ဆန္ဒခံယူပွဲရလဒ်ကို လက်မခံဟု အဖွဲ့ချုပ် တရားဝင်ပြော

၁၈ နှစ်မြောက် ရွေးကောက်ပွဲ နှစ်ပတ်လည်နေ့ကို ရန်ကုန်မြို့ ဗဟန်းမြို့နယ် ရွှေဂုံတိုင်လမ်းရှိ
အမျိုးသား ဒီမိုကရေစီ အဖွဲ့ချုပ်ရုံးတွင် မေ ၂၇ ရက်၊ ၂၀၀၈ ခုနှစ် အင်္ဂါနေ့က ကျင်းပစဉ်။
ရွေးကောက်ပွဲတွင် မဲအပြတ်အသတ် အနိုင်ရခဲ့သော်လည်း အာဏာ လွှဲပြောင်းပေးရန်
စစ်အစိုးရက ငြင်းဆန်ခဲ့သည်။ ဓာတ်ပုံ - Citizen Journalist

နေသွင်
အင်္ဂါနေ့၊ မေလ 27 2008 18:53 - မြန်မာစံတော်ချိန်

ချင်းမိုင်။ ။ ၁၉၉ဝ ရွေးကောက်ပွဲရလဒ် လွှတ်တော်ခေါ်ယူရေးကို တောင်းဆိုသော အမျိုးသား ဒီမိုကရေစီ အဖွဲ့ချုပ်၏ ယနေ့ ကြေညာချက်တွင် မကြာသေးခင်က ပြီးစီးသွားသော ဆန္ဒခံယူပွဲ ရလဒ်ကို လက်မခံနိုင်ဟု တရားဝင် ထုတ်ဖော် ပြောဆိုလိုက်သည်။

အဖွဲ့ချုပ်၏ ယနေ့ ထုတ်ပြန်ချက်သည် ဖွဲ့စည်းပုံကို တနိုင်ငံလုံးရှိ မဲဆန္ဒရှင်များ၏ ၉၂ ရာခိုင်နှုန်းက ထောက်ခံသည် ဟူသော သတင်း ထုတ်ပြန်ချက်နှင့် ရက်ဆက် ထွက်ပေါ်လာခြင်း ဖြစ်ပြီး ပထမဆုံးအကြိမ် တရားဝင် တုံ့ပြန်ချက် ဖြစ်သည်။

အဖွဲ့ချုပ်ရုံးတွင် ယနေ့ ကျင်းပသော ရွေးကောက်ပွဲ (၁၈) နှစ်ပြည့် နှစ်ပတ်လည် အခမ်းအနား အပြီးတွင် ထွက်ပေါ်လာသော အဖွဲ့ချုပ်၏ ကြေညာချက်တွင် စစ်အစိုးရက ပြုလုပ်သော ဆန္ဒခံယူပွဲသည် နိုင်ငံတကာ စံချိန်မမှီရုံမျှမက မြန်မာဆိုရှယ်လစ် လမ်းစဉ်ပါတီခေတ်က စံချိန်ကို မမှီဟု ဝေဖန်ထားသည်။

“အာဏာပိုင်တို့က ဖွဲ့စည်းပုံကို ၁၄ နှစ်ကြာ အချိန်ဆွဲယူခဲ့ပြီး၊ ဖွဲ့စည်းပုံ မူကြမ်းအား ဆုံးဖြတ်ပေးရမည့် ပြည်သူလူထု၏ သဘောထားကို တလအတွင်း တောင်းခံခဲ့ခြင်းသည် နိုင်ငံတကာ စံနှုန်းများကို ညီညွတ်ရန် မဆိုထားနှင့် တပါတီစနစ် ကျင့်သုံးသည် မြန်မာ့ဆိုရှယ်လစ် ပါတီ၏ ၁၉၇၃ ခုနှစ် ဆန္ဒခံယူပွဲ အဆင့်ကိုပင် မမှီပါ” ဟု ဆိုထားသည်။

ကြေညာချက်တွင် စာမျက်နှာ (၄) မျက်နှာ ပါဝင်ပြီး လွှတ်တော်ခေါ်ပေးရေး၊ ခေါင်းဆောင်များ ပြန်လွှတ်ပေးရေး၊ အဖွဲ့ချုပ်ရုံးများ ပြန်ဖွင့်ပေးရေး၊ ဖျက်သိမ်းခံ တိုင်းရင်းသား ပါတီများကို ပြန်လည် တရားဝင်ခွင့်ပေးရေး၊ လွတ်လွတ်လပ်လပ် နိုင်ငံရေး လှုပ်ရှားခွင့်ပေးရန် အချက်များကိုလည်း ထုံးစံအတိုင်း ထည့်သွင်း တောင်းဆိုထားသည်။

ဆန္ဒခံယူပွဲနှင့် ပတ်သက်သော အဖွဲ့ချုပ်၏ ရပ်တည်ချက်တွင် “အမျိုးသား ဒီမိုကရေစီ အဖွဲ့ချုပ်သည် ပြည်သူလူထု၏ လွတ်လပ်သော ဆန္ဒကို အခြေခံသည့် အဆုံးအဖြတ်ကို လက်ခံမည် ဖြစ်သော်လည်း အာဏာပိုင်များ၏ အတုအယောင် ဆန္ဒခံယူပွဲကို လက်ခံနိုင်မည် မဟုတ်ပေ” ဟု ပါရှိသည်။

နာဂစ်မုန်တိုင်းကြောင့် ပြည်သူများ အသက်အိုးအိမ် စည်းစိမ်များ ပျက်စီးနေချိန်တွင် စစ်အစိုးရသည် “ကိုယ်ကျိုးအာဏာ နိုင်ငံရေးအတွက် တဇွတ်ထိုး ကျင်းပခဲ့သည်” ဟုလည်း အဖွဲ့ချုပ်က ပြင်းပြင်းထန်ထန် ဝေဖန်ထားသည်။

လူထုကိုယ်စားလှယ်များ ပါဝင် ရေးဆွဲခြင်း မရှိသော ဖွဲ့စည်းပုံ မူကြမ်းတွင် ပြည်သူတို့၏ သဘော အကြံဥာဏ်များကို တောင်းခံခဲ့ခြင်း မရှိသလို ဆန္ဒခံယူပွဲ ကျင်းပသည့် အချိန်တွင်လည်း စစ်အစိုးရ ကိုယ်တိုင် ချမှတ်ထားသော ဆန္ဒခံယူပွဲ ဥပဒေ နည်းဥပဒေများကို ချိုးဖောက်ကာ ထောက်ခံမဲရအောင် နည်းမျိုးစုံ ကြိုးပမ်းခဲ့သဖြင့် ပြည်သူ့ဆန္ဒ အစစ်အမှန်ကို ထင်ဟပ်မှုမရှိ ဟုလည်း အဖွဲ့ချုပ်က ဆိုသည်။

Mazzima မှတင်ပြသည်။