့်၊ အနည်းဆုံး (၇) ယောက်က ငြင်းဆန်ကြပါလိမ့်မယ်။ သူတို့ ပြည်သူတွေဟာ သူတို့ ခေါင်းဆောင်ကို ထိရင် မကြိုက်ကြဘူး။ စာရေးသူတို့ဟာလဲ ကိုယ့်နိုင်ငံမှာ အဲဒီလိုမျိုး ဖြစ်စေချင်ပါတယ်။ ကိုယ့်ခေါင်းဆောင်ကို လေးစားချင်ပါတယ်။ ဒါပေမယ့် တစ်နိုင်ငံလုံး (ဘာမှ မသိနားမလည်တဲ့ န.အ.ဖ နောက်လိုက်တွေက လွဲရင်) က ကိုယ့်အစိုးရအကြောင်းပြောကြရင် `ထွီ..ထွီ´ဖြစ်နေကြတယ်။ ဒီလို နိုင်ငံမျိုးက ဘယ်လိုလုပ် တိုးတက်နိုင်ပါတော့မလဲ။ စာရေးသူတို့ ဖြစ်စေချင်တာက မြင်ချင်တာက အစိုးရဆိုတာ ၀န်ထမ်းပဲ၊ ပြည်သူက ခိုင်းတာကို လုပ်ရတဲ့ သူတွေပဲ။ ပြည်သူတွေကို ရှေ့ကနေ ဦးဆောင်ပြီး ကိုယ့်နိုင်ငံ၊ ကိုယ့်လူမျိုး၊ ကိုယ့်ဘာသာတိုးတက်ရာ တိုးတက်ကြောင်းတွေကို ပြုလုပ်ဖို့ တာဝန်ပေးထားခံရသူပဲ။
ခုတော့….အဲ့လို မဟုတ်။ ကိုယ့်ကို ထမင်းကြွေးတဲ့ ပြည်သူတွေကို ဆုတ်ယုတ်အောင်၊ ပျက်စီးအောင် ပိုပိုပြီး လုပ်ဆောင်နေတယ်။ ပြည်သူက ကြိုက်တာမကြိုက်တာ အပထား၊ အာဏာတည်မြဲရေးအတွက် ဘာမဆို အကုန်လုပ်မယ်ဆိုတဲ့ အစိုးရဖြစ်နေတယ်။ ဗုဒ္ဓဘာသာလို့ အမည်ခံထားကြပေမယ့် ဗုဒ္ဓဘာသာနဲ့တူတဲ့ အပြုအမူမျိုး၊ အပြောအဆိုမျိုး ဘယ်တုန်းကမှ မရှိခဲ့ဘူး။ ငြိမ်းချမ်းရေးကို အကြောင်းပြပြီး ကိုယ့်ပြည်သူကို သတ်တာ၊ ဖြတ်တာ၊ နှိပ်စက်တာဟာ ဗုဒ္ဓမြတ်စွာရဲ့နိုင်ငံရေးအမြင်နဲ့ ဆန့်ကျင်နေသလို တိုးတက်တဲ့ ဒီနေ့လိုခေတ်မှာတောင် ယဉ်ကျေးတဲ့နိုင်ငံတွေမှာ မရှိတော့ပါဘူး။
န.အ.ဖ အနေနဲ့က ဘုရားသွား၊ ကျောင်းတက်တာ၊ ဘုရားတည်တာတွေကို လုပ်တာနဲ့ ဗုဒ္ဓဘာသာတစ်ယောက်ရဲ့ တာဝန်တွေကို ကျေပြွန်ပြီလို့ မှတ်ယူနေကြတယ်။ တစ်ချို့ နောက်လိုက်တွေကလဲ သူတို့ ပဉ္ဇင်းတက်တာ၊ ကျောင်းသွားပြီး အလှူလုပ်တာလေးတွေကို မရိုးနိုင်အောင်ပြောပြီး `ကျွန်တော်တို့ဟာ ဗုဒ္ဓဘာသာတွေပါ´လို့ အော်အော်နေကြတယ်။ တကယ်တော့ ဒီလို ပြောနေကြ၊ ရေးနေကြ၊ အော်နေကြတာတွေဟာ ဘာသာတရားရှုထောင့်အရ အတော်သနားစဖွယ်ဖြစ်နေသလို၊ လူတစ်ယောက်ရဲ့ ရှုထောင့်အရ တော်တော်ကို ရွံစရာကောင်းလှပါတယ်။ ဘာကြောင့်လဲဆိုတော့ န.အ.ဖ ဟာ ကျွန်တော်တို့ ဗုဒ္ဓဘာသာတွေပါလို့ ဘယ်လိုပင်အော်အော် လုပ်နေတာတွေက ဗုဒ္ဓဘာသာနဲ့မတူ ယုတ်မာရိုင်းစိုင်းလွန်းနေတယ်။ `န.အ.ဖ တွေက ကျွန်တော်တို့ဟာ ဗုဒ္ဓဘာသာအစစ်တွေပါ´လို့ အော်သံကြားရတိုင်း စာရေးသူဟာ အတော်ကို ရှက်မိပါတယ်။
မြတ်ဗုဒ္ဓဟာ တခါတရံမှာ လူမှုပြုပြင်ရေးဝါဒီအဖြစ် သူ့ကိုယ်သူ မိန့်ကြားလေ့ရှိပါတယ်။ အခြေ အနေအရပ်ရပ်ထဲက ဇာတ်စနစ်ကိုတော့ အတိအလင်း ဆန့်ကျင်ကြောင်း ဟောကြားပါတယ်။ မြတ်ဗုဒ္ဓ ဟာ လူသားအရင်းအမြစ်၊ လူသားစွမ်းအင်ကို အသိအမှတ်ပြုလေးစားတယ်။ တိုင်းပြည်တိုင်းဟာ လူမှုစီးပွားရေးအခြေအနေ တိုးတက်ဖို့ လိုအပ်ကြောင်းကိုလဲ မိန့်ကြားတော်မူပါတယ်။ ချမ်းသာတဲ့ လူတန်းစား၊ ဆင်းရဲတဲ့ လူတန်းစားဆိုတဲ့ လူတန်းစားနှစ်ရပ်အနက် သင့်တော်မျှတတဲ့ စည်းစိမ်ခွဲဝေမှု ရဲ့ အရေးပါမှုကိုလဲ သတိပေးထောက်ပြတော်မူပါတယ်။
နိုင်ငံရေး၊ စီးပွားရေးအကြောင်းတွေကို မြတ်ဗုဒ္ဓက ဟောကြားထားလေတော့ ဒါတွေဟာ ဗုဒ္ဓဘာသာရဲ့ အန္တိမရည်မှန်းချက်တွေလားလို့ မေးစရာ ရှိလာပါတယ်။ ဓမ္မပဒမှာ “လောကီအကျိုး စီးပွားတွေ ရစေနိုင်တဲ့လမ်းက တစ်လမ်း၊ နိဗ္ဗာန်ရစေနိုင်တဲ့လမ်းက တစ်လမ်းဖြစ်တယ်”လို့ မြတ်ဗုဒ္ဓက မိန့်တော်မူပါတယ်။ လမ်းက နှစ်လမ်း ဖြစ်ပါတယ်။ အဲဒီလို ကွဲပြားနေရဲ့နဲ့ မြတ်ဗုဒ္ဓဟာ လူမှုရေး၊ စီးပွာရေး၊ နိုင်ငံရေးတွေကို ဘာကြောင့် ဟောကြားနေရလဲ။
ဒီအတွက်ကတော့ ရှင်းပါတယ်။ လောကမှ ထွက်မြောက်ရာ၊ ထွက်မြောက်ကြောင်း၊ နိဗ္ဗာန်ရ စေနိုင်တဲ့ မဂ္ဂင်အကျင့်ဟာ လူ့ပြည်လူ့ လောကမှာ ကျင့်ရမယ့်အကျင့် ဖြစ်လို့ပါပဲ။ လူ့ပြည် လူ့ လောကကြီးပေါ်မှာ မဂ္ဂင်လမ်းစဉ်ကို (သို့မဟုတ်) လူသားကျင့်ဝတ်တွေကို (သို့မဟုတ်) လူ့အခြေခံ လွတ်လပ်မှုတွေကို ထိန်းသိမ်းထားဖို့ လိုပါတယ်။ အခြေခံလွတ်လပ်မှု၊ တရားမျှတမှုနဲ့ လူ့အခွင့်အရေး များ၊ ဖြစ်သင့်ဖြစ်ထိုက်တဲ့ စားဝတ်နေရေး ပြည့်စုံမှုများ မရှိတဲ့နေရာမှာ နိဗ္ဗာန်ဆိုတဲ့ ဘ၀လွတ်မြောက် မှုကို ရရှိဖို့အရေးဟာ အခက်အခဲများ ရှိနေအုံးမှာ ဖြစ်တယ်။
ဒေါက်တာဓမ္မာနန္ဒ(K.sri Dhammananda)ကလဲ “ဗုဒ္ဓဘာသာဟာ လူမှုရေးအမှန် တရား ဖြစ်တဲ့ နိုင်ငံရေးဖြစ်စဉ်တွေနဲ့ လုံးဝဆက်နွယ်မှု မရှိဘူး၊ ပါဝင်ပတ်သက်မှုမရှိဘူး”လို့ အထက်ပါ ဓမ္မပဒ စကားက မဆိုလိုကြောင်း မိန့်ပါတယ်။
ဘာကြောင့်လဲဆိုတော့ လူ့အဖွဲ့အစည်းဆိုတာ ဥပဒေတွေ၊ စည်းမျဉ်းစည်းကမ်းတွေ၊ စီးပွားရေးစီမံကိန်းတွေနဲ့ ပုံဖော်ထားရတာ ဖြစ်လို့ပါပဲ။ အဲဒီမှာ အရေးအကြီး ဆုံးက နိုင်ငံရေးစီမံကိန်းပါပဲ။ နိုင်ငံရေးစီမံကိန်းမကောင်းရင် ဘ၀လွတ်မြောက်ကြောင်း နိဗ္ဗာန်အတွက် မဆိုထားနဲ့ လောကီချမ်းသာကိုတောင် ရရှိဖို့ မလွယ်ပါဘူး။
ဒီလောက်နဲ့တင် သာသနာနဲ့နိုင်ငံရေးကို ရပ်တန့်ပါတော့မယ်။ တစ်ချို့က ပြောလာကြတယ်။ မြှောက်ပြောတာလားတော့ မသိဘူးပေါ့။ “ဦးဇင်း ရေးထားတာတွေ အရမ်းကောင်းတယ်ဘုရား။ ဒါတွေ ဖတ်ရတော့ ဗုဒ္ဓမြတ်စွာအပေါ် ပိုပြီး ကြည်ညိုမိတယ်ဘုရား၊ တပည့်တော်တို့ မြတ်စွာဘုရားက လောကီကောင်းစားရေးတွေကို ဒီလောက် အလေးအနက် ပြောဟောလိမ့်မယ်လို့ တပည့်တော် မထင်ထားဘူးဘုရား”စသဖြင့် ပြောလာကြတယ်။
အဲ….တစ်ချို့ကလဲ အမှန်တွေ ပြောလို့ဆိုပြီး ဆဲကြတယ်ပေါ့ဗျာ။
ပြောမယ့်သာ ပြောရတာ စာရေးသူ ရေးသားတင်ပြခဲ့သမျှ ဗုဒ္ဓဘာသာက ပြောတဲ့ နိုင်ငံရေး၊ လောကီရေးကိစ္စတွေဟာ တကယ့်ကို အမြွက်မျှ၊ နိဒါန်းမျှကလေးပဲ ရှိပါသေးတယ်။ စာရေးသူဟာလဲ ကျောင်းတစ်ဖက်နဲ့ဆိုတော့ သေသေချာချာ သုတေသနပြု မလေ့လာနိုင်လို့ ဒီလောက်လေးပဲ တင်ပြလိုက်ရတာပါ။ နောက်ပြီး ပိဋကတ်စာပေတွေ ဖတ်ရင်းနဲ့ ကောင်းနိုးရာရာလေးတွေ တွေ့ရင်လဲ ဒီအခန်းဆက် ဆောင်းပါးလေးတွေကို ဆက်ပါအုံးမယ်။ ဒါကြောင့် “ယာယီနိဂုံး”လို့ ခေါင်းစီးမှာ တင်လိုက်တာပါ။
ဒီစာကို ဖတ်ပြီး “ဗုဒ္ဓဘာသာဟာ လောကီအရေး၊ တိုင်းရေးပြည်ရေးကိစ္စတွေနဲ့ ဘာမှ မဆက် စပ်ပါဘူး၊ ဗုဒ္ဓဘာသာရဟန်းတော်တွေဟာ နိုင်ငံရေးကိစ္စတွေမှာ ရေငုံနှုတ်ပိတ် မဆိုင်သလို နေသင့် တယ်” လို့ ထင်မြင်ယူဆသူတွေ အထိုက်အလျောက် နားလည်သွားတယ်ဆိုရင် စာရေးသူ ဒီစာကို ရေးရကျိုး နပ်ပါတယ်။ ဒီဆောင်းပါး အစက စကားအနည်းငယ်နဲ့ နိဂုံးသတ်ပါမယ်။
“ဒီပြည်သူတွေ ဒုက္ခရောက်နေတာကို စာရေးသူတို့ဟာ လက်ပိုက်ပြီး ကြည့်နေတယ်ဆိုရင် လောကကြီးမှာ စာရေးသူတို့ ဗုဒ္ဓဘာသာရဟန်းတော်တွေလောက် အသိတရားမရှိတာ ဘာရှိတော့ မှာလဲ။ စာရေးသူတို့ လက်ပိုက်ကြည့်မနေခဲ့ပါဘူး။ လက်ပိုက်ကြည့်မနေပါဘူး။ နောင်ကိုလဲ လက်ပိုက် ကြည့်နေမှာ မဟုတ်ပါဘူး”
ပြည်ချစ်ဘုန်းဘုန်း
Ref: Buddhism and Politics
By Dr. K Sri Dhammananda
(MSMA)


အပြည့်အစုံဖတ်ချင်ရင်...

သာသနာ့ဥသျှောင်ဥက္ကဋ္ဌဆရာတော်နှင့်မိုင်၃၀၀၀ရဲဘော်များ






ကိုဇော်မင်းထွေး ၊ ကို အေသင်နှင့် ကိုဥက္ကာ ရဲဘော်သုံးဦးဟာ အခုဆိုလျင် နယူးယောက်ခ် မြို့ သို့ ရောက်ရှိနေကြပြီဖြစ်ပါသည်။ အနှစ် နှစ်ဆယ်မြောက် ၈၈၈၈ (၈) လေးလုံး အခမ်းအနား နှင့် အတူ ခရီးရှည်ချီတက် ခြင်းမှရရှိသောကမ္ဘာတ၀ှမ်းမှ ပြည် သူ့ လက်မှတ်များကို ကုလသမဂ္ဂဟာမင်းကြီးရုံးသို့  ၈ ရက် နေ့ တွင် ဗမာပြည်ရေးအတွက် UNမှ အရေးတယူဆောင်ရွက်နိုင်ရေးအတွက် တင်ပြ တောင်းဆိုသွားမည်ဖြစ်ပါကြောင်း ။

အာဇာနည်မှတင်ပြသည်။

အပြည့်အစုံဖတ်ချင်ရင်...

မြန်မာဘလောက်ဂါများ ၀မ်းမြောက်ဖွယ်၊ စာလုံးပြောင်းပရိုဂရမ်ထွက်ပေါ်လာပြီ

ဝက်မာစတာ သာဂိ
ဇူလိုင် ၂၅၊ ၂၀၀၈

အခုက ဘလောက်ခေတ် ဖြစ်တော့သကိုးလို့ ကြွေးကြော်ရမလို ဖြစ်နေတဲ့အချိန်မှာ သူသူငါငါ ကိုကို မမ မြန်မာတို့ ဟိုမှာလည်း ဘလောက်၊ ဒီမှာလည်း ဘလောက် ဖြစ်နေကြချိန်၊ ယခင်က ၀င်းအင်းဝတို့၊ ၀င်းဘားမိစ်တို့နဲ့ ရိုက်ခဲ့တဲ့ စာတွေကို ယခုအင်တာနက်ပေါ်မှာ ခေတ်စားတဲ့ ဘီအိုင်တီ၊ ပုရပိုက်၊ အမ်မြန်မာ နဲ့ ဇော်ဂျီ (ခေတ်အစားဆုံး ဖောင့်) အဖြစ် လောကဓာတ်နည်းသုံးပြီး ပြောင်းနိုင်ဖို့ ပရိဂရမ်တခု ထွက်လာပါပြီ။ မြန်မာအိုင်အက်စ်ပီက ဝေမျှထားတာကို တွေ့ရပါတယ်။ ထုတ်လုပ်သူတွေကတော့ ကနောင်မင်းသားကြီး အမည်နဲ့ နည်းပညာအဖွဲ့ကလို့ ဆိုပါတယ်။
ကွန်ပျူတာခေတ်ဦးက ရွှေနဲ့မြ၊ ၀င်းအင်းဝ၊ စီအီး ပြီးတော့ အင်တာနက်ခေတ်ဦးမှာ ၀င်းဘားမိစ် စသည်တို့နဲ့ မြန်မာစာကို ရိုက်နှိပ် ဖြန့်ဝေခဲ့ရာမှာ ယခု အင်တာနက်ခေတ်သစ်မှာ ကွန်ပျူတာနားလည်တဲ့ ယူနီကုတ်နဲ့ မြန်မာဖောင့်တွေ ပေါ်လာပါတယ်။ မြန်မာလူငယ် အများအပြားဟာ ယူနီကုတ်ဖောင့်နဲ့ ဘလောက်တွေကို တင်ဆက်လာကြလို့ အင်တာနက်ပေါ်မှာ မြန်မာစာခေတ်ကြီးအဖြစ် ခေတ်စားလာတယ်လို့ ပြောနိုင်ပါတယ်။ မဟုတ်လို့ရှိရင် အင်တာနက်ပေါ်က မြန်မာတွေက မြန်မာလိုလည်း ရိုက်မရ၊ အင်္ဂလိပ်လိုလည်း အထာမကျသမို့ ချက်တွေ၊ အီးမေးတွေနဲ့ စီဘောက်စ်တွေမှာ "Mingalar Bar" တို့၊ " Nay kaung Tha Lar" တို့နဲ့ နေ၀င် မိုးချုပ် တကုတ်ကုတ် ဖြစ်ရတော့မယ့် ဘေးက ကင်းဝေးလို့ သွားပါပြီ။



အခုလည်း ဘလောက်ဂါများ၊ အင်တာနက် တခေတ်ဆန်းချိန် မြန်မာစာရိုက်သူများ ၀မ်းမြောက်ဖွယ် မြန်မာဖောင့်အဟောင်းများကို မြန်မာဖောင့်အသစ်သို့ ပြန်ရိုက်စရာ မလိုဘဲ စက်က ပြောင်းပေးမယ့် လောကဓာတ်ပညာ ပေါ်ထွက်လာပါပြီ။ ကူးယူ ဖြန့်ဝေကြပါကုန်။

ကျေးဇူးစကားကိုတော့ အဲဒီလောကဓာတ်ပညာကို ဖြန့်ချီသူ ပရိုဂရမ်မာများကို ကျေးဇူးတင်ပါတယ်လို့ ပြောလိုက်ပါရစေ။ ငွေကြေးရမှ ပေးမယ်၊ ဖြန့်မယ်လို့ မပြောဘဲ နည်းပညာကို လှူဒါန်းတာကို ၀မ်းမြောက်ဝမ်းသာ သာဓုခေါ်ပါတယ်။ မြန်မာစာ ယူနီကုတ်ဖောင့်တွေကို ထုတ်လုပ်မျှဝေသူများကိုလည်း အလေးပြုလိုက်ပါတယ်။

သူတို့အားလုံးက ပရိသတ်ကြီးကို ကွန်ပျူတာစက်နားလည်တဲ့ မြန်မာစာစနစ် အလကားအလှူ ပေးလိုက်တဲ့ အချိန်က စပြီး အင်တာနက်ပေါ်မှာ မြန်မာစာ၊ မြန်မာစာပေ တဟုန်ထိုး စည်ကား ထွန်းလင်းသွားတော့တာကို ၀န်ခံရမှာ ဖြစ်ပါတယ်။ ယခင်ကလို နည်းပညာ အတားအဆီးတွေ၊ ငွေကြေး အတားအဆီးတွေကို ဖြတ်ကျော်ပြီးမှ - တို့အရေး တို့အရေး အော်နေရသူတွေကော၊ ချစ်လိုက်ရတာ မသည်းအူရယ်လို့ အီစီကလီ လုပ်ကြသူတွေကော၊ အခြား လောကီ၊ လောကုတ္တရာကိစ္စတွေ ပြောဆိုနေရသူတွေ အားလုံး ယူနီကုတ် မြန်မာစာ ဖောင့်ကြီးတွေ သုံးပြီး စည်ပင်ဝပြောလာတာကို ကြည်နူးစရာ တွေ့လိုက်ရပါတယ် ခင်ဗျား။

ငွေကြေး ဓနတော့ လိုကြတာပေါ့ခင်ဗျာ။ သူတို့တွေ ဒါတွေ ဖြစ်လာဖို့ ဘယ်လောက်တောင် အိတ်စိုက်ပြီး ထုတ်လုပ်ခဲ့ရသလဲ၊ ရင်းနှီးခဲ့ကြရသလဲဆိုတာ သူတို့မှပဲ သိမှာပါ။ ငွေကြေးတွေ ပြန်မပေးနိုင်ချင်နေပါ၊ အင်တာနက်ပေါ်မှာ မြန်မာစာလုံးစနစ် ခေတ်ဆန်းအောင် လုပ်ပေးသူ မြန်မာလူငယ်တွေအားလုံးကို ကျေးဇူးတင်လိုက်တာလို့သာ အသိအမှတ်ပြုပေးလိုက်ကြပါနော်။

မိုးမခ မီဒီယာကတော့ သူတို့အားလုံးကို လေးစားပါကြောင်း၊ ကျေးဇူး အထူးတင်ပါကြောင်း မှတ်တမ်းပြုလိုက်ပါတယ်။

(ဖောင့် ပြောင်းစက်ကို ဒီမှာ သွားယူပါ။ မိုးမခက စာရိုက်ရတဲ့ လူတွေကတော့ ထ က နေမှာ မြင်ယောင်သေးတော့)

ဒီနေရာတွေကို မှတ်ထားပါဦး။ ကျေးဇူးတင်ကြောင်း ပြောရအောင် - http://myanmarisp.com/Font , http://www.zawgyi.net , http://code.google.com/p/kanaung/

မိုးမခမှတစ်ဆင့်ဖြန့်ဝေပါသည်။

အပြည့်အစုံဖတ်ချင်ရင်...

ဆိုင်ကလုံးအကူအညီများ ပျောက်ဆုံးနေကြောင်း ကုလသမဂ္ဂပြောကြား

AP သတင်းဌာန
ဇူလိုင် ၂၆၊ ၂၀၀၈

စစ်အစိုးရ၏ငွေလဲလှယ်မှု စည်းမျဉ်းများကြောင့် မုန်တိုင်းဒဏ် ကူညီရေး အလှူငွေ ၂၅ ရာခိုင်နှုန်းမက ဆုံးရှုံးနေရသည်ဟု ကုလသမဂ္ဂ အရာရှိတဦးက ယနေ့ပြောကြားလိုက်သည်။

ယင်းသို့ပြောလိုက်သူမှာ မြန်မာနိုင်ငံဆိုင်ရာ ကုလသမဂ္ဂ လူသားချင်းစာနာရေးလုပ်ငန်းများ ညှိနှိုင်းရေးမှူး ဒန်ဘိတ်ကာ ဖြစ်သည်။

မုန်တိုင်းဒဏ်ကူညီရေးအတွက် လှူဒါန်းသူများမှာ စိတ်အားထက်သန်မှု လျော့နည်းလာကြောင်း၊ အလှူငွေများ ဆုံးရှုံး ပျောက်ဆုံးသည့်အတွက် ၎င်းအလှူရှင်များ စိတ်ပျက်သွားနိုင်ကြောင်းကို ဒန်ဘိတ်ကာက စိုးရိမ်သည်ဟု ဆိုသည်။

“ဒါ တကယ်ကြီးမားတဲ့ ပြဿနာပဲ၊ အင်မတန် စိုးရိမ်ဖို့ကောင်းတယ်ဗျာ” ဟု ဆိုသည်။ “ဒီလောက်ရာခိုင်နှုန်း ဆုံးရှုံးမယ်ဆိုရင် အလှူရှင်တွေက ကျုပ်တို့ကို ပိုက်ဆံပေးတော့မှာ မဟုတ်ဘူး။ ဒီပြဿနာကို ကျုပ်တို့ ဒီအတိုင်း လွတ်ထားလို့မရဘူး” ဟု ပြောပြသည်။

မုန်တိုင်းအကူငွေများကို မြန်မာပြည်တွင် နိုင်ငံခြားငွေလက်မှတ် (FEC)အဖြစ် ဦးစွာ လဲလှယ်ရပြီး မြန်မာကျပ်ငွေသို့ ထပ်မံ လဲလှယ်ရသည်။ ဈေးကွက်တွင် ထို FEC လက်မှတ်များမှာ ဒေါ်လာပေါက်ဈေးထက် ၂၅ ရာခိုင်နှုန်း လျော့နည်းသည်။

၁၉၉၃ ခုနှစ်တွင် FEC လက်မှတ်စနစ်ကို စစ်အစိုးရက ဖန်တီးခဲ့သည်။ ငွေကြေး မှောင်ခိုဈေးကွက်အား တိုက်ဖျက်ရန် ဖြစ်သည်။ သို့သော်လည်း မှောင်ခိုဈေးကွက်မှာ ရှင်သန်ဆဲဖြစ်သည်။ အဘယ်ကြောင့်ဆိုသော် တရားဝင်ငွေလဲနှုန်းမှာ ၁ ဒေါ်လာ ၆ ကျပ်ခန့်သာရှိသောကြောင့်ဖြစ်သည်။

ကုလသမဂ္ဂက မြန်မာအာဏာပိုင်တို့နှင့် ဆွေးနွေးခဲ့ဖြစ်ကြောင်း၊ FEC လက်မှတ်စနစ်ဖျက်သိမ်းပေးရေးအတွက် တိုက်တွန်းခဲ့ကြောင်း ဘိတ်ကာက ပြောပြသည်။ ကုလသမဂ္ဂက အလှူရှင်တိုင်းပြည်များကို မုန်တိုင်းဒဏ်သင့်မြန်မာပြည်ကူညီရေးအတွက် ဒေါ်လာ သန်း ၂၉၀ လှူဒါန်းရန် ဖိအားပေးလျက်ရှိသည်။


အပြည့်အစုံဖတ်ချင်ရင်...

Friday, July 25, 2008

ရွှေဝါရောင်ကို ကူညီခဲ့သူ မြန်မာမွတ်စလင် ကျောင်းသားများ ရဲဘက်စခန်းပို့

နယူးဒေလီ။ ။ ရွှေဝါရောင် လှုပ်ရှားမှုအတွင်း သံဃာတော်များကို ရေနှင့် အခြားပစ္စည်းများ လှူဒါန်းသည့် အတွက် မြန်မာ-မွတ်စလင် ကျောင်းသား ၁ဝ ဦးကို အာဏာပိုင်များက ထောင်ဒဏ် ၂ နှစ်စီ ချမှတ်ကာ ရဲဘက်စခန်းများသို့ ယခုတပတ်အတွင်း ပို့ဆောင်လိုက်ကြောင်း အေအေပီပီ က ယနေ့ ပြောဆိုလိုက်သည်။

၂ဝဝ၇ ခုနှစ် ရွှေဝါရောင် တော်လှန်ရေးတွင် ယခုလို ပါဝင်ခဲ့သဖြင့် အောက်တိုဘာလ ၂ဝ ရက်နေ့က မြန်မာ-မွတ်စလင် ကျောင်းသား ၁ဝ ဦးကို ဖမ်းဆီးပြီးနောက် ကျောက်တံတားမြို့နယ် တရားရုံးက ယခုတပတ်အတွင်း ရုံးထုတ်စစ်ဆေးကာ ထောင်ဒဏ်၂ နှစ် အမိန့်ချမှတ်ပြီး ပြည်ထဲရေး ဝန်ကြီးဌာန၏ အမိန့်ဖြင့် ရဲဘက်စခန်းများသို့ ပို့လိုက်ကြောင်း ထိုင်းနိုင်ငံအခြေစိုက် နိုင်ငံရေး အကျဉ်းသားများ ကူညီစောင့်ရှောက်ရေး အသင်း (မြန်မာနိုင်ငံ) အေအေပီပီက ယနေ့တွင် ကျေညာချက် ထုတ်ပြန်ကာ ပြောဆိုလိုက်ခြင်း ဖြစ်သည်။

“ဒီအပတ်ထဲမှာ သူတို့ကို ရုံးထုတ်တယ်။ ရုံးထုတ်ပြီးတော့ ထောင် ၂ နှစ်စီ ချလိုက်တယ်။ ထောင်ရောက်တာနဲ့ ဒေါက်ခြေချင်းခတ်ပြီး ရဲဘက်စခန်းကို ပို့လိုက်တယ်။ အဓိက ဘာသာရေး ဖိနှိပ်မှုတခုဖြစ်ပြီး စစ်အစိုးရအနေနဲ့ တမင်သက်သက် လုပ်တယ်လို့ ကျနော်တို့ မြင်တယ်” ဟု အေအေပီပီ အတွင်းရေးမှူး ကိုတိတ်နိုင်က ပြောသည်။

သူတို့ကို ကျိုက်မရော ဘဝသစ်စခန်း အမှတ် ၆၊ ပန်း ဘဝသစ်စခန်း အမှတ် ၇၊ တောင်စွန်၊ ဇင်းကျိုက် ကျောက်ထုစခန်းနှင့် ယင်းယိမ် (Yinnyein) ကျောက်ထုစခန်းများသို့ ပို့ဆောင်ခဲ့သည်ဟု အေအေပီပီ ကျေညာချက်က ဆိုသည်။

၁၉၉ဝ ခုနှစ်တွင် ပြုလုပ်ခဲ့သည့် ဘာသာရေးအရ အာဏာပိုင်များနှင့် အဆက်အဆံ မပြုလုပ်ရေး ပတ္တနိက္ကုဇ္ဇန ကံဆောင်ခဲ့သည့် သံဃာတော် အချို့အား သာသနာတော် ညှိနွမ်းရန် ပြုမူသည်စွပ်စွဲကာ ရိုးရိုးပုဒ်မများတပ်ပြီး အဆိုပါ စခန်းများသို့ ပို့ဆောင်ရာတွင် အလုပ်ကြမ်းခိုင်းစေမှုနှင့် အာဟာရ ချို့တဲ့မှုကြောင့် သံဃာ ၁၉ ပါး ပျံလွန်တော်မူခဲ့သည်ဟု အေအေပီပီ က ဆိုသည်။

ကျေညာချက်ထဲတွင် အဆိုပါ ရဲဘက်စခန်းများသို့ ယခင်က နိုင်ငံရေး အကျဉ်းသားများကို ပို့ဆောင်ခြင်း မရှိခဲ့ဖူးကြောင်းလည်း ရေးသားထားသည်။

ကိုတိတ်နိုင်က “ရဲဘက်ဆိုတာက သာမန်လူတယောက် အနေနဲ့တောင်မှ တော်တော်ကို ဖြတ်သန်းရတဲ့ ကိစ္စ။ သံဃာတော်တွေ၊ လူငယ်ကျောင်းသားတွေကို အသက်ရှင်ဖို့တောင်မှ မလွယ်နိုင်တဲ့ အခြေအနေမျိုး ဖြစ်တယ်” ဟု ပြောသည်။

ရဲဘက်စခန်းများသို့ ပို့ဆောင်ခံရသည့် မြန်မာနိုင်ငံသား မွတ်စလင် ကျောင်းသား ၇ ဦးမှာ ထွန်းမြင့်အောင်၊ အီစွပ် ခေါ် သောင်းထွဋ်၊ ညီညီဇော် (တတိယနှစ် စိတ်ပညာကျောင်းသား၊ အရှေ့ပိုင်း တက္ကသိုလ်)၊ ကျော်လှိုင် ခေါ် ဂျပန်ကြီး၊ မျိုးသန့်၊ မျိုးဝင်း၊ နိုင်လင်းဦးတို့ဖြစ်ပြီး၊ မြန်မာကျောင်းသားလူငယ် ထွန်းထွန်းနိုင်၊ နိုင်လင်းနှင့် ဟန်သော်မင်းအောင် (ဒလ) တို့ ဖြစ်သည်။

“သူတို့ကို ခြိမ်းခြောက်နိုင်တဲ့ အနေအထားဆိုရင် သူတို့က ဘာသာရေးတွေကို စိုးရိမ်ပုံရတယ်။ သံဃာတော်တွေ ခေါင်းမထောင်နိုင်အောင်၊ ဗုဒ္ဓဘာသာတွေကို ခေါင်းမထောင်နိုင်အောင် လုပ်သလို၊ မွတ်စလင် ဘာသာဝင်တွေ၊ ခရစ်ယာန် ဘာသာဝင်တွေ၊ ဟိန္ဒိူ ဘာသာဝင်တွေကို ဘာသာရေးနဲ့ ပတ်သက်လာရင် ပိတ်ဆို့မှုတွေ ရှိလာတယ်။ ဘာသာရေးနဲ့ ပြင်းပြင်းထန်ထန် နှိပ်ကွပ်တော့မယ် ဆိုရင်တော့ ကျနော်တို့အနေနဲ့ ကမ္ဘာ့ငြိမ်းချမ်းရေးကို ထိခိုက်စေနိုင်သလို ကမ္ဘာ့နိုင်ငံ အသီးသီးမှာ ရှိတဲ့ အဖွဲ့အစည်း အသီးသီးကို ခြိမ်းခြောက်နေတဲ့ သဘောမျိုး ရှိနေတယ်” ဟု အေအေပီပီ အတွင်းရေးမှူးက ပြောဆိုလိုက်သည်။

ယနေ့ထုတ်ပြန်သည့် ကျေညာချက်ကို ဘာသာရေးဆိုင်ရာ အဖွဲ့အစည်းများ၊ လူ့အခွင့်အရေး အဖွဲ့များနှင့် နိုင်ငံတကာ အစိုးရများ သိရှိရန်အတွက် ပေးပို့လိုက်ကြောင်းလည်း သိရသည်။

Mazzimaမှတင်ပြသည်

အပြည့်အစုံဖတ်ချင်ရင်...

ရွှေဝါရောင်ဦးဆောင်သံဃာဦးဃောသိတကိုအမေရိကန်သမတတွေ့ဆုံ


၂၀၀၇-ခုနှစ်သံဃာတော်များဦးဆောင်ခဲ့သောရွှေဝါရောင်တော်လှန်ရေးကိုနအဖစစ်မိစ္ဆာများက
အကြမ်းဖက်ဖြိုခွင်းစဉ်စက်တင်ဘာ(၂၆)ရက်နေ့က
ဦးဃောသိတ၏ဦးခေါင်းကိုနံပါတ်တုတ်ဖြင့်ရိုက်နှက်ခံရသည်ကိုတွေ့မြင်ရပုံ။

အမေရိကန်သမတဂျော့ဘုရ်ှဟာမြန်မာနဲ့ဆူဒန်နိုင်ငံအပါအ၀င်(၈)နိုင်ငံကဒီမိုကရေစီရေးနဲ့
လူအခွင့်အရေးလှုပ်ရှားသူတွေနဲ့တွေ့ဆုံခဲ့ပါတယ်။ဇူလိုင်လ၂၄ရက်နေ့ကအမေရိကန်နိုင်င
ံဝါရှင်တန်ဒီဒီရှိUSAIDခေါ်အမေရိကန်နိုင်ငံတကာအကူအညီပေးရေးအဖွဲ့ခန်းမမှာကျင်းပတဲ့
အခမ်းအနားကိုမြန်မာနိုင်ငံက၂၀၀၇ခုနှစ်ရွှေဝါရောင်ဦးဆောင်သံဃာတစ်ပါးဖြစ်တဲ့ဦးဃောသိတ
ကိုလည်းဖိတ်ကြားခဲ့ပါတယ်။အခမ်းအနားအပြီးမှာ
အမေရိကန်သမတဂျော့ဘုရ်ှဟာနိုင်ငံပေါင်း(၈)နိုင်ငံကလူ့အခွင့်အရေးလှုပ်ရှားသူတွေနဲ့တစ်ဦးချင်း
တွေ့ဆုံနှုတ်ခွန်းဆက်စကားပြောကြားခဲ့ပါတယ်။အဲဒီအကြောင်းကိုဦးဃောသိတကRFA ကိုအခုလိုမိန့်ကြားခဲ့ပါတယ်၊"ဒီမိုကရေစီနှင့်လူ့အခွင့်အရေးလှုပ်ရှားတဲ့ပုဂ္ဂိုလ်တွေကိုသမတဘုရ်ှက
အထူးလက်ခံတွေ့ဆုံးပြီးတော့စကားပြောတယ်၊အဲဒီနောက်မှာမိန့်ခွန်းတွေပြောတယ်၊သူ့ကိုလည်း
ဦးဇင်းတို့လိုချင်တာတွေလည်းတောင်းဆိုလို့ရတယ်၊ဒါမျိုးတွေကိုအခမ်းအနားထဲမှာစီစဉ်ပေးပါတယ်။
"ဦးဃောသိတဟာစက်တင်ဘာရွှေဝါရောင်တော်လှန်ရေးအပြီးနအဖစစ်အုပ်စုရဲ့ဖမ်းဆီးခြင်းခံရမှာ
ကိုစိုးရိမ်တဲ့အတွက်ထိုင်းမြန်မာနယ်စပ်ကိုတိမ်းရှောင်ခဲ့ပြီး၂၀၀၈ခုနှစ်မတ်လအတွင်းမှာအမေရိကန်
ပြည်ထောင်စုကိုရောက်ရှိခဲ့တာဖြစ်ပါတယ်။


အပြည့်အစုံဖတ်ချင်ရင်...

မြန်မာကိစ္စ လုံခြုံရေးကောင်စီမှာ သဘောထားကွဲ

Agencies/ ၂၅ ဇူလိုင် ၂၀၀၈
line


မြန်မာနိုင်ငံ၏ လူ့အခွင့်အရေးမှတ်တမ်း တိုးတက်ကောင်းမွန်လာစေရေး၊ ဒီမိုကရေစီ ပြုပြင် ပြောင်းလဲရေးတို့နှင့် ပတ်သက်၍ ကုလသမဂ္ဂလုံခြုံရေးကောင်စီအတွင်း၌ သဘောထားကွဲလွဲမှုများ ဖြစ်ပေါ်နေသည့်ပြင် မစ္စတာဂမ်ဘာရီ၏ ခရီးစဉ်မှ ခိုင်မာသည့်ရလဒ် ထွက်ပေါ်ရန် အမေရိကန်က ဖိအားပေးနေသည်။

ကုလအတွင်းရေးမှူးချုပ်၏ အထူးကိုယ်စားလှယ် မစ္စတာ အီဘရာဟင် ဂမ်ဘာရီ မြန်မာနိုင်ငံသို့ မကြာမီသွားရောက်ရန် ပြင်ဆင်နေစဉ် အဖွဲ့ဝင် (၁၅) နိုင်ငံ ပါဝင်သော လုံခြုံရေးကောင်စီက နိုင်ငံရေးပြောင်းလဲမှုများ ပြုလုပ်ရန် မြန်မာစစ်အစိုးရအပေါ် ဖိအားပေးရန် ပြန်လည်အာရုံစိုက်လာ ခြင်းဖြစ်သည်။

မစ္စတာဂမ်ဘာရီ၏ လာမည့်လ မြန်မာခရီးစဉ်မှ “ခိုင်မာသည့် ရလဒ်” တခု လိုလားကြောင်း၊ သို့မ ဟုတ်ပါက စစ်အစိုးရအနေဖြင့် “ပိုမိုပြင်းထန်သော ဖိအားပေးမှု” ကို ရင်ဆိုင်ရဖွယ်ရှိသည်ဟု အမေရိကန်အစိုးရက ပြောသည်။

ကုလသမဂ္ဂဆိုင်ရာ အမေရိကန်သံအမတ် ဇာမေး ခါလီဇဒ်က “စစ်အစိုးရကို ကျနော်အသိပေးလို တာကတော့ မစ္စတာဂမ်ဘာရီရဲ့ခရီးစဉ်ကို အခွင့်ကောင်းတခုအဖြစ် အရယူပါ။ စာမျက်နှာအသစ် တခုကို ဖွင့်လိုက်ပါ။ ဒါမှမဟုတ်ရင်တော့ ပိုပြီးဖိအားပေးခံရ မယ်ဆိုတာပါပဲ” ဟု သတင်းထောက် များကို ပြောသည်။

မစ္စတာဂမ်ဘာရီ၏ ခရီးစဉ်အောင်မြင်မှုအတွက် နိုင်ငံရေးလုပ်ငန်းစဉ်များအပေါ် မြန်မာစစ်အစိုးရ၏ ပူးပေါင်းဆောင်ရွက်မှု၊ ၂၀၁၀ ပြည့်နှစ် ရွေးကောက်ပွဲမတိုင်မီ နိုင်ငံရေးပြောင်းလဲမှုနှင့် ငြိမ်းချမ်းရေး နိုဘယ်လ်ဆုရှင် ဒေါ်အောင်ဆန်းစုကြည်အပါအ၀င် နိုင်ငံရေးအကျဉ်းသားများကို လွှတ်ပေးမှုတို့ လိုအပ်ကြောင်း ၎င်းက ပြောသည်။

ကုလသမဂ္ဂဆိုင်ရာ ဗြိတိန်သံအမတ် ဂျွန်ဆ၀ါးက မြန်မာနိုင်ငံအပေါ် ဖိအားပေးမည့် အတိုင်းအတာ ကို သဘောတူရန် လုံခြုံရေးကောင်စီအဖွဲ့ဝင်နိုင်ငံများအကြား အခက်အခဲများ ရှိနေသည်ကို အသိ မှတ်ပြုသော်လည်း လုံခြုံရေးကောင်စီအနေဖြင့် မြန်မာနိုင်ငံ၏ နိုင်ငံရေးပြဿနာများအပေါ် ဆက်လက်အာရုံစိုက်သင့်ကြောင်း ပြောသည်။

မစ္စတာဂျွန်ဆ၀ါးက “မြန်မာစစ်အစိုးရက နိုင်ငံတကာရဲ့တောင်းဆိုချက်တွေကို တုံ့ပြန်တာ မရှိတဲ့ အတွက် ကျနော်တို့မှာ အကျပ်အတည်းဖြစ်နေတဲ့ အနေအထားရှိပါတယ်။ ပြီးခဲ့တဲ့ ခြောက်လ လောက်ကဆို မြန်မာနိုင်ငံဟာ ဟိုးအရင်တုန်းက အနေအထား ပြန်ရောက်သွားတာပဲ” ဟု သတင်းထောက်များကို ပြောသည်။

သို့သော် ကုလသမဂ္ဂဆိုင်ရာ တရုတ်သံအမတ် ၀န်ဂွမ်ကျားကမူ မြန်မာနိုင်ငံအရေးသည် လုံခြုံရေး ကောင်စီ၏ အရေးယူမှု မလိုအပ်ပဲ စိတ်ရှည်သည်းခံရန်သာ လိုအပ်သည်ဟုပြောသည်။ ကုလ သမဂ္ဂဆိုင်ရာ ဗီယင်နမ်အမတ် လီလောင်မင်းကမူ မြန်မာ့ပြဿနာသည် ကျယ်ပြန့်သဖြင့် ဖြစ်ပေါ် လာမည့် မည်သည့်ဖြေရှင်းချက်မဆိုလည်း ကျယ်ပြန့်ရမည်ဟု ပြောသည်။

မစ္စတာဂမ်ဘာရီ ခရီးစဉ်ကိစ္စနှင့် ပတ်သက်၍ ကုလသမဂ္ဂ အထွေထွေအတွင်းရေးမှူး ဘန်ကီမွန်း ကလည်း လုံခြုံရေးကောင်စီ အမြဲတမ်းအဖွဲ့ဝင် (၅) နိုင်ငံအပါအ၀င် မြန်မာ့မိတ်ဆွေနိုင်ငံများအစု ဖြစ်သည့် အိန္ဒိယ၊ ထိုင်း၊ အင်ဒိုနီးရှား၊ စင်ကာပူ၊ ဗီယက်နမ်၊ ဂျပန်တို့နှင့် ဆွေးနွေးခဲ့ပြီးနောက် မစ္စတာဂမ်ဘာရီ၏ ခရီးစဉ်သည် “နိုင်ငံတကာ၏ စိုးရိမ်ပူပန်မှုများနှင့် ကိုက်ညီနိုင်သော တိုးတက် မှုတစုံတရာ ဖော်ဆောင်ပေးရန်” လိုအပ်သည်ဟု ထုတ်ပြန်ခဲ့သည်။

မစ္စတာဂမ်ဘာရီ၏ လာမည့်လ မြန်မာခရီးစဉ်သည် တတိယအကြိမ်မြောက်ဖြစ်ပြီး ဒုတိယအကြိမ် ခရီးစဉ်အတွင်း မြန်မာထိပ်တန်းစစ်ခေါင်းဆောင်များနှင့် တွေ့ဆုံခွင့်မရသဖြင့် သိသာသည့် အောင်မြင်မှု မရရှိခဲ့ကြောင်း ၎င်းက ထုတ်ဖော်ခဲ့သည်။ ။

ခေတ်ပြိုင်မှတင်ပြသည်။

အပြည့်အစုံဖတ်ချင်ရင်...

ကုလနှင့်မပူးပေါင်းလျှင် မြန်မာကို အမေရိကန် ဖိအားပေးမည်

Agencies/ ၂၅ ဇူလိုင် ၂၀၀၈
line


မြန်မာစစ်အစိုးရအနေနှင့် ကုလသမဂ္ဂ အထူးသံတမန် အီဘရာဟင် ဂမ်ဘာရီနှင့် ပူးပေါင်းလုပ် ဆောင်သင့်ကြောင်း ပြောကြားလိုက်ပြီး အကယ်၍ ပူးပေါင်းလုပ်ဆောင်မှုမရှိပါက လုံခြုံရေး ကောင်စီမှ ဖိအားပေးမှု ပိုများလာမည်ဟု အမေရိကန်က သတိပေးလိုက်သည်။

လုံခြုံရေးကောင်စီအဖွဲ့ဝင် (၁၅) နိုင်ငံအနေနှင့် နောက်လတွင်မြန်မာနိုင်ငံသို့ ဂမ်ဘာရီ သွားရောက် လည်ပတ်မည့် ခရီးမှ ခိုင်မာသည့် ရလဒ်များ ရလာမည်ဟု မျှော်လင့်ကြောင်း ဂမ်ဘာရီနှင့် တံခါး ပိတ်ဆွေးနွေးပွဲအပြီးတွင် ကုလသမဂ္ဂဆိုင်ရာ အမေရိကန်သံအမတ် ဇယ်လ်မေ ခါလီဇက်က ပြောသည်။

“ကျနော် စစ်အစိုးရကို သတင်းပါးချင်တာကတော့ မစ္စတာဂမ်ဘာရီရဲ့ ခရီးစဉ်ကို အခွင့်ကောင်း ယူဖို့ပါပဲ။ နိုင်ငံရေး ပြောင်းလဲမှု ရှိမနေတဲ့အတွက် နိုင်ငံရေး မငြိမ်မသက်ဖြစ်မှုတွေ ဖြစ်ပွားနိုင်မယ့် အလားအလာကို တွေ့နေရတယ်။ ဖြစ်လာရင်တော့ ကျနော်တို့အနေနဲ့ အရေးမစိုက်ဘဲ နေမှာ မဟုတ်ပါဘူး” ဟု ခါလီဇက်က ပြောသည်။

စစ်အစိုးရအနေနှင့် စာမျက်နှာသစ်ဖွင့်လှစ်ပြီး (၂၀၁၀) ပြည့်နှစ် ရွေးကောက်ပွဲများအတွက် နိုင်ငံရေးလမ်းပြမြေပုံကို သဘောတူညီပြီး ဒေါ်အောင်ဆန်းစုကြည်အပါအ၀င် နိုင်ငံရေးအကျဉ်း သားများကို လွှတ်ပေးသင့်ကြောင်းလည်း ဇယ်လ်မေ ခါလီဇက်က ပြောသည်။

“ဒီကိစ္စရပ်တွေမှာ တိုးတက်မှု ရှိမလာဘူးဆိုရင် ကျနော်တို့ လုပ်စရာရှိတာတွေကို ကြည့်ရပါမယ်။ စစ်အစိုးရအပေါ် ပိုပြီး ဖိအားပေးတာမျိုးတွေ လုပ်ရပါမယ်” ဟု ခါလီဇက်က ပြောသည်။

“ပြီးခဲ့တဲ့ (၆) လကျော်ကို ပြန်ကြည့်မယ်ဆိုရင် မြန်မာနိုင်ငံမှာ ဖြစ်ပျက်နေတာတွေက နောက် ကြောင်း ပြန်သွားနေပါတယ်။ နိုင်ငံတကာအသိုင်းအ၀ိုင်းရဲ့ တောင်းဆိုမှုတွေကို စစ်အစိုးရက တုံ့ပြန်မှု မရှိတဲ့အတွက် ကျနော်တို့အနေနဲ့ ခက်ခဲတဲ့ အခြေအနေမျိုး ရင်ဆိုင်နေရပါတယ်” ဟု ဗြိတိသျှသံအမတ် ဂျွန်ဆောရားစ်က လုံခြုံရေးကောင်စီစည်းဝေးပွဲမတိုင်မီ ပြောသည်။

သြဂုတ်လလယ်တွင် မြန်မာနိုင်ငံသို့ ဂမ်ဘာရီသွားရောက်မည့် ခရီးစဉ်ကို လုံခြုံရေးကောင်စီ အဖွဲ့ဝင် (၁၅) နိုင်ငံက ထောက်ခံကြောင်းနှင့် ခရီးစဉ် အောင်မြင်ရန် ဆန္ဒပြုကြကြောင်း ယခုလ လုံခြုံရေးကောင်စီ သဘာပတိဖြစ်သူ ဗီယက်နမ်နိုင်ငံမှ ကုလသမဂ္ဂ သံအမတ်ကြီး လီလောင်း မင်းက ထပ်လောင်း အတည်ပြုသည်။ ။

ခေတ်ပြိုင်မှတင်ပြသည်။

အပြည့်အစုံဖတ်ချင်ရင်...

နိုင်ငံခြားမြန်မာသံရုံးတွေက လစဉ် ဒေါ်လာ သိန်းဆယ်ဂဏန်းအထက်ရှာပေး သံရုံးဝန်ထမ်းတွေ လစာငွေ မလုံမလောက်သာရ

NEJ/ ၂၅ ဇူလိုင် ၂၀၀၈
line


တကမ္ဘာလုံးရှိ မြန်မာသံရုံးအသီးသီးမှ လစဉ် နိုင်ငံခြားငွေ ဒေါ်လာ သိန်း (၂၀) ကျော် ရှာပေးနေ သည့်တိုင် စစ်ဗိုလ်သံအမတ်ကြီးများသာ ထိုငွေထဲမှ အကျိုးအမြတ်ရပြီး အရပ်ဘက်သံတမန် အများစုမှာ မလောက်မင သုံးစွဲနေရသည်ဟု သံတမန်အသိုင်းအ၀ိုင်းက ပြောသည်။

ဝင်ငွေရှာပေးနိုင်သည့် နိုင်ငံခြား မြန်မာသံရုံးကြီးတခုမှ အနည်းဆုံး ဒေါ်လာ (၁) သိန်း အထက် ရှာပေးနိုင်သော်လည်း ထိုငွေများ စစ်အစိုးရ၏ မည်သည့်ငွေစာရင်း ခေါင်းစဉ်အောက်မှာ ရောက် သွားသည်ကို မသိရသဖြင့် ၀န်ထမ်းများ မကျေမနပ် ဖြစ်သည်ဟု စုံစမ်းသိရသည်။

သို့သော် သံရုံးဝန်ထမ်းများအတွက် လစာစရိတ်မှာ လစဉ် ဒေါ်လာ(၅) သောင်းအောက်မှာသာရပြီး သံရုံးဝန်ထမ်းအများစု၏ လူမှုရေးအသုံးစရိတ်ကိုမူ စစ်အစိုးရက ဥပေက္ခာပြုထားသည်ဟု နေပြည်တော် သံတမန်တဦးက ပြောသည်။ အချို့ အရပ်ဘက် အကြီးတန်း သံတမန်များဆိုလျှင် ရသည့်ဒေါ်လာ ပြန်ရောင်းပြီး စရိတ်ကာမိအောင် လုပ်ရသည်ဟုပါ ဆက်ပြောသည်။

ကုမ္ပဏီများပေးသွင်းငွေ၊ တိုးရစ်ဗီဇာမှ ရငွေ၊ ပတ်စ်ပို့ သက်တမ်းတိုးငွေ စသည့်ဝင်ငွေ အများဆုံး ရှာပေးနိုင်သည့် သရုံးများမှာ ဂျပန်မြန်မာသံရုံး၊ ဂျာမနီမြန်မာသံရုံး၊ စင်ကာပူ မြန်မာသံရုံး၊ ကိုရီးယား မြန်မာသရုံး၊ ထိုင်းမြန်မာသရုံး၊ မလေးရှား မြန်မာသံရုံးစသည့် သံရုံးကြီးများ ဖြစ်သည်ဟု စုံစမ်း သိရသည်။

ဝင်ငွေရှားပေးနိုင်သည့် နိုင်ငံခြား မြန်မာသံရုံး စစ်ဗိုလ်သံအမတ်ကြီး အတော်များများဆိုလျှင် သံရုံး
ဝင်ငွေအားလုံးကို စစ်အစိုးရလက်သို့ အပ်လေ့မရှိဘဲ ငွေစာရင်းကိုင်နှင့်ပေါင်း၍ အလွဲသုံးစား လုပ်သည်က များသည်ဟု သံရုံးဝန်ထမ်းတဦးက ပြောသည်။

နိုင်ငံခြား မြန်မာသံရုံးအသီးသီးတွင် လခြုံရေးအစောင့်၊ ယာဉ်မောင်း၊ ဧည်ကြိုစာရေး စသည့် ရာထူးများကို ဒေသခံများ၊ ၀န်ထမ်းများ ငှားရမ်းခန့်ထားလေ့ရှိရာ ထိုဝန်ထမ်းများနှင့် သံရုံး အရာရှိအချို့ပေါင်းပြီး အဂတိလိုက်စားမှုမျိုးစုံ လုပ်သည်များလည်းရှိသည်ဟု နေပြည်တော် သတင်းရပ်ကွက်က ပြောသည်။

ထိုင်းနိုင်ငံ ဘန်ကောက် လုံခြုံရေးဝန်ထမ်းတဦးဆိုလျှင် မြန်မာသံမန်အရာရှိများနှင့် တွေ့လိုသူများ ထံမှ ငွေတောာင်းခဲ့သည့် သာဓကများရှိသည်ဟု ပေးကမ်းဖူးသူအချို့က ပြောသည်။ ထိုဒေသခံ
ဝန်ထမ်းများနှင့် သံရုံးဝန်ထမ်းများကြား ပြဿနာမျိုးစုံမဖြစ်သည့် မြန်မာသံရုံး အတော်ရှားသည်ဟု ပါ စုံစမ်းသိရသည်။ ။


အပြည့်အစုံဖတ်ချင်ရင်...

Thursday, July 24, 2008

သတင်းထောက် အိမ့်ခိုင်ဦးကို ရုံးထုတ်စစ်ဆေး

သန်းထိုက်ဦး
ကြာသပတေးနေ့၊ ဂျူလိုင်လ 24 2008 18:15 - မြန်မာစံတော်ချိန်

ချင်းမိုင်။ ။ နာဂစ်လေဘေး ဒုက္ခသည်အရေး လိုက်လံ သတင်းယူသဖြင့် အဖမ်းခံခဲ့ရသော Ecovision ဂျာနယ် သတင်းထောက် မအိမ့်ခိုင်ဦးအား တာမွေတရားရုံး၌ ယနေ့ ရုံးထုတ် စစ်ဆေးလိုက်သည်။

ရန်ကုန်တိုင်း တာမွေမြို့နယ် တရားရုံးတွင် တရားစွဲခံထားရသူ အသက် ၂၄ နှစ်အရွယ် မအိမ့်ခိုင်ဦးအား တာမွေမြို့နယ် ရဲစခန်းမှ တရားလိုသက်သေ ဒု-ရဲအုပ် ဇော်မင်းညွန့် မပါရှိသော်လည်း သက်သေ ၁၈ ဦးဖြင့် ယနေ့တွင် ရုံးထုတ်၍ စတင် စစ်ဆေးလိုက်ခြင်း ဖြစ်သည်။

“အခု ရုံးချိန်မှာ တရားလို သက်သေ မလာဘူး။ သူတို့ကို ဖမ်းဆီးစဉ်က သက်သေရဲတွေ ရှိတယ်။ အဲဒီတော့ အဲဒီဟာကို စစ်လိုက်တာပဲ။ တဖက်ရှေ့နေလည်း ရှိတယ်။ သူတို့ ၁၈ ဦးထဲမှာပါတဲ့ တပ်ကြပ်ကြီး မြင့်ဦးဆိုတာ (တာမွေ ရဲစခန်းက) သူက ရှိနေတဲ့အတွက် သူ့ကို ဒီနေ့ စစစ်ဖြစ်တယ်” ဟု မအိမ့်ခိုင်ဦး အမှုတွဲတွင် ပါဝင်သည့် ကိုကျော်ကျော်သန့်၏ ရှေ့နေ ဦးခင်မောင်ရှိန်က မဇ္ဈိမကို ပြောသည်။

တပ်ကြပ်ကြီး မြင့်ဦးသည် အခင်း ဖြစ်ပွားသည့်နေ့က ကုလသမဂ္ဂ ဖွံ့ဖြိုးရေးအစီအစဉ် (ယူအန်ဒီပီ) ရုံးရှေ့တွင် တာဝန်ကျခဲ့ပြီး အထက်က ဖမ်းမိန့်ပေးသဖြင့် သူတို့ကို ဖမ်းဆီးခဲ့ကြောင်း သက်သေ ထွက်ဆိုခဲ့သည်။

ပြစ်မှုထင်ရှားလျှင် ထောင်ဒဏ် ၂ နှစ်အထိနှင့် ငွေဒဏ်ပါ ကျခံရနိုင်သည့် လူထုကို ဆူပူစေရန် လှုံ့ဆော်မှု ပုဒ်မ ၅ဝ၅ (ခ) ဖြင့် မအိမ့်ခိုင်ဦးအား တရားစွဲဆိုထားခြင်း ဖြစ်သည်။

ယနေ့ ရုံးထုတ်ရာတွင် သူမ၏ မိသားစုဝင်များလည်း တက်ရောက် နားထောင်ခဲ့ကြောင်း သိရသည်။

အမှုကိုမူ ယခုလ ၃၁ ရက်နေ့သို့ ပြန်လည် ချိန်းဆိုလိုက်သည်။

ပြီးခဲ့သည့် ဇွန်လ ၁ဝ ရက်နေ့တွင် တောင်ဒဂုံမြို့နယ်ရှိ လေဘေးဒုက္ခသည် ၃ဝ ခန့်က ရန်ကုန်ရှိ နိုင်ငံတကာမှ အစိုးရ မဟုတ်သော အဖွဲ့ (အန်ဂျီအို) များထံ သွားရောက်၍ အကူအညီ တောင်းခံရာတွင် မအိမ့်ခိုင်ဦးက သတင်းလိုက်ယူရင်း တာမွေမြို့နယ် နတ်မောက်လမ်းရှိ ယူအန်ဒီပီ ရုံးရှေ့တွင် ကိုကျော်ကျော်သန့်နှင့်အတူ အဖမ်းခံခဲ့ရသည်။

ယခုလ ၂ ရက်နေ့က အမှုရက်ချိန်း စတင်ရှိခဲ့သော်လည်း သူတို့နှစ်ဦး၏ ရှေ့နေများက အမှုကို ထပ်မံ လေ့လာလိုသဖြင့် ယနေ့သို့ ပြောင်းရွှေ့ ချိန်းဆိုခဲ့ခြင်း ဖြစ်သည်။

မအိမ့်ခိုင်ဦးသည် အဖမ်းမခံရခင်က ရန်ကုန်အခြေစိုက် အပတ်စဉ်ထုတ် Ecovision ဂျာနယ်တွင် သတင်းထောက်အလုပ်ကို လုပ်ခဲ့သည်မှာ ၂ လခန့်သာ ရှိသေးသည်။

Ecovision ဂျာနယ်ကို ၂ဝဝ၆ ခုနှစ် စက်တင်ဘာလတွင် စတင်ထုတ်ဝေကာ ယခင်က စီးပွားရေး ကဏ္ဍကိုသာ ဦးစားပေး ဖော်ပြခဲ့သည်။ နောက်ပိုင်းတွင်မူ ပြည်တွင်းနှင့် နိုင်ငံတကာအပြင် ကျန်းမာရေးကဏ္ဍနှင့် ဆောင်းပါးများကိုပါ ထည့်သွင်း ထုတ်ဝေလာခဲ့သည်။

Mazzimaမှတင်ပြသည်။

အပြည့်အစုံဖတ်ချင်ရင်...