Thursday, April 30, 2009

အန်အယ်ဒီ၏ ရွှေဂုံတိုင် ကြေညာစာတမ်း

ကိုဝိုင်း
ဗုဒ္ဓဟူးနေ့၊ ဧပြီလ 29 2009 21:32 - မြန်မာစံတော်ချိန်


ရန်ကုန်မြို့ အမျိုးသားဒီမိုကရေစီ အဖွဲ့ချုပ်ရုံး အစည်းအဝေးခန်းမတွင် ၂ဝဝ၉ ခုနှစ် ဧပြီလ ၂၈-၂၉ ရက်နေ့များ၌ အမျိုးသားဒီမိုကရေစီ အဖွဲ့ချုပ် ဗဟိုအလုပ်အမှုဆောင်အဖွဲ့၊ ပြည်နယ်-တိုင်း စည်းရုံးရေးအဖွဲ့များနှင့် အလုပ်အမှုဆောင် ကိုယ်စားလှယ်များ၊ အမျိုးသား ဒီမိုကရေစီပါတီ ကိုယ်စားလှယ်များ၊ အမျိုးသမီး လုပ်ငန်းအဖွဲ့ ကိုယ်စားလှယ်များ၊ လူငယ်လုပ်ငန်း ဖော်ဆောင်ရေးအဖွဲ့ ကိုယ်စားလှယ်များ တက်ရောက်သည့် စုံညီအစည်းအဝေးအပြီး ထွက်ပေါ်လာသည့် အန်အယ်ဒီ၏ ရွှေဂုံတိုင်လမ်း အမည်ရှိ ကြေညာစာတမ်းကို တင်ပြလိုက်ပါသည်။

စုံညီ အစည်းအဝေးတွင် စည်းရုံးရေးဆိုင်ရာ စာတမ်းကို ဦးဆောင်ရေးဆွဲ တင်သွင်းသူ ဗဟိုအလုပ်အမှုဆောင်အဖွဲ့၏ အတိုင်ပင်ခံ လုပ်ငန်းအဖွဲ့ဝင် ဦးအုံးကြိုင်က မဇ္ဈိမသတင်းထောက် ကိုဝိုင်းကို ဖတ်ကြားပြခဲ့ခြင်း ဖြစ်ပါသည်။

-------------------------------

ယနေ့ စုံညီအစည်းအဝေးအပြီးတွင် တက်ရောက်သူအားလုံးမှ အများဆန္ဒနှင့်အညီ ထုတ်ပြန်သည့် အဖွဲ့ချုပ်၏ ရပ်တည်ချက်များကို ဖော်ပြထားသော - ရွှေဂုံတိုင်ကြေငြာစာတမ်း -

ကျွန်ုပ်တို့ အမျိုးသားဒီမိုကရေစီ အဖွဲ့ချုပ်သည် ပြည်ထောင်စု မြန်မာနိုင်ငံကို ပြည်သူလူထုအပေါင်း မျှော်မှန်းထားသည့်အတိုင်း ဒီမိုကရေစီနိုင်ငံအဖြစ် တည်ဆောက်သွားရေး ကြိုးပမ်းရာတွင် လက်ငင်းကြုံတွေ့နေရသော နိုင်ငံရေး အကျတ်အတည်းများ အားလုံးကို ဖြေရှင်းနိုင်ရန် ရည်ရွယ်လျက် အဖွဲ့ချုပ်ဗဟိုအလုပ်အမှုဆောင်အဖွဲ့၊ ပြည်နယ်-တိုင်း စည်းရုံးရေးအဖွဲ့ဝင်များ၊ ယနေ့ထက်တိုင် အဖွဲ့ချုပ်နှင့်အတူတကွ ရပ်တည်နေကြသော ပြည်သူ့လွှတ်တော် ကိုယ်စားလှယ်များ၊ အမျိုးသမီးလုပ်ငန်းအဖွဲ့ ကိုယ်စားလှယ်များ၊ လူငယ်လုပ်ငန်း ဖော်ဆောင်ရေးအဖွဲ့ ကိုယ်စားလှယ်များသည် ရန်ကုန်မြို့ အနောက်ရွှေဂုံတိုင်လမ်းရှိ အဖွဲ့ချုပ် အစည်းအဝေးခမ်းမ၌ ၂ဝဝ၉ ခုနှစ် ဧပြီလ ၂၈-၂၉ ရက်နေ့များတွင် နိုင်ငံရေး၊ စည်းရုံးရေး၊ ဖွဲ့စည်းပုံ အခြေခံဥပဒေများနှင့် ပတ်သက်၍ ပြန်လည်သုံးသပ်တင်ပြခြင်း၊ အခြေအနေအရပ်ရပ်ကို တွေ့ဆုံဆွေးနွေးညှနှိုင်းခဲ့ကြသည်။ ယင်းသို့ ဆွေးနွေးရာတွင် ပြဿနာအားလုံး ပြေလည်သွားစေရေး အကောင်းဆုံးနည်းလမ်းဖြစ်သော တွေ့ဆုံဆွေးနွေးရေး ဖြစ်ပေါ်လာစေရေးအတွက် အခြေအနေကောင်းများ ဖန်တီးပေးနိုင်မည့် အစီအစဉ်များကို အများသဘောတူညီကြသည့်အလျောက် ပြည်သူလူထုအား အသိပေးနိုင်ရန် ဤ ရွှေဂုံတိုင်ကြေငြာစာတမ်းကို ထုတ်ပြန်ကြေငြာလိုက်သည်။

အဖွဲ့ချုပ်သည် နိုင်ငံ၏ ပြည်သူလူထုအကျိုးကို ရှေ့ရှုလျက် လက်ငင်းကြုံတွေ့နေရသော နိုင်ငံရေး အကျပ်အတည်းများဖြစ်သည့် ဦးတင်ဦး၊ ဒေါ်အောင်ဆန်းစုကြည် အပါအဝင် နိုင်ငံရေးအကျဉ်းသားအားလုံး ခြွင်းချက်မရှိ အမြန်ဆုံးလွှတ်ရေး၊ ဖွဲ့စည်းပုံ အခြေခံဥပဒေ ပြန်လည်သုံးသပ်ပြင်ဆင်ရေး၊ တိုင်းရင်းသားလူမျိုးများအားလုံး အခွင့်အရေးတန်းတူညီမျှမှုကို အခြေခံသည့် စစ်မှန်သော ပြည်ထောင်စုကြီး တည်ဆောက်ရေး၊ ၁၉၉ဝ ပြည့်နှစ် ရွေးကောက်ပွဲရလဒ်ဖြစ်သော ပြည်သူ့လွှတ်တော်ကို တနည်းနည်းဖြင့် အသိအမှတ်ပြုရေးတို့သည် လက်ငင်းဖြေရှင်းရမည့် အဓိကပြဿနာများဖြစ်သည်ဟု ယူဆသည်။ ဤကိစ္စများအပေါ် အဖွဲ့ချုပ်၏ ရပ်တည်ချက်များမှာ -

(က) ဦးတင်ဦး၊ ဒေါ်အောင်ဆန်းစုကြည်အပါအဝင် နိုင်ငံရေးအကျဉ်းသားအားလုံး ခြွင်းချက်မရှိ လွှတ်ပေးရေး။

(ခ) ဖွဲ့စည်းပုံအခြေခံဥပဒေ (၂ဝဝ၈) ပြန်လည်ပြင်ဆင်ရေး။

ဒီမိုကရေစီနိုင်ငံတော်အသစ်တရပ် တည်ဆောက်ရန် ဒီမိုကရေစီမူများအပေါ် အခြေခံသော နိုင်ငံတော်ဖွဲ့စည်းပုံ အခြေခံ ဥပဒေတရပ် လိုအပ်သည်။ နိုင်ငံတော်အေးချမ်းသာယာရေးနှင့် ဖွံ့ဖြိုးရေးကောင်စီ၏ အာဏာတည်ခြင်းမရှိသေးသော ဖွဲ့စည်းပုံအခြေခံဥပဒေ (၂ဝဝ၈) တွင် ဒီမိုကရေစီအခြေခံမူဝါဒများနှင့် မကိုက်ညီသည့်အချက်များ ပါဝင်နေသည်။ ထို့ကြောင့် တိုင်းရင်းသားလူမျိုးများ အပါအဝင် ပြည်သူအပေါင်း (…..) ဖွဲ့စည်းပုံအခြေခံဥပဒေ ဖြစ်လာစေရန် အထူးလိုအပ်သည်။

(ဂ) စည်းရုံးရေး။

တိုင်းရင်းသားလူမျိုးများတစ်စုတစ်ဝေးတည်း နေထိုင်လျက်ရှိသည့် ပြည်ထောင်စုမြန်မာနိုင်ငံတွင် တိုင်းရင်းသားလူမျိုးအားလုံး အခွင့်အရေး တန်းတူညီမျှမှု၊ တဦးပေါ်တဦး ဖြူစင်သောစေတနာ ထားနိုင်မှုတို့ကို အခြေခံသော ညီညွတ်မှု တည်ဆောက်ရမည်။ (…..) ရေခံမြေခံကောင်းတွင်သာ စစ်မှန်သော ဒီမိုကရေစီ ရှင်သန်ဖွံ့ဖြိုးနိုင်ပေမည်။ ထို့ကြောင့် နိုင်ငံရေးပါတီများအားလုံး လွတ်လပ်စွာ စည်းရုံးလှုပ်ရှားခွင့် ရှိရမည်။ သို့ဖြစ်ရာ ၂ဝဝ၃ ခုနှစ် မေလ ၃၁ ရက်နေ့မှ စတင်ကာ ယာယီဟုဆိုပြီး ချိတ်ပိတ်ထားခဲ့သော အမျိုးသားဒီမိုကရေစီ အဖွဲ့ချုပ်၏ ပြည်နယ်-တိုင်း စည်းရုံးရေးအဖွဲ့ ရုံးများ၊ မြို့နယ်စည်းရုံးရေး အဖွဲ့ရုံးများနှင့် တိုင်းရင်းသား နိုင်ငံရေးပါတီ (ရုံး) များကို အမြန်ဆုံးဖွင့်ပေးရန် လိုအပ်သည်။

(ဃ) ၁၉၉ဝ ပြည့်နှစ် ပါတီစုံ ဒီမိုကရေစီ အထွေထွေရွေးကောက်ပွဲ ရလဒ်ကို အသိအမှတ်ပြုရေး။

ယနေ့ကာလတွင် ပြည်သူ့လွှတ်တော် ရွေးကောက်ပွဲဥပဒေ ပုဒ်မ (၃) နှင့်အညီ ၁၉၉ဝ ပြည့်နှစ် ရွေးကောက်ပွဲရလဒ်ဖြစ်သော ပြည်သူ့လွှတ်တော်ကို တနည်းနည်းဖြင့် အသိအမှတ်ပြုရေး စီစဉ်ဆောင်ရွက်ရန် အထူးလိုအပ်နေသည်။ သို့မှသာ ဒီမိုကရေစီ၏ အစဉ်အလာကောင်းများကို ထိန်းသိမ်းရာ ရောက်ပေမည်။ သို့မဟုတ်ပါက နိုင်ငံတော် အေးချမ်းသာယာရေးနှင့် ဖွံဖြိုးရေးကောင်စီ အနေဖြင့် မိမိပြဋ္ဌာန်းထားသော ဥပဒေကို မိမိကိုယ်တိုင် ချိုးဖောက်ရာ ရောက်ရှိနေပေလိမ့်မည်။

(င) တွေ့ဆုံဆွေးနွေးရေး။

အမျိုးသား ဒီမိုကရေစီအဖွဲ့ချုပ်သည် တွေ့ဆုံဆွေးနွေး အဖြေရှာရေးကို (၁၉၈၈) ခု ကတည်းကစ၍ အစဉ်တစိုက် ကြိုးပမ်း ဆောင်ရွက်လျက်ရှိသည်။ အမျိုးသား ဒီမိုကရေစီအဖွဲ့ချုပ် အထွေထွေအတွင်းရေးမှူး ဒေါ်အောင်ဆန်းစုကြည်ကလည်း နိုင်ငံရေးလိုအပ်ချက်အရ ပြောင်းလွယ်ပြင်လွယ် သဘောထားဖြင့် ဆောင်ရွက်နိုင်စွမ်းရှိသည်ဆိုသော အချက်ကို အောက်ပါအတိုင်း ပွင့်ပွင့်လင်းလင်း ပြောကြားထားခဲ့ပြီးဖြစ်သည်။

“မြန်မာပြည်သူလူထုအတွက် အကျိုးပြုမယ့် ရလဒ်ကောင်းရဖို့ဆိုရင် ကျမတို့ အမျိုးသား ဒီမိုကရေစီအဖွဲ့ချုပ်က ပြင်သာ ပြောင်းသာစွာနဲ့ တွေ့ဆုံဆွေးနွေးမယ်လို့ မကြာခဏ ပြောထားခဲ့ပြီးဖြစ်ပါတယ်။ ဒါပေမဲ့ ဒီလို တွေ့ဆုံဆွေးနွေးတာဟာ အဖွဲ့ချုပ်ကောင်းစားဖို့ ဦးတည်ဆွေးနွေးမှုမျိုး မဖြစ်သင့်သလို အာဏာပိုင်များကောင်းစားဖို့ ဦးတည်ဆွေးနွေးတာမျိုးလည်း မဖြစ်သင့်ပါဘူး။ မြန်မာပြည်သူလူထု ကောင်းစားရေးအတွက် ဦးတည်ရလိမ့်မယ်” ဟု ပြောထားပြီးဖြစ်သည်။

သို့ဖြစ်ရာ လက်ငင်းကြုံတွေ့နေရသော ပြဿနာအားလုံးကို ဖြေရှင်းနိုင်ရန် တွေ့ဆုံဆွေးနွေးပွဲများ မဖြစ်မနေကျင်းပရေး စီစဉ်ဆောင်ရွက်ပါရန် အဖွဲ့ချုပ်က ရိုးသားဖြူစင်စွာ စိတ်ကောင်းစေတနာဖြင့် ထပ်မံတိုက်တွန်းလိုက်သည်။

အဖွဲ့ချုပ်က မျှော်မှန်းထားသော ဆွေးနွေးပွဲ အစီအစဉ်များမှာ အောက်ပါအတိုင်းဖြစ်သည်။

(၁) ကြိုတင်စည်းကမ်း သတ်မှတ်ထားခြင်း မရှိသော တွေ့ဆုံဆွေးနွေးပွဲကို ဆုံးဖြတ်ပေးနိုင်မည့် ပုဂ္ဂိုလ်များ ပါဝင်တက်ရောက်ကာ အပြန်အလှန်လေးစားမှုနှင့် အမျိုးသားပြန်လည်သင့်မြတ်မှုကို အခြေခံထားသည့် တွေ့ဆုံဆွေးနွေးပွဲများ အမြန်ဆုံးကျင်းပရန်

(၂) ဆွေးနွေးပွဲများတွင် အမျိုးသား ပြန်လည်သင့်မြတ်ရေး၊ တိုင်းရင်းသားများအားလုံး တန်းတူညီမျှ အခွင့်အရေးများရရှိရေး၊ ဒေါ်အောင်ဆန်းစုကြည် အပါအဝင် နိုင်ငံရေးအကျဉ်းသားများအားလုံး ခြွင်းချက်မရှိ လွှတ်ပေးရေး၊ ဖွဲ့စည်းပုံ အခြေခံဥပဒေ (၂ဝဝ၈) ကို ပြန်လည်သုံးသပ်ရေး၊ ၁၉၉ဝ ပြည့်နှစ် ရွေးကောက်ပွဲရလဒ်ဖြစ်သော ပြည်သူ့လွှတ်တော်ကို တနည်းနည်းဖြင့် အသိအမှတ်ရေး၊ နောင်လာမည့် ရွေးကောက်ပွဲများအရေး၊ လက်ရှိပြည်သူလူထု ဘဝအခြေအနေများ တိုးတက် ကောင်းမွန်လာစေရေး စသည်တို့ ပါဝင်သည်။

(၃) ဆွေးနွေးပွဲမှ ထွက်ပေါ်လာမည့် ရလဒ်များကို ပြည်သူ့လွှတ်တော် ရွေးကောက်ပွဲ ဥပဒေအရ ဖွဲ့စည်းမည့် ပြည်သူ့လွှတ်တော်တွင် အတည်ပြုချက် ရယူခြင်းဖြင့် ၁၉၉ဝ ပြည့်နှစ် ရွေးကောက်ပွဲရလဒ်ကို အသိအမှတ်ပြုရာရောက်အောင် စီစဉ်ရမည်။

(၄) လွှတ်တော်က အတည်ပြုပြီးဖြစ်သော သဘောတူ ဆုံးဖြတ်ချက်များအရ ထွက်ပေါ်လာမည့် အနာဂတ် နိုင်ငံရေးလမ်းကြောင်းအတိုင်း သက်ဆိုင်သူများအားလုံးက ဒီမိုကရေစီ နိုင်ငံတော်သစ်အတွက် တညီတညွတ်တည်း ဆက်လက်ဖော်ဆောင်သွားရန် တို့ ဖြစ်သည်။

(စ) နောင်ပေါ်ပေါက်လာမည့် ရွေးကောက်ပွဲဆိုင်ရာ သဘောထား။

အဖွဲ့ချုပ်သည် ဖော်ပြပါ (…) ပြဿနာများကို တွေ့ဆုံဆွေးနွေး ဖြေရှင်းခြင်းဖြင့်သာ ရေရှည်တည်တံ့မည့် နိုင်ငံရေးတည်ငြိမ်မှု၊ နိုင်ငံဖွံ့ဖြိုးတိုးတက်မှုကို ရရှိနိုင်မည်ဟု ယုံကြည်သည်။ နိုင်ငံတော် အေးချမ်းသာယာရေးနှင့် ဖွံ့ဖြိုးမှုကောင်စီအနေဖြင့် တွေ့ဆုံဆွေးနွေးဖြေရှင်း ပြေလည်ရေးဆီသို့ မျက်နှာမမူဘဲလျက် နောင်လာမည့် ရွေးကောက်ပွဲကို တဖက်သတ် အစီအစဉ်ဖြင့် ကျင်းပခဲ့လျှင် အဖွဲ့ချုပ်က မည်သို့ ရပ်တည်သွားမည်ဆိုသည်ကို ပြည်သူလူထုအား အသိပေးရမည်ဖြစ်သည်။

ဒီမိုကရေစီခရီးတွင် ရွေးကောက်ပွဲကို ဖြတ်သန်းရမည့် မှတ်တိုင်တခု ဖြစ်သည်ဟု အဖွဲ့ချုပ်က လက်ခံထားသည်။ အဖွဲ့ချုပ်သည် ဒီမိုကရေစီတိုက်ပွဲကို စွန့်ခွာမည်မဟုတ်။ အဖွဲ့ချုပ်သည် မည်သည့်အခြေအနေတွင်မဆို ပြည်သူလူထုနှင့် တသားတည်း ရှိနေမည်ဖြစ်သည်။

သို့ဖြစ်ရာ နိုင်ငံတော် အေးချမ်းသာယာရေးနှင့် ဖွံဖြိုးရေးကောင်စီက နောင်ပေါ်ပေါက်လာနိုင်မည့် ရွေးကောက်ပွဲကို မိမိအစီအစဉ်ဖြင့် တဖက်သတ် ကျင်းပမည်ဆိုပါက -

(၁) အဖွဲ့ချုပ်ခေါင်းဆောင်များအပါအဝင် နိုင်ငံရေးအကျဉ်းသားများအားလုံး ခြွင်းချက်မရှိ ပြန်လွှတ်ပေးလျှင်

(၂) ၂ဝဝ၈ ဖွဲ့စည်းပုံအခြေခံဥပဒေမှ ဒီမိုကရေစီ စံနှုံန်းများနှင့် မကိုက်ညီသည့် အချက်များကို ပြင်ဆင်ပေးလျှင်

(၃) အားလုံးလွှမ်းခြုံပါဝင်နိုင်မည့် လွတ်လပ်၍ တရားမျှတသော ရွေးကောက်ပွဲအဖြစ် နိုင်ငံတကာက စောင့်ကြပ်လေ့လာမှုကို ခွင့်ပြုလျက် ကျင်းပမည်ဆိုလျှင် - အမျိုးသား ဒီမိုကရေစီအဖွဲ့ချုပ်သည် ပြည်သူလူထု တရပ်လုံး၏ အကျိုးစီးပွားကို သယ်ဆောင်နိုင်ရေး မျှော်မှန်း၍ ပေါ်ပေါက်လာမည့် နိုင်ငံရေးပါတီများ မှတ်ပုံတင်ခြင်း ဥပဒေနှင့် ရွေးကောက်ပွဲနှင့် စပ်လျဉ်းသော ဥပဒေတို့ကို လေ့လာပြီး အထူးကိစ္စတရပ်အနေဖြင့် အလေးထားစဉ်းစား၍ ရွေးကောက်ပွဲကို ဝင်ရောက်ယှဉ်ပြိုင်ရန် ရည်ရွယ်ကြောင်း ဤရွှေဂုံတိုင် ကြေညာစာတမ်းကို အလေးအနက် ထုတ်ပြန်ကြေညာလိုက်သည်။




Mazzima မှတင်ပြသည်။

အပြည့်အစုံဖတ်ချင်ရင်...

Wednesday, April 29, 2009

Tempest of Blood ( သွေးမုန်တိုင်း )

အပြည့်အစုံဖတ်ချင်ရင်...

စိုးရိမ်ဖွယ် ၀က်တုပ်ကွေးရောဂါ(Swine Flu) အကြောင်း

ကမ္ဘာ့နိုင်ငံများသို့  ပြန့် နှံ့ နိုင်တဲ့ စိုးရိမ်ဖွယ် ၀က်တုပ်ကွေးရော(Swine Flu) အကြောင်း သိရှိစေရန် ဖေါ်ပြအပ်ပါတယ်။
Swine Flu ဆိုတာ ဘာလည်း။
Swine Flu ဟာ ၀က်တွေမှာဖြစ်တဲ့ Influenza ဗိုင်းရပ်စ်အမျိုးအစား A H1N1 virus အမျိုးအစားကြောင့်ဖြစ်တဲ့ အသက်ရှူလမ်းကြောင်းပိုင်းဆိုင်ရာရောဂါ ဖြစ်ပါတယ်။ လူတွေအနေနဲ့  ၀က်တွေကနေ တိုက်ရိုက်ကူးစက်ဖို့ ခဲယှဉ်းပေမယ့် ဒီရောဂါပိုးရထားတဲ့သူကနေတစ်ဆင့် အခြားသူတစ်ဦးကို ကူးစက်နိုင်ပါတယ်။
Swine Flu ဖြစ်ရင် ဘယ်လို ရောဂါလက္ခဏာတွေ တွေ့ မြင်ရနိုင်ပါသလည်း။
Swine Flu ဖြစ်တဲ့သူမှာ အပူချိန်အဖျားတက်ခြင်း၊ ချောင်းဆိုးခြင်း၊ လည်ချောင်းနာခြင်း၊ ခန္ဒာကိုယ်ကိုက်ခဲခြင်း၊ ခေါင်းကိုက်ခြင်း၊ ချမ်းတုန်းခြင်း၊ မောပန်းခြင်းတို့  ဖြစ်လေ့ရှိပါတယ်။ အချို့ သောသူတွေမှာ ၀မ်းလျှောခြင်း၊ အန်ခြင်းတို့ လည်း ဖြစ်တတ်ပါတယ်။ စိုးရိမ်ဖို့ အနေနဲ့ ကတော့ အဆုတ်ရောင်ခြင်းနဲ့  အသက်ရှူလမ်းကြောင်းပိတ်ဆို့ ပြီး အသက်ဆုံးရှုံးနိုင်ပါတယ်။
Swine Flu ဟာ ကူးစက်ရောဂါ ဖြစ်ပါသလား။
Swine Flu ဟာ လူတစ်ဦးကနေတစ်ဦးထံ ကူးစက်နိုင်ပါတယ်။ အထူးသဖြင့် ချောင်းဆိုးခြင်းနှင့် နှာချေခြင်းမှ ကူးစက်နိုင်ပါတယ်။ ထို့ အပြင် Swine Flu ရောဂါရရှိထားသူ၏ နှာခေါင်း၊ ပါးစပ်၊ နှာခေါင်းနဲ့  တံထွေးများမှာ Swine Flu ဗိုင်းရပ်စ်ပိုး တွယ်ကပ်နေနိုင်တာကြောင့် အဆိုပါနေရာများကို ထိတွေ့ မိပါကလည်း ကူးစက်နိုင်ပါတယ်။
Swine Flu ကို ဘယ်လိုကာကွယ်တားဆီးမလည်း။
ကာကွယ်တားဆီရန် ကြိုတင်ပြုလုပ်ထားသင့်သည်များမှာ အသက်ရှူလမ်းကြောင်းမှ မ၀င်ရောက်စေရန် နှာခေါင်းနဲ့  ပါးစပ်အား ကာကွယ်ထားပေးသော ပါးစပ်ဖုံး နှာခေါင်းအုပ်များအား ၀တ်ဆင်ထားသင့်ပါတယ်။ လက်အား တစ်ခုခုကိုင်တွယ်ပြီးပါက မကြာခဏ ဆပ်ပြာဖြင့် ဆေးကြောသန့် ရှင်းရပါမယ်။ ကိုယ်ခန္ဓာကျန်းမာရေး အားကောင်းပြည့်စုံနေစေရန် ဂရုစိုက်ဖို့ လိုပါတယ်။ အိပ်စက်အနားယူချိန် ပြည့်ပြည့်၀၀ရရန် လိုပါတယ်။ စိတ်ဓါတ်ကျဆင်းမှုနဲ့  အားနည်းစေမှုများကို ရှောင်ရှားရန် လိုပါတယ်။ ရေ ၀၀လင်လင် သောက်သုံးရန် လိုပါတယ်။ အာဟာရပြည့်စုံသော အစားအသောက်များ စားသုံးရန် လိုအပ်ပါတယ်။
Swine Flu ရရှိထားသူ နေမကောင်းသူများအနေနဲ့  လိုက်နာသင့်တာတွေက ဘာပါလည်း။
မိမိထံမှ Swine Flu ဗိုင်းရပ်စ်ပိုး အခြားသူထံ မကူးစက်စေရန် ကာကွယ်မှု ပြုလုပ်ပေးသင့်ပါတယ်။ မိမိချောင်းဆိုး နှာချေတဲ့အခါမှာ လက်ကိုင်ပုဝါသန့် သန့်  (သို့ ) စက္ကူတစ်ရှူးများနဲ့  ကာကွယ်ပြီးမှ ချောင်းဆိုးသင့် နှာချေသင့်ပါတယ်။ မိမိရဲ့  မျက်စိ နှာခေါင်း ပါးစပ်တို့ ကို ရောဂါပိုး ကပ်တွယ်နေနိုင်သော လက်ဖြင့် ကိုင်တွယ်ခြင်း မပြုလုပ်သင့်ပါဖူး။ မိမိရဲ့  လက်ကို မကြာခဏ ဆပ်ပြာဖြင့် ဆေးကြောသန့် စင်ရပါမယ်။ မိမိ ချောင်းဆိုး နှာခြေရာတွင် သုံးသော စွန့် ပစ်ပစ္စည်းများကို စနစ်တကျ သိမ်းဆည်းသင့်ပါတယ်။ မိမိ နေထိုင်မကောင်းပါက လူအများရှိသော နေရာများ ဖြစ်တဲ့ ဈေး၊ ကျောင်း အလုပ်တို့ ကို သွားရောက်ခြင်းမှ ရှောင်သင့်ပါတယ်။
ဒီ Swine Flu ဖြစ်သူများအနေနဲ့  ဘယ်လို အခြေအနေမျိုးမှာ ဆရာဝန်နှင့် အမြန်တွေ့ သင့်ပါသလည်း။
Swine Flu ကြောင့် နေမကောင်းဖြစ်ပြီဆိုကတည်းက ဆရာဝန်များ၏ ကုသမှုကို ခံယူသင့်ပါတယ်။ အရေးပေါ်အနေနဲ့  အောက်ဖေါ်ပြပါ လက္ခဏာများကို တွေ့ ရှိရပါက လျင်မြန်စွာ ဆေးရုံဆေးခန်းများသို့  သွားသင့်ပါတယ်။
- အထူးသဖြင့် Swine flu ဖြစ်နေသူ ကလေးများအနေနဲ့  အသက်ရှူနှုန်း အလွန်ပြင်းထန်လာခြင်း၊ အသက်ရှူခက်ခဲခြင်း၊ အသားအရေ ပြာယောင်သမ်းလာခြင်း၊ ရေလုံးဝ မသောက်ခြင်း၊ အိပ်မောကျနေကာ နိုး၍လှုပ်၍ မရခြင်း၊ ချောင်းတအားဆိုးခြင်းနှင့် ကိုယ်ပူချိန်အဖျားကြီးခြင်း။
- Swine flu ဖြစ်နေသူ လူကြီးများအနေဖြင့် အသက်ရှူခက်ခဲခြင်း၊ အသက်ရှူရာတွင် နာကျင်ခြင်း၊ ရင်ဘတ်နှင့် ၀မ်းဗိုက်တွင် နာကျင်ခြင်း၊ ရုတ်တရက် မူးဝေခြင်း၊ အမြင်ေ၀၀ါးခြင်း၊ အဆက်မပြတ်အန်ခြင်းတို့  ဖြစ်ပါက ဆေးရုံဆေးခန်းသို့  အမြန်သွားရောက် ပြသသင့်ပါတယ်။
Swine Flu ကို ၀က်သားစားခြင်းနှင့် ၀က်မှ ထုတ်လုပ်သော အစားအသောက်များကြောင့် ကူးစက်နိုင်ပါသလား။
ဝက်သားအပါအ၀င် မည်သည့်အစားအသောက်ကမှ Swine flu မကူးစက်နိုင်ပါ။ သို့ သော် Swine flu ဖြစ်နေသော ၀က်များအား ထိတွေ့ ကိုင်တွယ်ခြင်းကိုမူ ရှောင်ရှားရပါမည်။
Swine Flu ဖြစ်ရင် မည်သည့်ဆေးဝါးသုံးစွဲသင့်ပါသလည်း။
အမေရိကန်ပြည်ထောင်စု ကူးစက်ရောဂါပြန့် ပွားမှုထိန်းချူပ်ရေးဌာနမှ ကျွမ်းကျင်သူဆရာဝန်များကပြောတာကတော့ Tamiflu နဲ့  Relenza ဆေးများဟာ Swine Flu ကာကွယ်ကုသဖို့ အတွက် အသုံးပြုနိုင်တယ်လို့  မှတ်ချက်ပေးပါတယ်။
Swine Flu ဖြစ်တဲ့ နောက်ဆုံးအခြေအနေ ဘယ်လိုရှိပါသလည်း။
ဒီ Swine Flu ရောဂါဖြစ်ပွားသူ - အမေရိကန်ပြည်ထောင်စုမှာ မနေ့ ကထိ စုစုပေါင်း (အယောက် ၂၀)၊ ကနေဒါမှာ (၆) ယောက်၊ မက်ဆီကိုမှာ အယောက် (၁၃၈၄) ဦး - သေဆုံးသူ (၈၁) ဦးတို့ ဖြစ်ပြီး၊ ရောဂါသံသယရှိဖွယ်တွေ့ ရှိမှုမှာ ပြင်သစ်မှာ (၁) ဦး၊ အစ္စရေးမှာ (၁) ဦး၊ နယူးဇီလန်မှာ (၁၀) ဦး၊ စပိန်မှာ (၇) ဦးတို့ ဖြစ်ပါတယ်။

ပေးပို့သူ သူငယ်ချင်းအား ကျေးဇူးတင် ရှိလျှက်... မြန်မာပြည်သူပြည်သား များဘေး
အန္တရယ်ကင်းဝေးကြပါစေ။


အပြည့်အစုံဖတ်ချင်ရင်...

ဗွေဆော်ဦးကြေညာချက်

for U Win Khat

အပြည့်အစုံဖတ်ချင်ရင်...

Friday, April 24, 2009

တောင်ကိုရီးယား၏ အမြင့်ဆုံး ဂွမ်ဂျူးလူ့အခွင့်အရေးဆုကို ကိုမင်းကိုနိုင် ရရှိ






ပေးပို့ - ရန်နိုင်ထွန်း (တောင်ကိုရီးယား)
2009 Winner of the Gwangju Prize for Human Rights From Korea 2009 Winner of the Gwangju Prize for Human Rights From Korea nyomyint@gmail.com

အပြည့်အစုံဖတ်ချင်ရင်...

Wednesday, April 22, 2009

Peace Song ငြိမ်းချမ်းရေးတေး

ကရင်နီတွေမှမဟုတ်ဘူး ကမ္ဘာကြီးမှာရှိတဲ့ လူသားတွေအားလုံး ငြိမ်းချမ်းချင်တဲ့ ဆန္ဒနဲ့  ငြိမ်းချမ်းရေးတေးလေးကို တင်ဆက်ပေးလိုက်ပါတယ်

အပြည့်အစုံဖတ်ချင်ရင်...

ဖောင်ဖျက်စွန့်  လွတ်ထွက်ခဲ့

အပြည့်အစုံဖတ်ချင်ရင်...

we are coming တို့လာပြီ

အပြည့်အစုံဖတ်ချင်ရင်...

ဆီဖြစ်မဲ့ နှမ်းတစ်စေ့

အပြည့်အစုံဖတ်ချင်ရင်...

Tuesday, April 21, 2009

သင်္ကြန်အကြိုနေ့ က ကောင်းကင်မှာ ရဟန္တာတစ်ပါး ကြွချီ

ပြီးခဲ့တဲ့ သင်္ကြန်အကြိုနေ့ ၊ နေ့ လည် (၃) နာရီလောက်က ရန်ကုန်မြို့  မြောက်ဒဂုံဘက်က ကောင်းကင်မှာ ရဟန္တာတစ်ပါး ကြွချီနေတာတွေ့ တယ်လို့ ဆိုပြီး ဗွီဒီယိုနဲ့ ရိုက်ထားတာ တွေ့ ရပါတယ်။ JaukJack13samual ဆိုသူကနေ ဖေါ်ပြထားတာ ဖြစ်ပါတယ်။

အပြည့်အစုံဖတ်ချင်ရင်...

Wednesday, April 15, 2009

ရတနာရာမမြန်မာကျောင်း(မလေးရှား) ၂၀၀၉ သင်္ကြန်(အကြိုနေ့)

အပြည့်အစုံဖတ်ချင်ရင်...

Friday, April 10, 2009

ရှာပုံတော်မင်းသားကြီး

မြန်မာ့နှစ်သစ်ကူးမှာ ကျန်းမာရွှင်လန်းချမ်းမြေ့ ပါစေ။


အပြည့်အစုံဖတ်ချင်ရင်...

Wednesday, April 8, 2009

သွေးကြောင်ရင်ဘေးရှောင်နေလိုက်


အာဇာနည်ပီသသည့်သင့်ရဲ့ သွေး
သတ္တိသွေးရဲရဲမွေးလော့
ဒီတခါနွှဲမဲ့သပိတ်
နောက်ဆုံးပိတ်မို့ 
သင့်ရဲ့ သွေး နီမနီ
အာဇာနည် ပီမပီ
ဒို့ သိချင်ပြီ။

သင့်သွေးမနီလို့ အာဇာနည်မပီသရင်
ဝါကျင့်ကျင့်သင့်သွေးရောင်
သွေးကြောင်ရင်
ဘေးရှောင်နေလိုက်
သင်လိုလူမိုက် ဒို့ နဲ့ မလိုက်လဲ
ဒို့ ကတော့
ဒို့ သံဃာတွေအတွက်
ဒို့ ကျောင်းသားတွေအတွက်
ဒို့ ပြည်သူတွေအတွက်
ဒို့ သွေးတွေပေးကာဆပ်
ဒို့ အသက်တွေပါ ထွက်ပါစေ
ဒို့ ဘဝကိုပေးကာဝေမည်
အာဇာနည်ပီသသူတို့ ရဲ့ သွေး
ရဲရဲနီသည် ရဲရဲမွေးသည်
လိုက်ရဲတဲ့သူ လိုက်ကြလော့………..။

မင်းသုည(ကွမ်းခြံကုန်း)


အပြည့်အစုံဖတ်ချင်ရင်...

Monday, April 6, 2009

ဂျီတော့ခ်သုံးစွဲသူတို့ လုံခြုံရေးသတိ ရှိစေလို

မိုးမခ စာဖတ်သူတဦး

ဧပြီ ၆၊ ၂၀၀၉
မြန်မာစစ်အစိုးရက အင်တာနက်ထိန်းချုပ်ရေးစီမံချက်ကို ပိုမိုတိုးမြှင့်လာတယ်လို့ ဆိုပါတယ်။ ပြည်တွင်းကနေပြီး ပြည်ပနှင့် ဂျီတော့ခ် (အင်တာနက်ပေါ်က အပြန်အလှန် စာရိုက်၊ စကားပြော ဆက်သွယ်ရေးစနစ်) သုံးသူတို့ရဲ့ ကိုယ်ရေးကိုယ်တာအချက်အလက်တို့ ပေါက်ကြားကုန်ပြီး အဲဒီအထောက်အထားတွေနဲ့ လူ ၄ ဦး ဖမ်းခံရတယ်လို့ ကြားပါတယ်။

စစ်အစိုးရဖက်က ကမကထလုပ်ဖွင့်ထားတဲ့ အင်တာနက်ဆိုင်တွေအနက်၊ ((သို့မဟုတ်) စစ်အစိုးရဖိအားပေး အကြပ်ကိုင်ခံထားရလို့ သတင်းပေးလုပ်နေတဲ့ဆိုင်တွေ ထဲက လို့ ပြောချင်လည်း ရပါတယ်) ရွှေပြည်သာမြို့နယ်က ဆိုင်အချို့မှာ သွားရောက်သုံးစွဲခဲ့ပြီး ရက်ပိုင်းအတွင်း ဖမ်းဆီးခံလိုက်ရတာလို့ ပြောပါတယ်။

အင်တာနက်နှေးလွန်းလို့၊ အင်တာနက်ပိတ်ဆို့ထားလို့ ဆိုတဲ့အကြောင်းပြချက်တွေကြောင့်၊ ယခုတလောမှာ မိမိမိတ်ဆွေများကတဆင့် သို့မဟုတ် အင်တာနက်ဆိုင်တွေရဲ့ လမ်းညွှန်ချက်တွေကတဆင့်၊ ဂျီလိုက်တ် သို့မဟုတ် ပရော့စီဆားဗစ် သို့မဟုတ် တဆင့်ခံလိပ်စာများကို သုံးစွဲပြီးတော့ အီးမေးတွေ၊ ပတ်စ်ဝဒ်တွေ သုံးစွဲတာမျိုးကို ဆင်ခြင်သင့်တယ်လို့ သတိပေးချင်ပါတယ်။ နိုင်ငံရေးကိစ္စတွေ သတင်းတွေနဲ့ ပတ်သက်ပြီး ဂျီးမေးသုံးတာ၊ ဂျီတော့ခ်သုံးတာတွေကို အခုတလော ဂရုစိုက်စေချင်ပါတယ်။ စကားဝှက်တွေလည်း အသစ်လဲထားသင့်ပါတယ်။

အကောင်းဆုံးကတော့ မိမိကိုယ်တိုင် စိတ်ချရတဲ့ အင်တာနက်ဆိုင်၊ မိမိသုံးစွဲတာတွေကို ကြားဖြတ်ခိုးယူ စောင့်ကြည့်ခြင်း မပြုလုပ်တဲ့ ဆိုင်တွေကိုသာ ရွေးချယ်သုံးစွဲသင့်ပါတယ်။ မြန်မာပြည်မှာ အင်တာနက်ကို ထိမ်းချုပ်တာအပြင် အီးမေးတွေ၊ ချက်လိုင်းတွေကိုပါ စောင့်ကြည့် စစ်ဆေးတာတွေ လုပ်လာတာကြောင့် အားလုံးက ထိတ်လန့်နေရတာကို တွေ့နေရပါတယ်။ နောက်တခုက ဧပြီလ ၇ ရက်အထိ အင်တာနက်တွေ နှေးနေဦးမယ်လို့ ကြေငြာထားပြန်ပါတယ်။

မိုးမခမှတင်ပြသည်။

အပြည့်အစုံဖတ်ချင်ရင်...

Friday, April 3, 2009

ဦးသန့်နှင့်ဘာသာရေး



ဧပြီလ(၃) ရက်၊ ၂၀၀၉
line


ကုလသမဂ္ဂ အထွေထွေအတွင်းရေးမှူးချုပ် (၁၉၆၁-၇၁) သက်တမ်း (၂) ဆက် ဆောင်ရွက်ခဲ့ရတဲ့ ဦးသန့်ဟာ ဗုဒ္ဓဘာသာမြန်မာလူမျိုးတဦးဖြစ်တယ်ဆိုတာ အထူးထုတ်ဖော် ရေးသားစရာမလိုပါဘူး။ ဒါပေမယ့် ဗုဒ္ဓဘာသာ ဖြစ်တာနဲ့ ကုလသမဂ္ဂတာဝန်နဲ့ ဘာဆိုင်သလဲလို့မေးလာရင်တော့ ဦးသန့်ရဲ့ ဘာသာရေး ကိုးကွယ်ယုံကြည်မှုဟာ ထည့်သွင်းပြောဆိုစရာ ဖြစ်လာပါတယ်။ ပြောလည်း ပြောခဲ့ကြပါတယ်။

ဦးသန့်ရဲ့ညီ ဦးခန့်က တက္ကသိုလ် စိန်တင်ရေးတဲ့ “ငြိမ်းချမ်းရေးဗိသုကာဦးသန့်” ဆိုတဲ့ စာအုပ်မှာ အမှာစာရေးတော့ အောက်ပါအတိုင်းရေးထားတဲ့ စာတပိုဒ်ပါရှိပါတယ်။

“ဗုဒ္ဓဘာသာ မြန်မာတို့၏ ရဋ္ဌပူရဒေသ၊ မြစ်ဝကျွန်းပေါ်၊ ပန်းတနော်ဇာတိဖြစ်သော ဦးသန့်သည် ပြည်ပြည်တိုင်းကား၊ ကျော်ကြားသတင်း၊ ကမ္ဘာချင်းအောင်၊ ပွင့်လင်းထင်ရှား လူသိများလျက်ရှိနေပေသည်။ ဦးသန့်၏ ထင်ရှားကျော်ဇောခြင်း၊ ဦးသန့်ကို ကမ္ဘာက လိုလားခြင်းတို့သည် ဦးသန့်၏ သူမတူအောင် ပြည့်စုံသော ၀ီရိယ၏ စွမ်းပကား၊ ပညာ၏ စွမ်းပကား၊ စင်ကြယ်သော အကျင့်သီလတို့၏ စွမ်းပကားတို့ကြောင့်ဟုလည်း ဆိုနိုင်ပါ၏။ တနည်းအားဖြင့် ဦးသန့်သည် ဣဿာမိစ္ဆရိယဟူသော စိတ်ယုတ်တို့ကို ပယ်ရှားနိုင်၍ ဒေ၀ဓမ္မတရားနှစ်ပါးတို့ ဖြစ်သော ဟီရိသြတပ္ပတရား၊ လောကပါလဖြစ်သော ဗြဟ္မစိုရ်တရားတို့ကို ကောင်းစွာလက်ကိုင်ထားနိုင်သော ပါရမီအင်အား၊ ဘုန်းကံအင်အား ကြီးမားသော မင်းယောက်ျားဖြစ်သောကြောင့်ဟုလည်း ဆိုနိုင်ပါ၏။”

ဦးသန့်ကိုက ဗုဒ္ဓဘာသာဝင် ယောက်ျားကောင်းတဦးအဖြစ် ရှုမြင်သုံးသပ်ထားပုံဖြစ်ပါတယ်။ ဦးသန့်အမြင်ဟာ တကယ့် ဗုဒ္ဓဘာသာဝင်စင်စစ်တဦးရဲ့ ရှုမြင်သုံးသပ်ချက်ဖြစ်ပါတယ်။ ကုလသမဂ္ဂ အသိုင်းအ၀ိုင်းကလည်း ဦးသန့်ရဲ့ လုပ်ဆောင်ချက်တွေကို သုံးသပ်ချီးမွမ်းကြရာမှာ ဦးသန့်ဟာ ဗုဒ္ဓဘာသာဝင်ဆိုတဲ့ အချက်ကို မကြာခဏ ထည့်သွင်း ပြောဆိုကြပါတယ်။

ဗုဒ္ဓဘာသာကို ကမ္ဘာကသိတာက မေတ္တာဝါဒ၊ ငြိမ်းချမ်းရေးဝါဒ၊ အလယ်အလတ်လမ်းစဉ် (မဇ္ဈိမ ပဋိပဒါလမ်းစဉ်) လို ဖြစ်ပါတယ်။ ဦးသန့်ရဲ့ သည်းခံစိတ်ရှည်ခြင်းကိုလည်း ဗုဒ္ဓ၀ါဒီဖြစ်လို့ဆိုပြီး သုံးသပ်ကြပါတယ်။ ဦးသန့်ဆောင်ရွက်ရတဲ့ အလုပ်တွေကလည်း ငြိမ်းချမ်းရေးအလုပ်ကို ဘက်မလိုက် ကြားနေရေး နေရာက သည်းခံစိတ်ရှည်စွာ လုပ်ရတဲ့ အလုပ်တွေဖြစ်ပါတယ်။

တကယ်တော့ ဦးသန့်ဟာ မိရိုးဖလာ ဗုဒ္ဓ၀ါဒတဦး ဖြစ်ပါတယ်။ ဘုန်းကြီးကျောင်းနေပြီး ဘုန်းကြီးကျောင်းရဲ့ ဗုဒ္ဓဘာသာ သရိုးစာအခြေခံတွေ မသင်ခဲ့ရပါဘူး။ သူ့ဖခင်က အိန္ဒိယ တက္ကသိုလ်တခုမှာ ပညာသင်ခဲ့ဖူးတဲ့ ခေတ်ပညာတတ်တဦး ဖြစ်လို့ မိရိုးဖလာပညာရေးလောက်နဲ့ တင်းတိမ်နိုင်သူမဟုတ်ပါ။ ဘုန်းကြီးကျောင်းကို စတင်မပို့ဘဲ လူကျောင်းကိုပဲ စတင်ပို့ခဲ့ပြီး အင်္ဂလိပ်စာတတ်ကျွမ်းရေးကိုပဲ အလေးပေးခဲ့ပါတယ်။ ကိုရင်ဝတ်တော့လည်း ခုနှစ်ရက်ပဲ ၀တ်ခဲ့ရပါတယ်။ ဒီလိုနဲ့ ဗုဒ္ဓဘာသာမှာ ထူးထူးခြားခြား အဆင့်မြင့်မြင့် လေ့လာရတဲ့ ကျောင်းပညာ အခွင့်အရေးမျိုးမရခဲ့ပါ။ ဒါပေမယ့် စာဖတ်ခြင်းကို အထူးဝါသနာပါတဲ့အတွက် ဗုဒ္ဓစာပေကို မိရိုးဖလာထက်ပိုပြီး လေ့လာလိုက်စားခဲ့ဟန်ရှိပါတယ်။

ဗုဒ္ဓဘာသာဝင်တဦးအနေနဲ့ သာမန်မိရိုးဖလာထက်ပိုပြီး လေ့လာလိုက်စားခဲ့ပုံရတယ်လို့ ဦးသန့်အပေါ် အကဲဖြတ်နိုင်တဲ့ အကြောင်းအချက်တခုကတော့ မန္တလေးတောင်မြို့မဟာဂန္ဓရုံဆရာတော် အရှင်ဇနကာ ဘိဝံသလို ဗုဒ္ဓစာပေကျမ်းပြု အကျော်တဦးက ဦးသန့်လို လူဝတ်ကြောင်တဦးကို မိမိရဲ့ ဘာသာရေးစာအုပ် (အနာဂတ်သာသနာ) မှာ အမှာစာရေးခွင့်ပြုခြင်းပဲ ဖြစ်ပါတယ်။ ဒီအချက်ဟာ ဘာသာရေးနဲ့ ပတ်သက်ပြီး အထင်ကြီးစရာဖြစ်ပေမယ့် ဦးသန့်ဟာ ဘုရားဒကာ ဆဋ္ဌသင်္ဂါယနာတင် နိုင်ငံတော်ဝန်ကြီးချုပ် ဦးနုနဲ့တော့ လုံးဝမတူပါဘူး။ ဦးနုက ပုတီးစိတ်ခြင်း၊ ဗေဒင်မေးခြင်း၊ ဗလိနတ်စာကျွေးခြင်း စတဲ့ ကိစ္စတွေမှာ အထူးအလေးအနက် ထားလွန်းပါတယ်။ သဘောထားကွဲလွဲမှု အလွန်နည်းတဲ့ ငယ်ပေါင်းရောင်းရင်း ဦးနုနဲ့ ဦးသန့်တို့ဟာ နိုင်ငံတော်က ဘာသာရေးအတွက် ဆောင်ရွက်မှုမှာ အကြီးအကျယ် သဘောကွဲလွဲခဲ့ဖူးပါတယ်။

ဦးနုဟာ ဆဋ္ဌမ သင်္ဂါယနာတင် သာသနာ့ ဒါယကာကြီးဘွဲ့ခံလိုသူ ဖြစ်ပါတယ်။ ပဉ္စမ သင်္ဂါယနာတင်ခဲ့တာဟာ မင်းတုန်းမင်း လက်ထက်ကဆိုတော့ ထပ်ပြီး သင်္ဂါယနာတင်ဖို့ အလောတကြီးမလိုသေးပါဘူး။ မင်းတုန်းမင်းက ကျောက်ထက်အက္ခရာတင်ခဲ့တာပါ။ ပုံနှိပ်စာတွေလည်း ရိုက်နှိပ်ပြီးသား ရှိနေပါပြီ။ နှုတ်ထက် အာဂုံသက်သက် မဟုတ်ပါဘူး။ ဗမာပြည်ကလည်း ဒုတိယကမ္ဘာစစ်မှာ မိအေးနှစ်ခါနာဆိုသလို ဂျပန်အ၀င်တခါ၊ အင်္ဂလိပ်အ၀င်တခါ စစ်ဒဏ်ခံပြီး ပြာပုံဖြစ်ခဲ့ရတဲ့အပြင် ပြည်တွင်စစ်မီးကလည်း တောက်လောင်နေတာပါ။ ဒါ့ကြောင့် ထူထောင်စ တိုင်းပြည်မှာ လိုဏ်ဂူကြီးဆောက်ပြီး အကြီးအကျယ် ငွေကုန်ကြေးကျခံဖို့ဆိုတာ ဆိုင်းထားသင့်ပါသေးတယ်။ ဒါ့ကြောင့် ဦးသန့်က အမုန်းခံပြီး ကန့်ကွက်ခဲ့ပါတယ်။ ဦးနုက စိတ်ကူးယဉ်သူလည်းဖြစ်၊ လုပ်ချင်သလိုလုပ်ဖို့ အာဏာလည်းရှိချိန်ဖြစ်လို့ ဇွတ်တိုးလုပ်ခဲ့ပါတယ်။ နောက်ပိုင်းမှာ သတင်းစာဆရာ ၀န်ကြီး ဦးထွန်းဖေက “ဘ၀ရှင်မင်းတရားကြီး” လို့ ခေါ်လောက်အောင် ဇွတ်တိုးလုပ်လေ့ရှိလာပါတယ်။ မိတ်ဆွေဦးသန့်ရဲ့ ကန့်ကွက်မှုဟာ မအောင်မြင်ခဲ့ပါဘူး။

မြန်မာပြည်မှာက ကွန်မြူနစ်ဝါဒဟာ မိစ္ဆာဒိဋ္ဌိဝါဒလို့ လူအများအပြားက အစွဲဖြစ်ပေါ်ခဲ့ပါတယ်။ မူလက လက်ဝဲ၀ါဒ ဖြန့်ချိခဲ့သူ သခင်နုက သာသနာ့ ဒါယကာ ဖြစ်လာတဲ့အခါ သူပုန်ထနေတဲ့ ကွန်မြူနစ်တွေကို ဓမ္မာန္တရာယ်တွေလို့ ဆိုင်းဘုတ်ကပ်ခဲ့ပါတယ်။ တချို့ ကွန်မြူနစ်များကလည်း ဘုရားကျောင်းထဲ ဖိနပ်စီးပြခဲ့ကြဖူးတာ ရှိပါတယ်။ ဗုဒ္ဓဘာသာဝင်ဦးရေများတဲ့ ဗမာပြည်မှာ ကွန်မြူနစ်ကို မိစ္ဆာဒိဋ္ဌိ စွပ်စွဲရတာ လွယ်ပါတယ်။ သံဃာတော်တွေကို ရိုက်နှတ်သတ်ဖြတ်ခဲ့တဲ့ စစ်ဗိုလ်ချုပ်တွေဟာ ယခုအခါ စောစောတုန်းကလိုတော့ ကွန်မြူနစ်တွေကို ဓမ္မာန္တရာယ် မခေါ်ရဲတော့ပါဘူး။ ကဗျာဆရာတင်မိုးက သူတို့ကို ကွန်မြူနစ် တစ္ဆေခြောက်သူတွေအဖြစ် ကဗျာနဲ့ သရော်ခဲ့ဖူးပါတယ်။

ဦးသန့်ကတော့ ဓမ္မာန္တရာယ်အဖြစ် စွဲချက်မတင်ပါဘူး။ ဦးနု တခါတလေ ပြောဖူးသလို “ကွန်မြူနစ်ဝါဒ အဓွန့်ရှည်ပါစေ၊ ဗမာကွန်မြူနစ်များ ကျဆုံးပါစေ” လို့ ပြောလိုပုံရပါတယ်။ ဗမာကွန်မြူနစ်တွေကို ကွန်မြူနစ် အမည်ခံထားတဲ့ အကြမ်းဖက်သမားတွေလို့ ဆိုပါတယ်။ သခင်သန်းထွန်းနဲ့ သခင်စိုးတို့ အပြန်အလှန် ပုဂ္ဂိုလ်ရေး တိုက်ခိုက်ကြပုံ၊ မကြားဝံ့ မနာသာ စွပ်စွဲပြောဆိုကြပုံတွေဆိုပြီး သူတို့ စာစောင်တွေမှာ အပြန်အလှန်ရေးထားတာ တွေကို စုပေါင်းတင်ပြပါတယ်။ အလံနီသခင်စိုးဟာ မူလက လူ (၃၀) လောက်ရှိရာက မြေရှင်သဌေးတွေရဲ့ ပစ္စည်းတွေကို လုယက်ယူငင်တဲ့အခါ လူဆိုးဓားပြတွေပါဝင်လာလို့ ချက်ချင်းလူ (၃၀၀) လောက် ဖြစ်သွားခဲ့တယ်လို့ ရေးပါတယ်။ “ဓမ္မာန္တရာယ် မိစ္ဆာဒိဋ္ဌိ” ဆိုတဲ့ စကားကို မသုံးခဲ့ပါ။ ဘာသာရေးကို နိုင်ငံရေးတိုက်ပွဲ လက်နက်အဖြစ် သုံးလေ့မရှိခဲ့ပါ။ ရှိတောင်မှ ဖဆ ဆိုရှယ်အများစုလို အဓိက လက်နက်အဖြစ် မသုံးခဲ့ပါ။

ဦးသန့်တသက်တာမှာ မိခင်နဲ့ အတူ ဘုန်းကြီးဆွမ်းကပ်တာမျိုး၊ ရွှေတိဂုံဘုရားကို တက်ပြီး ဘုရားဖူးတာမျိုးကို လုပ်လေ့ရှိပါတယ်။ တရားထိုင်တာလည်း လုပ်ပါတယ်။ ပုတီးစိပ်တာ မကြားဖူးပါ။ အလှူအတန်း အကြီးဆုံးလုပ်ဖူး တာက မိမိရရှိတဲ့ ဂျဝါဟာလာနေရူး ဆုငွေ ရူပီး တသိန်းကို ဂျပန်ရှိ ကုလသမဂ္ဂတက္ကသိုလ်ကို ပညာရေးရန်ပုံငွေ အလှူအဖြစ် လှူခဲ့တာပဲရှိပါတယ်။

ကိုယ်ကျင့်သိက္ခာပိုင်းက ပြောရရင်တော့ ငါးပါးသီလကို ခါးဝတ်ပုဆိုးကဲ့သို့ မြဲသူလို့ ပြောရင် သာမန်ပြောရာ ကျပါမယ်။ ဦးသန့်ဟာ သူရဲ့ ရာထူးအရှိန်အ၀ါအသုံးချပြီး အစိုးရ ၀န်ထမ်းအနေနဲ့ရော၊ ကုလသမဂ္ဂ၀န်ထမ်းအနေနဲ့ ရော အခွင့်အရေး အလွဲသုံးစားမှုမျိုး၊ ကိုယ်ကျိုးရှာမှုမျိုး လုံးဝ မရှိခဲ့သူ ဖြစ်ပါတယ်။ ဗိုလ်နေ၀င်းလို အကုသိုလ်များ တဲ့ လူမျိုးဟာ ဦးသန့်ကို “ဆင်ဖြူမျက်နှာ ဆင်မဲမကြည့်ဝံ့” ဖြစ်ခဲ့မယ်လို့ ယုံကြည်ပါတယ်။

ဦးသန့်ရဲ့ မိတ်ဆွေရင်း ဦးနုဟာ “ဦးသန့်ဟာ အလွန်ရိုးသားဖြောင့်မတ်သူတယောက်ဖြစ်ပြီး ဗုဒ္ဓဘာသာကိုလည်း အလွန်ရိုသေကိုင်းရှိုင်းသူ ဖြစ်ပါတယ်” လို့ အတိုချုပ်ပြောခဲ့ဖူးပါတယ်။ တကယ်တော့ ဦးသန့်ဟာ ဘယ်ဘာသာကို မဆို ရိုသေကိုင်းရှိုင်းတဲ့ လူယဉ်ကျေးဖြစ်ပါတယ်။ ဦးနုပြောတဲ့ “ဦးသန့်ဟာ အလွန်ရိုးသားဖြောင့်မတ်သူ” ဆိုတဲ့ စကားဟာ ရိုးရိုးနဲ့ ပြည့်စုံလှတဲ့ ဂုဏ်ပုဒ်ပါပဲ။

ဦးအုန်းမြင့် (ဒို့ရှမ်းပြည်) ကတော့ ဗုဒ္ဓဘာသာ ရှုထောင့်က ဂုဏ်ပြုစကားတလုံးဖြစ်တဲ့ “သူဇာတာတို့၏ များစွာ နှစ်လိုကြည်ညိုခင်မင်စေနိုင်သော သွင်ပြင်အမူအရာရှိခြင်း” လို့ အချုပ်ပြောပါတယ်။ အဲဒါကို “သရဏီယတရား ခြောက်ပါးနဲ့ ပြည့်စုံသူ” ပြောနိုင်ပါတယ်တဲ့။ သရဏီယတရား ခြောက်ပါးဆိုတာက -
(၁) ချစ်ခင်နှစ်လိုဖွယ် ကိုယ်အမူအရာရှိခြင်း၊
(၂) ချစ်ခင်နှစ်လိုဖွယ် နှုတ်အမူအရာရှိခြင်း၊
(၃) ချစ်ခင်နှစ်လိုဖွယ် စိတ်အမူအရာရှိခြင်း၊
(၄) ချစ်ခင်နှစ်လိုဖွယ် မျှတဝေဖန်မှုရှိခြင်း၊
(၅) ချစ်ခင်နှစ်လိုဖွယ် ကိုယ်ကျင့်ရှိခြင်း၊
(၆) ချစ်ခင်နှစ်လိုဖွယ် လိုက်လျောတတ်ခြင်းတဲ့။ အားလုံး (၆) ပါးပါ။ “ချစ်ခင်နှစ်လိုဖွယ် အမူအကျင့်နဲ့ ပြည်စုံသူ” လို့ ပြောရင် ပြီးမယ်ထင်ပါတယ်။

“ဗုဒ္ဓဘာသာနှင့် ဦးသန့်” ဆိုတဲ့ ဘိလပ်က ဂါဒီယန်သတင်းစာ ဆောင်းပါးတပုဒ်ကို တက္ကသိုလ်စိန်တင်ပြုစုတဲ့ “ကမ္ဘာ့ငြိမ်းချမ်းရေး ဗိသုကာ ဦးသန့်” ဆိုတဲ့ စာအုပ်မှာ ဘာသာပြန်ပြီး ဖော်ပြထားပါတယ်။ အဲဒီဆောင်းပါးက “ဗုဒ္ဓဘာသာနှင့် ဦးသန့်” (လန်ဒန်၊ အောက်တိုဘာ (၁၉) ရိုက်တာ) ကုလသမဂ္ဂဆိုင်ရာ မြန်မာသံအမတ်ကြီး ဦးသန့် ကိုးကွယ်ယုံကြည်သော ဘာသာဖြစ်သည့် ဗုဒ္ဓဘာသာသည်ပင် ဦးသန့်ကို ကုလသမဂ္ဂအတွင်းရေးမှူးချုပ် ခန့်သင့်ကြောင်း တန်ဖိုးမဖြတ်နိုင်သော အထောက်အကူဖြစ်နေပြီ ဖြစ်သဖြင့် ဂါဒီယန်သတင်းစာကြီးက ယနေ့ခေါင်းကြီးပိုင်းမှ ဝေဖန်ရေးသားလိုက်သည်။ ယင်းသတင်းစာကြီးက ဆက်လက်ရေးသားရာတွင် ဗုဒ္ဓဘာသာဝင်များမှာ သမစိတ္တရှိကြ၍ အလယ်အလတ်လမ်းစဉ်ကို လက်ကိုင်ထားပြီး အမြတ်ဆုံးတရားကို ရှာဖွေနေသူများဖြစ်သည် စသဖြင့် ပါရှိသည်။

ထိုသို့ ရည်ရွယ်ရင်းရှိကြသော လူမျိုးများမှာ အဂတိတရားမလိုက်စားဘဲ သမစိတ္တမျှတစွာ ထားရှိတတ်သော သဘောရှိသူများဖြစ်သည်။ ဦးသန့်ကို ကြည့်ပါလျှင် သူယုံကြည်လက်ခံသော ဘာသာတရားကြောင့်ပင် ကုလသမဂ္ဂ၏ တာဝန်ကြီးများကို ထမ်းဆောင်ရန် သင့်တော်သူတဦးဖြစ်ကြောင်း ထင်ရှားနေသည်စသဖြင့် အဆိုပါ ဂါဒီယန်သတင်းစာကြီးက ဆက်လက်ဝေဖန်ရေးသားထားပေသည်။ အထက်ပါစာဟာ ရိုက်တာသတင်းဌာနက ဂါဒီယန်သတင်းစာပါ ဆောင်းပါးထဲက အကြောင်းအချက်တခုကို ဖောက်သယ်ချလိုက်တာပဲ ဖြစ်ပါတယ်။

တကယ်တော့ ဦးသန့်ဟာ မြန်မာပြည်သား တယောက်အနေနဲ့ ဒုတိယကမ္ဘာစစ်ကြီးဒဏ်ကို မိအေးနှစ်ခါနာဆိုသလို ခံခဲ့ရသူ၊ ပြည်တွင်းစစ်ကြီးဒဏ်ကို ခံခဲ့ရသူဖြစ်ပါတယ်။ ဒါ့ကြောင့် စစ်ကို မလိုလား၊ ငြိမ်းချမ်းရေးကို လိုလားတာ ဖြစ်ပါတယ်။ ကမ္ဘာစစ်မီးထဲမှာ သူစုဆောင်းခဲ့တာ စာအုပ်တွေနဲ့ အတူ သူ့အိမ်လည်း မီးထဲပါသွားခဲ့ပါတယ်။ ပြည်တွင်းစစ်ကာလမှာ ကရင်သူပုန်နဲ့ ငြိမ်းချမ်းရေး ဆွေးနွေးဖို့ အသက်စွန့်ပြီး ဆောင်ရွက်ခဲ့ရတဲ့ အတွေ့အကြုံ လည်း ရှိပါတယ်။ ဦးနုရဲ့မှတ်ချက်ချအတိုင်း အလွန်ရိုးသားဖြောင့်မတ်ပြီး မေတ္တာရှေ့ထားစဉ်းစားတတ်သူလည်း ဖြစ်ပါတယ်။ ဒါတွေက ဦးသန့်ရဲ့ ပင်ကိုယ် အရည်အချင်းတွေပါ။ ဒီအရည်အချင်းတွေကို ဦးသန့်ဟာ ဗုဒ္ဓဘာသာဝင် တဦးအနေနဲ့ တည်ဆောက်ခဲ့တာ ဖြစ်ပေမယ့် ဗုဒ္ဓဘာသာဝင်တိုင်းမှာ ဒီအရည်အချင်းတွေ ရှိနေတာလည်းမဟုတ်ပါ ဆိုတာကိုတော့ သတိပြုရပါလိမ့်မယ်။ ဦးသန့်က ဦးနုလို အယူသည်းမှုတွေ မပါရှိပါဘူး။ နတ်၊ ဗေဒင်၊ ပုတီးတွေ မပါပါဘူး။ ဦးသန့်မှာ သီလနဲ့ ပညာပိုင်းမှာ လူတကာထက် ပိုပါတယ်။ ဦးသန့်ကို ဗုဒ္ဓဘာသာဝင်တဦးလို့ ဆိုတာထက် “ဗုဒ္ဓဘာသာဝင်ကောင်းတဦး” လို့ “ကောင်း” ဆိုတဲ့ ၀ိသေသတလုံး တိုးဖြည့်ပြောမှ တခြားဗုဒ္ဓဘာသာဝင်တွေနဲ့ မရောမှာဖြစ်ပါတယ်။

ဗုဒ္ဓဘာသာဝင် ဦးသန့်ရဲ့ စွမ်းဆောင်မှုတွေကြောင့်
(၁) မြန်မာနိုင်ငံရဲ့ ဂုဏ်မြင့်တက်ခဲ့တယ်။
(၂) မြန်မာလူမျိုးရဲ့ ဂုဏ်မြင့်တက်ခဲ့တယ်။
(၃) ဗုဒ္ဓဘာသာရဲ့ ဂုဏ်မြင့်တက်ခဲ့တယ်။
(၃) ကုလသမဂ္ဂကြီးရဲ့ ဂုဏ်လည်း မြင့်တက်ခဲ့ပါတယ်။

ဗိုလ်နေ၀င်းအစ ဗိုလ်သန်းရွှေအဆုံး ဗမာစစ်ဗိုလ်ချုပ်တွေကြောင့် ခုအခါမှာ မြန်မာနိုင်ငံရဲ့ဂုဏ်ရော ဗုဒ္ဓဘာသာရဲ့ဂုဏ်ရော၊ မြန်မာလူမျိုးရဲ့ဂုဏ်တွေ အထူးနိမ့်ကျခဲ့ရပါတယ်။ ဒီဂုဏ်တွေကို သူများက ဆည်ပေးလို့မရပါ။ ဦးသန့်ကို မနာလို တိုရှည် ဖြစ်နေလို့လည်း မပြီးပါ။ ဦးသန့်ဂုဏ်တွေကို ဖျက်ပစ်လို့လည်း မရပါ။ မိမိတို့မှာ ကျဆင်းနေတဲ့ ဂုဏ်ကို မိမိတို့ဘာသာ ပြန်လည်မြှင့်တင်မှသာ ရနိုင်ပါတယ်။

ဗိုလ်ချုပ်တွေအနေနဲ့ မိမိတို့ရဲ့ဂုဏ်ကို ဆည်ချင်ရင် အလွန်လွယ်ပါတယ်။ ဦးသန့် အမိန့်ရှိဖူးသလို စိတ်ထဲကလာတဲ့ ကိစ္စတွေကို စိတ်ထဲမှာပဲ အရင် ရှင်းရပါလိမ့်မယ်။ ဦးသန့်ကို မေတ္တာရှေ့ထားပြီး တိုင်းပြည်ငြိမ်းချမ်းသာယာဝပြော စေချင်ပါတယ်ဆိုတဲ့ စေတနာထားလိုက်ရင် အစစချောမောသွားပါလိမ့်မယ်။

စစ်ဗိုလ်ချုပ်တွေ လူတောမတိုးနိုင်ဖြစ်နေရတာကို ငါတို့ ဘုန်းကြီးလို့ သာမန်လူတွေ မဖူးနိုင်ကြဘူးလို့ ထင်မနေပါလေနဲ့။ မကောင်းတာလုပ်ရင် လူတွေက ကိုယ့်ကို ရှောင်ကြမယ်။ ကိုယ်တိုင်ကလည်း လူတောမတိုးဝံ့ ဖြစ်မယ်။ ကောင်းတာလုပ်ရင် ဦးသန့်လိုပဲ လူရာဝင် လူတောတိုးနိုင်ပါလိမ့်မယ်။ လူကောင်းတဦးကို “လူတောမတိုးစေနဲ့” ဆိုတဲ့ ရည်ရွယ်ချက်နဲ့ အကျယ်ချုပ်၊ အကျဉ်းချုပ်ထားပေမယ့် လူတွေက တနေ့တခြား ပိုပြီးသာ ကြည်ညိုလာပါလိမ့်မယ်။ မကောင်းတဲ့လူကတော့ သူများအကျယ်ချုပ်မထားရဘဲ ကိုယ့်ဘာသာ အကျယ်ချုပ်ချကာ ခံနေရပါလိမ့်မယ်။

ဗိုလ်ချုပ်ကြီးတွေအားလုံး မေတ္တာပွားနိုင်ပါစေ။ တိုင်းပြည်ငြိမ်းချမ်းသာယာအောင် ဆောင်ရွက်နိုင်ကြပါစေ။ ကျနော်တို့ ကြည်ညိုစွာ အလေးပြုပါရစေ။

ခေတ်ပြိုင်မှတင်ပြသည်။

အပြည့်အစုံဖတ်ချင်ရင်...

အတင်းအဓမ္မအိမ်ပြောင်းရွေဖျက်သိမ်းနေခြင်း

အတင်းအဓမ္မအိမ်ပြောင်းရွေဖျက်သိမ်းနေခြင်း....

ရွှေတိဂုံအရှေ့မုဒ် ဗဟန်းဈေးမြောက်ဖက်ခြံငါးခြံရပ်ကွက်
အစိုးရအာဏာပိုင်တွေက ဖျက်ခိုင်းနေပြီ ယခုလူနေအိမ်တွေဖျက်နေကြပြီ
တရုတ်ဘုံကျောင်းတခု ဘုန်းတော်ကြီးကျောင်းတစ်ကျောင်း အမိန့်မကျသေးလို့
မဖျက်သေးဘူး။ အခုဆိုရင် အဖျက်ခံရတဲ့ လူတွေကလဲ မကျေနပ်ကြဘူး သံဃာတွေကလဲ
ဖျက်ခိုင်ရင် ဆန်ကျင်ဆန္ဒပြမယ်နဲ့ စုရုံးစုရုံး လုပ်နေကြတယ်။ သံဃာအချို့လဲ
နေ့စဉ်သွားပြီးအားပေးကြတယ် လိုအပ်တာပံ့ပိုးတယ် ဓာတ်ပုံရိုက်ယူကြတယ်။
ဒီအတွက်ကြောင့် နောက်ပိုင်းရက်တွေမှာဆိုရင် ရပ်ကွက်ကမဟုတ်တဲ့လူ မကပ်ရဘူး
မောင်းထုတ်တယ်။ ဘာတွေဆက်ဖြစ်မယ်ဆိုတာ နောက်စုံစမ်းရသလောက်သတင်းပို့ပါမယ်။
ဖျက်ရတဲ့ အကြောင်းကတော့ စက်တင်ဘာတုန်က သံဃာတွေအားပေးအားမြောက်လုပ်လို့
အဲဒီနေရာကို အမဲရောင်နယ်မြေသတ်မှတ်ထားပြီး အညှိးထားဖျက်ခြင်းဖြစ်တယ်။
ဖျက်ပြီးရင် အဲဒီနေရာ ပန်းခြံလုပ်မယ်လို့ သတင်းကြားတယ်။

ဒါမျိုးဘဲ ၁၉၈၉ အာဇာနည်နေ့ ချေတတ်ဆန္ဒဖော်ထုတ်ကြလို့
န၀တလိုက်လံဖမ်းဆီးတုန်းက ပုန်းခိုခွင့်ပေးခဲ့တဲ့
ဗဟန်းရေတာရှည်ရပ်ကွက်သူရပ်ကွက်သားတွေဟာ ဒီမိုကရေစီအင်အားစုတွေကို
ထောက်ခံအားပေးခဲ့တာကြောင့် လှိုင်သာယာလယ်ကွင်းတွေထဲ
အပြောင်းအရွေ့ခံခဲရတယ်။ စစ်အာဏာရှင် ဖိနှိပ်သူတွေ
လုပ်ချင်တိုင်းလုပ်တာကို အင်အားမရှိလို့ဆိုပြီး ရေငုံနူတ်ပိတ်
လက်ပိုက်ကြည့်နေကြရင် ပိုဆိုးမယ်၊ ၀ိုင်းဝန်းကူညီဖို့လိုတယ်။

၁၉၈၉ ရွေတိဂုံဘုရားဇောင်းတန်းရှိ ဆိုင်ခန်းနှင့်လူနေအိမ်များ န၀တမှ
ပြောင်းရွေခိုင်းခဲစဉ်က (မ.က.သ) ကျောင်းသားအင်အားစုများ
ဝိုင်းဝန်းပူးပေါင်းကာ န၀တထံ စာရေးမေတ္တာရပ်ခံခြင်းကြောင်း ထိုဖျက်ဆီးမှု
စီမံချက်ရပ်ဆိုင်းခဲ့ပြီး
နေရာပြန်လည်ချမှတ်ခြင်းများပြုလုပ်ပေးခဲ့ရပါသည်။

ယနေ့အချိန်တွင်လဲ မတရားမှု ဖိနှိပ်မှုများ ဖြစ်ပေါ်နေသည့်နေရာဒေသများသို့
တက်ကြွသူအင်အားစုတိုင်းသွားရောက်ပါဝင်ကူညီပေးကြမည်ဆိုရင် အလွန်ထိရောက်၍
ပြတ်သားစွာ ထိပ်တိုက်ရင်ဆိုင်နိုင်သော အခြေအနေသို့ရောက်ရှိမည်ဟု
ယုံကြည်သည်။

ထိုသိုပါဝင်လုပ်ဆောင်ပေးခြင်းကြောင့် လူထုအနေဖြင့်လည်း အင်အားစုများအပေါ်
ယုံကြည်သက်ဝင်မှုဖြစ်ပြီး ၎င်းတို့ကိုယ်တိုင်ပါဝင်လုပ်ဆောင်လျှင်
ပန်းတိုင်သို့ရောက်ရှိမည်ဟု အသိရရှိလာမည်ဖြစ်သည်။


အပြည့်အစုံဖတ်ချင်ရင်...

Thursday, April 2, 2009

လူတစ်စုအာဏာ လူထုအာဏာ



လူတစ်စုသည် နိုင်ငံရေးမဟုတ်။ လူထုသည်သာ နိုင်ငံရေးဖြစ်သည်။ လူတစ်စုသည် သူ့ကိုယ်သူ နိုင်ငံရေးဟုပြောကာ၊ ၎င်းသည် နိုင်ငံရေးတော့မဟုတ်။ အာဏာဖြစ်သွားသည်။ လူထုတွင်မူ ဘာပြဿနာမှမရှိ။ နိုင်ငံရေးလည်းဟုတ်သည်။ အာဏာလည်းဟုတ်သည်။ အမှန် အာဏာဆိုသည် လူထု၌သာရှိသင့်သည်။ အခြားဘယ်မှာမျှမရှိသင့်။ ထို့ကြောင့် လူတစ်စုသည် နိုင်ငံရေးလည်းမဖြစ်သင့်။ အာဏာလည်းမဖြစ်သင့်။ လူတစ်စုသည် နိုင်ငံရေးလည်းမဟုတ်။ အာဏာ လည်းမဟုတ်။ န အ ဖသည် လူတစ်စုဖြစ်သည်။ ထို့ကြောင့် န အ ဖသည် နိုင်ငံရေးလည်းမဟုတ်။ အာဏာလည်း မဟုတ်။ ပါတီအသီးသီးသည်လည်း လူတစ်စုဖြစ်သည်။ ထို့ကြောင့်ပါတီများသည်လည်း နိုင်ငံရေးလည်းမဟုတ်။ အာ ဏာလည်းမဟုတ်။ နိုင်ငံဟုရှိက နိုင်ငံရေးရှိရမည်၊ အာဏာရှိရမည်ဟူသော တောင်းဆိုချက်က တစ်ဘက်၌ရှိနေပြန် သည်။ ဤတွင် မည်သည့်နိုင်ငငံရေး မည်သည့်အာဏာ ဖြစ်ရတော့မည်နည်း။


ဧကောဇမ္မော၊ တစ်ခုတည်းသာရှိသည်။ လူထုနိုင်ငံရေး လူထုအာဏာသာ ဖြစ်ရတော့မည်။ ဤကား နိုင်ငံတစ်ခုအတွက် အမြင့်မားဆုံးသော မဟာဗျူဟာဖြစ်လေသည်။ ဤမဟာဗျူဟာနှင့်သာ နိုင်ငံ၏အတိတ် ပစ္စုပ္ပန် အနာဂါတ် ဘဝသုံးရပ် ကို အကောင်အထည်ဖေါ်သင့်သည်။ အခြေခံအုတ်မြစ်ဖြစ်သင့်သည်။ ဤမဟာဗျူဟာကိုသာ အခြေခံအုတ်မြစ်အဖြစ် ချမှတ်လိုက်နာ လက်တွေ့ကျင့်သုံးနိုင်ပါက ပါတီများနှင့် စပ်လျဉ်းသောပြဿနာ၊ န အ ဖနှင့် စပ်လျဉ်းသောပြဿနာ၊ ပါ တီနှင့် န အ ဖတို့ ရင်ဆိုင်တွေ့ရင်း ဖြစ်ပေါ်နေသည့်ပြဿနာ ….. စသည့်ပြဿနာအားလုံး ပြေလည်ဖြေရှင်းပြီး ဖြစ်သွား မည်။ ဤမဟာဗျူဟာမှလွဲ၍ အခြားမရှိ။ ဤမျှအထိ ရှင်းနေပါလျက် မြန်မာ့နိုင်ငံရေးသည် လူထုနိုင်ငံရေး လူထုအာဏာ မဖြစ်သေး။ ခေတ်အဆက်ဆက် လူထုနိုင်ငံရေး လူထုအာဏာပျောက်နေခဲ့သည်။

ပထမ။ ။ ဘုရင်ဧကရာဇ်ခေတ်။ လူထုနိုင်ငံရေး လူထုအာဏာမဟုတ်။

ဒုတိယ။ ။ ပါလီမန်ခေတ်။ လူထုနိုင်ငံရေး လူထုအာဏာမဟုတ်။

တတိယ။ ။ ကွန်မြူနစ်။ လူထုနိုင်ငံရေး လူထုအာဏာမဟုတ်။

ယခုနောက်ဆုံး။ ။ န အ ဖ။ လူထုနိုင်ငံရေး လူထုအာဏာမဟုတ်။

ပထမသုံးခုက လက်နက်ကို အမြင့်ဆုံး အဆုံးအဖြတ်အဖြစ်မသုံး။ နောက်ဆုံး န အ ဖက လက်နက်ကို နောက်ဆုံးအဆုံး အဖြတ်အဖြစ်သုံးသည်။ ဤသို့သုံးနိုင်သည်မှာလည်း ပထမသုံးခုတွင် တာဝန်မကင်း။ သူတို့သုံးခုစလုံး မည်သူမျှ လူထု နိုင်ငံရေး လူထုအာဏာမဖြစ်ခဲ့။ သို့ဖြင့် လက်နက်ရှိသောစစ်တပ်က သူတို့သုံးဦးကို ဖြိုချ၍ နိုင်ငံကို လက်ဝါးကြီးအုပ် ချုပ်ကိုင်လိုက်တော့သည်။ ဤသုံးသပ်ချက်များကို မြန်မာ့သမိုင်းအကျဉ်းဟု တစ်နည်းတစ်ဖုံအားဖြင့် ပြော၍ရသည်။ လူ ထုနိုင်ငံရေး လူထုအာဏာမဟုတ်က လူထုနိုင်ငံရေး လူထုအာဏာဖြစ်အောင် လုပ်ယူရမည်။ မည်သို့လုပ်ကြမည်နည်း။ န အ ဖကို ဖြုတ်ချပစ်ရမည်။ န အ ဖကို ဖြုတ်ချပြီးနောက် လူထုနိုင်ငံရေး လူထုအာဏာဖြင့် အစားထိုးရမည်။ အခြား အရာဖြင့် မှားယွင်းအစားထိုးမှု မဖြစ်စေရ။ အခတ်အခဲတစ်ခုကို ရင်ဆိုင်ရမည်။ န အ ဖတွင် လက်နက်ရှိနေသည်။ လူထု တွင်လက်နက်မရှိ။ လက်နက်တစ်ခုတည်းသာ အတားအဆီးဖြစ်နေသည်။ လက်နက်မရှိပါက လူထုနိုင်ငံရေး လူထုအာ ဏာဖြစ်ပြီ။ လူထုဘာလုပ်ရမည်နည်း။ န အ ဖ၏လက်နက်ကို “အ”သွားအောင်လုပ်ရမည်။ ပထမလုပ်ရမည်မှာ လူထုက န အ ဖစကား၊ န အ ဖတည်ဆောက်ရေး၊ န အ ဖလုပ်ရပ်များအားလုံးကို လုံးဝသုညအဖြစ် သဘောထားလိုက်ရန်ဖြစ် သည်။ န အ ဖစကားဆိုသည်က န အ ဖ၏ သဘောတရားစကားများဖြစ်သည်။ န အ ဖတည်ဆောက်ရေးဆိုသည်က နိုင်ငံတစ်ဝှမ်း န အ ဖလုပ်နေသော အလုပ်များဖြစ်သည်။ န အ ဖလုပ်ရပ်များဆိုသည်က ကိုယ့်ဖါသာအဆိုသွင်း ကိုယ့် ဖာသာထောက်ခံလမ်းပြ (၇)ချက်နှင့် အပေါင်းအပါလုပ်ရပ်များကို ဆိုလိုသည်။ န အ ဖစကား၊ တည်ဆောက်၊ လုပ်ရပ် အားလုံးကို လူထုကလုံးဝမဖြစ်လုံးဝမရှိ သဘောထားရမည်။ ဤသို့သဘောထားရခြင်း၏ရည်ရွယ်ချက်မှာ န အ ဖသည် လက်နက်သက်သက်ဟု လုံးတီးပေါ်သွားစေရန်ဖြစ်သည်။ ဤသို့ဖြင့် လူထုလုပ်ရမည့်အလုပ်သည် ရှင်းလင်းပြတ်သား သွားသည်။ ဤနေရာတွင် လူထုက ပါတီများနှင့် ကွာသွားသည်။ ပါတီက န အ ဖကို လက်နက်ဟုမမြင်။ လက်နက်မှလွဲ သော အခြားအရာများဟုမြင်သည်။ လူထုက န အ ဖကို လက်နက်သက်သက်ဟုမြင်သည်။ လက်နက်မှလွဲသော အခြား အရာမရှိဟုမြင်သည်။ လူထုကမှန်သည်။ ပါတီကမှားနေသည်။ လူထုနှင့် ကျည်ဆံ။ လူထုကကျည်ဆံကို နိုင်နိုင်ပါမည် လား။ လူထုအနိုင်ရမည်ဟု ကျွန်တော် ယုံကြည်စွာရဲဝန့်စွာ သေချာပေါက်ပြောပါသည်။ အကျိုးအကြောင်းများက အောက်ပါအတိုင်းဖြစ်သည်။ ကျည်ဆံသည် ခန္ဓာကိုယ်ကို သတ်ဖြတ်ပစ်နိုင်သည်။ သို့သော်ဆန္ဒကိုတော့ သတ်ဖြတ်ပစ် ၍ မရပါ။ ဤတွင် လူထုနှင့်ဆန္ဒ တစ်သားတည်းပေါင်းစည်းထားလိုက်ရန်သာဖြစ်သည်။ ဆန္ဒကိုကျည် ဆံသည်မနိုင်။ ဆန္ဒ၏ခြေရင်းတွင် ကျည်ဆံသည် ဝပ်စင်းအရှုံးပေးသွားရမည်။ ထို့ကြောင့် လူထုကလုပ်ရန်ရျိသည်မှာ ၁။ လူတစ်စုမဟုတ်သော လူထုဖြစ်ရမည်။ ၂။ လူထုနှင့်ဆန္ဒ တစ်သားတည်းတစ်ထပ်တည်း ဖြစ်နေရမည်။ ၃။ လူထုဖြစ် သည်ကို ပြည်တွင်းပြည်ပ ပေါ်လွင်ထင်ရှားစေရမည်။ လူတစ်စုမဟုတ်ဘဲ လူထုဖြစ်ရမည်ဟု ဆိုရခြင်းမှာ န အ ဖသည် လူထုကို လူစုဟုလိမ်ညာ၍ ပစ်ခတ်သတ်ဖြတ်တတ်သော ကြောင့်ဖြစ်သည်။ လူထုနှင့်ဆန္ဒ တစ်သားတည်း တစ်ထပ်တည်း ကျရမည်ဟုဆိုရခြင်းမှာ ကျည်ဆံသည် ဆန္ဒကို မသတ်ဖြတ်နိုင်သောကြောင့်ဖြစ်သည်။ လူထုဖြစ်သည် ကို ပြည်တွင်းပြည်ပ ပေါ်လွင်ထင်ရှားစေရမည်ဟု ဆိုရခြင်းမှာ န အ ဖသည် လူထုကိုလူထုဟု မငြင်းနိုင်မရှောင်နိုင် ဝန်ခံသွားစေနိုင်ရန်ဖြစ်သည်။ လူတစ်စုမဟုတ် လူထုဖြစ်စေရန်မှာ တစ်ယောက်ကျက ဆယ်ယောက်ပွားလာမည်။ ဆယ်ယောက်ကျက အယောက်တစ်ရာ၊ အယောက်တစ်ရာကျက အယောက်တစ်ထောင်၊ အယောက်တစ်ထောင်ကျက အယောက်တစ်သောင်း တစ်သိန်း တစ်သန်း တစ်ဗိုလ်ကျတစ်ဗိုလ်တက် ဆပွားတိုးပွားသွားခြင်းဖြင့် လူထုမှလူထုဟု ပီပြင်သွားနိုင်သည်။ လူထုနှင့် ဆန္ဒပေါင်းစည်းထားခြင်းက ဆန္ဒကိုကျည်က မသတ်ဖြတ်နိုင် ဆန္ဒအမြဲရှင်သန်နေရန်ဖြစ် သည်။ ပြည်တွင်းပြည်ပ ပေါ်လွင်ထင်ရှားစေရမည်ဟု ဆိုရခြင်းမှာ လူထုဟု န အ ဖမငြင်ကွယ်နိုင် မျက်ဝါးထင်ထင်ပြ လိုက်နိုင်ခြင်းဖြင့် န အ ဖသည် မြန်မာသိကမ္ဘာသိ အသိခံ၍ လူထုကိုလုပ်ကြံသတ်ဖြတ်ရဲမည် မဟုတ်တော့ပါ။ တစ်နိုင်ငံ လုံးကို သူတစ်ယောက်တည်းက လူသတ်နေသောလူသတ်သမားဟု ပေါ်လွင်ထင်ရှားသွားပါမည်။ ဤအဖြစ်မျိုးကို န အ ဖသည် အဖြစ်မခံရဲပါ။ န အ ဖကျည်အသွားပါပြီ။ ကျည်ဆံသည် ဆန္ဒကို မလွန်ဆန်နိုင်သကဲ့သို့ န အ ဖသည် လူထု ကိုမလွန်ဆန်နိုင်တော့ပါ။ လူထုနိုင်ငံရေး လူထုအာဏာ လူထုလက်တွင်းသို့ရောက်သွားရန် လမ်းကြောင်းတစ်ကြောင်း တည်းသာရှိပါတော့သည်။ မြန်မာ့သတ္တိ မြန်မာသိ ကမ္ဘာသိ ပြလိုက်ကြပါစို့။


ရေးသားသူ။ ။ သမာသမတ်

http://thirdeye4u.22web.net/?p=2670#more-2670 မှတင်ပြသည်။

အပြည့်အစုံဖတ်ချင်ရင်...

Wednesday, April 1, 2009

မတရားမှုတွေကို ကျောင်းသားတွေ ငုံ့ ခံနေကြရမလား။

ပြီးခဲ့တဲ့လက စော်ဘွားကြီးကုန်းမှာ ရမ်းကားသူတွေရဲ့ ရိုက်နှက်မှုကို ခံခဲ့ရပြီး အာဏာပိုင်တွေက အရေးယူမပေးတဲ့အပြင် ထပ်ဆင့်အနိုင်ကျင့်ခံခဲ့ရတဲ့ ဒဂုံတက္ကသိုလ် ဘူမိဗေဒအထူးပြု ကျောင်းသားများဖြစ်ကြတဲ့ ဝေဖြိုးကျော်၊ နေလင်းအောင်၊ အောင်ဖုန်း၊ ပြည့်နိုင်ဖြိုးတို့ လေးဦးကို ကျောင်းမှ တနှစ်စီ နားခိုင်းလိုက်ပါတယ်။

အခင်းဖြစ်နေတုန်း ၀င်ရောက်ဖြန်ဖြေပေးတဲ့ ဆရာဖြစ်သူ ဦးအောင်မင်းဦးကိုတော့ ဘားအံတက္ကသိုလ်သို့ အဓမ္မပြောင်းရွှေ့စေလိုက်ပါတယ်။

ဒီလို မတရားအရေးယူမှုကို ဒုတိယပါမောက္ခချုပ် (ဦးမျိုးသိန်းကြီး)၊ စီမံဌာနမူး(ဦးခင်မောင်သန်း)နဲ့ မော်ကွန်းထိန်း(ဦးဘဖေ)တို့က ပြုလုပ်ခဲ့တာပါ။

ခုလို မတရားအနိုင်ကျင့်ခံရတဲ့ ကျောင်းသား၎ယောက်နဲ့ ဆရာတို့ကို အပြစ်ရှိသူများလို့ စွပ်စွဲပြီး (၂၈.၃.၂၀၀၉) ရက်နေ့မှုာ ဘူုမိဗေဒအဆောင်ရှေ့ နို့တစ်ဘုတ်မှာ ကြေငြာချက်စာရွက်ထုတ်ပြီး ကပ်ထားတယ်လို့ သိရပါတယ်။

ဒီလိုမတရားလုပ်တာတွေကို ၄င်းကျောင်းသားများရဲ့သူငယ်ချင်းများက မကျေနပ်ဒေါသထွက်နေကြပါတယ်။

(မျိုးဆက်သစ်ကျောင်းသားများအစည်းအရုံး - Generation Wave)။


အပြည့်အစုံဖတ်ချင်ရင်...