ပြည်ချစ်စစ်သားသမိုင်းဝင်သူရဲကောင်းဖြစ်လာစေရန်

ဆန့်ကျင်ဖက်မျက်လုံးရဲ့ဘလော့က ပြည်ချစ်ဘုန်းဘုန်းနဲ့ ဆွေးနွေးခန်း အပေါ်မှာ ဒီကွန်မန့်လေးကို ပေးဖြစ်ခဲ့ပါတယ်။ သူ့အနေနဲ့ ဖော်ပြ၊ မဖော်ပြ မသေချာလို့ ကျွန်တော်ဒီမှာပါ တစ်ခါထဲ တင်လိုက်ရင်း ပညာတတ်စစ်ဗိုလ် ညီငယ်တွေ အားလုံးကို ရည်ရွယ်ပြီး ရေးလိုက်ခြင်း ဖြစ်ပါတယ်။
ပထမဦးဆုံး အနေနဲ့ အရှင်ဘုရားကို ကျေးဇူးတင်လှစွာနဲ့ ရိုသေမြတ်နိုး လက်စုံမိုးပြီး ရှိခိုးကန်တော့ပါတယ် ဘုရား။ ဆန့်ကျင်ဘက် မျက်လုံးဆိုတဲ့ လူတော်တစ်ယောက်ဖြစ်တဲ့ ကိုယ့်ညီကိုလဲ ဒီလိုဆွေးနွေးခန်းတွေကို ဘလော့မှာ ဖော်ပြပေးလို့ ကျေးဇူးတင်ပါတယ်။ ကိုယ့်ကိုထိမှနာ ဆိုသလို ကိုယ့်ညီတောက်လျှောက် နအဖကို ထိမခံလုပ်လာတာတွေကို မကြည့်ပဲ၊ မထောက်ထားပဲ ကိုယ့်ညီတို့ရဲ့ တပ်ချုပ်ကြီးက ဒီလိုပို့စ်မျိုးကို တင်ရမလားဆိုပြီးတော့ အမျက်တော်ရှမှ သိလာမှာမျိုး ဆိုရင်တော့ ညီလေးရဲ့အရည်အချင်းနဲ့ အတွေး အခေါ်တွေက မှန်ကန်ပါ့မလား ဆိုတာကို မဖြစ်ခင် ကြိုတင်ကာကွယ်တဲ့ အနေနဲ့ မစဉ်းစားသင့်ဘူးလား။

ညီတို့က ပြောတယ်။ နိုင်ငံရေးကို စိတ်မ၀င်စားပါဘူး၊ နိုင်ငံကို ကောင်းစေချင်ပါတယ်လို့၊ နိုင်ငံကို ကောင်းစေချင်တယ် ဆိုရင် ကိုယ့်ညီအ နေနဲ့ လုပ်ရမှာက ဘာလဲဆိုတော့ ကိုယ့်ညီ့ရဲ့ ပညာအရည်အချင်းနဲ့ ဗဟုသုတ အတွေးအခေါ်တွေကို မှန်ကန်စွာ အသုံးချပါ။ နိုင်ငံကို ကောင်းစေချင်လို့ မွေးကထဲက သားသားကြီးလာရင် ဘာလုပ်မလဲ ဆိုတာကို စစ်သားကြီး လုပ်မယ်၊ စစ်ဗိုလ်ကြီးလုပ်မယ် ဆိုတာကနေ တစ်ပြားမှ မလျှော့ခဲ့တဲ့ လူတွေ တော်တော်များများက စစ်တပ်ထဲမ၀င်ခဲ့ဘူး... ၀င်ခဲ့တဲ့သူတွေကိုလဲ နိုင်ငံကို မကောင်းစေချင်လို့ ၀င်ခဲ့တာ လို့ မဆိုလိုပါဘူး..။ ဒါပေမယ့် ဖောဖောတွေနဲ့ စစ်ဗိုလ်လုပ်နေရမှာ၊ အထက်အရာရှိရဲ့ ဖိနပ်ကို တိုက်ပေးပြီး စစ်ဗိုလ် လုပ်နေရမှာ၊ ပြည်သူ တွေကို ရက်စက် နှိပ်ကွပ်နေတဲ့ စစ်ဗိုလ်ချုပ်တွေရဲ့ မတရားအမိန့်ကို နာခံရမှာ..အပြောတစ်မျိုး အလုပ်တစ်မျိုး၊ ရှေ့စကား နောက်စကား မညီတဲ့ လက်တစ်ဆုပ်စာ လူတွေရဲ့ အမိန့်ကို နာခံရမှာ၊ ဆိုခဲ့တဲ့ သစ္စာအဓိဌာန်တွေရဲ့ ဆန့်ကျင်ဖက်တွေကို လုပ်နေတာထက် စာရင် တော့ ဘယ်သူ့ အမိန့်မှ မနာခံပဲ အေးဆေးလေး တိုင်းပြည်ကောင်းစားစေချင်တဲ့ ဆန္ဒအမှန်ကို ရိုးရိုးပြည်သူတစ်ယောက် အနေနဲ့ပဲ ဥပမာအနေနဲ့ ပရဟိတ အလုပ်တွေပဲ လုပ်နေတာက ပိုကောင်းမှာပါ..။

တကယ်ဆိုရင် ကိုယ့်ညီ သိတဲ့အတိုင်းပဲ နယ်နမိတ်သတ်မှတ်ထားတဲ့ နိုင်ငံ သို့မဟုတ် တိုင်းပြည်ဆိုတာ အဲဒီနိုင်ငံသားတွေ တနည်းအား ဖြင့် ပြည်သူတွေပါပဲ...။ ဒီတော့ နိုင်ငံကို ကောင်းစေချင်တာ ပြည်သူကို ကောင်းစေချင်တာ မဟုတ်ဖူးလား...။ ကိုယ့်ညီတို့ စစ်တပ်ဟာ အမိန့် နာခံမှု တစ်ခုအရ ပြည်သူတွေကို ပြန်သတ်နေ၊ မတရားဖမ်းဆီး ထောင်ချနေတာတွေဟာ နိုင်ငံကို ကာကွယ်နေတယ်လို့ ကိုယ့်ညီ ယူဆသလား...။ မယူဆဘူးဆိုရင် ဗိုလ်ချုပ်တွေရဲ့ အမိန့်ကို ပြန်ဆန်းစစ်ဖို့ လိုလာပါပြီ..။ သူတို့လဲ သစ္စာဆိုလာတဲ့ လူတွေပါ..။

ဒါပေမယ့် သူတို့က နိုင်ငံကို သေနတ်နဲ့ ပြန်ပစ်ခိုင်းနေတာပါ..။ ဒီတော့ သူတို့ဟာ သစ္စာဖောက်တွေပါ..။ ကိုယ့်ညီတို့ အနေနဲ့ ဆိုခဲ့တဲ့ သစ္စာ အဓိဌာန်လေးချက်ကို အကောင်အထည် ဖော်မယ်ဆိုရင် သူတို့ရဲ့ အမိန့်တွေကို ဖီဆန်ဖို့ လိုအပ်ပါတယ်..။ စစ်တပ်မှာ အမိန့် ဖီဆန် တာဟာ သေဒဏ်ဆိုတာ နားမလည်လို့ ဒီလိုပြောတာ မဟုတ်ပါဘူး။ သို့ပေမယ့် ကိုယ့်ညီတို့က နိုင်ငံအတွက် အသက်ပေးပါမယ်လို့ ဆိုခဲ့ တဲ့ သစ္စာထဲမှာ ပါတာပဲမဟုတ်လား...။ ဒီတော့ ကိုယ့်ညီတို့အနေနဲ့ သေသေချာချာ ဆင်ခြင်သုံးသပ်ပြီး ဘာကိုဘယ်လို စီစဉ်ပြီး အချိန်အ တိုင်း အတာတစ်ခုမှာ အကောင်အထည်ကို ဘယ်လိုဖော်ပြီး နိုင်ငံချစ် စစ်သားကောင်း၊ ပြည်သူ့ စစ်သားသမိုင်းဝင် သူရဲကောင်းတွေ ဖြစ် အောင် လုပ်နိုင်ဖို့အတွက် အခွင့်အရေး ရှိနေပါပြီ။ အသက်တစ်ချောင်းဟာ အချိန်တန်ရင် သေမှာပါပဲ...၊ သမိုင်းဝင် သေရမှာနဲ့ ရိုးရိုး သေရမှာနဲ့ ကိုယ့်ညီတို့ ပညာတတ် စစ်ဗိုလ်တွေ သေသေချာချာ စဉ်းစားကြဖို့ အကြံပေးလိုက်ပါတယ်။

နိုင်ငံသူရဲကောင်း၊ ပြည်ချစ်စစ်သား၊ စစ်ဗိုလ်ကောင်းတွေ ဖြစ်လာကြပါစေ။

ကိုတေ

ခွပ်ဒေါင်းတို့ရဲ့နန်းတော်မှတင်ပြသည်။