ကြံ့ဖွံ့ ၂ဝ၁ဝ ရွေးကောက်ပွဲတွင် ယှဉ်ပြိုင်ဖွယ် မရှိ

နယူးဒေလီ (မဇ္ဈိမ)။ ။ အကဲခတ်နှင့် လေ့လာသူ အများအပြား မျှော်လင့်ထားသကဲ့သို့ မဟုတ်ဘဲ စစ်အစိုးရ၏ လက်ကိုင်တုတ် အဖွဲ့အစည်း ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးအဖွဲ့ (USDA) သည် လာမည့် ၂ဝ၁ဝ ရွေးကေက်ပွဲတွင် နိုင်ငံရေး ပါတီတရပ် အနေဖြင့် ဝင်ရောက် ယှဉ်ပြိုင်မည် မဟုတ်ဘဲ ယင်းကို စစ်အစိုးရက ဖျက်သိမ်းရန် ပြင်ဆင်နေသည်ဟု စစ်ဘက်နှင့် နီးစပ်သော သတင်းရပ်ကွက်များက ပြောပါသည်။

ဤအဖွဲ့၏ လူထုကြား ပုံရိပ်မကောင်းခြင်းကြောင့်၊ အထူးသဖြင့် ယမန်နှစ်က ဖြစ်ပွါးခဲ့သော သံဃာတော်များ ဦးဆောင်သည့် ငြိမ်းချမ်းစွာ ဆန္ဒပြသူများအား နှိမ်နင်းရာတွင် ပါဝင်ခဲ့ရမှုကြောင့် စစ်အစိုးရ အကြီးအကဲ နှင့် ဤအဖွဲ့၏ နာယကကြီးဖြစ်သူ ဗိုလ်ချုပ်မှူးကြီး သန်းရွှေက ယခင်စီစဉ်ထားသည့် ဤအဖွဲ့ကို နိုင်ငံရေးပါတီအဖြစ် ပြောင်းလဲပြီး၊ ရွေးကောက်ပွဲ ဝင်စေမည့် အစီအစဉ်ကို နောက်ဆုံးတွင် ပယ်ပျက်ရန် ဆုံးဖြတ်ခဲ့ကြောင်းဖြင့် အဆိုပါ သတင်းရပ်ကွက်က ပြောပါသည်။

“USDA ဟာ ၂ဝဝ၉ မှာ ရှိမှာ မဟုတ်တော့ပါဘူး" ဟု နေပြည်တော်ရှိ သတင်းရပ်ကွက်က ပြောကြားသွားခဲ့ပြီး၊ ဤ အဖွဲ့၏ အဖွဲ့ဝင်များကို အခြားအမည်များဖြင့် နိုင်ငံရေး ပါတီများ ဖွဲ့စည်းရာတွင် အသုံးပြုသွားမည်ဟုလည်း ဆက်လက် ပြောကြားသွားခဲ့ပါသည်။

USDA က သိပ်နာမည်ပျက်နေပြီ၊ နိုင်ငံတကာမှာလည်း ရာဇဝတ်မှု မှတ်တမ်းတွေ ရှိနေပြီ။ ဒါကြောင့် ဒီနာမည်ကို မသုံးတော့ဘို့ ဒီအစည်းအဝေးမှာ သူတို့ ဆုံးဖြတ်လိုက်တာ" ဟု မကြာသေးခင်က ပြီးစီးသွားခဲ့သော နိုဝင်ဘာလ အတွင်းက ကျင်းပခဲ့သည့် ၄ လပတ် အစည်းအဝေးကို ရည်ညွှန်း ပြောကြားသွားပါသည်။

ဘန်ကောက်အခြေစိုက် အလွတ်သတင်းစာဆရာ လာရီဂျေဂင်ကလည်း USDA ကို နိုင်ငံရေး ပါတီအဖြစ် ပြောင်းလဲ၍ လာမည့် ၂ဝ၁ဝ ရွေးကောက်ပွဲတွင် ဝင်ရောက် ယှဉ်ပြိုင်ခိုင်းဖွယ် မရှိကြောင်းနှင့် အထက်ပါ အမြင်နှင့် တထပ်တည်း ပြောကြားသွားပါသည်။

"ကျနော့် သတင်းရပ်ကွက်တွေ အဆိုအရတော့ USDA နာမည်နဲ့ နိုင်ငံရေးပါတီတခု ထောင်မှာမဟုတ်ဘူး" ဟု ဂျေဂင် က ပြောသွားပြီး၊ ဤအဖွဲ့၏ ထီးရိပ်အောက်တွင်၊ ယင်း၏ ဘဏ္ဍာရေး အထောက်အပံ့ဖြင့် အနည်းဆုံး နိုင်ငံရေးပါတီ ၃ ခု ကို ဖွဲ့စည်း တည်ထောင်ဖွယ် ရှိသည်ဟု ဆိုလိုက်ပါသည်။

"ဒါပေမဲ့အခုကတော့ အမျိုးမျိုး ခန့်မှန်းပြောနေကြတာဘဲ။ ဘယ်သူမှ သေချာမသိပါဘူး" ဟုလည်း သူက ဆက်လက် ပြောပါသည်။

မူလက လူမှုရေးအသင်းဟု ပြောဆိုဖွဲ့စည်းခဲ့သော ထိုအဖွဲ့တွင် အဖွဲ့ဝင် ပေါင်းသန်းပေါင်းများစွာ ရှိသည်ဟု စစ်အစိုးရက ပြောဆိုနေပြီး၊ ဤအဖွဲ့ကို မကြာသေးခင် နှစ်များအတွင်း အတိုက်အခံ အင်အားစုများအား တိုက်ခိုက်နှိမ်နင်းရာတွင် လက်နက်တခု အနေဖြင့် အသုံးချခဲ့ပါသည်။

ထို့ပြင် ဤအဖွဲ့သည် တရုပ်၊ ဗီယက်နမ် နိုင်ငံတို့နှင့်လည်း ဆက်ဆံရေးများ ထူထောင်ထားရှိပြီး၊ တရားဝင် အပြန်အလှန် လည်ပတ်မှုများ ပြုလုပ်ခဲ့ပါသည်။

ဤကြံ့ဖွံ့ အဖွဲ့ကို စစ်အစိုးရက ၁၉၉၃ ခုနှစ် နိုဝင်ဘာ ၁၅ ရက်တွင် စတင် ထူထောင်ခဲ့ပါသည်။ ၂ဝဝ၇ ခုနှစ်က တရားဝင် ထုတ်ပြန် ကြေငြာချက်အရ ဤအဖွဲ့တွင် အဖွဲ့ဝင်ဦးရေ ၂၄ သန်း ရှိသည်။ သို့သော် အများစုကမူ အထက်အရာရှိများ၏ အမိန့်ကို မလွန်ဆန်နိုင်၍သာ ဤအဖွဲ့ထဲသို့ ဝင်ရောက်ခဲ့ကြရကြောင်း ဝန်ခံ ပြောကြားကြပါသည်။

"အစိုးရထုတ် သတင်းစာတွေမှာ USDA အကြောင်းသတင်းတွေ ဖော်ပြထားတာ မတွေ့ရဘူး၊ ရန်ကုန်မှာ USDA ဝတ်စုံတွေ ဝတ်ပြီး သွားလာနေတာလဲ မတွေ့ရဘူး" ဟု မြန်မာနိုင်ငံ၏ မြို့တော်ဟောင်းတွင် နေထိုင်၍ အခြေအနေများကို အကဲခတ် စောင့်ကြည့်နေသူ အကဲခတ်တဦးက ပြောပါသည်။

စစ်အစိုးရသည် တနိုင်ငံလုံး ပါဝင်ဖွဲ့စည်းသည့် နိုင်ငံရေး ပါတီမျိုးထက် ဒေသဆိုင်ရာ နိုင်ငံရေးပါတီများ ဖွဲ့စည်းရန် ပိုမို စိတ်အားထက်သန်နေသည်ဟု နေပြည်တော်ရှိ သတင်းရပ်ကွက်က ပြောပါသည်။

"သူတို့ (စစ်အစိုးရ) လိုချင်တာက အမျိုးသား ဒီမိုကရေစီ အဖွဲ့ချုပ်နဲ့ ဒီအမျိူးသမီး (ဒေါ်အောင်ဆန်းစုကြည်) ကို ဘေးဖယ်ထုတ်ထားနိုင်ဘို့ဘဲ" ဟု အဆိုပါ သတင်းရပ်ကွက်က ဆက်လက် ပြောကြားပါသည်။

လာရီရေဂင်၏အဆိုအရ စစ်အစိုးရက ၂ဝ၁ဝ အထွေထွေ ရွေးကောက်ပွဲကို လွတ်လပ်မျှတစွာ ကျင်းပပေးပါမည်ဟု ပြောဆိုနေသော်လည်း ထိန်းသိမ်းခံ နိုဘယ် ငြိမ်းချမ်းရေးဆုရှင်ကိုမူ ဝင်ရောက် ယှဉ်ပြိုင်ခွင့်ပေးဖွယ် မရှိကြောင်း၊ ဤရွေးကောက်ပွဲကို အနိုင်ယူရန် သံန္နိဌာန်ချ လုပ်ဆောင်နေရာ၌ သူမသည် အဓိက ခြိမ်းခြောက်မှုကြီး ဖြစ်နေခြင်းကြောင့် ဖြစ်သည်ဟု ဆိုပါသည်။ မည်သို့ပင်ဖြစ်စေ သူမ၏ပါတီ အမျိုးသား ဒီမိုကရေစီ အဖွဲ့ချုပ် (NLD) ကိုမူ သူမ မပါဘဲဝင် ရောက်ယှဉ်ပြိုင်ခွင့် ပေးနိုင်သည်ဟု ဆိုပါသည်။

"ဒါပေမဲ့ ဒီလိုဆိုလို့လဲ ရွေးကောက်ပွဲက လွတ်လပ်မျှတမယ်၊ NLD က အနှောင့်အယှက် အတားအဆီးမရှိ လွတ်လွတ်လပ်လပ် ဝင်ရောက် ယှဉ်ပြိုင်နိုင်မယ်လို့ ဆိုလိုတာလဲ မဟုတ်ပါဘူး" ဟု ဂျေဂင်က ပြောပါသည်။

ဤအတောအတွင်း NLD ကမူ ၂ဝ၁ဝ ရွေးကောက်ပွဲတွင် ဝင်ရောက် ယှဉ်ပြိုင်ရေးနှင့် ပတ်သက်၍ ဆုံးဖြတ်ချက် မချရသေးကြောင်း၊ ဆွေးနွေးနေဆဲ အဆင့်သာရှိပြီး၊ ဝင်ရောက် ဆင်နွှဲမည်၊ သို့မဟုတ် မပါဝင်ဘဲ ဘေးထွက် ထိုင်နေမည်ဆိုသည်ကို မကြာခင် ရှင်းရှင်းလင်းလင်း ထုတ်ပြန် ကြေငြာသွားရန် စဉ်းစားနေသည်ဟု ဆိုသည်။

ထိုအတောအတွင်း လူသူ လေးစားကြည်ညိုခံရပြီး အတိုက်အခံများက စစ်အစိုးရဘက်က ပင်းသူများဟု စွပ်စွဲဝေဘန် ပြစ်တင်ခံရသည့် အချို့သော အရပ်သားများကမူ ရွေးကောက်ပွဲတွင် ဝင်ရောက်ဆင်နွှဲရန် ပြင်ဆင်နေကြပါသည်။ စစ်အစိုးရ ကိုယ်တိုင်ကလည်း အငြိမ်းစား ကျောင်းဆရာများကဲ့သို့ ရပ်ရွာက လေးစားကြည်ညိုသူများအား ရွေးကောက်ပွဲတွင် ဝင်ရောက် ယှဉ်ပြိုင်ခိုင်းရန် ရှာဖွေနေသည်ဟု သတင်းရပ်ကွက်များက ပြောပါသည်။

အလားတူပင် စစ်ဘက် သတင်းရပ်ကွက်များက အနည်းဆုံး ဝန်ကြီး ၉ ဦးနှင့် ရန်ကုန်မြို့တော်ဝန် ဗိုလ်မှူးချုပ်အောင် သိန်းလင်း အပါအဝင် မြို့တော်ဝန် ၂ ဦးသည် ယင်းတို့၏ လက်ရှိ ရာထူးတာဝန်များမှ မကြာခင် နှုတ်ထွက်၍ အထွေထွေ ရွေးကောက်ပွဲတွင် ဝင်ရောက်ယှဉ်ပြိုင်ရန် ပြင်ဆင်နေကြသည်ဟု ဆိုပါသည်။ ဤရွေးကောက်ပွဲသည် စစ်အစိုးရ၏ ဒီမိုကရေစီသို့ လျှောက်လှမ်းရာ အဆင့် ၇ ဆင့်ပါ လမ်းပြမြေပုံတွင် အဆင့် ၅ ဖြစ်သည်။

ဤအတောအတွင်း ဘန်ကောက်အခြေစိုက် မြန်မာသတင်းဌာနတခုဖြစ်သော ခေတ်ပြိုင်၏ ဗုဒ္ဓဟူးနေ့က သတင်း ဖော်ပြချက်အရ စစ်တိုင်းမှူး ၃ ဦးကို ဌာနလက်ကိုင်မရှိ ဝန်ကြီးများအဖြစ် ရာထူး တိုးမြှင့်ပေးလိုက်သည်ဟု ဆိုပါသည်။

ဤသို့ မန္တလေးအခြေစိုက် အလယ်ပိုင်းတိုင်းမှူး ဗိုလ်ချုပ်တင်ငွေ၊ ပုသိမ်အခြေစိုက် အနောက်တောင်တိုင်း တိုင်းမှူး ဗိုလ်ချုပ် ကျော်ဆွေ နှင့် မုံရွာအခြေစိုက် အနောက်မြောက်တိုင်း တိုင်းမှူး ဗိုလ်ချုပ်မြင့်စိုးတို့ကို ရာထူး တိုးမြှင့်ပေးလိုက်သည်မှာ ရွေးကောက်ပွဲမတိုင်မီ တပ်အတွင်း ထဲထဲဝင်ဝင် မလုပ်နိုင်အောင် ဘေးသို့ ပထုတ်ထားလိုက်ခြင်း ဖြစ်ကြောင်းဖြင့် ဤသတင်းက ရေးသားထားပါသည်။

ဤသို့ ရာထူးတိုးမြှင့်ပေးမှုမျိုးမှာ ယခင်က တခါမှ မရှိခဲ့ဖူးသေးသော်လည်း စစ်တိုင်းမှူးများကို အုပ်ချုပ်ရေးဘက်တွင် စမ်းသပ်ခန့်ထားရန် စစ်အစိုးရ၏ အစီအစဉ်တရပ်လည်း ဖြစ်နိုင်ကြောင်းဖြင့် ဤသတင်းတွင် ဆက်လက် ရေးသားထားပါသည်။

ဤအတောအတွင်း ရွေးကောက်ပွဲ ဥပဒေကို စစ်အစိုးရက အတိုက်အခံ အင်အားစုများက နင်းခုံအဖြစ် အသုံးချခြင်းမှ ရှောင်ရှားနိုင်ရန် သေသေချာချာ ဂရုတစိုက် ရေးဆွဲနေပြီး၊ ယင်းကို ယခု ဒီဇင်ဘာလကုန် သို့မဟုတ် ၂ဝဝ၉ ဇန်နဝါရီ လဆန်းတွင် ထုတ်ပြန် ကြေငြာလိမ့်မည်ဟု မျှော်လင့်ရကြောင်းဖြင့် နေပြည်တော်ရှိ အစိုးရအကြီးတန်း အရာရှိတဦးက ပြောပါသည်။

"ရွေးကောက်ပွဲ ဥပဒေ ဘယ်လိုလာမလဲ ဆိုတာတော့ ကျနော်တို့ စောင့်ကြည့်ရမှာဘဲ၊ ဒါပေမဲ့ သေချာပေါက် ပြောနိုင်တာ က ၁၉၉ဝ က အဖြစ်အပျက်မျိုး နောက်တခါ မဖြစ်အောင်တော့ သူတို့ လုပ်မှာဘဲ" ဟု အဆိုပါ နေပြည်တော်မှ အစိုးရ အရာရှိကြီးက ပြောပါသည်။

လာရီဂျေဂင်ကမူ ဤရွေးကောက်ပွဲ ဥပဒေတွင် NLD နှင့် အခြား နိုင်ငံရေးပါတီများကို လွတ်လွပ်လပ်လပ် မဲဆွယ်စည်းရုံး လှုပ်ရှားခြင်းများ မလုပ်နိုင်အောင် ကန့်သတ်ထားမှုများ ပါဝင်လိမ့်မည်ဟု ဆိုလိုက်ပါသည်။

၁၉၉ဝ ခုနှစ်တွင် စစ်အုပ်စုထိပ်သီး ဦးနေဝင်း၏ မြန်မာ့ဆိုရှယ်လစ် လမ်းစဉ်ပါတီကို အသွင်ပြောင်း ဖွဲ့စည်းထားသော တိုင်းရင်းသား စည်းလုံးညီညွတ်ရေးပါတီ (NUP) သည် NLD ကို အပြတ်အသတ် ရှုံးနိမ့်သွားခဲ့ရပြီး၊ ဤရလဒ်သည် ဦးနေဝင်းထံမှ အာဏာအမွေ ဆက်ခံခဲ့သော မျိုးဆက်သစ် ဗိုလ်ချုပ်များအတွက် မျှော်လင့်မထားသည့် ရလဒ်တရပ် ဖြစ်သည်ဟု လေ့လာသူများက ဆိုကြပါသည်။

Mazzima မှတင်ပြသည်။