အတာသင်္ကြန်(သို့မဟုတ်) မြန်မာလူထု၏ကံဆောင်ပွဲ

12-04-2008

သင်္ကြန်ဆိုတဲ့ ဝေါဟာရဟာ “ သင်္ကန္တ” ဆိုတဲ့ ပါဠိစကားမှ ဆင်းသက်လာတာ အဓိပ္ပါယ်ကတော့ အကူးအပြောင်းပေါ့။ နှစ်တစ်နှစ်က နောက်ထပ်နှစ်တစ်နှစ်ကို ကူးပြောင်းသွားမည့်အချိန်ကာလမှာ နှစ်ဟောင်းက ဆိုးမွေတွေကို ဆေးကြောပြီး နှစ်သစ်ကို ကျက်သရေရှိရှိ မင်္ဂလာရှိရှိ အဓိပ္ပါယ်ရှိရှိ ဆက်လက်ခရီးနှင်မယ်ဆိုတဲ့ ရည်ရွယ်ချက်မဟာသင်္ကြန်ပွဲတော်ကိုကျင်းပခဲ့ကြတာဖြစ်တယ်။

ယခုဧပြီလ (၁၃)ရက်နေ့ဆိုလျှင် သင်္ကြန်အကျနေ့ရောက်တော့မယ်။ ကျနော်တို့ ဒီနှစ်(၂၀၀၈) သင်္ကြန်ကိုဘယ်လိုရည်ရွယ်ချက်တွေနဲ့ ဆင်နွှဲကြမလဲ၊ ဘယ်လိုဆိုးမွေတွေကို ဆေးကြောကြမလဲ။ ဘယ်လိုမကောင်းမှုတွေကို ရှောင်ကြဉ်ပြီး ဘယ်လိုမင်္ဂလာတွေကို လက်ခံကြမလဲဆိုတာ အရေးကြီးသည်။

ကျနော်တို့မြန်မာ့ရိုးရာ သင်္ကြန်ပွဲတွေကို ဆင်နွှဲတဲ့နေရာမှာ “ ရေသဘင်ပွဲ” တစ်ခုတည်းဆင်နွှဲကြတာမဟုတ်ပါဘူး။ ကုသိုလ်ကောင်းမှုတွေအများကြီးပြုပြီး နှစ်သစ်ကိုကူးပြောင်းကြတာပါ။ ဥပမာပြောရမယ်ဆိုရင် “ဇီဝိတဒါန” လို့ပြောတဲ့ “ငါးလွှတ်ပွဲ” ဘေးမဲ့လွှတ်ပွဲတွေ သက်ကြီးပူဇော်ပွဲတွေ၊ စတုဒီသာ အလှူတွေ စတဲ့ ကုသိုလ်ပွဲတွေဆင်နွှဲပြီး နှစ်သစ်ကို မင်္ဂလာရှိရှိကြိုကြပါတယ်။

ဘုရားသွားကျောင်းတက်၊ ဥပုဒ်ရက်ရှည်သီလစောင့်ပြီး မိမိရဲ့ ကိုယ်ကျင့်တရားကိုတည်ဆောက် ၊နောင်အပြစ်မပြုဖြစ်အောင် အဓိဌာန်ချမှတ်ကျင့်ကြံကြတဲ့ သူတွေလည်းရှိပါတယ်။ ဒီလိုကောင်းမှုတွေစိုက်ပျိုးရုံတင်မက၊ မကောင်းမှုတွေကိုပေါင်းသင်တဲ့ ပွဲတွေလည်းရှိပါတယ်။ အဓိကအားဖြင့် ရပ်ကွက်ကျေးရွာတွေရဲ့ လမ်းတွေတိုင်းမှာ နောက်ထပ်မကောင်းဆိုးဝါးတွေမနှောင့်ယှက်နိုင်အောင် သံဃာတွေပင့်ပြီး ပရိတ်တရားနာကြ၊ ပရိတ်ရေ၊ ဆီမန်း၊ ရေမန်း စတဲ့ပရိတ်အာနိသင်သက်ရောက်တဲ့ ပစ္စည်းတွေနဲ့ ကိုယ့်ခြံ၊ ကိုယ့်ဝိုင်းလေးမှာကြဲဖြန့်ပက်ဖျန်းပြီးမကောင်းဆိုးဝါး မိစ္ဆာတွေကို တောခြောက် ထုတ်ကြတယ်။

“တောခြောက်တယ်” ဆိုတာကတော့ သံပုံးတို့၊ သံတိုင်ကီတို့ကို ဆူညံအောင်တီးခတ်ခြောက်လှန့်တာပါ။ အဲဒီလိုခြောက်လှန့်ထုတ်လိုက်လျင် မိစ္ဆာတွေရွာက ထွက်ပြေးရတယ်လို့ယုံကြည်ကြပါတယ်။ ဒါတွေဟာ သင်္ကြန်မှာပြုလုပ်လေ့ရှိတဲ့ မြန်မာမှုဓလေ့ ထုံးတမ်းတွေပါ။

ဒီနှစ်မဟာသင်္ကြန်မှာကော ဓလေ့ထုံးတမ်းတွေအရ ကျုပ်တို့ဆင်နွှဲရမှာပဲ။ အရေးကြီးတာက နှစ်သစ်ကိုဘယ်လိုယုံကြည်မှုတွေ ဘယ်လိုခံစားချက်တွေ ဘယ်လိုမျှော်လင့်ချက်တွေနဲ့ အဓိပ္ပါယ်ရှိရှိ ကူးပြောင်းကြမလဲ။ သံဃာထု လူထုရဲ့သွေးနံ့တွေ၊ မိစ္ဆာတွေရဲ့ ယမ်းနံ့တွေဟာ ခုထိလမ်းမတွေပေါ်မှာ လတ်ဆတ်နေတုန်းပဲ၊ ကျုပ်တို့ ပြည်သူတွေရဲ့ ရင်ထဲမှာ ဒါဏ်ရာတွေက နာကျင်နေဆဲပဲ။ ကျောင်းတိုက်တွေမှာ စစ်ဖိနပ်ခြေရာတွေ ကျန်နေဆဲပဲ။ ဘုရားတန်းစောင်းတွေမှာ မိစ္ဆာတွေ စီးနင်းသိမ်းပိုက်ပြီး မဖွယ်မရာပြုမှုတွေရဲ့ အရိပ်တွေဟာ ကျန်နေဆဲပဲ။

အဲဒီအနာတရတွေကို ကျုပ်တို့က ဘယ်လိုမေ့ပစ်နိုင်ပါ့မလဲ။ မဖြစ်နိုင်တဲ့ ကိစ္စတစ်ခုပါ…။ ဒါဆို ကျုပ်တို့မြန်မာတွေရဲ့ မဟာသင်္ကြန်ဆိုတဲ့ ယဉ်ကျေးမှုပွဲတော်ကို ခြောက်ခြောက်ကပ်ကပ်နဲ့ပြီးစေလိုက်ရတော့မှာလား။ ဒါဟာလည်း မဖြစ်သင့်တဲ့ ကိစ္စတစ်ခုပါဘဲ။

ဒီတော့ … ကျုပ်တို့်ရင်ထဲမှာ အဓိပ္ပါယ်ပြည့်ဝတဲ့ ခံယူချက်၊ ယုံကြည်ချက်တွေကို ဖြည့်သိပ်ပြီး မြန်မာတို့ရဲ့မဟာသင်္ကြန်ပွဲတော်ကို ရိုးရာဓလေ့မပျက် ဆက်လက်ကျင်းပဆင်နွှဲကြရမှာဘဲ။ ကျုပ်တို့ရဲ့ခံစားချက်တွေကို ပုံသဏ္ဍာန်တစ်မျိုးနဲ့ တစ်နိုင်ငံလုံးဖော်ထုတ်ကြမယ်။ ဒါဟာလူထုရဲ့ ကံဆောင်ပွဲတစ်ခုဖြစ်တယ်။

အားလုံးရဲ့ ရင်ထဲမှာ မြန်မာတစ်နိုင်ငံလုံး ကျက်သရေမင်္ဂလာရှိစေဖို့အတွက် ညစ်ပေဆိုးယုတ်လှတဲ့ မင်းဆိုးမိစ္ဆာတွေ သူတို့ရဲ့နောက်လိုက် အမင်္ဂလံ၊ လူ့ဗာလနံတွေ မြန်မာ့မြေပေါ်က ပပြောက်ရေးဆိုတဲ့ ရည်ရွယ်ချက်နဲ့ “အတာရေဆေးပွဲ” ကိုဆင်နွှဲကြပါစို့။

မိမိတို့ကြည်ညိုကိုးကွယ်တဲ့ ဘုန်းတော်ကြီးတွေ၊ သံဃာတော်တွေ မရှိသလောက်ဖြစ်နေပေမယ့် ဘုန်းကြီးကျောင်းတွေကို ရောက်အောင်သွားပြီး တိမ်းရှောင်နေရတဲ့၊ အကျဉ်းကျခံနေရတဲ့ သံဃာတော်တွေ၊ နိုင်ငံရေးတက်ကြွလှုပ်ရှားသူတွေ အန္တရာယ်အပေါင်းမှ လွတ်မြောက်စွမ်းဆောင်နိုင်စေဖို့ အဓိဌာန်ပြု ဥပုဒ်သီတင်းဆောက်တည်၍ ဆုတောင်းပေးကြပါ။

ဒေါ်အောင်ဆန်းစုကြည်နဲ့ နိုင်ငံရေးအကျဉ်းသားများအားလုံး လွတ်မြောက်စေရန် ရည်ရွယ်၍ ဘေးမဲ့လွှတ်ခြင်း၊ ဇီဝိတဒါန ငါးလွှတ်ခြင်းများကိုပြုကြပါ။

မြန်မာတစ်နိုင်ငံလုံး ငတ်မွတ်ခေါင်းပါးမှုဘေးမှ ကင်းလွတ်စေရေးအတွက် အဓိကပဓါနဖြစ်တဲ့ စစ်မှန်တဲ့ ဒီမိုကရေစီစနစ်ပေါ်ထွန်းရေးကို ရည်ရွယ်၍ စတုဒီသာ အလှူပွဲများကို ကျင်းပကြပါ။

နှစ်သစ်ကိုမင်္ဂလာရှိစေဖို့၊ မညစ်နွမ်းစေဖို့အတွက် ကျက်သရေယုတ်လှသော သန်းရွှေ၊ မောင်အေး စတဲ့ နအဖမိစ္ဆာထိပ်သီးများနဲ့ မိစ္ဆာမြီးဆွဲ ငနဲကြီး ငနဲငယ်တွေ ကျဆုံးရေးကို ရည်ရွယ်ပြီး ပရိတ်တရားတော်နာ၊ တက်တက်ကြွကြွ သံပုံးတီးပြီး တောခြောက်ထုတ်ကြပါ။

ကျုပ်တို့ပြည်သူတွေရဲ့ ယုံကြည်မှုနဲ့စေတနာတွေဟာ အသေအချာကို မိစ္ဆာတွေကြမ္မာကိုငင်စေပါလိမ့်မယ်။ တပြည်လုံးရဲ့ဆန္ဒတွေ မဟာသင်္ကြန်အခါသမယမှာ အတူတကွ ဆုံလိုက်ကြရင် ဒင်းတို့ဘာခံနိုင်လိမ့်မလဲ။

ယုံကြည်မှုစေတနာ ထက်ထက်သန်သန်နဲ့ ညီညီညွှတ်ညွတ် လုပ်ဆောင်ကြပါ။ ဗုဒ္ဓဘုရားရှင်အဟောတောင်ရှိပါသေးတယ်….။

“ စေတနာ၊ ကမ္မံ၊ ဘိက္ခဝေ၊ အဟံဝဒါမိ” တဲ့ ….. ။

အဓိပ္ပါယ်က “ (ဘိက္ခဝေ) ရဟန်းတို့ စေတနာသည် (ကမ္မံ) ကံကိုဖြစ်စေသည်ဟု (အဟံ) ငါသည် (၀ဒါမိ) မှတ်ယူပါ၏။ ”

ကဲ… မြန်မာပြည်သားပြည်သူအပေါင်းတို့ ကျုပ်တို့ရဲ့ စေတနာတွေနဲ့ ဒင်းတို့ကို ကံပြုကြပါကုန်စို့။

မင်းသွေးခိုင်